Zeremi 31:1 - A SƐB-SÕW

¹ A Sore yere na: «A daar ʋl ɩ̃ na na ɩ a Ɩsɩrayɛl yie za Naaŋmɩn, ɛ́ a ɩ a ɩ̃ nɩ-bʋʋrɛ a na ta na.»

Zeremi 31:1 ပူးပေါင်းရင်းမြစ်များ

2 Samɩɛl 7:24

Fʋ ɩ na bɛ lɩɛbɩ a fʋ nɩ-bʋʋrɛ kʋralɛ, ɛ́ fʋ̃ʋ, Sore e, fʋ lɩɛb'ɩ a bɛ Naaŋmɩn.

Sɛb-sõw yielu 144:15

Zu-nʋ̃ɔ̀ dem'ɩ a nɩ-bʋʋrɛ bɛl na tɛr à à ŋá za a, zu-nʋ̃ɔ̀ dem'ɩ a nɩ-bʋʋrɛ a Sore na ɩ a bɛ Naaŋmɩn a!

Sɛb-sõw yielu 48:14

nyɩ maal bɛl a dacin na viiri koli ʋ a, nyɩ jɩ́r a ʋ ziir al bɛ na cɔbrɩ a zɛbr ƴãw a vla, kɛ́ nyɩ tʋ̃ɔ́ manɩ kʋ̀ a nɩbɛ na bɩ́ɛrɛ dɔwr a,

Ɩzayi 20:6

A ʋlɩ bibir nɛ a, a nɩbɛ na kpɩɛr a Mediterane kʋ̃ɔ-kpɛ̃ɛ nʋɔr a na yere na: «Nyɛ̃ a lɛ a na ŋmɛ̃ a nɩbɛ tɩ na tɩ tɩ́ɛrɛ a ƴãw a! Tɩ tɩ bɔbr'a kɛ́ tɩ zɔ cen a be tɩ páw sõwfʋ, ɛ́ bɛ faa tɩ a Asiiri tẽw nãà nuru pʋɔ. À à ŋá a, ŋmɩŋmɩn n'a tɩ na tʋ̃ɔ́ nyɛ̃ a faafʋ?»

Ɩzayi 41:10

Ta zɔrɛ dɛ̃bɩ̃ɛ ɩ, ɩ̃ be n a fʋ zie. Ta ɩ dɛ̃bɩ̃ɛ sãá a fʋ jɩ́rʋ pʋɔ ɩ. Bʋ̃ʋ n'ʋ vɛ̃, a fʋ Naaŋmɩn a, mãa n'ʋ. Ɩ̃ ɩrɛ na fʋ kpɛmɛ, ɩ̃ waar'ɩ a fʋ sõwfʋ, ɩ̃ɩ gùre fʋ na nɩ a ɩ̃ nũu na kpɛmɛ ɛ́ mɩ́ zɛb tʋ̃ɔ́ a.

Zeremi 23:6

A ʋ daar a, a Zuda na nyɛ̃ nɩ a faafʋ, a Ɩsɩrayɛl na vʋʋrɛ nɩ zoom bɛ bãw damnʋ ɛ. Nyɛ̃ a yúor bɛ na na bʋɔlɛ ʋ a: “A Sore n'ɩ a tɩ mɩnʋ.”

Zeremi 3:18

A lɛn daar a, a Zuda tẽw nɩbɛ na cen na tɩ páw a Ɩsɩrayɛl nɩbɛ, ɛ́ bɛ za ɓã taa yi a saa-pɛrɩ́-gʋba-lowr tẽw wa a tẽw ʋl ɩ̃ na kʋ̀ a bɛ sãàkʋm-kore k'ʋʋ ɩ a bɛ sób a pʋɔ.»

Zeremi 30:10

«A fʋ̃ʋ, Ɩsɩrayɛl, ɩ̃ tõ-tõ-bie e, ta zɔrɛ dɛ̃bɩ̃ɛ ɩ, a Sore n'ʋ yere. Pʋl-vʋ̃ɔ ta tɛr fʋ ɛ, fʋ̃ʋ, a sãàkʋm-kʋra na n'ɩ Zakɔb a. Ɩ̃ na faa fʋ nɩ a tẽ-zãánɩ pʋɔ, ɛ́ faa a fʋ bibiir a tẽw ʋl pʋɔ bɛ na diw bɛ cen nɩ a. Ɩsɩrayɛl i, fʋ na lɛb'a wa, wa vʋʋrɛ zoom ɛ́ bɛ bãw damnʋ ɛ. Ɛ́ nɩr za kʋ̃ lɛb ƴãw fʋ dɛ̃bɩ̃ɛ ɩ.

