Zeremi 30:19 - A SƐB-SÕW

¹⁹ Yielu nɩ nʋ̃ɔ̀ cɛlsɩ na mɩ́ yire nɩ a pʋɔ. A Zakɔb bibiir nʋɔr kʋ̃ lɛb siwri ɛ, ɩ̃ na ɩ na bɛ yɛ̀r yãwmɛ. Bɛ kʋ̃ lɛb ɩ nɩ-ɩ-laarɩ ɛ, ɩ̃ na zɛw bɛ nɩ yaga za.

Zeremi 30:19 ပူးပေါင်းရင်းမြစ်များ

Ɛsɩdɩrasɩ 6:22

Al pùorí, bɛ tɩ maal'ɩ a dipɛ̃ na bɛ ƴãw dãbɩl a cuw nɩ nʋ̃ɔ̀ bibie ayopõi. A Sore tɩ ɩ na nʋ̃ɔ̀ kpɛ bɛ yaga za, ʋ na tɩ lɩɛbɩ a Asiiri tẽw nãà socir a bɛ vla ƴãw a. A tɩ ɩ na bɛ ƴãw fãw lɛb nyɔw a tome a Ɩsɩrayɛl Naaŋmɩn yir lɛb-mɛb ƴãw.

Neemi 8:12

Lɛ n'a bɛ za tɩ kul a bɛ yie pʋɔ kɛ́ bɛ tɩ dɩ kɛ́ nyũ. Bɛ tɩ lãw nɩ nɩ a bɛlɩ dem na bɛ tɛr bom a, ɛ́ tɩ maalɩ cuw-kpɛ̃ɛ. Bʋ̃ʋ n'ʋ vɛ̃, bɛ tɩ wõ n a ƴɛ̀rʋ bɛ na ƴɛ̀r kʋ̀ bɛ a vla.

Neemi 8:17

A bɛlɩ dem za na tɩ ɓã taa a be a, a bɛl na tɩ yi a diw-cenu zie lɛb wa a, tɩ maal'ɩ sɛwr kpɩɛr. A tɩ ɩrɛ nɩ nʋ̃ɔ̀ yaga za, bʋ̃ʋ n'ʋ vɛ̃, a Nun bidɛb Zozue daar za n'a a Ɩsɩrayɛl nɩbɛ bɛ lɛb tɩ maalɩ a cuw ŋa ɩ.

Sɛb-sõw yielu 53:6

Bɛlɛ n'ɩ bɛ ŋan dɛ̃bɩ̃ɛ nyɔw, bɛ màwr, ɛ́ dɛ̃bɩ̃ɛ yel bɛ ka be ɩ. Bʋ̃ʋ n'ʋ vɛ̃, a bɛlɩ dem na wa ŋmãa jil fʋ a zɛbr ƴãw a, Naaŋmɩn yaar'ɩ a bɛ kɔbɛ pàw a ziir. Fʋ ƴãw bɛ nɩ vĩ, Naaŋmɩn na zawrɩ bɛ bɛr a ƴãw.

Ɩzayi 12:1

Nɩ-bʋʋrɛ bɛ na faa a, nyɩ na yel'ɩ a ʋlɩ bibir nɛ: «Sore e, tɩ puore fʋ nɩ barka. Bʋ̃ʋ n'ʋ vɛ̃, fʋ tɩ nyɛ̃ nɩ tɩ nɩ suur, ɛcɛ a fʋ suur ɓãa na, ɛ́ fʋ mɔwlɛ tɩ.

Ɩzayi 26:15

Fʋ ɩ na a tɩ tẽw nɩbɛ yɛ̀r dɔwlɩ, Sore e, fʋ ɩ na a tɩ tẽw nɩbɛ yɛ̀r dɔwlɩ, fʋ wul'ɩ a fʋ yúor-vɩɛlʋ-danʋ, fʋ ɩ na a tẽw tʋr-bɔwrɩ za taw tɔl nidaa.

