Zeremi 3:6 - A SƐB-SÕW

⁶ A nãà Zozɩasɩ daar a, a Sore tɩ yel mɛ̃ na: «Fʋ nyɛ̃ nɩ a ʋlɩ bom nɛ a Ɩsɩrayɛl a tɩɛrʋ na lɩɛbɛ a na ɩ a? Ʋ do n tãw za na kɛrɩ a zu, ʋ cen nɩ tɩ-zimpiri za pile tɩ tõ a pɔw-yɛm tome a be.

Zeremi 3:6 ပူးပေါင်းရင်းမြစ်များ

1 Na-mɩnɛ 14:23

Bɛ mɩ̀ tɩ cɔbr'ɩ maalʋ-ziir, bin kʋsɛ-teli nɩ dà-barɩ a tãli za na tɛr tɩ-zimpiri zimpiri a zu.

2 Bibie za yel-manɩ 34:1

A Zozɩasɩ tɩ tɛr'ɩ yome ani a lɛn daar ʋ na tɩ ɩ a nãà a, ɛ́ dɩ a naalʋ yome lɩzɛr'ɩ pie nɩ been a Zerizalɛm.

Sɛb-sõw yielu 106:39

A bɛ ɩ-ɩrɩ tɩ ɩ na bɛ ɩ dɛwr dem, a bɛ tome tɩ ɩ n pɔw-yɛm tome.

Ɩzayi 57:3

Nyɩɩm, pɔw-sɩ̃ɛ bibiir i, nyɩ taw pɩɛlɩ a ka. Pɩ̃ɔ-yel-maalbɛ nɩ pɔw-yɛmɛ nɩ dɛ-yɛmɛ bʋʋrɛ n'ɩ nyɩ!

Ɩzayi 57:7

Fʋ mɩ́ bin nɩ a fʋ gado tãw za na kɛrɩ a zu. Ɛ́ a be n'a fʋ mɩ́ do kɛ́ fʋ tɩ maalɩ a bàwr.

Zeremi 1:2

A Amɔ̃ bidɛb, Zozɩasɩ, na tɩ ɩ a Zuda tẽw nãà a naalʋ-dɩb yome pie nɩ ata sob daar'a a Sore tɩ ƴɛ̀r a Zeremi zie.

Zeremi 11:10

Bɛ lɛb'a lo a bɛ sãàkʋm-kore na tɩ zawrɩ na bɛr wõ a ɩ̃ ƴɛ̀rʋ a yel-bebe pʋɔ. Bɛ tu n ŋmɩn-yoru pùor maalɛ a. A Ɩsɩrayɛl nɩbɛ nɩ a Zuda nɩbɛ sãw nɩ a wõ-taa ɩ̃ na tɩ maal'ɩ a bɛ sãàkʋm-kore a bɛr.

Zeremi 17:2

Bɛ mɩ́ tɩɛrɛ nɩ a bɛ bàwr-maal-kube, a bɛ dà-barɩ nɩ a tɩ-zimpiri zimpiri a tãli-kɛrɩ zu, mɛ̃ a lɛ bɛ na mɩ́ tɩɛrɛ a bɛ bibiir a.

Zeremi 3:8

Ɩ̃ zawr'ɩ a Ɩsɩrayɛl a tɩɛrʋ na lɩɛbɛ a bɛr, ʋ na tɩ maalɩ pɩ̃ɔ-yele a ƴãw, ɛ́ kʋ̀ ʋ a zawr-bɛrʋ sɛbɛ. Ɛcɛ, ɩ̃ nyɛ̃ na k'aa ʋ yɛb, a Zuda na bɛ tu a Sore a, bɛ zɔ dɛ̃bɩ̃ɛ kãw za ɩ. Ʋ mɩ̀ nɩ̃ɛ na cen tɩ tõ a pɔw-yɛm tome.

Zeremi 31:22

Pɔwli-gaara a, debor'a fʋ na cere a ziir za tɩ ta? Bʋ̃ʋ n'ʋ vɛ̃, a Sore ír'ɩ yel-sãw a tẽw zu: a pɔw n'ʋ na bɔ a dɛb.

Zeremi 5:11

Sɩza n'a, a Ɩsɩrayɛl naalʋ-tẽw nɩ a Zuda naalʋ-tẽw za bɛ tu m ɛ. À à ŋá n'a a Sore yere.

