Zeremi 30:10 - A SƐB-SÕW

¹⁰ «A fʋ̃ʋ, Ɩsɩrayɛl, ɩ̃ tõ-tõ-bie e, ta zɔrɛ dɛ̃bɩ̃ɛ ɩ, a Sore n'ʋ yere. Pʋl-vʋ̃ɔ ta tɛr fʋ ɛ, fʋ̃ʋ, a sãàkʋm-kʋra na n'ɩ Zakɔb a. Ɩ̃ na faa fʋ nɩ a tẽ-zãánɩ pʋɔ, ɛ́ faa a fʋ bibiir a tẽw ʋl pʋɔ bɛ na diw bɛ cen nɩ a. Ɩsɩrayɛl i, fʋ na lɛb'a wa, wa vʋʋrɛ zoom ɛ́ bɛ bãw damnʋ ɛ. Ɛ́ nɩr za kʋ̃ lɛb ƴãw fʋ dɛ̃bɩ̃ɛ ɩ.

Zeremi 30:10 ပူးပေါင်းရင်းမြစ်များ

Yele-za-pɛr-tib 15:1

A yele á ŋá pùorí, a Sore tɩ ɩ na a Abram nyɛ̃ ʋ, ʋʋ ƴɛ̀r a ʋ zie à ŋá: «Ta zɔrɛ dɛ̃bɩ̃ɛ ɩ, Abram i! Mãa n'ʋ gùre fʋ, ɛ́ na kʋ̀ b sã-ya-kpɛ̃ɛ.»

Ɩzayi 14:3

Ɩsɩrayɛl i, a ʋlɩ bibir a Sore nãà wa ɩ fʋ nyɛ̃ pɩ̃ɛnʋ a fʋ kpɩɛrʋ, a fʋ wʋ̀ʋr nɩ a gbãgba-tuo fʋ na nyɛ̃ a pùorí a,

Ɩzayi 35:9

Nɩr bɛ tuore gbẽw a ʋ zu ɛ, wɛ-dʋ̃-faa kãw za bɛ yire a ʋ zu ɛ, nɩr bɛ nyɛrɛ ʋ ɛ. A nɩbɛ a Sore na na faa a, bɛlɛ nɛbɛ na lo a sɔ́r ŋa.

Ɩzayi 43:5

Ta zɔrɛ dɛ̃bɩ̃ɛ ɩ, ɩ̃ be n a fʋ zie. Ɩ̃ na ɩ n a fʋ bibiir bɛ yi a saa-pɛrɩ́ lɛb wa, ɩ̃ na tɛr bɛ nɩ a mʋ̃tɔ̃w-kpɛb-lowr wa ɓã taa.

Ɩzayi 44:1

Ɛcɛ ƴɛrɛŋa a, bɛrɛ wone, ɩ̃ tõ-tõ-bie Zakɔb i, fʋ̃ʋ Ɩsɩrayɛl ɩ̃ na kaa ír a.

Ɩzayi 44:2

À ŋá n'a ɩ̃ yere, a mãa Sore na maalɩ fʋ a, na cɔbrɩ fʋ ɛ́ fʋ bɛ dɔw sɛr ɩ̃ɩ waar a fʋ sõwfʋ a: Ta zɔrɛ dɛ̃bɩ̃ɛ ɩ, ɩ̃ tõ-tõ-bie Zakɔb i, fʋ̃ʋ Yesurun ɩ̃ na kaa ír a.

Ɩzayi 46:11

A saa-pɛrɩ́ zi-zãána n'a ɩ̃ bʋɔlɛ nɩr na kpɛmɛ mɛ̃ sɩla a. Ʋlɛ n'ʋ na maalɩ a lɛ ɩ̃ na tɩɛrɩ a yele bin a. A lɛ ɩ̃ na yel a, ɩ̃ na ɩ na. A lɛ ɩ̃ na tɩɛrɩ a yele bin a, ɩ̃ na maal'a.

Ɩzayi 46:13

A ɩ̃ mɩnʋ a, ɩ̃ ɩ na ʋ tawr pɩɛlɛ, ʋ bɛ cãà zãá ɩ. A faafʋ pɩɛl'a, mãa mɩŋa n'ʋ waar'ɩ ʋ a Sɩyɔ̃. Ɩ̃ na kʋ̀ n a Ɩsɩrayɛl a ɩ̃ vɩɛlʋ.

Ɩzayi 49:12

Bɛlɛ n'ɩ bɛ ŋan! Bɛ yi n zi-zãána waar: bɛ mɩnɛ yi a saa-pɛrɩ́-gʋba-lowr, bɛ mɩnɛ yi a mʋ̃tɔ̃w-kpɛb-lowr, bɛ mɩnɛ yi a saa-pɛrɩ́-dʋrʋ-lowr, a Eziptɩ tẽw.»

