Zeremi 30:8 - A SƐB-SÕW

⁸ «A daar wa ta a, a Sore, a kpɛnʋ-za-sob'ʋ yere, ɩ̃ na ír'ɩ a fãw ʋl na tɩ dĩ bɛ mɛ̃ a na-kʋ́ɔra-dàa a bɛr, ɩ̃ na ŋma n a bɛ mie bɛr. A lɛ pʋɔ a, bɛ kʋ̃ cãà ɩ sãanbɛ gbãgbaar ɛ.

Zeremi 30:8 ပူးပေါင်းရင်းမြစ်များ

Sɛb-sõw yielu 107:14

Ʋ tɩ ɩ na bɛ yi a bɛ gaso di-lige pʋɔ, ɛ́ ŋma a bɛ bʋ̃-'leni bɛr.

Ɩzayi 10:27

A ʋlɩ bibir nɛ a, ʋ na dɔw nɩ a tuor bɛr na dĩ a nyɩ bawŋmamɛ, ɛ́ dĩ a nyɩ nyuru mɛ̃ ni-kʋ́ɔrɩ dàa a. A dɔ̃ sob dúor'ɩ a Samaari,

Ɩzayi 14:1

A Sore na zɔ n a Zakɔb bʋʋrɛ nɩbaalʋ, ʋ na cãà na wul k'ʋʋ kaa na ír a Ɩsɩrayɛl. Ʋ na ɩ na a Ɩsɩrayɛl nɩbɛ lɛb zɩ̃ a bɛ tẽw pʋɔ. A nʋʋrɩ na lãw nɩ bɛ na pʋɔ a Zakɔb nɩbɛ pʋɔ.

Ɩzayi 14:25

Ɩ̃ na sãw nɩ a Asiiri tẽw dem kpɛnʋ bɛr a ɩ̃ tẽw pʋɔ, ɩ̃ na nɛb'ɩ bɛ nɩ gbɛ́ɛ a ɩ̃ tan zu. A bɛ kpɛnʋ dĩ nɩ a ɩ̃ nɩbɛ mɛ̃ ni-kʋ́ɔrɩ dàa a, ɩ̃ na ír ʋ na bɛr. Bɛ dɔwl'ɩ to-tɩbrʋ a bɛ bawŋmamɛ zu, ɩ̃ na tow ʋ na bɛr.»

Ɩzayi 14:3

Ɩsɩrayɛl i, a ʋlɩ bibir a Sore nãà wa ɩ fʋ nyɛ̃ pɩ̃ɛnʋ a fʋ kpɩɛrʋ, a fʋ wʋ̀ʋr nɩ a gbãgba-tuo fʋ na nyɛ̃ a pùorí a,

Ɩzayi 9:4

A dɔ̃ dem nafaw-kpowtɩɛ za na nɛbr a tẽsɔw ʋ gbiwre a, a kpar-bɛrɛ za na ɩ zɩ̃ɩ tɛwr a ɩ n bʋ̃-nyɩw-bɛra, vũu dɩ a na.

Zeremi 2:20

«Koro za n'a fʋ gáarɛ a ɩ̃ zu. Fʋ ɩ na a baarɩ mãa nɩ a fʋ̃ʋ cara pʋɔ, ɛ́ fʋ yel: “Ɩ̃ bɛ cãà bɔbr k'ɩ̃ɩ ɩ gbãgbaa ɩ.” Bʋ̃ʋ n'ʋ vɛ̃, tãle za zu, tɩ-zimpiri za pile, fʋ mɩ́ gã na mɛ̃ pɔw-yɛm a.

Zeremi 25:14

Bʋ̃ʋ n'ʋ vɛ̃, a bɛl mɩ̀ a, nɩ-bʋʋr-yoru na yãwmɛ a, nɩ na-mɩnɛ na kpɛmɛ a na tʋ̃ɔ́ bɛ na. À ŋá n'a ɩ̃ na ɩ bɛ ya a bɛ ɩ-ɩrɩ nɩ a faa al za bɛ na maalɩ a san.”»

Zeremi 27:2

«À ŋá n'a a mãa, a Sore, yere: Cɔbrɩ ganɛ nɩ mie ɛ́ maalɩ nĩi nyuru dàar. Fʋ na dɔwlɩ a nɩ a fʋ nyũu zu.

Zeremi 27:7

A nɩ-bʋʋrɛ za na tone nɩ a ʋ tome, ɛ́ a ʋ pùorí bɛ tone a ʋ bidɛb nɩ a ʋ yãw tome tɩ ta a lɛn daar a na na fɛr a ʋl mɩŋa tẽw tone nɩ-bʋʋrɛ na yãwmɛ a, nɩ na-mɩnɛ na kpɛmɛ a tome a.

Zeremi 28:10

Lɛ n'a a naaŋmɩn-ƴɛ̀r-manɛ Hananɩa tɩ de a na-kʋ́ɔra-dàa a naaŋmɩn-ƴɛ̀r-manɛ Zeremi nyũumɩ́ kar bɛr.

Zeremi 28:13

«Cen tɩ yel a Hananɩa: à ŋá n'a a Sore yere: “Fʋ na kar na-kʋ́ɔra-dàa na ɩ dàa bɛr a, a na fɛr'a fʋ lɩɛr'ʋ nɩ na-kʋ́ɔra-dàa na ɩ kure a.”»

Zeremi 28:4

Ɩ̃ mɩ̀ na tɛr'ɩ a Yoyakim bidɛb, Yekonɩa, na ɩ a Zuda tẽw nãà a, lãwnɩ a bɛlɩ dem za bɛ na diw a Zuda tẽw cen nɩ a Babɩlɔn a, lɛb wa n —a Sore n'ʋ yel—, sɩza, ɩ̃ na sãw nɩ a Babɩlɔn tẽw nãà fãw ʋ na dĩ nɩ nyɩ mɛ̃ na-kʋ́ɔra-dàa a bɛr.”»

Ezekɩɛl 30:18

A lɛn daar mãa wa siwri a Eziptɩ tẽw fãw ɛ́ a ʋ kpɛnʋ na ɩrɛ pɔ̀lʋ̀ a baarɩ a, mʋ̃tɔ̃w kʋ̃ pur a Dafine tẽw zu ɛ. Zũzuwr-sɛbla na yɛ́r'a pàw a tẽw, ɛ́ bɛ na diw nɩ a vuo ʋl nɩbɛ cen nɩ.

Ezekɩɛl 34:27

A tɩɩr na mɩ́ wɔ̃ n wɔmɛ, a tẽsɔw na mɩ́ tɩr'ɩ a ʋ bʋ̃-dieri. Ŋa za na mɩ́ vʋʋrɛ nɩ nɩ ƴã-ɓaarʋ a tẽw pʋɔ. Ɩ̃ na kár'ɩ bom za na dine a ɩ̃ nɩ-bʋʋrɛ nɩbɛ a bɛr. Ɩ̃ na faa bɛ nɩ a bɛlɩ dem na ƴãwnɛ bɛ a gbãgbaalʋ pʋɔ a nuru pʋɔ. A lɛn daar a, bɛ na bãw na kɛ́ mãa n'ɩ a Sore.

Nahum 1:13

Ƴɛrɛŋa a, ɩ̃ na faa nyɩ nɩ a nyɩ dɔ̃ sob nuru pʋɔ ɛ́ ŋma a bʋ̃-'leni na 'lẽ nyɩ a bɛr.»