Zeremi 3:25 - A SƐB-SÕW

²⁵ Tɩ gã nɩ a tɩ vĩ, tɩ sàw a tɩ yúor na sãw a. Bʋ̃ʋ n'ʋ vɛ̃, tɩɩm nɩ a tɩ sãàkʋm-kore mɩnɛ maal'ɩ yel-bier sãw nɩ a Sore tɩ Naaŋmɩn, a tɩ pɔ̀lʋ daarɩ́ za wa tɔ a dɩ̃a. Tɩ bɛ bɛr wõ a lɛ a Sore tɩ Naaŋmɩn na tɩ yere kʋ̀rɛ tɩ a ɩ.»

Zeremi 3:25 ပူးပေါင်းရင်းမြစ်များ

Sɛb-sõw yielu 106:6

Tɩ maal'ɩ yel-bebe mɛ̃ a tɩ sãàkʋm-kore a, tɩ maal'ɩ a yel-faa, tɩ sãw na.

Sɛb-sõw yielu 106:7

A tɩ sãàkʋm-kore na tɩ be a Eziptɩ tẽw a, bɛ bɛ tɩ bãw a fʋ nɔ-ɓãa-yele pɛr ɛ, bɛ tɩ yiir'ɩ a fʋ nɔ̃wfʋ tõ-yaga bɛr. Bɛ tɩ jɛ n a Bàa-kɛkɛɛ kʋ̃ɔ-kpɛ̃ɛ́.

Sɛb-sõw yielu 109:29

A nɩbɛ na yere k'ɩ̃ɩ sãw na a, a bɛ yúor, ʋ́ sãw, a vĩ, ʋ́ pili pàw bɛ mɛ̃ kparʋ a!

Zʋkpaɩ 13:18

Bɛlɩ dem na bɛ sàwr a wulu a, bɛlɛ so nã́w nɩ vĩ, ɛcɛ bɛlɩ dem na sàwr a kpãàfʋ a, bɛ na nyɛ̃ nɩ ƴãwfʋ.

Zʋkpaɩ 5:13

ɩ̃ bɛ tɩ bɛr wõ a lɛ a ɩ̃ wul-wulbɛ na tɩ yere kʋ̀rɛ mɛ̃ a ɩ, ɩ̃ bɛ tɩ ƴãw tobr a bɛ wulu ƴãw ɛ.

Ɩzayi 48:8

Nyɩ bɛ bɛr wõ ɩ, nyɩ bɛ bãw bom ɛ, koro za n'a nyɩ bɛ cɛlɛ be ɩ. Ɩ̃ bãw nyɩ na nyɩ ɩ mɩlmɩlbɛ, ɛ́ bɛ bʋɔlɛ nyɩ “nɩbɛ na gaarɩ a bɛ dɔwfʋ daar za a”

Ɩzayi 50:11

Ɛcɛ nyɩɩm za na gbɔwr vũu a, nyɩɩm na ƴãw vũu-zɛlɛ pime viiri koli nyɩ tʋɔra a, nyɩ cen a nyɩ vũu vũu-zɛlɛ pʋɔ, a vũu-zɛlɛ pime nyɩ na gbɔw a sɔwlɩsɔw. A Sore n'ʋ na ɩ nyɩ kpi kpɩɛrʋ kpɛ̃ɛ pʋɔ.

Zeremi 11:13

A Zuda tẽw dem tɛr'ɩ ŋmɩmɛ a yãwmɛ sɛw a bɛ tẽ-bɛrɛ. Ɛ́ a Zerizalɛm tẽw a, bɛ mɛ n bàwr-maal-kube a yãwmɛ sɛw a sɛ́ɛ, kɛ́ bɛ mɩ́ maalɩ bagɛ kʋ̀ a Báàl-na-dɩ-kɛ́-Vĩ a.

