Zeremi 30:18 - A SƐB-SÕW

¹⁸ À ŋá n'a a Sore yere: «Ɩ̃ na ɩ na a Ɩsɩrayɛl yie lɛb ŋmɛ̃ mɛ̃ a koro za a, ɩ̃ na zɔ n a bɛ yie nɩbaalʋ. A tẽ-bɛrɛ na lɛb'a mɛ a be a na tɩ be wa lo a, ɛ́ yir-vɩɛlɩ lɛb mɛ a debo-kore zu.

Zeremi 30:18 ပူးပေါင်းရင်းမြစ်များ

1 Bibie za yel-manɩ 29:1

A nãà Daviir tɩ yel'ɩ a lãw nɩbɛ za: «A ɩ̃ bidɛb Salomɔ̃ a Naaŋmɩn na kaa ír a, ʋ ɩ n pɔlbile ɛ́ bɛ bãw bom sɛr ɛ. Ɛcɛ a ton ɩ n kpɛ̃ɛ bɛ dɩ vuo ɩ, bʋ̃ʋ n'ʋ vɛ̃, a nãà yir ŋa bɛ ɩ nɩsaal ƴãw ɛ, a Sore Naaŋmɩn ƴãw n'a.

1 Bibie za yel-manɩ 29:19

Kʋ̀ a ɩ̃ bidɛb Salomɔ̃ soci-dẽdẽ na tuur a fʋ nɛ-ƴãwnɩ, a fʋ wulu nɩ a lɛ za fʋ na mɩ́ yel a, ʋ tʋ̃ɔ́ tu a yele za vla, ɛ́ ŋmãa a nãà yir ɩ̃ na cɔbrɩ a.»

Neemi 7:4

A Zerizalɛm tẽw na saa tɩ yɛlmɛ a, a ʋ nɩbɛ bɛ tɩ yãwmɛ ɩ. Yie a mɩnɛ bɛ tɩ ŋma sɛr ɛ.

Sɛb-sõw yielu 102:13

Ɛcɛ fʋ̃ʋ a, Sore e, fʋ ɩ n nãà kʋralɛ, ɛ́ a nɩbɛ na dɔwr lɩɛrɛ taa a, kʋ̃ yiiri a fʋ yele ɩ.

Sɛb-sõw yielu 102:14

Fʋ na ìr'a, fʋ na zɔ n a Sɩyɔ̃ tẽw nɩbaalʋ. A ʋ nɩbaalʋ zɔba daar'ɩ à à ŋá, a daar sɩrɩ n'ʋ.

Sɛb-sõw yielu 122:7

A ƴã-ɓaarʋ, ʋ be a fʋ pʋɔ, ɛ́ a fʋ yir-vɩɛlɩ vɩɛlɩ gã zoom!

Sɛb-sõw yielu 48:13

Nyɩ cɔrɩ cen viiri koli a Sɩyɔ̃ tẽw, nyɩ sɔ́r a ʋ zɛbr-yir-kpɛn al na kɛrɩ gãw a za a,

Sɛb-sõw yielu 48:3

ìr'a àr nɩ pɔ̀lʋ, ɛ́ ɩrɛ nʋ̃ɔ̀ a tẽw za. A Sɩyɔ̃ tãw n'ɩ a tẽ-daa tẽ-kpɛ̃ɛ kpɛ̃ɛ, a Na-kpɛ̃ɛ tẽ-kpɛ̃ɛ n'ʋ.

Sɛb-sõw yielu 78:69

Be n'a ʋ tɩ ŋmãa a ʋ zi-sõw, ʋ kpɛmɛ mɛ̃ a salom a, be n'a ʋ tɩ ƴãw ʋ ʋ àr kʋralɛ, mɛ̃ a tẽsɔw a.

Sɛb-sõw yielu 85:1

Yiel-yielbɛ nɩ-kpɛ̃ɛ sɛbɛ pʋɔ yielu. Koore bibiir yielu. Sɛb-sõw yielu.