Zeremi 30:22

A lɛ pʋɔ a, nyɩ na lɛb'a ɩ a ɩ̃ nɩbɛ, ɩ̃ɩ ɩ a nyɩ Naaŋmɩn.»

Zeremi 30:24

A Sore su-tʋlʋ kpãkpã bɛ ɓãanɛ, ʋlɛ bɛ wa maalɩ a lɛ ʋ na tɩɛrɩ a yele bin baarɩ a ɩ. Bibir kãw n'a nyɩ na bãw a pɛr.

Zeremi 30:3

Bʋ̃ʋ n'ʋ vɛ̃, ɩ̃ yere na kʋ̀rɛ fʋ: bibir waar'a na vɩɛ, ɩ̃ na na lɛb maalɩ a ɩ̃ nɩ-bʋʋrɛ Ɩsɩrayɛl ƴãw a, nɩ a Zuda nɩbɛ mɩ̀ a. Ɩ̃ na tɛr bɛ na lɛb wa n a tẽw ʋl ɩ̃ na tɩ kʋ̀ a bɛ sãàkʋm-kore a pʋɔ, ɛ́ bɛ na lɛb'a so ʋ. A mãa Sore n'ʋ yere.»

Zeremi 31:33

A Sore cãà na yere: Nyɛ̃ a wõ-taa ʋl ɩ̃ na na maal'ɩ a Ɩsɩrayɛl nɩbɛ a lɛn daar a: Ɩ̃ na ƴãw nɩ a ɩ̃ wulu a bɛ pʋ̃ɔmɩ za, ɩ̃ na sɛb a na ƴãw a bɛ socie pʋɔ. Ɩ̃ na ɩ n a bɛ Naaŋmɩn, ɛ́ bɛ ɩ a ɩ̃ nɩbɛ.

Zeremi 32:38

Bɛ na lɛb'a ɩ a ɩ̃ nɩbɛ, ɩ̃ɩ ɩ a bɛ Naaŋmɩn.

Zeremi 33:14

A Sore yere na: «Ɩ̃ kʋ̃ yaa kɛ́ ɩ a lɛ ɩ̃ na yel kʋ̀ a Ɩsɩrayɛl nɩbɛ nɩ a Zuda nɩbɛ a ɩ.

Zeremi 33:7

Ɩ̃ na lɛb'a maalɩ a Zuda nɩ a Ɩsɩrayɛl nɩbɛ yele ƴãw, ɩ̃ɩ na lɛb'a ɩ bɛ ŋmɛ̃ a bɛ dãwdãw ŋmɛ̃a.

Zeremi 50:4

A Sore yere na: a lɛn daar a, a Ɩsɩrayɛl nɩbɛ nɩ a Zuda nɩbɛ na lãw na waar, bɛ na kone na cere nɩ, bɔbr'ɩ mɛ̃, a mãa, bɛ Naaŋmɩn.

Ezekɩɛl 11:20

Lɛ n'a nyɩ na tuur a wulu ɩ̃ na kʋ̀ nyɩ a, nyɩ na maal'a ɩrɛ a ɩ̃ nɛ́ɛ ƴãw, ɛ́ sàwr a. Nyɩ na ɩ n a ɩ̃ nɩ-bʋʋrɛ, ɩ̃ɩ ɩ a nyɩ Naaŋmɩn.

Ezekɩɛl 34:24

A mãa Sore a, ɩ̃ na ɩ n a bɛ Naaŋmɩn, ɛ́ bɛ na tɛr'ɩ nãà ʋ ŋmɛ̃ mɛ̃ a ɩ̃ tõ-tõ-bie Daviir a. A mãa Sore Naaŋmɩn n'ʋ yere.

Ezekɩɛl 34:31

Sɩza, a nyɩɩm nɩsaalbɛ, nyɩ ɩ n a ɩ̃ dʋn, ɩ̃ɩ kaarɛ a nyɩ zie. Sɩza, mãa n'ɩ a nyɩ Naaŋmɩn. A mãa Sore Naaŋmɩn n'ʋ yere.»