Ɩzayi 49:25

Ʋ̃ʋ, à ŋá n'a a Sore yere: «Ɩ̃ na lɛb'a de a bom a gãdaa na zɛb de a, ɩ̃ na faa nɩ a gaso nɩr a na-po-tuo sob nuru pʋɔ! Zerizalɛm i, mãa mɩŋa n'ʋ na zɛb'ɩ a bɛlɩ dem na zɛbr'ɩ fʋ a, mãa mɩŋa n'ʋ na faa a fʋ bibiir.

Ɩzayi 54:4

Ta zɔrɛ dɛ̃bɩ̃ɛ ɩ, vĩ kʋ̃ cãà ɩrɛ fʋ ɛ. A fʋ tɩɛrʋ, ʋ ta damnɛ fʋ ɛ, bɛ kʋ̃ cãà tʋʋr fʋ ɛ. Fʋ na yiir'ɩ a fʋ pɔ̀lʋ daar vĩ bɛr, fʋ kʋ̃ cãà bãwnɩ a fʋ pɔw-kʋɔlʋ zʋmɛ ɩ.

Zeremi 23:3

Mãa mɩŋa na ɓã n a ɩ̃ dʋn al na cɛ a taa, a ten al za pʋɔ ɩ̃ na diw a yaarɩ a. Ɩ̃ na lɛb'a tɛr a wa n a mʋ̃ɔ 'wɔbrʋ ziir. A na wa dɔw na yɛ̀r a be yaga za.

Zeremi 23:4

Ɩ̃ na ƴãw nɩ dʋ̃-cɩ̃ɩn-sɩza mɩnɛ bɛ cɩ̃ɩnɛ a. Ɛ́ a bɛl zũú a, a kʋ̃ cãà bãw dɛ̃bɩ̃ɛ nɩ pʋl-vʋ̃ɔ ɩ. Been za bɛ lɛb cɩ́ɛr ɛ, a Sore n'ʋ yere.»

Zeremi 23:6

A ʋ daar a, a Zuda na nyɛ̃ nɩ a faafʋ, a Ɩsɩrayɛl na vʋʋrɛ nɩ zoom bɛ bãw damnʋ ɛ. Nyɛ̃ a yúor bɛ na na bʋɔlɛ ʋ a: “A Sore n'ɩ a tɩ mɩnʋ.”

Zeremi 23:8

Ɛcɛ bɛ na mɩ́ yel'a: “Ɩ̃ pɔrɛ nɩ nɩ a Sore na vʋʋrɛ a, ʋl na ɩ a Ɩsɩrayɛl nɩbɛ yi a saa-pɛrɩ́-gʋba-lowr ten nɩ a ziir al za ʋ na diw bɛ yaarɩ a, lɛb wa zɩ̃ a bɛ tẽw pʋɔ a!”»

Zeremi 29:11

A mãa, a Sore, ɩ̃ bãw nɩ a yele al ɩ̃ na tɩɛrɛ a nyɩ ƴãw a, ɩ̃ɩ yere na kʋ̀rɛ nyɩ: kpɩɛrʋ yele bɛ n'a ɩ̃ tɩɛrɛ ɩ, nʋ̃ɔ̀ yele n'a. Ɩ̃ bɔbr'a k'ɩ̃ɩ kʋ̀ nyɩ nɩdaar nyɩ na na ƴãw a nyɩ tɩɛrʋ a ʋ ƴãw a.

Zeremi 3:18

A lɛn daar a, a Zuda tẽw nɩbɛ na cen na tɩ páw a Ɩsɩrayɛl nɩbɛ, ɛ́ bɛ za ɓã taa yi a saa-pɛrɩ́-gʋba-lowr tẽw wa a tẽw ʋl ɩ̃ na kʋ̀ a bɛ sãàkʋm-kore k'ʋʋ ɩ a bɛ sób a pʋɔ.»

Zeremi 30:3

Bʋ̃ʋ n'ʋ vɛ̃, ɩ̃ yere na kʋ̀rɛ fʋ: bibir waar'a na vɩɛ, ɩ̃ na na lɛb maalɩ a ɩ̃ nɩ-bʋʋrɛ Ɩsɩrayɛl ƴãw a, nɩ a Zuda nɩbɛ mɩ̀ a. Ɩ̃ na tɛr bɛ na lɛb wa n a tẽw ʋl ɩ̃ na tɩ kʋ̀ a bɛ sãàkʋm-kore a pʋɔ, ɛ́ bɛ na lɛb'a so ʋ. A mãa Sore n'ʋ yere.»

