Zeremi 3:3 - A SƐB-SÕW

³ Lɛ n'a ɩ̃ bɛ tɩ bɛr a saa kʋ̀ b ɛ, ɛ́ a saa bɛ wa a sɩ̃ɔ ɛ. Ɛcɛ fʋ cãà na kpãa tobr tone a fʋ pɔw-yɛm tome, fʋ bɛ sàw a fʋ sãwna ɩ.

Zeremi 3:3 ပူးပေါင်းရင်းမြစ်များ

Yele-za-pɛr-tib 19:34

A bio daarɩ́, a kpɛ̃ɛ tɩ yel'ɩ a ʋ yɛ-bile: «Nyɛ̃, ɩ̃ zãa gã nɩ nɩ a ɩ̃ sãà a tɩ̃ɩsɔw. Ɩ tɩ ɩ ʋ lɛb nyũ a divɛ̃ kuoli a dɩ̃a tɩ̃ɩsɔw, ɛ́ fʋ cen tɩ gã nɩ ʋ, tɩ tʋ̃ɔ́ ɩ ʋ tɛr bʋʋrɛ.»

Neemi 9:17

Bɛ zawr'ɩ a nʋɔr-sàwfʋ, bɛ yiir'ɩ a nɔ-ɓãa-yele fʋ na maalɩ a bɛ ƴãw a. Bɛ kpãa nɩ tobr, ɛ́ yel kɛ́ bɛ na lɛb'a cen a Eziptɩ tẽw a bɛ gbãgbaalʋ pʋɔ. Ɛcɛ, fʋ̃ʋ a, fʋ bɛ tɩ jɛ bɛ bɛr ɛ, fʋ na ɩ Naaŋmɩn na dɩrɛ suur a ƴãw, Naaŋmɩn-vla na zɔrɛ nɩbaalʋ a, a suur na bɛ pawr, ɛ́ fʋ ɩ nɔ̃wfʋ tɛwr a.

Zʋkpaɩ 21:29

A nɩ-faa mɩ́ sãá na mɛ̃ bom bɛ damnɛ ʋ a. Ɛcɛ a nɩ-dẽdẽ bɛ bãw bʋnʋ a ʋ cenu pʋɔ ɩ.

Ɩzayi 5:6

Ɩ̃ na ɩ na ʋ lɩɛbɩ kár: nɩr bɛ ɓɛlɛ a wuli-ɓɛrmɛ bɛrɛ ɩ, nɩr bɛ dɔrɛ ʋ ɛ. Gɔ-tuwr'a na búle a be, ɩ̃ɩ na yel'ɩ a zũzuwe à ta ɩ saa wa ƴãw ʋ ɛ.»

Zeremi 14:1

Nyɛ̃ a ƴɛ̀rʋ a Sore na ƴɛ̀r kʋ̀ a Zeremi a wɛr na nyɔw a ƴãw a.

Zeremi 14:22

A nɩ-bʋʋr-yoru ŋmɩn-bɛlɛbɛlɛ pʋɔ a, been be n be na tʋ̃ɔ́ ɩ kɛ̀ saa wa a? A salom tɛɛ za n'ʋ mɩ́ bɛr a kʋ̃ɔ a siw ɩ? Fʋ̃ʋ bɛ n'ɩ a Sore tɩ Naaŋmɩn ɛ? A fʋ ƴãw n'a tɩ ƴãw a tɩ tɩɛrʋ, bʋ̃ʋ n'ʋ vɛ̃, fʋ̃ʋ n'ʋ maalɛ à á ŋá za.»

Zeremi 14:3

A nɩ-bɛrɛ tone nɩ a bɛ tõ-tõ-biir kɛ́ bɛ tɩ bɔ a kʋ̃ɔ. Bɛ mɩ́ ta n a sa-bie-kʋ̃ɔ-bɔwrɩ pɛr, bɛ nyɛ̃ kʋ̃ɔ-bir za ɩ, bɛ mɩ́ lɛb'a wa n bʋ̃-zawlɛ, a bɛ tɩɛrʋ sãw, pʋ-sãwna tɛr bɛ, bɛ su zuru.

