Zeremi 31:11 - A SƐB-SÕW

¹¹ Bʋ̃ʋ n'ʋ vɛ̃, a Sore faa nɩ a Ɩsɩrayɛl nɩbɛ, ʋ ír bɛ nɩ nɩr na kpɛmɛ zuo bɛ a nuru pʋɔ.

Zeremi 31:11 ပူးပေါင်းရင်းမြစ်များ

Sɛb-sõw yielu 142:6

Ɩ̃ kõ na bʋɔlɩ fʋ, Sore e, ɩ̃ yel'a: Fʋ̃ʋ n'ɩ a ɩ̃ sɔwlʋ zie, a ɩ̃ na-bom a nɩ-vʋʋrɩ tẽw.

Eziptɩ tẽw yib 15:16

Dɛ̃bɩ̃ɛ sɩrɩ na tɛr bɛ, bɛ dɩ vuo ɩ. A fʋ kpãkpãw-kpɛ̃w ton ɩ na bɛ gbini àr gbili, ɛ́ gù a fʋ nɩ-bʋʋrɛ tɩ tɔl baarɩ, Sore e, a fʋ nɩ-bʋʋrɛ fʋ na páw a.

Ɩzayi 44:23

Salom i, lɔbr nʋ̃ɔ̀ cɛlsɩ, bʋ̃ʋ n'ʋ vɛ̃, a Sore ɩrɛ nɩ bom! Tẽsɔw pʋ̃ɔmɩ za a, cáarɛ, nyɩɩm, tan nɩ tuwr tɩɩr i, nyɩ ŋmɩɛr nʋ̃ɔ̀ cɛlsɩ. Bʋ̃ʋ n'ʋ vɛ̃, a Sore ya na de a ʋ nɩ-bʋʋrɛ, ʋ wul'ɩ a ʋ vɩɛlʋ a Ɩsɩrayɛl tẽw pʋɔ.

Ɩzayi 48:20

Nyɩ yi a Babɩlɔn tẽw pʋɔ, nyɩ yi a tẽw ŋa pʋɔ zɔ. Nyɩ ŋmɩɛr nʋ̃ɔ̀ cɛlsɩ yere nɩ a yel ŋa, nyɩ ɩ bɛ wõ ʋ, nyɩ ŋmɛ ʋ yaarɩ tɩ tɔ a tẽw baarʋ zie. Nyɩ yel: «A Sore ya na de a ʋ tõ-tõ-bie Zakɔb!»

Ɩzayi 49:24

Bom gãdaa na zɛb de a, bɛ na tʋ̃ɔ́ na lɛb de ʋ a ʋ zie e? Bɛ na tʋ̃ɔ́ na faa gaso nɩr na-po-tuo sob nuru pʋɔ ɔ?

Ɩzayi 49:25

Ʋ̃ʋ, à ŋá n'a a Sore yere: «Ɩ̃ na lɛb'a de a bom a gãdaa na zɛb de a, ɩ̃ na faa nɩ a gaso nɩr a na-po-tuo sob nuru pʋɔ! Zerizalɛm i, mãa mɩŋa n'ʋ na zɛb'ɩ a bɛlɩ dem na zɛbr'ɩ fʋ a, mãa mɩŋa n'ʋ na faa a fʋ bibiir.

Ɩzayi 51:11

A nɩbɛ a Sore na na ɩ bɛ lɛb so bɛ tʋɔra a na lɛb'a wa. Bɛ na cáarɛ na wa kpɛ n a Sɩyɔ̃ tẽw pʋɔ. Nʋ̃ɔ̀ na bɛ tɛr baarʋ a na caal'ɩ a bɛ niŋe, cɩlʋ nɩ nʋ̃ɔ̀ cɛlsɩ na paalɩ bɛ na, ɛ́ kpɩɛrʋ nɩ kon bɔr.

