Zeremi 31:10 - A SƐB-SÕW

¹⁰ Nɩ-bʋʋr-yoru u, nyɩ bɛrɛ wone a Sore ƴɛ̀rʋ! Nyɩ hieri ʋ a kʋ̃ɔ-kpɛ̃ɛ-sɔgɔ-ten na zãá a pʋɔ. Nyɩ yel: «A Sore tɩ diw nɩ a Ɩsɩrayɛl yaarɩ, ɛcɛ ƴɛrɛŋa a, ʋ lɛb'a ɓanɛ bɛ taa ɛ́ gùre bɛ mɛ̃ dʋ̃-cɩ̃ɩnɛ na gùre ʋ dʋn a.»

Zeremi 31:10 ပူးပေါင်းရင်းမြစ်များ

Yele-za-pɛr-tib 10:5

Bɛl zie n'a a nɩbɛ tĩ bʋ́r yaarɩ kpɩɛr a kʋ̃ɔ-kpɛ̃ɛ-sɔgɔ-ten pʋɔ. Ŋa za tɩ kpɩɛr'ɩ a ʋ tẽw, tu n a ƴɛ̀r-pɛ-bʋʋrɛ ʋ na ƴɛ̀rɛ a, ɛ́ kpɩɛr nɩ-bʋʋrɛ kãw pʋɔ tu n a ʋ dɔwlʋ.

Sɛb-sõw yielu 147:2

A Sore lɛb'a mɩɛr a Zerizalɛm, a Ɩsɩrayɛl nɩbɛ bɛ na diw yaarɩ a, ʋ lɛb'a kaalɛ bɛ ɓanɛ taa.

Sɛb-sõw yielu 23:1

Daviir yielu kãw n'ʋ. A Sore n'ɩ a ɩ̃ cɩ̃ɩnɛ, bom za tuo bɛ kpɩɛr mɛ̃ ɩ.

Sɛb-sõw yielu 72:10

Tarsisɩ tẽw nɩ a kʋ̃ɔ-kpɛ̃ɛ-sɔgɔ-ten na zãá a na-mɩnɛ na wa n nɩ bome wa kʋ̀ ʋ, Saba nɩ Seva ten na-mɩnɛ na ya n a zuru yar kʋ̀ ʋ.

Zʋkpaɩ 27:23

Bãw a fʋ píir been been vla, kaarɛ a fʋ dʋn zie.

Ɩzayi 24:14

A bɛlɩ dem na cɩ̃ɛ a cɩɛr'ɩ yielu, bɛ cáarɛ na yere nɩ a Sore na ɩ kpɛ̃ɛ a. Bɛ lɔbr'ɩ nʋ̃ɔ̀ cɛlsɩ à ŋá yi n a mʋ̃tɔ̃w-kpɛb-lowr ten pʋɔ waar'ɩ:

Ɩzayi 27:12

A ʋlɩ bibir nɛ a, a Sore na va n a ʋ bʋ̃-dieri a Efaratɩ manɩ́ tɩ tɔ a Eziptɩ tẽw fʋɔla. Ɛ́ nyɩɩm, Ɩsɩrayɛl nɩbɛ ɛ, ʋ na yiiri nyɩ nɩ been been mɛ̃ ka-zuru a.

Ɩzayi 40:1

Nyɩ mɔwlɩ, nyɩ mɔwlɩ a ɩ̃ nɩ-bʋʋrɛ, a nyɩ Naaŋmɩn n'ʋ yere.

Ɩzayi 40:11

Ʋ àrɛ nɩ nɩ a ʋ dʋn mɛ̃ pi-cɩ̃ɩnɛ a, ʋ mɩ́ zɛw nɩ a nũu kpa a ɓã taa, ʋ mɩ́ nyɔw nɩ a péli ɓori ɓori ɛ́ kparɛ a pi-mã mɩnɛ bɛ̀lbɛ̀l.»

Ɩzayi 41:1

A Sore yere na: nyɩɩm tẽ-zãánɩ nɩbɛ ɛ, nyɩ ŋmãa vʋʋrʋ ɛ́ bɛr wõ m. Nyɩɩm nɩ-bʋʋrɛ za a, nyɩ lɛb páw fãw-paala. Nyɩ taw pɩɛlɩ ɛ́ ƴɛ̀r. Nyɩ ɩ tɩ lãw cen a ƴɛ̀rʋ-dɩb ƴãw.