Zeremi 14:4

A saa na bɛ wa, ɛ́ a tẽsɔw pur pur a zũú a, a ka-kʋ́ɔrbɛ tɩɛrʋ sãw na, bɛ su n zuru.

Zeremi 36:2

«De gan-sɛbɛ na na tʋ̃ɔ́ pili a, sɛb a ʋ pʋɔ, a ƴɛ̀rʋ al za ɩ̃ na ƴɛ̀r càar'ɩ a Ɩsɩrayɛl naalʋ-tẽw, a Zuda naalʋ-tẽw nɩ a tẽ-yoru a, a na tĩ a lɛn daar ɩ̃ na ƴɛ̀r a fʋ zie, a Zozɩasɩ naalʋ-dɩb daar, wa tɔ a dɩ̃a a.

Zeremi 5:24

Nyɩ bɛ mɩ́ yel: “Nyɩ ɩ tɩ tɛr ƴãwfʋ a Sore tɩ Naaŋmɩn zie ɩ. Ʋ mɩ́ kʋ̀ tɩ nɩ a saa a ʋ daar, a kpãcãan nɩ a sɩ̃ɛ-kpɛ-paala, ɛ́ yũon za, ʋ mɩ́ bãwnɩ nɩ a tɩ bʋ̃-dieri-deb dàrʋ.”

Zeremi 5:25

A nyɩ sãwna dam'ɩ à á ŋá za nyaw taa, a nyɩ yel-bebe n'a piw nyɩ nyɩ bɛ páw a yel-vɩɛlɩ á ŋá ɩ.

Zeremi 5:3

Sore e, a yel-mɩŋa bɛ n'a fʋ bɔbr ɛ? Fʋ ŋmɛ bɛ na, ɛ́ a bɛ ɩ bɛ bom ɛ, fʋ tɩ bɔbr'a kɛ́ fʋ kʋ bɛ pàw pɛr, ɛcɛ bɛ bɛ sàw a kpãàfʋ ɛ. Bɛ nyar'ɩ a bɛ niŋe a kpɛmɛ zuo kʋsɩɛr, bɛ zawr'ɩ a fʋ zie lɛb-waa.

Zeremi 6:15

Vĩ ɩrɛ bɛ na bɛ na ɩ a ɩ-faar na bɛ maal'ɩ wob a a? Towtow! Bɛ bɛ bãw k'aa tɩ sɛw na kɛ́ bɛ sàw a bɛ sãwna ɩ. A Sore yere na: Alɛ n'a so bɛ na lo mɛ̃ a nɩbɛ za a, bɛ na lo n tẽw a lɛn daar ɩ̃ nãà wa ír a.

Zeremi 8:12

Vĩ ɩrɛ bɛ na, bɛ na ɩ ɩ-faar na bɛ maal'ɩ wob a? Towtow! Bɛ bɛ bãw k'aa tɩ sɛw na kɛ́ bɛ sàw a bɛ sãwna ɩ. A Sore yere na: Alɛ n'a so bɛ na lo mɛ̃ a nɩbɛ za a, bɛ na lo n tẽw a lɛn daar ɩ̃ nãà wa ìr a bɛ ƴãw a.»

Zeremi 9:12

A Sore cãà na yere: «Bɛ na zawrɩ a wulu ɩ̃ na tɩ kʋ̀ bɛ a bɛr a n'a so. Bɛ zawr'a na bɛr wõ ɛ́ tu a lɛ za ɩ̃ na tɩ yere kʋ̀rɛ bɛ a.

Ezekɩɛl 3:7

Ɛcɛ a Ɩsɩrayɛl nɩbɛ bɛl a, bɛ kʋ̃ bɔbr kɛ́ bɛ bɛr wo b ɛ, bʋ̃ʋ n'ʋ vɛ̃, bɛ bɛ bɔbr a ɩ̃ bɛr-wob ɛ. Sɩza n'a, bɛ ko n zuru ɛ́ kpawlɩ socie.