Zeremi 7:24

Ɛcɛ bɛ bɛ bɛr wõ ɩ, bɛ bɛ cɛlɩ be ɩ, bɛ ɩ n lɛ bɛ na nɔnɛ a, a bɛ zu-kpɛ̃w-faa faa pʋɔ. Bɛ nãá lɩɛbɩ a bɛ niwn cɔw mɛ̃ a, bɛ bɛr'a ɛ́ lɩɛbɩ kpaar cɔw mɛ̃.

Ezekɩɛl 16:31

A sɔ́r za tib zie a, fʋ mɛ n gboro. Fʋ mɛ n zi-kɛrɩ a ziir za. Ɛcɛ fʋ bɛ zɛlɩ libie mɛ̃ a pɔw-yɛmɛ bɛ mɩnɛ a ɩ.

Ezekɩɛl 16:35

A na ɩ à ŋá a, Zerizalɛm i, fʋ̃ʋ na tone pɔw-yɛm tome a, bɛrɛ wone a Sore ƴɛ̀rʋ!

Ezekɩɛl 20:28

Ɩ̃ tɩ tɛr bɛ na cen nɩ a tẽw ʋl ɩ̃ na tɩ pɔ yel k'ɩ̃ɩ na kʋ̀ bɛ na a pʋɔ. A be a, bɛ tɩ nyɛ̃ nɩ a tãli nyɛɛ na ɩ tɩɩr na tɛr váar zimpiri zimpiri a, ɛ́ tɩ maalɩ a bɛ bagɛ. Bɛ tɩ ɩ n a ɩ̃ suur ìr nɩ a bʋ̃-kʋ̀rɩ, a de-kʋ̀b bome a nyũu na ɓãanɛ suur, nɩ a divɛ̃ de-kʋ̀b bɛ na tɩ dier tɩrɛ a.

Ezekɩɛl 23:11

«A ʋ yɛb Oholiba tɩ nyɛ̃ nɩ à á ŋá za. Ɛcɛ, a ʋ socir vʋla pʋɔ a, ʋ tɩ kpɛ n faa zuo a Ohola. A ʋ pɔw-yɛm tome tɩ zuo nɩ a ʋ yɛb dem.

Ezekɩɛl 23:4

A yeepuul-kpɛ̃ɛ yúor tɩ dɩ na kɛ́ Ohola, ɛ́ a bile yúor dɩ kɛ́ Oholiba. A dãw-niwn sob a, Samaari n'ʋ, ɛ́ a bile ɩ Zerizalɛm. Ɩ̃ tɩ kul'ɩ bɛ za ayi, ɛ̀ bɛ dɔw dɛbli nɩ powli kʋ̀ m.

A naaŋmɩn-ƴèr-manɛ Oze sɛbɛ 11:7

A ɩ̃ nɩ-bʋʋrɛ su n zu zawrɛ mɛ̃ bɛrɛ, bɛ bʋɔlɛ bɛ na kɛ́ bɛ lɛb ìr, ɛcɛ bɛ been kãw za bɛ lɛb ìre ɩ.»

A naaŋmɩn-ƴèr-manɛ Oze sɛbɛ 4:13

Tan zu n'a bɛ mɩ́ do tɩ maalɩ a bàwr. Tãli zu n'a bɛ nyɩwr a tɩ-suur-zɔ̃-na-nyùur-vla-vla-a. Sɛn, pepilie nɩ terebɛ̃tɩ tɩɩr ɓaarʋ na maalɩ a al ƴãw a pile n'a bɛ mɩ́ be. Lɛ so a nyɩ pɔwyaar na ɩrɛ mɛ̃ pɔw-yɛmɛ a, ɛ́ a nyɩ biir-pɔwbɛ tone pɩ̃ɔ yel-bier tome.

Ƴɛ̀r-dɩrbɛ 2:17

Ɛcɛ bɛ mɩ̀ cãà bɛ bɛr wõ a bɛ ƴɛ̀r-dɩrbɛ ɩ. Bɛ lɩɛb'a tu ŋmɩn yoru, gbine dume a ŋmɩmɛ á ŋá niŋé. A bɛ sãàkʋm-kore tɩ tu n a Sore nɛ-ƴãwnɩ, ɛcɛ bɛl bɛ cɔwrɩ a bɛ sãàkʋm-kore ɩ, bɛ zawr'ɩ a bɛ sɔ́r bɛr fɔ̃wlɛ.