Zeremi 30:7 - A SƐB-SÕW

⁷ Nyɛ̃ baw-bio a! Bibir na bɛ tɛr dɩ̃ɛnʋ a n'ʋ. Bibir kãw za bɛ ŋmɛ̃ taa nɩ ʋ ɛ. Kpɩɛrʋ daar'ʋ a Zakɔb bʋʋrɛ ƴãw, ɛcɛ bɛ na nyɛ̃ nɩ faafʋ.»

Zeremi 30:7 ပူးပေါင်းရင်းမြစ်များ

Yele-za-pɛr-tib 32:7

A nɩbɛ a Zakɔb na tɩ tõ a, tɩ lɛb'a wa yel ʋ: «Tɩ cen nɩ a fʋ yɛb Ezawu zie. Ʋ mɩ̀ tuore fʋ na nɩ nɩbɛ kɔbr anaar (400).»

Sɛb-sõw yielu 25:22

Naaŋmɩn i, faa a Ɩsɩrayɛl! Faa ʋ a ʋ kpɩɛrʋ za pʋɔ!

Sɛb-sõw yielu 34:19

A Sore pɩɛl'ɩ a su-sãwnɩ dem, ɛ́ mɩ́ faa a bɛlɩ dem a tɩɛrʋ na sãw a.

Ɩzayi 20:6

A ʋlɩ bibir nɛ a, a nɩbɛ na kpɩɛr a Mediterane kʋ̃ɔ-kpɛ̃ɛ nʋɔr a na yere na: «Nyɛ̃ a lɛ a na ŋmɛ̃ a nɩbɛ tɩ na tɩ tɩ́ɛrɛ a ƴãw a! Tɩ tɩ bɔbr'a kɛ́ tɩ zɔ cen a be tɩ páw sõwfʋ, ɛ́ bɛ faa tɩ a Asiiri tẽw nãà nuru pʋɔ. À à ŋá a, ŋmɩŋmɩn n'a tɩ na tʋ̃ɔ́ nyɛ̃ a faafʋ?»

Zeremi 14:8

A fʋ̃ʋ ƴãw a Ɩsɩrayɛl na ƴãw a ʋ tɩɛrʋ a, a fʋ̃ʋ na tɩ faa ʋ a kpɩɛrʋ daar a, bʋ̃ʋ n'ʋ so fʋ ɩrɛ mɛ̃ sãan a, a tẽw pʋɔ, mɛ̃ sɔr-tɔlɛ na bɩɛ k'ʋʋ gã ìr a?

Zeremi 2:27

Nyɩ mɩ́ yel'ɩ dàa tɩɩb: “Fʋ̃ʋ n'ɩ a ɩ̃ sãà!” ɛ́ yel kʋsɩɛr tɩɩb: “Fʋ̃ʋ n'ʋ dɔw mɛ̃.” Nyɩ bɛr'ɩ a ɩ jɩ́rʋ ɛ́ lɩɛbɩ zikur cɔw mɛ̃. Ɛcɛ, a kpɩɛrʋ dɛ wa páwr nyɩ a, nyɩ na yere nɩ a ɩ̃ zie: “Ìr! Faa tɩ!”

Zeremi 2:28

Ɛcɛ, ɩ̃ na sɔw nyɩ na: “A nyɩ ŋmɩmɛ nyɩ na maalɩ a wa?” A ìr, alɛ na na tʋ̃ɔ́ faa nyɩ a lɛn daar nyɩ nãà wa be a kpɩɛrʋ pʋɔ a! Bʋ̃ʋ n'ʋ vɛ̃, Zuda nɩbɛ ɛ, a nyɩ ŋmɩmɛ yãwmɛ na mɛ̃ a nyɩ tẽ-bɛrɛ a!”

Zeremi 30:10

«A fʋ̃ʋ, Ɩsɩrayɛl, ɩ̃ tõ-tõ-bie e, ta zɔrɛ dɛ̃bɩ̃ɛ ɩ, a Sore n'ʋ yere. Pʋl-vʋ̃ɔ ta tɛr fʋ ɛ, fʋ̃ʋ, a sãàkʋm-kʋra na n'ɩ Zakɔb a. Ɩ̃ na faa fʋ nɩ a tẽ-zãánɩ pʋɔ, ɛ́ faa a fʋ bibiir a tẽw ʋl pʋɔ bɛ na diw bɛ cen nɩ a. Ɩsɩrayɛl i, fʋ na lɛb'a wa, wa vʋʋrɛ zoom ɛ́ bɛ bãw damnʋ ɛ. Ɛ́ nɩr za kʋ̃ lɛb ƴãw fʋ dɛ̃bɩ̃ɛ ɩ.

A Lãw-mʋɔlɛ 1:12

A nyɩɩm za na tɔlɛ a ka a, a faa ŋa bɛ páw nyɩ ɛ. Nyɩ jɩ́r nyɛ̃: kpɩɛrʋ be n be ŋmɛ̃ mɛ̃ a ɩ̃ dem, bɩɩ ŋmɛ̃ mɛ̃ a ʋl a Sore na ɩ ʋ lo a ɩ̃ zu a ʋ su-tʋlʋ bibir a?