Zeremi 30:7

Nyɛ̃ baw-bio a! Bibir na bɛ tɛr dɩ̃ɛnʋ a n'ʋ. Bibir kãw za bɛ ŋmɛ̃ taa nɩ ʋ ɛ. Kpɩɛrʋ daar'ʋ a Zakɔb bʋʋrɛ ƴãw, ɛcɛ bɛ na nyɛ̃ nɩ faafʋ.»

Zeremi 33:16

A lɛn daar a, a Zuda naalʋ-tẽw na nyɛ̃ nɩ faafʋ, ɛ́ a nɩbɛ na kpɩɛr a Zerizalɛm tẽw pʋɔ a, na vʋʋrɛ na ɛ́ bom bɛ damnɛ bɛ ɩ. Nyɛ̃ a lɛ bɛ na na bʋɔlɛ ʋ a: “A Sore n'ɩ a tɩ mɩnʋ.”»

Ezekɩɛl 16:52

Ɛcɛ a ƴɛrɛŋa a, sàw fʋ na bɛ cãà tɛr yúor a fʋ sãwna zũú a. Sɩza, fʋ ɩ n ɩb na kpɛ faa zuo a fʋ yɛbr dem a. Lɛ so bɛ sãá nɩ-mɩn zuo fʋ. A vĩ mɩ̀ na páw fʋ na ɛ́ a na kpɛ b'a, fʋ na bɛ cãà tɛr yúor a.

Ezekɩɛl 38:11

Fʋ na yel'a kɛ́ fʋ na zɛb'ɩ nɩ ƴã-ɓaarʋ nɩbɛ na kpɩɛr tẽw bɛ na bɛ mɛ dacine viiri koli, ɛ́ bɛ pàw ʋ nɩ pamɛ na tɛr dà-jɩ̀rɩ́ a.

A naaŋmɩn-ƴèr-manɛ Oze sɛbɛ 2:18

«A ʋlɩ bibir nɛ a, a Sore n'ʋ yere, ʋ na bʋɔlɛ mɛ̃ nɩ: “Ɩ̃ sɩr”, ʋ kʋ̃ cãà bʋɔlɛ mɛ̃: “Ɩ̃ Báàl, ɩ̃ zu-sob ɛ.”

A naaŋmɩn-ƴèr-manɛ Oze sɛbɛ 2:20

A ʋlɩ bibir nɛ a, mãa nɩ a wɛ-dʋn, a saa-zu lili nɩ a tẽsɔw bʋ̃-vuri na maal'ɩ wõ-taa a ɩ̃ nɩ-bʋʋrɛ ƴãw. Ɩ̃ na kár'ɩ a tam nɩ a zɛbr-sɔ-kpɛ̃ɛ bɛr, ɛ́ sãw a za bɛr, a kʋ̃ cãà a tẽw pʋɔ ɩ, ɩ̃ɩ na sàw na k'aa ɩ̃ nɩbɛ mɩ́ ɓãá ƴãw gúre.

A naaŋmɩn-ƴèr-manɛ Oze sɛbɛ 6:11

«Zuda a, a fʋ̃ʋ ƴãw mɩ̀ a, ɩ̃ cɔbrɛ nɩ a ci-cɛb. A na ɩ n a lɛn daar ɩ̃ nãà wa lɛb maalɩ a ɩ̃ nɩ-bʋʋrɛ bɛ ŋmɛ̃ mɛ̃ a bɛ dãwdãw a.»

Zowɛl 2:21

Fʋ̃ʋ tẽw i, ta zɔrɛ dɛ̃bɩ̃ɛ ɩ! A fʋ nʋ̃ɔ̀, ʋ pur yaarɩ, a Sore na maalɛ yel-bɛrɛ a ƴãw.

Mise 4:9

Zerizalɛm nɩbɛ ɛ, bʋ̃ʋ n'ʋ so a cɛlsɩ á ŋá a ƴɛrɛŋa? Bʋ̃ʋ n'ʋ so a 'wɔbrʋ 'wɔbr nyɩ nyɩ ŋmɩɩlɛ mɛ̃ pɔw na dɔwr a? Nyɩ bɛ cãà tɛr nãà bɩɩ? A nyɩ yã-wulbɛ kpi na bɩɩ?

Zakari 3:10

A bibir ŋa wa vɩɛ a, nyɩ na bʋɔlɛ nɩ taa wa zɩnɛ a nyɩ divɛ̃ tɩɩr nɩ a nyɩ kãkã-tɩɩr ɓaarʋ́, a mãa, a Sore, a Kpɛnʋ-za-sob'ʋ yel.»

Zã 12:15

«Sɩyɔ̃ tẽw i, ta zɔrɛ dɛ̃bɩ̃ɛ ɩ. A fʋ nãà n'ɩ ŋan waar, zɔm bõw-nyãw bile!»