Ɩzayi 27:6

A nɩdaar na waar a, a Zakɔb bʋʋrɛ na tɛ n nyɩgɛ, a Ɩsɩrayɛl bʋʋrɛ na tɛ n pɩrmɛ ɛ́ pu, bɛ na paal'ɩ a tẽ-daa nɩ a bɛ wɔmɛ.

Ɩzayi 35:10

A bɛlɩ dem a Sore na na faa a na lɛb'a wa. Bɛ na ŋmɩɛr'ɩ nʋ̃ɔ̀ cɛlsɩ wa tarɛ nɩ a Sɩyɔ̃. Nʋ̃ɔ̀ na bɛ tɛr baarʋ a na caal'ɩ a bɛ niŋe. Cɩlʋ nɩ nʋ̃ɔ̀ na tuori bɛ na, ɛ́ pʋ-sãwna nɩ kon lɩɛb zɔ.

Ɩzayi 51:11

A nɩbɛ a Sore na na ɩ bɛ lɛb so bɛ tʋɔra a na lɛb'a wa. Bɛ na cáarɛ na wa kpɛ n a Sɩyɔ̃ tẽw pʋɔ. Nʋ̃ɔ̀ na bɛ tɛr baarʋ a na caal'ɩ a bɛ niŋe, cɩlʋ nɩ nʋ̃ɔ̀ cɛlsɩ na paalɩ bɛ na, ɛ́ kpɩɛrʋ nɩ kon bɔr.

Ɩzayi 51:3

A Sore zɔrɛ nɩ a Sɩyɔ̃ nɩbaalʋ, ʋ zɔrɛ nɩ a ʋ deboru nɩbaalʋ. Ʋ na ɩ n a zie ŋa bɛ na bɛ cãà kpɩɛr a, ʋ lɩɛbɩ zi-vla vla. Ʋ na ɩ n a zi-kõw ŋa ʋ lɩɛbɩ Edɛn zaadɛ̃. Cɩlʋ nɩ nʋ̃ɔ̀ cɛlsɩ n'a na be a be, lãwnɩ danʋ yielu nɩ bʋ̃-ŋmɩɛrɩ ŋmɛb.

Ɩzayi 52:9

Zerizalɛm deboru u, nyɩ ŋmɩɛr nʋ̃ɔ̀ cɛlsɩ: a Sore mɔwlɛ nɩ a ʋ nɩbɛ, ʋ yarɛ na dier a Zerizalɛm.

Ɩzayi 55:5

Ɩsɩrayɛl i, a fʋ̃ʋ mɩ̀, fʋ na bʋɔl'ɩ nɩ-bʋʋrɛ fʋ na bɛ bãw a, ɛ́ a nɩbɛ bɛ ŋa na bɛ tɩ bãw fʋ a, na zɔ na wa a fʋ zie. Mãa zũú n'a bɛ na wa, mãa, a Sore fʋ Naaŋmɩn, a Ɩsɩrayɛl Naaŋmɩn na ɩ sõw a, na ƴãw fʋ a.»

Ɩzayi 60:19

A mʋ̃tɔ̃w bɛ n'ʋ na cãà ɩ a fʋ bibir cãà ɩ, ɛ́ a cuw ɩ a fʋ tɩ̃ɩsɔw cãà ɩ. A mãa, a Sore fʋ Naaŋmɩn, ɩ̃ na caalɛ fʋ nɩ kʋralɛ, ɩ̃ na caalɛ fʋ na nɩ a ɩ̃ cãà na na caalɩ ʋ za a.

Ɩzayi 60:22

A bɛ pʋɔ a, a pʋrɩ za na lɩɛb'ɩ nɩbɛ túr, a bãbàal woro na lɩɛb'ɩ nɩ-bʋʋrɛ na kpɛmɛ a. A mãa, a Sore a, ɩ̃ na páw nɩ fɔ̃w maalɩ a yel ŋa, a daar wa ta a.