Ɩzayi 44:26

Ɛcɛ ɩ̃ mɩ́ ɩ n a ɩ̃ tõ-tõ-bie ƴɛ̀rʋ tu, ɛ́ ɩ a lɛ a ɩ̃ nɩ-toni na yel a maalɩ. Ɩ̃ yere nɩ a Zerizalɛm ƴãw: “Nɩbɛ na lɛb'a kpɛ ʋ, bɛ na lɛb a libri a ʋ deboru”. Ɩ̃ yere nɩ a Zuda tẽ-bɛrɛ ƴãw: “Bɛ na lɛb'a mɛ a”.

Ɩzayi 44:28

Ɩ̃ yere nɩ à ŋá a Siirisɩ ƴãw: “A cɩ̃ɩnɛ ɩ̃ na kaa ír a n'ʋ. Ʋ na ɩ n a lɛ za ɩ̃ na bɔbr a tu. ʋ na tɩr'ɩ nʋɔr ɛ́ a Zerizalɛm lɛb mɛ, ɛ́ a Ŋmɩn-yir-kpɛ̃ɛ lɛb mɛ àr.”»

Zeremi 23:3

Mãa mɩŋa na ɓã n a ɩ̃ dʋn al na cɛ a taa, a ten al za pʋɔ ɩ̃ na diw a yaarɩ a. Ɩ̃ na lɛb'a tɛr a wa n a mʋ̃ɔ 'wɔbrʋ ziir. A na wa dɔw na yɛ̀r a be yaga za.

Zeremi 29:11

A mãa, a Sore, ɩ̃ bãw nɩ a yele al ɩ̃ na tɩɛrɛ a nyɩ ƴãw a, ɩ̃ɩ yere na kʋ̀rɛ nyɩ: kpɩɛrʋ yele bɛ n'a ɩ̃ tɩɛrɛ ɩ, nʋ̃ɔ̀ yele n'a. Ɩ̃ bɔbr'a k'ɩ̃ɩ kʋ̀ nyɩ nɩdaar nyɩ na na ƴãw a nyɩ tɩɛrʋ a ʋ ƴãw a.

Zeremi 30:3

Bʋ̃ʋ n'ʋ vɛ̃, ɩ̃ yere na kʋ̀rɛ fʋ: bibir waar'a na vɩɛ, ɩ̃ na na lɛb maalɩ a ɩ̃ nɩ-bʋʋrɛ Ɩsɩrayɛl ƴãw a, nɩ a Zuda nɩbɛ mɩ̀ a. Ɩ̃ na tɛr bɛ na lɛb wa n a tẽw ʋl ɩ̃ na tɩ kʋ̀ a bɛ sãàkʋm-kore a pʋɔ, ɛ́ bɛ na lɛb'a so ʋ. A mãa Sore n'ʋ yere.»

Zeremi 31:23

À ŋá n'a a Sore, a kpɛnʋ-za-sob, a Ɩsɩrayɛl Naaŋmɩn, yere: «Mãa wa lɛb maalɩ a Zuda tẽw nɩ a ʋ tẽ-bɛrɛ ƴãw a lɛn daar a, a nɩbɛ na lɛb'a yere a ƴɛ̀r-bie á ŋá: “A Sore, ʋ maalɩ fʋ, Sɩyɔ̃ tãli-sõw i, fʋ na ɩ zie a faafʋ na kpɩɛr a!”

Zeremi 31:38

A Sore yere na: «Bɛ kʋ̃ yaa kɛ́ lɛb mɛ a Zerizalɛm tẽ-kpɛ̃ɛ a ɩ̃ ƴãw ɛ. Bɛ na yi n ʋ nɩ a Hananeyɛl yir-cõcowla ƴãw tɩ sãá nɩ a Gõgon dɩ̃dɔr ƴãw.

Zeremi 31:4

Ɩ̃ na lɛb'a maalɩ fʋ ƴãw, ɩ̃ nɩ-nɔna Ɩsɩrayɛl i, ɩ̃ na lɛb'a mɛ b. Fʋ na lɛb'a de a fʋ gãgali-vɩɛlɩ tɩ lãw nɩ a bɩn-ƴawrbɛ na maalɛ cuw a.