Ezekɩɛl 36:28

Lɛ n'a nyɩ na kpɩɛr a tẽw ʋl ɩ̃ na kʋ̀ a nyɩ sãàkʋm-kore a. Nyɩ na ɩ n a ɩ̃ nɩ-bʋʋrɛ, ɩ̃ɩ ɩ a nyɩ Naaŋmɩn.

Ezekɩɛl 39:22

A na dɛ tĩ a ʋlɩ bibir nɛ a, a Ɩsɩrayɛl nɩbɛ na bãw na kɛ́ mãa n'ɩ a Sore, a bɛ Naaŋmɩn.»

Ezekɩɛl 39:25

Ɛcɛ à ŋá n'a a mãa Sore Naaŋmɩn yere: «A na dɛ tĩ a ƴɛrɛŋa a, ɩ̃ na zɔ n a Ɩsɩrayɛl nɩbɛ nɩbaalʋ, a bɛlɩ dem a Zakɔb na dɔw a. Ɩ̃ na ɩ na a bɛ nɩ-pàwrɩ lɛb wa, ɩ̃ɩ na fɛr bɛ na bɛ tɛr a ƴãwfʋ na sɛwnɩ a ɩ̃ yo-sõw a.

Levitɩ mɩnɛ 26:12

Ɩ̃ na be n a nyɩ zie kʋralɛ ɩ a nyɩ Naaŋmɩn, ɛ́ nyɩ ɩ a ɩ̃ nɩ-bʋʋrɛ.

Zakari 13:9

Ɩ̃ na ɩ n a bɛl na na cãà vʋʋrɛ a, bɛ tu yi a vũumí, ɩ̃ na ɩ na bɛ vɩɛl, mɛ̃ a lɛ bɛ na mɩ́ ɩ a salm-pla ʋ vɩɛl a. Ɩ̃ na ɩ bɛ na kaa bãw a bɛ ŋmɛ̃a, mɛ̃ a lɛ bɛ na mɩ́ ɩ salm-zɩɛ kaa a. Lɛ n'a bɛ na puore mɛ̃, ɩ̃ɩ na mɩ́ sàw nɩ a bɛ puoru. Ɩ̃ na mɩ́ yel bɛ na: “Ɩ̃ nɩ-bʋʋrɛ n'ɩ nyɩ”, ɛ́ a bɛl yel mɛ̃: “Sore e, fʋ̃ʋ n'ɩ a tɩ Naaŋmɩn.”»

Zã 20:17

A Yeezu yel ʋ: «Ta nyɔw mɛ̃ tɛr ɛ! Bʋ̃ʋ n'ʋ vɛ̃, ɩ̃ bɛ do a ɩ̃ Sãà zie sɛr ɛ. Fʋ̃ʋ a, cen tɩ páw a ɩ̃ yɛbr yel bɛ k'ɩ̃ɩ dúor'ɩ a ɩ̃ Sãà mɩ̀ na ɩ a nyɩ Sãà a zie, a ɩ̃ Naaŋmɩn, mɩ̀ na ɩ a nyɩ Naaŋmɩn a zie.»

2 Korɛ̃tɩ 6:16

Bʋ̃ʋ wõ-taa n'a na tʋ̃ɔ́ be a Naaŋmɩn yir nɩ a tɩbɛ cara pʋɔ? Bʋ̃ʋ n'ʋ vɛ̃, tɩmɛ nɛbɛ ɩ a Naaŋmɩn na vʋʋrɛ a yir, mɛ̃ a lɛ a Naaŋmɩn tɔr za na yel a: «Ɩ̃ na kpɩɛr'ɩ a bɛ pʋɔ, ɛ́ cere a bɛ sɔgɔ, ɩ̃ na ɩ n a bɛ Naaŋmɩn, ɛ́ bɛ ɩ a ɩ̃ nɩ-bʋʋrɛ.»

Ebre 12:16

Nyɩ gù vla kãw za taa wa ɩ pɩ̃ɔ-yel-maalɛ ɩ, bɩɩ ɩrɛ a bʋ̃-son laar mɛ̃ a Ezawu a ɩ. Ʋ tɩ de nɩ a ʋ kpɛ̃ɛnʋ tɛw nɩ bʋ̃-dɩrɩ daƴen yõ ƴãw.