Ɩzayi 60:9

A tẽ-zãánɩ dem tɩ́ɛrɛ mɛ̃ na. A Tarsisɩ tẽw gbor-bɛrɛ duwre nɩ a nidaa, k'aa lɛb tɛr a fʋ bibiir zi-zãána zãána wa n, lãwnɩ a bɛ salm-pla nɩ a bɛ salm-zɩɛ. Bɛ waar'a kɛ́ bɛ́ wa ír a ɩ̃ yúor-vɩɛlʋ-danʋ, a mãa, fʋ Naaŋmɩn, a Ɩsɩrayɛl Naaŋmɩn na ɩ sõw a, a mãa na ɩ kɛ̀ fʋ nyɛ̃ a ƴãwfʋ ŋa a.»

Zeremi 17:26

Nɩbɛ na yi n a Zuda tẽ-bɛrɛ pʋɔ, a ziir na viiri koli a Zerizalɛm a, nɩ a Bɛ̃zamɛ dɔwlʋ tẽw pʋɔ, bɛ na yi n a Ba-Peyi, a Tãw nɩ a Negɛɛvʋ vuo pʋɔ wa. Bɛ na wa n a Ŋmɩn-yir-kpɛ̃ɛ pʋɔ nɩ nyɩw-a-za-bagɛ, bàwr-yoru, de-kʋ̀b bome, tɩ-suur-zɔ̃-na-nyùur-vla-vla-a lãwnɩ danʋ bàwr-maal-bome.

Zeremi 3:16

«A Sore cãà na lɛb yere: a lɛn daar a, nyɩ na yãwmɛ na ɛ́ dɔw paalɩ a tẽw. Bɛ kʋ̃ lɛb ƴɛ̀rɛ a wõ-taa daga ƴɛ̀rʋ ɛ, nɩr kʋ̃ cãà tɛr a ʋ tɩɛrʋ ɛ, bɛ na yiir ʋ na bɛr, bɛ kʋ̃ bãwnɩ ʋ na bɛ ka be a ɩ, nɩr bɛ lɛb maalɛ bʋ̃-yoru ɛ.

Zeremi 31:27

A Sore yere na: Ɩ̃ kʋ̃ yaa kɛ́ ɩ nɩsaalbɛ nɩ dʋn yɛ̀r pàw a Ɩsɩrayɛl nɩ a Zuda naalʋ-ten, mɛ̃ a lɛ bɛ na mɩ́ yaarɩ bʋ̃-bʋʋrɛ púo pʋɔ a ɩ.

Zeremi 31:4

Ɩ̃ na lɛb'a maalɩ fʋ ƴãw, ɩ̃ nɩ-nɔna Ɩsɩrayɛl i, ɩ̃ na lɛb'a mɛ b. Fʋ na lɛb'a de a fʋ gãgali-vɩɛlɩ tɩ lãw nɩ a bɩn-ƴawrbɛ na maalɛ cuw a.

Zeremi 33:22

Mɛ̃ a lɛ bɛ na kʋ̃ tʋ̃ɔ́ sɔ́r a ŋmar-bie na be a salom zu, nɩ a kʋ̃ɔ-kpɛ̃ɛ nʋɔr biire na bɛ dɩ vuo a, lɛ n'a ɩ̃ na ɩ a ɩ̃ tõ-tõ-bie Daviir bʋʋrɛ nɩ a Levi bʋʋrɛ na ɩ bàwr-maalbɛ tone a ɩ̃ tome a, bɛ yãwmɛ.»

Ezekɩɛl 36:37

À ŋá n'a a mãa Sore Naaŋmɩn yere: Ɩ̃ na lɛb'a bɛr a Ɩsɩrayɛl nɩbɛ bɛ bʋɔlɛ mɛ̃ k'ɩ̃ɩ wa sõw bɛ, ɩ̃ɩ na sɔw bɛ na, ɩ bɛ yãwmɛ mɛ̃ zaw dʋn a.