Zeremi 12:13

Nyɩ tɩ bʋ̀r'ɩ ble, ɛ́ wa cɛ gʋʋr. Nyɩ tɩ bàl'ɩ nyɩ tʋɔra yaga za, ɛ́ a wa ɩ zawla. Vĩ, a nyɔw nyɩ a bʋ̃-dieri á ŋá ƴãw! A Sore n'ʋ kʋ̀ nyɩ a lɛ, a ʋ su-tʋlʋ zũú.

Zeremi 14:20

Sore e, tɩ sàw na kɛ́ tɩ bɛ tõ vla ɩ, tɩ sàw nɩ a tɩ sãàkʋm-kore sãwna. Tɩ sãw fʋ na.

Zeremi 14:7

«A tɩ yel-bebe wa wule tɩ na sãw a, fʋ̃ʋ a, Sore e, ɩ ɩb kãw a fʋ yúor zũú. Sɩza n'a, kʋralɛ n'a tɩ zawrɛ fʋ, tɩ ɩ n sãwna dem a fʋ zie.

Zeremi 2:17

Ɩsɩrayɛl i, à á ŋá za bɛ ta b fʋ na tɩ zawrɩ a Sore fʋ Naaŋmɩn bɛr, a lɛn daar ʋ na tɩ tɛr fʋ cere nɩ a sɔ́r zu a ɩ?

Zeremi 2:19

A fʋ ɩ-faa, ʋ dɔwrɩ fʋ! A fʋ pùor-lɛbrʋ ɩ-ɩrɩ, a kpãà fʋ! Lɛ n'a fʋ na nyɛ̃ ɛ́ bãw yel ŋa: a mãa, a Sore fʋ Naaŋmɩn zawr-bɛrʋ sɩrɩ na kpɛ faa ɛ́ buore! Sɩza n'a, fʋ bɛ cãà màwr a ɩ̃ niŋé ɩ. A Sore, a kpɛnʋ-za-sob'ʋ yel.»

Zeremi 2:2

«Cen tɩ ƴɛ̀r à ŋá a Zerizalɛm tẽw nɩbɛ zie: À ŋá n'a a Sore yere: Ɩ̃ cãà na bãwnɩ a lɛ fʋ na tɩ ŋmɛ̃ a koro za a. Fʋ na tɩ ɩ a pɔwsɩrale a, fʋ tɩ tu m'a. Fʋ na tɩ ɩ a ɩ̃ ƴãw-nɩ-yúor a, fʋ tɩ nɔnɛ mɛ̃ na! Fʋ tɩ tuur mɛ̃ nɩ a wɛja-kpalɛ pʋɔ, tẽsɔw zu bom za na bɛ bule a.

Zeremi 2:26

Mɛ̃ a lɛ vĩ na mɩ́ nyɔw nyãnyuwe bɛ na ùr nyɔw a, lɛ n'a a Ɩsɩrayɛl nɩbɛ mɩ́ na nyɛ̃ vĩ, a bɛl, a bɛ na-mɩnɛ, a bɛ tõ-tõ-bi-bɛrɛ, a bɛ bàwr-maalbɛ nɩ a bɛ naaŋmɩn-ƴɛ̀r-manbɛ.

Zeremi 20:18

Bʋ̃ʋ n'ʋ so ɩ̃ yi a ɩ̃ mã puori, alɛ wa ɩ k'ɩ̃ɩ nyɛrɛ wʋ̀ʋr nɩ kpɩɛrʋ, ɛ́ wa kpi n vĩ a?

Zeremi 22:21

Ɩ̃ tɩ ƴɛ̀r'ɩ a fʋ zie a lɛn daar bom za na bɛ tɩ damnɛ fʋ a, ɛcɛ fʋ tɩ sɔw na: “Ɩ̃ bɛ bɔbr k'ɩ̃ɩ wõ bom za ɩ.” À ŋá n'a fʋ ɩ a fʋ pɔ̀lʋ daar za, fʋ bɛ dãw bɛr wõ a ɩ̃ ƴɛ̀rʋ ɛ!

