Zeremi 3:8 - A SƐB-SÕW

⁸ Ɩ̃ zawr'ɩ a Ɩsɩrayɛl a tɩɛrʋ na lɩɛbɛ a bɛr, ʋ na tɩ maalɩ pɩ̃ɔ-yele a ƴãw, ɛ́ kʋ̀ ʋ a zawr-bɛrʋ sɛbɛ. Ɛcɛ, ɩ̃ nyɛ̃ na k'aa ʋ yɛb, a Zuda na bɛ tu a Sore a, bɛ zɔ dɛ̃bɩ̃ɛ kãw za ɩ. Ʋ mɩ̀ nɩ̃ɛ na cen tɩ tõ a pɔw-yɛm tome.

Zeremi 3:8 ပူးပေါင်းရင်းမြစ်များ

2 Bibie za yel-manɩ 21:11

A Yoram tɔr za tɩ maal'ɩ maalʋ-ziir a Zuda tan zu, bɛlɩ nɩ a Zerizalɛm nɩ a Zuda nɩbɛ bɛ tuur ŋmɩn-bɛlɛbɛlɛ.

Ɩzayi 50:1

À ŋá n'a a Sore yere: «A zawr-bɛrʋ sɛbɛ wa ɩ̃ na maalɩ zawr'ɩ a nyɩ mã Zerizalɛm bɛr a? Bɩɩ, a bɛlɩ dem samɛ ɩ̃ na tɛr a, a bɛ buor sob zie n'a ɩ̃ nyɔw nyɩ kʋɔrɩ? Bɛlɛ wa kʋɔrɩ nyɩ a, a nyɩ sãwna ƴãw n'a. Bɛlɛ wa zawrɩ a nyɩ mã bɛr a, a nyɩ yel-bebe ƴãw n'a.

Zeremi 2:19

A fʋ ɩ-faa, ʋ dɔwrɩ fʋ! A fʋ pùor-lɛbrʋ ɩ-ɩrɩ, a kpãà fʋ! Lɛ n'a fʋ na nyɛ̃ ɛ́ bãw yel ŋa: a mãa, a Sore fʋ Naaŋmɩn zawr-bɛrʋ sɩrɩ na kpɛ faa ɛ́ buore! Sɩza n'a, fʋ bɛ cãà màwr a ɩ̃ niŋé ɩ. A Sore, a kpɛnʋ-za-sob'ʋ yel.»

Zeremi 3:1

A Sore yel'a: A ɩ mɛ̃ dɛb zawr'ɩ a ʋ pɔw bɛr, ʋ yi a ʋ zie tɩ kul dɛb-yũo a, ʋ tɛr'ɩ sɔ́r na lɛb kul a pɔw ŋa a? Ʋ̃ʋ'hʋ̃! A tẽw na dɛw nɩ ʋ za. Ɛcɛ a fʋ̃ʋ a, Ɩsɩrayɛl i, fʋ tõ n pɔw-yɛm tome nɩ nɩ-yaga ɛ́ bɔbr kɛ́ fʋ lɛb wa a ɩ̃ zie! A Sore n'ʋ yel.

Zeremi 33:24

«Fʋ bɛ wõ a lɛ a nɩbɛ na yere a ɩ? Bɛ na yere k'ɩ̃ɩ zawr'ɩ a Ɩsɩrayɛl nɩ a Zuda bɛr, a yie ayi á ŋá ɩ̃ na tɩ kaa ír a. Bɛ na ƴɛ̀rɛ à à ŋá a, bɛ jewre nɩ a ɩ̃ nɩbɛ. Bɛl zie a, bɛ bɛ cãà ɩ nɩ-bʋʋrɛ mɩ̀ ɛ.