Zeremi 31:40

A kũuni nɩ a tãpɛl-kãánɩ bà-fʋɔla za nɩ a ziir al za na cen tɩ tɔ a Sedrɔ̃ bà-fʋɔla ɛ́ tɩ sãá a Wie dɩ̃dɔr gõgon ƴãw a, na ɩ n a Sore zi-sóra. Bɛ bɛ vʋ̃ɔnɛ bom, bɛ sãwnɛ bom za bɛrɛ a ziir á ŋá pʋɔ ɩ.»

Zeremi 32:15

«À ŋá n'a a Sore, a kpɛnʋ-za-sob, a Ɩsɩrayɛl Naaŋmɩn, yere: “A tẽw ŋa pʋɔ a, a nɩbɛ na lɛb'a dàar yie, póru nɩ divɛ̃ tɩɩr póru.”»

Zeremi 32:44

Yel-mɩŋa, a Bɛ̃zamɛ tẽw pʋɔ, a ziir za na viiri koli a Zerizalɛm a pʋɔ, a Zuda tẽ-bɛrɛ pʋɔ, a Ho-Peyi, a Ba-Peyi nɩ a Negɛɛvʋ tẽ-bɛrɛ pʋɔ a, bɛ na lɛb'a dàar póru. Lɛ n'a a nɩbɛ na mɩ́ maalɩ a bʋ̃-da-sɛbr, bɛ na mɩ́ ƴãw ŋmaarʋ-bʋ̃-ƴãwna bãwfʋ a sɛbr zu, bɛ na mɩ́ bʋɔlɩ dãsɩɛ dem. Bʋ̃ʋ n'ʋ vɛ̃, ɩ̃ na lɛb'a maalɩ a tẽw ŋa nɩbɛ yele ƴãw.» À à ŋá na a Sore yel.

Zeremi 33:11

a cuw gɔmɛ, a nʋ̃ɔ̀ cɛlsɩ, a dɛb-sãan nɩ a pɔw-sãan yielu. Bɛ na lɛb'a wone a bɛlɩ dem na na wa n a bɛ danʋ bagɛ a Ŋmɩn-yir-kpɛ̃ɛ pʋɔ a, yielu ŋa: “Nyɩ danɛ a Sore, a kpɛnʋ-za-sob, bʋ̃ʋ n'ʋ vɛ̃, ʋ vɩɛl'a, ɛ́ a ʋ nɔ̃wfʋ be n be kʋralɛ.” Sɩza, ɩ̃ na lɛb'a maalɩ a tẽw ŋa ƴãw ʋ lɛb ŋmɛ̃ mɛ̃ a koro za a.» À à ŋá n'a a Sore yel.

Zeremi 33:7

Ɩ̃ na lɛb'a maalɩ a Zuda nɩ a Ɩsɩrayɛl nɩbɛ yele ƴãw, ɩ̃ɩ na lɛb'a ɩ bɛ ŋmɛ̃ a bɛ dãwdãw ŋmɛ̃a.

Zeremi 46:27

«Fʋ̃ʋ Ɩsɩrayɛl, ɩ̃ tõ-tõ-bie e, ta zɔrɛ dɛ̃bɩ̃ɛ ɩ. Ta ɩ kɛ́ dɛ̃bɩ̃ɛ tɛr fʋ yaga za ɩ, fʋ̃ʋ na ɩ a Zakɔb bʋʋrɛ a. Ɩ̃ na faa fʋ nɩ a tẽ-zãánɩ á ŋá pʋɔ, ɛ́ faa a fʋ bʋʋrɛ a ten al pʋɔ bɛ na diw bɛ cen nɩ a. Ɩsɩrayɛl i, fʋ na lɛb'a wa, wa vʋʋrɛ zoom, ɛ́ bɛ bãw damnʋ ɛ. Ɛ́ nɩr za kʋ̃ be be lɛb dam fʋ ɛ.

Zeremi 49:39

Ʋ cãà na yere: «Ɛcɛ, bibir kãw a, ɩ̃ na lɛb'a maalɩ a Elam tẽw ƴãw.»