Zeremi 15:21

Ɩ̃ na ìr fʋ nɩ a nɩ-faar nuru pʋɔ, ɩ̃ na ìr fʋ nɩ a po-to-fãw dem nuru pʋɔ.»

Zeremi 50:33

À ŋá n'a a Sore, a kpɛnʋ-za-sob, yere: «Bɛ ɩrɛ nɩ po-to-fãw ɩb a Ɩsɩrayɛl nɩbɛ zie, ɛ́ lɛ mɩ̀ n'a a Zuda nɩbɛ zie. A bɛlɩ dem na tɩ diw bɛ cen nɩ a, tɛr bɛ na nɩ fãw. Bɛ bɛ sàwr na lɛb bɛr bɛ ɩ.

Zeremi 50:34

A mãa, a bɛ faarɛ, ɩ̃ tɛr'ɩ fãw, mãa n'ɩ a Sore, a kpɛnʋ-za-sob. Ɩ̃ na faa bɛ na nɩ fãw, ɩ a ƴã-ɓaarʋ lɛb be a tẽw zu, ɛ́ a Babɩlɔn tẽw dem màwr.»

A Lãw-mʋɔlɛ 3:58

Sore e, fʋ ƴɛ̀r'a kpɛ m, fʋ faa nɩ a ɩ̃ nyɔ-vʋʋrʋ.

A naaŋmɩn-ƴèr-manɛ Oze sɛbɛ 13:14

Ɩ̃ɩ pãa na faa bɛ a kpɩmɛ tẽw nuru pʋɔ ɔ? Ɩ̃ pãa na piw bɛ tɛr bɛ ta kpi e? Kũu u, a fʋ zɛbr bome ɩ n ŋmɩn? Kpɩmɛ tẽw i, a fʋ fãw na kʋrɛ a ɩ n ŋmɩn? Nɩbaalʋ zɔba kãw za bɛ cãà a ɩ̃ zie ɩ.

Zakari 9:16

A lɛn daar a, a Sore Naaŋmɩn na faa nɩ a ʋ nɩ-bʋʋrɛ, mɛ̃ dʋ̃-cɩ̃ɩnɛ na mɩ́ faa a ʋ dʋn a. Bɛ na nyɩwrɛ nɩ a tẽw pʋɔ, ɩ mɛ̃ nãà-kpawʋɔ kʋsɛ-bi-nyɩlɩ a.

Matie 12:29

Bɩɩ, ŋmɩŋmɩn n'a nɩr na tʋ̃ɔ́ kpɛ nɩr na kpɛmɛ yir, de a ʋ bome, ʋlɛ bɛ wa dãw de niwn 'lẽ a nɩ-kpɛ̃w nɛ bin baarɩ a? Ʋlɛ wa 'lẽ ʋ bin baar'a n'a ʋ na tʋ̃ɔ́ wob a ʋ yir bome za.

Matie 20:28

À ŋá n'a, a Nɩsaal Bie bɛ wa kɛ́ bɛ wa tone kʋ̀rɛ ʋ ɛ, ʋ wa na k'ʋʋ wa tone kʋ̀rɛ a nɩbɛ, ɛ́ de a ʋ nyɔ-vʋʋrʋ tɩr ya de nɩ nɩ-yaga yaga.»

Matie 22:29

A Yeezu tɩ sɔw bɛ na: «Nyɩ be n tulu pʋɔ, nyɩ na bɛ bãw a Sɛb-son nɩ a Naaŋmɩn fãw a ƴãw.

Títɩ̀ 2:14

Ʋ de nɩ ʋ tʋɔra tɩr a tɩɩm ƴãw, k'ʋʋ faa tɩ a faalʋ za pʋɔ, ɛ́ ɩ tɩ lɩɛbɩ nɩ-bʋʋrɛ na vɩɛl ɛ́ ʋl yõ so a, nɩ-bʋʋrɛ na tʋlɛ a ɩ-vɩɛlɩ maalʋ ƴãw a.