Levitɩ mɩnɛ 26:19

Ɩ̃ na ɩ na a nyɩ kpɛnʋ pɔ̀l-ɩb baarɩ, ɩ̃ na ɩ na a nyɩ salom kpɛmɛ mɛ̃ kure a, ɛ́ a nyɩ tẽsɔwr kpawlɩ kpɛmɛ mɛ̃ kur-zɩɛ a.

Amɔsɩ 4:7

«Mãa n'ʋ sɩb nyɩ a saa a nyɩ bʋ̃-kʋ́ɔrɩ deb na tɩ cɛ cuwr ata a. Ɩ̃ ƴãw na a saa wa tẽw ŋa, ɛ́ bɛr tẽw ŋa. Púo ŋa tɩ páw nɩ a saa ɓaarʋ, ɛ́ púo ŋa na bɛ páw a saa ɓaarʋ a ko gã.

Amɔsɩ 4:8

Nɩbɛ mɩ́ yi n ten ayi bɩɩ ata pʋɔ kɔ̃kɔlɩ cen tẽ-yũo pʋɔ kɛ́ bɛ tɩ nyũ kʋ̃ɔ, ɛ́ bɛ mɩ́ tɩ nyũ sɛw ɛ. Ɛcɛ nyɩ bɛ lɛb wa a ɩ̃ zie ɩ.» A Sore n'ʋ yel.

Sofoni 2:1

Nɩbɛ na bɛ zɔrɛ vĩ a, nyɩ ƴãw fãw tɩɛrɩ nyɛ̃, nyɩ nyɔw nyɩ tʋɔra,

Sofoni 3:5

Ɛcɛ a Sore be n a tẽw pʋɔ, k'ʋʋ ɩ a mɩnʋ be be, ɛ́ a faa ta ka be ɩ. Biɓaarɛ za, ʋ mɩ́ yel'ɩ a lɛ-na-tu-sɔr-a, ʋ bɛ vɛnɛ ɩ. Ɛcɛ a nɩ-faar mɩ́ cãà na ɩrɛ a bɛ nɩ-fa-ɩb bɛ zɔrɛ nɩ vĩ ɛ!

A naaŋmɩn-ƴɛ̀r-manɛ Aaze sɛbɛ 1:11

Ɩ̃ ɩ na a wɛr nyɔw a tẽw: a tan zu, a ble póru nɩ a divɛ̃ tɩɩr póru pʋɔ, a olivʋ tɩɩr póru nɩ a bʋ̃-kʋ́ɔrɩ a mɩnɛ póru pʋɔ. A nɩbɛ nɩ a dʋn wõ n tuo, ɛ́ a nyɩ tome za sãw.”»

Wulu-ayi-sob 28:23

A salom na kpawl'ɩ a nyɩ zu-sɔw mɛ̃ kur-zɩɛ a, ɛ́ a tẽsɔw kpɛmɛ a nyɩ pile mɛ̃ kure a.

Ebre 12:25

Nyɩ gù vla taa wa zawrɛ a sob nɛ na ƴɛ̀rɛ a nyɩ zie a ƴɛ̀rʋ bɛr-wob ɛ. Bʋ̃ʋ n'ʋ vɛ̃, a bɛlɩ dem na tɩ zawrɩ a sob nɛ na kpãànɛ bɛ a tẽw zu ka a bɛr a, bɛ bɛ cɩ̃ɛ ɩ, ɛ̀ bɛ nãà yere a tɩɩm ɩ, tɩ mɩ̀ kʋ̃ cɩ̃ɛ ɩ, tɩmɛ wa gùr pùor cɔw a sob nɛ na be a tẽ-vla pʋɔ ɛ́ ƴɛ̀rɛ a tɩ zie a.