Ezekɩɛl 37:10

Ɩ̃ tɩ ƴɛ̀r'ɩ a ƴɛ̀rʋ á ŋá a Sore yúor ƴãw, mɛ̃ a lɛ ʋ na tɩ ƴãw a nʋɔr kʋ̀ m a. Lɛ n'a a Vʋʋrʋ tɩ kpɛ a kũuni pʋɔ a lɛb vʋʋrɛ. A tɩ àr'ɩ saaƴẽwn, ɩ zɛbr-nɩbɛ na bɛ dɩ vuo a.

Ezekɩɛl 37:26

Ɩ̃ na maal'ɩ nyɩ nɩ ƴã-ɓaarʋ wõ-taa na na be kʋralɛ a. Ɩ̃ na ƴãw nyɩ nɩ a tẽw ŋa pʋɔ ɛ́ ɩ nyɩ yãwmɛ. Ɩ̃ na ɩ n a ɩ̃ zi-sõw be a nyɩ sɔgɔ kʋralɛ.

Zakari 10:8

Ɩ̃ na bʋɔl'ɩ a ɩ̃ nɩ-bʋʋrɛ lɛb ɓã bɛ taa, bʋ̃ʋ n'ʋ vɛ̃, ɩ̃ faa bɛ na. Bɛ na yãwmɛ na mɛ̃ a dãwdãw a.

Zakari 12:8

A lɛn daar a, a Sore na gù n a Zerizalɛm nɩbɛ: a bɛl na bɛ tɛr fãw kãw za a bɛ pʋɔ a na kpɛmɛ na mɛ̃ a Daviir a, ɛ́ a Daviir bʋʋrɛ ɩ mɛ̃ a Naaŋmɩn a bɛ zie a, mɛ̃ a Sore malkɩ na de bɛ niwn a.

Zakari 2:4

Ɩ̃ tɩ sowr'a: «Bʋ̃ʋ n'ʋ bɛ waar kɛ́ bɛ wa ɩ?» Ʋ tɩ sɔw mɛ̃ na: «Bɛ wa na kɛ́ bɛ wa ƴãw a tẽ-kpɛn dɛ̃bɩ̃ɛ, ɛ́ ŋmɛ a lɔb, al na ìr àr a Zuda tẽw ƴãw, diw a nɩbɛ yaarɩ kɛ̀ nɩr za bɛ tʋ̃ɔ́ bà gbɛ́r a niŋé a.»

Zakari 8:19

«Ɩ̃ yere na kʋ̀rɛ nyɩ, a mʋta-tuo nyɩ na mɩ́ tɛr, a yũon cuwr anaar sob, anũu sob, ayopõi sob nɩ a pie sob a, a na lɩɛb'ɩ cuw-bɛrɛ na tɛr cɩlʋ, nɩ nʋ̃ɔ̀ a, a Zuda nɩbɛ ƴãw.» «Ɛcɛ, nyɩ bɔbr a yel-mɩŋa nɩ a ƴã-ɓaarʋ gãw bom za!»

Zã 17:22

Ɛ́ a mãa a, ɩ̃ kʋ̀ bɛ nɩ a yúor-vɩɛlʋ-danʋ ʋl fʋ na kʋ̀ m a, kɛ́ bɛ ɩ been mɛ̃ tɩ na ɩ been a:

1 Pɩɛr 1:7

A kpɩɛrʋ á ŋá na ɩ na kɛ̀ bɛ bãw a lɛ a nyɩ naaŋmɩn-sàwfʋ vɩɛlʋ na ŋmɛ̃ a, a nyɩ naaŋmɩn-sàwfʋ ŋa na zuo a salm-zɩɛ na mɩ́ wɛ a, ɛ́ bɛ mɩ́ ƴãw vũumí ɩ kaa bãw a vɩɛlʋ a. A nyɩ naaŋmɩn-sàwfʋ bɛ na ɩ kaa nyɛ̃ ʋ vɩɛl a na ɩ na nyɩ nyɛ̃ danʋ, nɩ yúor-vɩɛlʋ-danʋ nɩ ƴãwfʋ, a lɛn daar a Yeezu Kɩrɩta nãà wa lɛb wa wul ʋ tʋɔra a,