Zeremi 5:7

A na ɩ à ŋá a, ŋmɩŋmɩn n'a ɩ̃ na dɩ suur kʋ̀ b? A fʋ bibiir zawrɛ mɛ̃ na bɛrɛ, bɛ mɩ́ pɔ n nɩ ŋmɩn-bɛlɛbɛlɛ yúor. Ɩ̃ tɩ kʋ̀ bɛ nɩ alɩ bome nɛ a na tɩ fɛr kɛ́ bɛ tɛr a, ɛcɛ bɛ cãà na maalɩ a pɩ̃ɔ-yele, bɛ darɛ nɩ taa a pɔw-yɛmɛ yir.

Ezekɩɛl 16:46

A fʋ yɛ-kpɛ̃ɛ n'ɩ Samaari na be a saa-pɛrɩ́-gʋba-lowr a nɩ a ʋ tẽ-kpɔwlɩ. A fʋ yɛ-bile n'ɩ Sodɔm na be a saa-pɛrɩ́-dʋrʋ-lowr a nɩ a ʋ tẽ-kpɔwlɩ.

Ezekɩɛl 16:47

Fʋ bɛ cɔwrɩ a bɛ ɩb tɛwr ɛ, fʋ bɛ maalɩ a alɩ yel-been nɛ na bɛ maal'ɩ wob a tɛwr ɛ, a bɛ tɩ zɛ̃ fʋ bom ɛ! A fʋ ɩb tɩ kpɛ n faa yaga zuo a tẽ-bɛrɛ al na cɛ a dem!

Ezekɩɛl 16:51

Ɛcɛ a Samaari ʋl a, ʋ bɛ maalɩ a faa fʋ na maalɩ a põ-zɛ̃-taa zie ɩ. A fʋ ɩ-faar yãwmɛ na zuo a ʋ dem. Bɛlɛ de a fʋ yɛbr Sodɔm nɩ a Samaari man nɩ fʋ a, a Sodɔm nɩ a Samaari bɛ ɩ sãwna dem ɛ!

Ezekɩɛl 23:44

Dɛbr mɩ́ cere nɩ a ʋ zie mɛ̃ bɛ na mɩ́ cere pɔw-yɛm zie a! Dɛbr cen nɩ a Ohola nɩ a Oholiba zie mɛ̃ bɛ na mɩ́ cen pɔw-yɛm zie a, a pɔwbɛ bɛ ŋa na mɩ́ gã nɩ dɛb-sãsaralɛ a.”

Ezekɩɛl 23:9

Lɛ n'a ɩ̃ tɩ jɛ ʋ bɛr a ʋ sɛnbɛ nuru pʋɔ, a Asiiri tẽw dem ʋ na tɩ nɔnɛ a.

A naaŋmɩn-ƴèr-manɛ Oze sɛbɛ 3:4

À ŋá n'a a na ŋmɛ̃ a Ɩsɩrayɛl bibiir zie: bɛ na kɔwr'a, ɛ́ kʋ̃ nyɛ̃ nãà ɩ, kʋ̃ tɛr niw-diere ɩ, kʋ̃ tʋ̃ɔ́ bàwr maalɩ ɛ, kʋ̃ tɛr kʋsɛ-teli ɛ. Bɛ kʋ̃ tɛr efɔdɩ nɩ terafim ɛ.

Wulu-ayi-sob 24:1

A ɩ mɛ̃ nɩr kul'ɩ pɔw, ɛ́ bibir kãw a pɔw bɛ cãà pɛlɩ a ʋ pʋɔ ɩ, bʋ̃ʋ n'ʋ vɛ̃, ʋ nyɛ̃ nɩ ɩb kãw na bɛ vɩɛl a, a ʋ zie. A lɛ n'a ʋ maalɩ zawr-bɛrʋ sɛbɛ kʋ̀ ʋ, ɛ́ ír ʋ a ʋ yir pʋɔ.

Wulu-ayi-sob 24:3

A ɩ mɛ̃ a sɩrbɛ ayi sob ŋa mɩ̀ ta n sɔgɔ bɛ cãà nɔnɛ ʋ ɛ, maalɩ zawr-bɛrʋ sɛbɛ kʋ̀ ʋ, ɛ́ ír ʋ a ʋ yir pʋɔ, bɩɩ a sɩrbɛ ayi sob kpi na,