Zeremi 30:2 - A SƐB-SÕW

² «À ŋá n'a a mãa, a Sore, a Ɩsɩrayɛl Naaŋmɩn, yere: Sɛb a ƴɛ̀rʋ al za ɩ̃ na ƴɛ̀r kʋ̀ b a ƴãw sɛbɛ pʋɔ.

Zeremi 30:2 ပူးပေါင်းရင်းမြစ်များ

Eziptɩ tẽw yib 17:14

A Sore tɩ yel'ɩ a Moyiir: «Sɛb à á ŋá za ƴãw sɛbɛ pʋɔ, a nɩbɛ taa yiire bɛrɛ ɩ. Ɛ́ yel a Zozue k'ɩ̃ɩ na kʋ n a Amalesitɩ mɩnɛ pàw pɛr, nɩr za yiiri a bɛ yele a tẽw zu.»

Ɩzayi 30:8

A Sore tɩ yel'ɩ a Ɩzayi: «Ƴɛrɛŋa a, sɛb a yele á ŋá ƴãw dà-pawle zu a Zerizalɛm tẽw dem niŋé. Mɩ̀ sɛb a ƴãw sɛbɛ pʋɔ. A na ɩ n dãsɩɛ bom a nɩdaar ƴãw.»

Ɩzayi 8:1

A Sore tɩ yel mɛ̃ na: «De dapawli-kpɛ̃ɛ, sɛb a zu nɩ sɛbrʋ na tɛr kanʋ a kɛ́ “Fɔ̃wlɛ-a-zɛbr-na-bome-ƴãw-Zɔ-a-zab-ƴãw”.»

Zeremi 25:13

Ɩ̃ na ɩ na a kpɩɛrʋ al ɩ̃ na tɩ ƴɛ̀r càar'ɩ a tẽw ŋa a, a wa a ʋ zu. A al za na sɛb a sɛbɛ ŋa pʋɔ a, a al za a naaŋmɩn-ƴɛ̀r-manɛ Zeremi na tɩ ƴɛ̀r càar'ɩ a nɩ-bʋʋr-yoru a.

Zeremi 30:1

A Sore tɩ ƴɛ̀r'ɩ a Zeremi zie à ŋá:

Zeremi 36:28

«Bɔ sɛb-yũo sɛb a ƴɛ̀rʋ al za na tɩ be a sɛb-dãw-niwn sob pʋɔ a ƴãw, a ʋl a Zuda tẽw nãà Yoyakim na nyɩw bɛr a.

Zeremi 36:32

Lɛ n'a a Zeremi tɩ bɔ sɛb-pila ƴen sob kʋ̀ a Neriya bidɛb, Barukɩ, na ɩ a sɛ-sɛbrɛ a. A Barukɩ tɩ sɛb'ɩ a lɛ za a Zeremi na tɩ yere kʋ̀rɛ ʋ a, ƴãw a sɛbɛ ʋl pʋɔ: a ƴɛ̀rʋ al za na tɩ be a sɛb-dãw-niwn sob ʋl a Zuda tẽw nãà na tɩ nyɩw bɛr a pʋɔ a. Ƴɛ̀rʋ yaga na tɩ ŋmɛ̃ taa nɩ a al a, tɩ sɛb'a ƴãw pʋɔ.

Ʋrɔm 15:4

A yele al za na sɛb a Sɛb-sõw pʋɔ a koro za a, tɩɩm wulu ƴãw n'a a sɛb, k'aa su-nyɔwra nɩ a mɔwlʋ a na kʋ̀rɛ tɩ a zũú, tɩ tʋ̃ɔ́ tɛr a tɩɛrʋ a Naaŋmɩn ƴãw.

1 Korɛ̃tɩ 10:11

A yele á ŋá tɩ ta bɛ na k'aa ɩ wulu, ɛ́ bɛ sɛb'ɩ a yele á ŋá a tɩɩm wulu ƴãw, tɩɩm na be a yele baarʋ vuo pʋɔ a.

Wulu-ayi-sob 31:19

Ƴɛrɛŋa a, nyɩ sɛb a yielu ŋa. A fʋ̃ʋ Moyiir, zanɩ nɩ ʋ a Ɩsɩrayɛl nɩbɛ. Bɛ zanɩ ʋ bãw, a yielu ŋa tʋ̃ɔ́ ɩ a ɩ̃ dãsɩɛ bom a bɛ zie.

2 Pɩɛr 1:21

Bʋ̃ʋ n'ʋ vɛ̃, naaŋmɩn-ƴɛ̀r-manɛ ƴɛ̀rʋ kãw za bɛ dãw yi nɩsaal yõ na bɔbr a zie ɩ, Vʋʋrʋ Sõw n'ʋ tɩ ƴãw nɩbɛ ƴɛ̀r a Naaŋmɩn yúor ƴãw.

Yel-wula 1:11

Ʋ tɩ yere na: «Sɛb a ʋlɩ bom fʋ na nyɛrɛ a ƴãw sɛbɛ pʋɔ tɩr kʋ̀ a Lãw-yie ayopõi á ŋá: Efɛɛzɩ, Sɩmɩɩr, Pɛrgam, Tɩatɩɩr, Sardɩ, Fɩladɛlfɩ nɩ Lawdise.»

Yel-wula 1:19

A na ɩ à ŋá a, sɛb a yele fʋ na nyɛ̃ a, a al na ɩrɛ a ƴɛrɛŋa a, nɩ a al a na fɛr k'aa ɩ a pùorí a.