Zeremi 49:6

Ɛcɛ a pùorí a, ɩ̃ na lɛb'a maalɩ a Amɔ̃ tẽw, ʋ lɛb ŋmɛ̃ mɛ̃ a dãwdãw a.» A Sore n'ʋ yel.

Ezekɩɛl 36:11

A ziir za a, a nɩbɛ nɩ a dʋn na lɛb'a yãwmɛ. Nyɩ na tɛr'ɩ bibiir, nyɩ na yãwmɛ na. A tẽw na lɛb'a tɛr nɩbɛ mɛ̃ a koro za a, ɛ́ a nyɩ tɛra na zuo nɩ a dãwdãw dem. Lɛ n'a nyɩ na bãw kɛ́ mãa n'ɩ a Sore.

Amɔsɩ 9:14

Ɩ̃ lɛb'a maalɛ a ɩ̃ nɩ-bʋʋrɛ ƴãwn: bɛ na lɛb'a mɩɛr a ten al na tɩ sãw a, kɛ́ bɛ kpɩɛr a pʋɔ. Bɛ na sɛl'ɩ divɛ̃ tɩɩr nyúur a divɛ̃. Bɛ na kɔ n zaadɛnɩ dɩrɛ a zaadɛnɩ pʋɔ bome.

Zakari 1:12

Lɛ n'a a Sore malkɩ tɩ lɛb yel: «Sore Kpɛnʋ-za-sob i, yome lɩz'a ata nɩ pie n'ɩ à ŋá fʋ na nyɛ̃ nɩ a Zerizalɛm nɩ a Zuda ten al na cɛ a, suur a. Debor'a fʋ na zawrɩ na zɔ a nɩbaalʋ tɩ ta n?»

Zakari 1:16

Alɛ n'a so ɩ̃ yere, a mãa, a Sore Kpɛnʋ-za-sob: Ɩ̃ lɛb'a waar a Zerizalɛm nɩ nɩbaal-zɔba. A ɩ̃ yir na lɛb'a mɛ a ʋ pʋɔ, ɛ́ bɛ na lɛb'a mɛ a Zerizalɛm tẽ-kpɛ̃ɛ.»

Zakari 12:6

A lɛn daar a, ɩ̃ na ɩ na a Zuda niw-dierbɛ ɩ mɛ̃ vũu na nyɔw dàar dɩrɛ a, bɩɩ mɛ̃ mɔ̃-'lena vũu bɛ na tõ ƴãw ble-dor pile a. A lõbowe za a, bɛ na sãw nɩ a nɩ-bʋʋrɛ na viiri koli bɛ a bɛr. Ɛcɛ a Zerizalɛm nɩbɛ na cãà na kpɩɛr a bɛ tẽw pʋɔ.»

Zakari 12:7

A Sore na de nɩ niwn faa a Zuda yie nɩbɛ, k'aa Daviir bʋʋrɛ nɩ a Zerizalɛm tẽw dem taa tɩ́ɛrɛ kɛ́ bɛ gãw nɩ a Zuda nɩbɛ ŋmaarɛ ɩ.

Zakari 14:10

A vuo ʋl za na viiri koli a Zerizalɛm a na lɩɛb'ɩ zi-tɩ̃tal, yi a Geva na be a saa-pɛrɩ́-gʋba-lowr a, ɛ́ tɩ ta a Irimon a saa-pɛrɩ́-dʋrʋ-lowr. A Zerizalɛm na do na gãw a zie na jil koli ʋ a, ɛ́ a tẽw na yi n a Bɛ̃zamɛ dɩ̃dɔr ƴãw ɛ́ cen tɩ tɔ a Dacĩ-gõgon dɩ̃dɔr, a be a dɩ̃dɔr kʋra na tɩ be a, ɛ́ lɛb yi a Hananeyɛl yir-cõcowla ƴãw, ɛ́ cen tɩ ta a nãà divɛ̃ tɩɩr wɔmɛ nɛbrʋ ziir.