Ɩzayi 42:10

Nyɩ yieli yiel-paala a Sore ƴãw. Nyɩ danɛ ʋ a tẽw baarʋ zie, nyɩɩm na duwre a kʋ̃ɔ-kpɛ̃ɛ zu a, nɩ bom za na paalɩ ʋ a, nɩ nyɩɩm, nɩ-bʋʋrɛ na zãá a.

Ɩzayi 42:4

Ʋ bɛ bàlɛ ɩ, ʋ bɛ tɩ̀ɛrɛ bɛrɛ ɩ, ɛ́ gù ʋ wa tɩ bin a lɛ-na-tu-sɔr-a, a tẽw zu, ɛ́ a nɩ-bʋʋrɛ na zãá a gùre a ʋ wulu.

Ɩzayi 48:20

Nyɩ yi a Babɩlɔn tẽw pʋɔ, nyɩ yi a tẽw ŋa pʋɔ zɔ. Nyɩ ŋmɩɛr nʋ̃ɔ̀ cɛlsɩ yere nɩ a yel ŋa, nyɩ ɩ bɛ wõ ʋ, nyɩ ŋmɛ ʋ yaarɩ tɩ tɔ a tẽw baarʋ zie. Nyɩ yel: «A Sore ya na de a ʋ tõ-tõ-bie Zakɔb!»

Ɩzayi 54:7

Ɩ̃ tɩ zawr fʋ na bɛr blãlɛ tɛwr, ɛcɛ ɩ̃ lɛb'a dier fʋ nɩ su-ɓaarʋ na ɩ kpɛ̃ɛ a.

Ɩzayi 60:9

A tẽ-zãánɩ dem tɩ́ɛrɛ mɛ̃ na. A Tarsisɩ tẽw gbor-bɛrɛ duwre nɩ a nidaa, k'aa lɛb tɛr a fʋ bibiir zi-zãána zãána wa n, lãwnɩ a bɛ salm-pla nɩ a bɛ salm-zɩɛ. Bɛ waar'a kɛ́ bɛ́ wa ír a ɩ̃ yúor-vɩɛlʋ-danʋ, a mãa, fʋ Naaŋmɩn, a Ɩsɩrayɛl Naaŋmɩn na ɩ sõw a, a mãa na ɩ kɛ̀ fʋ nyɛ̃ a ƴãwfʋ ŋa a.»

Ɩzayi 66:19

Ɩ̃ na ƴãw nɩ bãwfʋ a bɛ sɔgɔ. A bɛlɩ dem nãà wa cãà vʋʋrɛ a ɩ̃ ƴɛ̀rʋ-dɩb pùorí a, ɩ̃ na tõ bɛ nɩ a Tarsisɩ, a Putɩ nɩ a Ludɩ nɩbɛ zie, nɩbɛ na ɩ tã-tɛbrbɛ a. Ɩ̃ na tõ bɛ nɩ a Tubal, a Yavan nɩ a kʋ̃ɔ-kpɛ̃ɛ-sɔgɔ-tẽ-zãánɩ nɩbɛ zie, a be nɩr na bɛ dãw wõ bɛ por a ɩ̃ yúor a, a be nɩr na bɛ dãw nyɛ̃ a ɩ̃ yúor-vɩɛlʋ-danʋ a. Ɛ́ bɛ na tɩ ɩ na a nɩbɛ bɛ ŋa bãw a ɩ̃ yúor-vɩɛlʋ-danʋ.

Zeremi 23:4

Ɩ̃ na ƴãw nɩ dʋ̃-cɩ̃ɩn-sɩza mɩnɛ bɛ cɩ̃ɩnɛ a. Ɛ́ a bɛl zũú a, a kʋ̃ cãà bãw dɛ̃bɩ̃ɛ nɩ pʋl-vʋ̃ɔ ɩ. Been za bɛ lɛb cɩ́ɛr ɛ, a Sore n'ʋ yere.»

Zeremi 25:22

- a Tɩ́ɩ̀r, Sɩdɔ̃ nɩ a tẽw na be a kʋ̃ɔ-kpɛ̃ɛ gãwn a na-mɩnɛ za,

Zeremi 3:15

Ɩ̃ na kʋ̀ nyɩ nɩ cɩ̃ɩnbɛ na pɛlɩ a ɩ̃ pʋɔ a. Bɛ na kaarɛ nyɩ na nɩ yã nɩ yã-bãwfʋ.

Zeremi 50:17

A Ɩsɩrayɛl tɩ ɩ na mɛ̃ pɛrʋ na bɔr kɛ̀ gben diwr a. A dãw-niwn sob na tĩ 'wɔb ʋ a n'ɩ a Asiiri tẽw nãà. Al pùorí, a Babɩlɔn tẽw nãà, Nabikodonozɔɔr, wa kar ʋ a kɔbɛ.