Zeremi 3:13

Dɛ́ sàw a fʋ sãwna: fʋ gáarɩ nɩ a ɩ̃ zu, a mãa Sore fʋ Naaŋmɩn zu. Fʋ zɔ na cɔlɩ a ziir za, a ŋmɩn-sãanbɛ zie, a tɩ-zimpiri za pile, ɛ́ bɛ bɛr wõ a ɩ̃ ƴɛ̀rʋ ɛ, a Sore n'ʋ yel.”»

Zeremi 31:19

Sɩza, tɩ cen na zãá nɩ fʋ, ɛcɛ ƴɛrɛŋa a, tɩ ciire nɩ a tɩ sãwna. Fʋ ɩ na tɩ bãw a tɩ sãwna pɛr, ɛ́ ƴɛrɛŋa a, tɩ wore a na. A tɩ yúor sãw na ɛ́ vĩ nyɔw tɩ. Tɩ bɛ ɩ vla a tɩ pɔ̀lʋ daarɩ́ ɛ, a lɛb lo a tɩ zu.”»

Zeremi 6:26

«Ɩ̃ nɩ-bʋʋrɛ ɛ, nyɩ su vʋɔrɩ kparɩ, nyɩ bile a tanɛ pʋɔ! Nyɩ tĩ a kuor maalʋ mɛ̃ bidɛb-been ƴãw a. Nyɩ kõ lãwnɩ tʋlʋtʋlʋ, bʋ̃ʋ n'ʋ vɛ̃, a dɔ̃ sob na sãwnɛ bom za a, na ùr'a ta a nyɩ ƴãw.»

Zeremi 7:19

A Sore yere na: «Mãa n'ʋ bɛ ɩrɛ a kpɩɛr ɩ? Aɩ, a bɛl tɛɛ za nɛbɛ, ɛ́ a tɩ sɛw na k'aa ɩrɛ bɛ vĩ.»

Zeremi 8:14

«Bʋ̃ʋ n'ʋ so tɩ zɩ̃ bɛ damnɛ damnʋ? Nyɩ ɩ tɩ ɓã taa, tɩ kpɛ a tẽ-bɛrɛ bɛ na cɔbrɩ a kpɛmɛ a zɛbr ƴãw a pʋɔ, tɩ gù a kũu a be. Bʋ̃ʋ n'ʋ vɛ̃, a Sore tɩ Naaŋmɩn bɛ sàw tɩ na dam ɛ, ʋ ɩ na tɩ nyũ kʋ̃ɔ na tɛr lɔw a, tɩ na sãw ʋ a ƴãw.

Zeremi 9:18

Lãw-mʋɔlɛ kone na yire a Sɩyɔ̃ tẽw lowr: «'Woi, bɛ sãw tɩ na bɛr, vĩ kʋrɛ tɩ na! A fɛr'a kɛ́ tɩ yi ɛ́ bɛr a tẽw, bʋ̃ʋ n'ʋ vɛ̃, bɛ dá n a tɩ yie lɔb.»

A Lãw-mʋɔlɛ 5:16

Tɩ bɛ cãà tɛr yúor ɛ. Nyɛ̃ baw-bio na páw tɩ a, bʋ̃ʋ n'ʋ vɛ̃, tɩ maal'ɩ yel-bier!

A Lãw-mʋɔlɛ 5:7

A tɩ sãà mɩnɛ maal'ɩ yel-bier ɛ́ bɛ cãà ɩ, ɛcɛ tɩmɛ nɛbɛ tuo a bɛ sãwna.

Ezekɩɛl 2:3

Ʋ tɩ yel mɛ̃ na: «Nɩsaal bie e, ɩ̃ tone fʋ nɩ a Ɩsɩrayɛl nɩbɛ zie, a nɩ-bʋʋr-gaarɩ bɛ ŋa na ìr a ɩ̃ zu a. Bɛlɛ nɩ a bɛ sãàkʋm-kore zawrɩ mɛ̃ na bɛr wa tɩ tɔ a dɩ̃a.