A Lãw-mʋɔlɛ 2:13

Zerizalɛm i, ɩ̃ bɛ bãw bom nɛ ɩ̃ na na yel kʋ b a ɩ. A fʋ yele bɛ ŋmɛ̃ taa nɩ yel kãw za ɩ. Ɩ̃ de fʋ man nɩ anʋ, tʋ̃ɔ́ mɔwlɩ fʋ, Sɩyɔ̃ tẽ-kpɛ̃ɛ-vla a? A fʋ dɔwrʋ ɩ n kpɛ̃ɛ sɛw a kʋ̃ɔ-kpɛ̃ɛ. Ãa n'ʋ na tʋ̃ɔ́ sanɩ fʋ?

A Lãw-mʋɔlɛ 4:6

A ɩ̃ nɩ-bʋʋrɛ sãwna kpɛ n faa zuo a Sodɔm tẽw dem yel-bebe. A tẽw ŋa wa sãw nɩ fɔ̃wlɛ ɛ́ nuru bɛ dam a ʋ pʋɔ ɩ.

Zowɛl 1:15

'Woi! Nyɛ̃ bibir na ŋmɛ̃ a! A Sore bibir pɩɛl'a. A zie sãwfʋ a Naaŋmɩn kpɛnʋ-za-sob na yel a, lãw nɩ nɩ a bibir ŋa waar.

Zowɛl 1:2

Nyɩ bɛrɛ wone, nyɩɩm nɩ-kore e, nyɩ za nyɩ yuo a nyɩ tobe, nyɩɩm na kpɩɛr a Zuda tẽw pʋɔ a! Yel ŋa tɔ ɩ n a nyɩ daar bɩɩ a nyɩ sãàkʋm-kore daar ɩ?

Zowɛl 2:11

A Sore be n a ʋ zɛbr-nɩbɛ niŋé ɛ́ ŋmɛrɛ kɔkɛɛ. A ʋ zɛbr-nɩbɛ ʋ na mɩ́ ƴɛ̀r, bɛ tu a lɛ ʋ na yel a yãwmɛ na ɛ́ tɛr fãw bɛ dɩ vuo ɩ. A Sore bibir ɩ n kpɛ̃ɛ, ʋ tɛr'ɩ pʋl-vʋ̃ɔ-yaga, ãa n'ʋ na tʋ̃ɔ́ ʋ?

Mise 4:9

Zerizalɛm nɩbɛ ɛ, bʋ̃ʋ n'ʋ so a cɛlsɩ á ŋá a ƴɛrɛŋa? Bʋ̃ʋ n'ʋ so a 'wɔbrʋ 'wɔbr nyɩ nyɩ ŋmɩɩlɛ mɛ̃ pɔw na dɔwr a? Nyɩ bɛ cãà tɛr nãà bɩɩ? A nyɩ yã-wulbɛ kpi na bɩɩ?

Habakukɩ 3:16

Ɩ̃ wone nɩ a damnʋ á ŋá za, ɛ́ a mɩ́ dam mɛ̃ tɩ tɔ: a ɩ̃ nɔgbãbie màwr'a ŋmɩɛr taa a dɛ̃bɩ̃ɛ zũú, a ɩ̃ ƴãw za bàl'a ɛ́ a ɩ̃ gbɛ́ɛ yʋɔrɛ. Ɩ̃ ɩ n gbili cɛlɛ nɩ a kpɩɛrʋ bibir, k'ɩ̃ɩ wa cen tɩ zɛb'ɩ a nɩ-bʋʋrɛ bɛl na dɔwrɛ tɩ a.

Zakari 14:7

Daar kãw a Sore yõ na bãw a, a zie na mɩ́ nyɛrɛ nɩ kʋralɛ, mʋ̃tɔ̃w nɩ tɩ̃ɩsɔw kʋ̃ cãà be ɩ, a zaanʋɔra tɛɛ za a, a zie na mɩ́ nyɛrɛ na.

Markɩ 13:19

Bʋ̃ʋ n'ʋ vɛ̃, a bibie al na ɩ n kpɩɛrʋ bibie, kpɩɛrʋ bɛ na bɛ nyɛ̃ a ʋ tɔ, a lɛ a Naaŋmɩn na tĩ ír a tẽ-daa ɛ́ wa tɩ tɔ a dɩ̃a a ɩ.

Nɩ-toni 2:20

A mʋ̃tɔ̃w na lɩɛb'ɩ lige ɛ́ a cuw mʋ̃ɔ mɛ̃ zɩ̃ɩ a, ɛ́ a Sore bibir wa bãw vɩɛ, bibi-kpɛ̃ɛ, yúor-vɩɛlʋ-danʋ bibir.

Ʋrɔm 11:26

Ɛ́ à à ŋá n'a a Ɩsɩrayɛl nɩbɛ za na nyɛ̃ a faafʋ, mɛ̃ à ŋá a Sɛb-sõw na yere a: «Sɩyɔ̃ tẽw n'a a Faarɛ na yi wa, ʋ na ɩ na a Naaŋmɩn bɛ-ƴãwfʋ ɩ-ɩrɩ baarɩ a Zakɔb bʋʋrɛ zie.

Yel-wula 6:17

Bʋ̃ʋ n'ʋ vɛ̃, a bɛ suur bibi-kpɛ̃ɛ vɩɛ na, ɛ́ ãa n'ʋ na tʋ̃ɔ́ cãà be?»