Zeremi 50:19

Ɩ̃ na tɛr'ɩ a Ɩsɩrayɛl lɛb wa n a ʋ zi-sóra pʋɔ, ʋʋ na páw nɩ a bʋ̃-dɩrɩ a Karmɛl tãw zu nɩ a Basan tã-sɛr zu. Ʋ kʋ̃ mɩ́ bɔ bom gú a Efarayim tãw zu nɩ a Galaadɩ tẽw pʋɔ ɩ.

Ezekɩɛl 11:16

A na ɩ à ŋá a, yel kʋ̀ a bɛl nɩ a fʋ̃ʋ bɛ na lãw diw cen nɩ a: À ŋá n'a a Sore ƴɛ̀rɛ: “Ɩ̃ ɩ na nyɩ cen tẽ-zãánɩ pʋɔ, nɩ-sãanbɛ pʋɔ, ɛcɛ a be mɔ̃ mɩ̀ a, ɩ̃ be n a nyɩ sɔgɔ mɛ̃ zi-sõw pʋɔ a.”

Ezekɩɛl 20:34

Ɩ̃ na ɩ na nyɩ yi a nɩ-bʋʋrɛ nɩ a ten sɔgɔ, a be nyɩ na tɩ yaarɩ be a. À à ŋá ƴãw a, ɩ̃ na wul nyɩ nɩ a ɩ̃ fãw za nɩ a ɩ̃ gãdaalʋ za, ɩ̃ɩ na nyɛ̃ nɩ nyɩ nɩ suur faa faa.

Ezekɩɛl 34:12

Pi-cɩ̃ɩnɛ wa be píir na yaarɩ a ziir za a sɔgɔ a, ʋ mɩ́ kaarɛ nɩ a ʋ píir zie. Lɛ mɩ̀ n'a ɩ̃ na kaa a ɩ̃ dʋn zie. Ɩ̃ na cen na tɩ faa a ɩ̃ píir a be za a na cen, a ulu nɩ a lige bibir a.

Ezekɩɛl 37:24

A ɩ̃ tõ-tõ-bie Daviir'ʋ na ɩ a nyɩ nãà. Ʋ na ɩ n a pi-cɩ̃ɩn-been a nyɩ za ƴãw. Nyɩ na sàwr'ɩ a ɩ̃ nɛ́ɛ, ɛ́ tɛr a tub ɩ̃ na ƴãw kʋ̀ nyɩ a tuur.

Ezekɩɛl 5:10

A tẽ-kpɛ̃ɛ pʋɔ a, a dɔwrbɛ na 'wɔbr'ɩ a bɛ bibiir, ɛ́ a bibiir 'wɔbr a bɛ dɔwrbɛ. Ɩ̃ na dɔwrɩ nyɩ na ɛ́ diw a bɛl na na cãà vʋʋrɛ a yaarɩ a ziir za.

Ezekɩɛl 5:2

Bɛlɛ wa zɛb de a Zerizalɛm baar'a, fʋ na nyɩw nɩ vũu pʋɔ a fʋ kɔblʋ na põ ziir ata a, a zi-been sob a tẽ-kpɛ̃ɛ sɔwlɩsɔw. Fʋ na de nɩ a fʋ zɛbr-sɔ-kpɛ̃ɛ ŋmɩɛr'ɩ a ziir ayi sob viire kole nɩ a tẽ-kpɛ̃ɛ. Fʋ na yɛ́lɩ nɩ a ziir ata sob bɛr sɛsɛb pʋɔ, ɛ́ mãa a, ɩ̃ na vʋ̃ɔ nɩ a ɩ̃ zɛbr-sɔ-kpɛ̃ɛ a ʋ ƴãw.

Levitɩ mɩnɛ 26:33

Ɩ̃ na vʋ̃ɔ nɩ a zɛbr-sɔ-kpɛ̃ɛ a nyɩ ƴãw, ɛ́ diw nyɩ yaarɩ a nɩ-bʋʋr-yoru pʋɔ. A nyɩ tẽw na lɩɛb'ɩ wɛja-kpalɛ, ɛ́ a nyɩ tẽ-bɛrɛ lɩɛbɩ debo-bɛrɛ.

Mise 2:12

A Sore yere na: «Zakɔb bʋʋrɛ ɛ, ɩ̃ na ɓã nyɩ nɩ taa nyɩ za. Ɩsɩrayɛl nɩbɛ na cɛ a, ɩ̃ na ɓã nyɩ nɩ taa. Ɩ̃ na ɓã nyɩ nɩ taa mɛ̃ píir na be zaw pʋɔ a, mɛ̃ dʋn na duo nadʋʋrá a, nyɩ na yãwmɛ na damnɛ kʋrkʋrkʋr.