Ezekɩɛl 36:32

A sɛw na kɛ́ nyɩ bãwnɩ a, a nyɩɩm zũú bɛ n'a ɩ̃ na ɩ ɛ, a mãa Sore Naaŋmɩn n'ʋ yere. Vĩ n'a a nɩ̃ɛ sɛw k'aa ɩrɛ nyɩ, a nyɩɩm Ɩsɩrayɛl nɩbɛ!

Ezekɩɛl 44:13

Bɛ kʋ̃ taw pɩɛlɩ mɛ̃ ɩ a ɩ̃ bàwr-maalbɛ ɩ. Bɛ kʋ̃ taw pɩɛlɩ a bome na ɩ a mãa yõ sób a ɩ, ɛ́ mɩ̀ kʋ̃ taw pɩɛlɩ a zi-sõw-za-zi-sõw ɛ. À ŋá n'a bɛ na so a bɛ vĩ-ɩb na bɛ maal'ɩ wob bɛ na ɩ a.

Ezekɩɛl 7:18

Bɛ na su n vʋɔrɩ kparɩ, ɛ́ màwr dɛ̃bɩ̃-mawfʋ. A bɛ niŋe na ɩ n vĩ tɛwr, bɛ na fɔr'ɩ a zuru za.

A naaŋmɩn-ƴèr-manɛ Oze sɛbɛ 9:10

À ŋá n'a a Sore yere: «Ɩ̃ nyɛ̃ nɩ a Ɩsɩrayɛl ʋ ɩ mɛ̃ divɛ̃ tɩ-wɔmɛ bɛ na nyɛ̃ wɛja-kpalɛ pʋɔ a. Ɩ̃ nyɛ̃ nɩ a nyɩ sãàkʋm-kore mɛ̃ kãkãw wɔ̃-dãw bɛ na nyɛ̃ a tɩɛ zu a. Ɛcɛ bɛl a, bɛ na dɛ wa tarɛ a Bàál-Pewɔɔr tẽw a, bɛ bɛr'ɩ bɛ tʋɔra kʋ̀ a Vĩ, lɛ n'a bɛ lɩɛbɩ faalʋ na bɛ maal'ɩ wob a, mɛ̃ a bom ʋl tɔr za bɛ na nɔnɛ a.

Sofoni 1:17

A Sore yere na: «Ɩ̃ na ƴãw nɩ a nɩsaalbɛ kpɩɛrʋ pʋɔ, bɛ na bɔblɛ na mɛ̃ zɔn a, bɛ na maalɩ yel-bier sãw mɛ̃ a zũú. A bɛ zɩ̃ɩ na cir'a pàw a ziir za, mɛ̃ uuru a, ɛ́ a bɛ kũuni pʋ̃ɔ́ mɛ̃ sagɛ a.»

Ʋrɔm 6:21

A ɩ-ɩrɩ á ŋá na ɩrɛ nyɩ vĩ a dɩ̃a a, bʋnʋ tɔnɛ n'a nyɩ tɩ nyɛ̃ a pʋɔ, a lɛn daar nyɩ na tɩ tɛr a ɩ-ɩrɩ á ŋá a? Kũu n'a a waar'ɩ.

Ƴɛ̀r-dɩrbɛ 2:2

Ɛ́ a nyɩɩm a, nyɩ kʋ̃ maalɛ nɩ a tẽw ŋa nɩbɛ wõ-taa ɩ. Nyɩ na ŋmɛr'ɩ a bɛ bàwr-maal-kube bɛr.” Ɛcɛ nyɩ bɛ bɛr wõ m ɛ! Bʋ̃ʋ n'ɩ à à ŋá nyɩ na ɩ a!