Zeremi 3:24 - A SƐB-SÕW

²⁴ Ɛcɛ, a tɩ pɔ̀lʋ daarɩ́ za a, a Báàl maalʋ na ɩrɛ vĩ a baar'ɩ a alɩ bome nɛ za a tɩ sãà mɩnɛ na tɩ bàl bɛ tʋɔra páw a, a bɛ píir, a bɛ bʋʋr, a bɛ nĩi, a bɛ bidɛbr nɩ a bɛ pɔwyaar.

Zeremi 3:24 ပူးပေါင်းရင်းမြစ်များ

Zeremi 11:13

A Zuda tẽw dem tɛr'ɩ ŋmɩmɛ a yãwmɛ sɛw a bɛ tẽ-bɛrɛ. Ɛ́ a Zerizalɛm tẽw a, bɛ mɛ n bàwr-maal-kube a yãwmɛ sɛw a sɛ́ɛ, kɛ́ bɛ mɩ́ maalɩ bagɛ kʋ̀ a Báàl-na-dɩ-kɛ́-Vĩ a.

Zeremi 22:21

Ɩ̃ tɩ ƴɛ̀r'ɩ a fʋ zie a lɛn daar bom za na bɛ tɩ damnɛ fʋ a, ɛcɛ fʋ tɩ sɔw na: “Ɩ̃ bɛ bɔbr k'ɩ̃ɩ wõ bom za ɩ.” À ŋá n'a fʋ ɩ a fʋ pɔ̀lʋ daar za, fʋ bɛ dãw bɛr wõ a ɩ̃ ƴɛ̀rʋ ɛ!

Zeremi 44:7

A Zeremi tɩ cãà na yel: «Ƴɛrɛŋa a, à ŋá n'a a Sore, a kpɛnʋ-za-sob, a Ɩsɩrayɛl Naaŋmɩn, yere: “Bʋ̃ʋ n'ʋ so nyɩ ɩrɛ a kpɩɛr nyɩ tʋɔra sɛw à ŋá? Nyɩ bɔbr'a k'aa Zuda nɩbɛ ta cãà tɛr dɛbr, pɔwbɛ, pɔ́lɛ́ nɩ bi-cãpili bɩɩ? Nyɩ bɔbr'a kɛ́ nyɩ ta cãà tɛr bom za bɩɩ?

Zeremi 8:16

A dɔ̃ sob ta n a Dan tẽw baarɩ. A ʋ wie na vʋʋrɛ nɩ fãw a vʋʋrʋ yire nɩ a tẽ-kpɛ̃ɛ ŋa pʋɔ. A gɔmɛ a na kone ɩrɛ a ɩ na a tẽw za màwr. A waar'a k'aa wa sãw a tẽw nɩ bom za na be a ʋ pʋɔ a bɛr, a tẽ-kpɛ̃ɛ nɩ a ʋ nɩbɛ.»

Zeremi 9:18

Lãw-mʋɔlɛ kone na yire a Sɩyɔ̃ tẽw lowr: «'Woi, bɛ sãw tɩ na bɛr, vĩ kʋrɛ tɩ na! A fɛr'a kɛ́ tɩ yi ɛ́ bɛr a tẽw, bʋ̃ʋ n'ʋ vɛ̃, bɛ dá n a tɩ yie lɔb.»

Ezekɩɛl 16:19

Fʋ na tɩ bɔbr kɛ́ fʋ ɩ a pʋʋr pɛlɩ a, fʋ de nɩ a bʋ̃-dɩrɩ za ɩ̃ na tɩ kʋ̀rɛ fʋ a maal'ɩ bàwr kʋ̀ a: a zɔ̃-vla vla, a kãá nɩ a sɩwr. A mãa Sore Naaŋmɩn n'ʋ yere.

Ezekɩɛl 16:20

Zerizalɛm i, fʋ de nɩ a bidɛbr nɩ a pɔwyaar fʋ na tɩ kʋ̀ m a, maal'ɩ bàwr kʋ̀ a ŋmɩn-bɛlɛbɛlɛ kɛ́ bɛ ɩ a bʋ̃-dɩrɩ! A na ɩ lɛ a, a fʋ pɔw-yɛm nyɔ-vʋʋrʋ bɛ tɩ man ɛ?

Ezekɩɛl 16:61

Fʋ̃ʋ wa tɩɛrɩ a fʋ nyɔ-vʋʋrʋ a, vĩ na kpɛ b'a, a lɛn daar fʋ nãà wa nyɛ̃ a fʋ yɛbr, a bɛrɛ nɩ a bili a. Ɩ̃ na ɩ na fʋ dɩ naalʋ a bɛ zu mɛ̃ bɛ ɩ n a fʋ pɔwyaar a. Ɛcɛ, a bɛ pʋɔ a wõ-taa ɩ̃ na maal'ɩ fʋ a pʋɔ ɩ.

Ezekɩɛl 16:63

Lɛ n'a fʋ na cãà bãwnɩ a koro, vĩ na paalɩ fʋ na fʋ bɛ cãà tɛr nʋɔr ɛ, fʋ na bɛ cãà tɛr yúor a zũú. Ɛcɛ mãa a, ɩ̃ na dɩ n a sãwna al za fʋ na maalɩ a suur kʋ̀ b. A mãa Sore Naaŋmɩn n'ʋ yel.»

A naaŋmɩn-ƴèr-manɛ Oze sɛbɛ 10:6

Bɛ mɩ̀ na nyɔw nɩ a nadele cen nɩ Asiiri, tɩ kʋ̀ a na-kpɛ̃ɛ, lɛ n'a a Efarayim na nyɛ̃ vĩ, ɛ́ a kpɛ a Ɩsɩrayɛl, ʋ na lãw nɩ a nɩbɛ bɛ ŋa a.

A naaŋmɩn-ƴèr-manɛ Oze sɛbɛ 2:8

Lɛ so, a mãa Sore, ɩ̃ na fur'ɩ a ʋ sɔ́r nɩ gʋʋr, ɩ̃ na de nɩ bom gàr pàw nɩ ʋ, ɛ́ ʋ kʋ̃ lɛb nyɛ̃ a ʋ sɛ́ɛ ɩ.

A naaŋmɩn-ƴèr-manɛ Oze sɛbɛ 9:10

À ŋá n'a a Sore yere: «Ɩ̃ nyɛ̃ nɩ a Ɩsɩrayɛl ʋ ɩ mɛ̃ divɛ̃ tɩ-wɔmɛ bɛ na nyɛ̃ wɛja-kpalɛ pʋɔ a. Ɩ̃ nyɛ̃ nɩ a nyɩ sãàkʋm-kore mɛ̃ kãkãw wɔ̃-dãw bɛ na nyɛ̃ a tɩɛ zu a. Ɛcɛ bɛl a, bɛ na dɛ wa tarɛ a Bàál-Pewɔɔr tẽw a, bɛ bɛr'ɩ bɛ tʋɔra kʋ̀ a Vĩ, lɛ n'a bɛ lɩɛbɩ faalʋ na bɛ maal'ɩ wob a, mɛ̃ a bom ʋl tɔr za bɛ na nɔnɛ a.