Mise 4:6

A Sore yere na: «A ʋlɩ bibir nɛ a, ɩ̃ na bʋɔl'ɩ a bɛl na cere cɛwrɛ a ɓã taa, a bɛl bɛ na diw cen nɩ gbãgbaalʋ pʋɔ tẽ-yoru a, ɩ̃ na ɓã bɛ nɩ taa, bɛl ɩ̃ na ɩ a kpɛ yaga za a.

Mise 5:4

Ʋlɛ n'ʋ na wa n a ƴã-ɓaarʋ. A Asiiri tẽw dem wa kpɛ paalɩ a tɩ tẽw ɛ́ kpɩɛr a tɩ yir-vɩɛlɩ vɩɛlɩ pʋɔ a, tɩ na ƴãw na na-mɩnɛ yaga yaga yi a bɛ ƴãw.

Sofoni 2:11

A Sore kʋ̃ tɛr dɩ̃ɛnʋ a bɛ zie ɩ, ʋ na sãw nɩ a nɩsaalbɛ ŋmɩmɛ za bɛr. Lɛ n'a a ten al na zãá zuo a za a na ƴãwnɛ ʋ, ŋa za a ʋ tẽsɔw zu.

Sofoni 3:19

A lɛn daar a, ɩ̃ na dɔwr'ɩ a bɛlɩ dem za na dɔwrɩ nyɩ a. A lɛn daar a, ɩ̃ na sanɩ nɩ a nyɩ nɩbɛ bɛ na ƴãw bàalʋ a, a bɛl bɛ na diw a bɛ tẽw pʋɔ cen nɩ a, ɩ̃ na lɛb'a tɛr bɛ wa n, ɩ̃ na ɩ na nyɩ nyɛ̃ ƴãwfʋ, ɛ́ a nyɩ yúor yi a ten al za pʋɔ nyɩ na tɩ nyɛ̃ a vĩ a.

Zakari 10:8

Ɩ̃ na bʋɔl'ɩ a ɩ̃ nɩ-bʋʋrɛ lɛb ɓã bɛ taa, bʋ̃ʋ n'ʋ vɛ̃, ɩ̃ faa bɛ na. Bɛ na yãwmɛ na mɛ̃ a dãwdãw a.

Zakari 2:6

Ɩ̃ tɩ sowr'ʋ na: «Nyɩnɛ na fʋ cere?» Ʋ sɔw mɛ̃: «Zerizalɛm'a, k'ɩ̃ɩ tɩ manɩ a ʋ wogo nɩ a ʋ yɛ̀lʋ.»

Zakari 9:16

A lɛn daar a, a Sore Naaŋmɩn na faa nɩ a ʋ nɩ-bʋʋrɛ, mɛ̃ dʋ̃-cɩ̃ɩnɛ na mɩ́ faa a ʋ dʋn a. Bɛ na nyɩwrɛ nɩ a tẽw pʋɔ, ɩ mɛ̃ nãà-kpawʋɔ kʋsɛ-bi-nyɩlɩ a.

Luka 12:32

«Nyɩ ta zɔrɛ dɛ̃bɩ̃ɛ ɩ, nyɩɩm na ɩ mɛ̃ zaw-pʋrɩ dʋn a. A pɛlɩ nɩ a nyɩ Sãà pʋɔ ʋ kʋ̀ nyɩ a tẽ-vla Naalʋ.

Zã 10:27

A ɩ̃ píir bɛrɛ na wone a ɩ̃ ƴɛ̀rʋ, ɩ̃ bãw a na ɛ́ a tuur mɛ̃.

Zã 11:52

Ɛcɛ a bɛl tɛwr ƴãw kʋ̃ n'a ɩ, a mɩ̀ na ɩ n a Naaŋmɩn bibiir na yaarɩ a ziir za a ƴãw, k'ʋʋ lɛb ɓã bɛ taa bɛ ɩ been.

Wulu-ayi-sob 30:4

Bɛlɛ saa na tɛr nyɩ cen nɩ a tẽw baarʋ ziir a, a Sore nyɩ Naaŋmɩn na cen na tɩ tɛr nyɩ a be.

Wulu-ayi-sob 32:26

Ɩ̃ tɩ yel'a k'ɩ̃ɩ na kʋ bɛ na pàw pɛr, ɛ́ ɩ nɩr za ta cãà tɛr bɛ tɩɛrʋ a tẽw zu ɛ.