Zeremi 3:21 - A SƐB-SÕW

²¹ Cɛlsɩ yire nɩ a maalʋ-ziir: a Ɩsɩrayɛl nɩbɛ nɛbɛ kone zɛlɛ nɩ yãayãa. Bʋ̃ʋ n'ʋ vɛ̃, bɛ tuli nɩ a sɔ́r, bɛ yiiri mɛ̃ na bɛr, a mãa, a Sore bɛ Naaŋmɩn.

Zeremi 3:21 ပူးပေါင်းရင်းမြစ်များ

A Zɔb sɛbɛ 33:27

Ʋ mɩ́ yiele nɩ a nɩbɛ niŋé yere nɩ: «Ɩ̃ tɩ maal'ɩ yel-bier, a ɩ̃ ɩb bɛ tɩ tu sɔ́r ɛ, ɛcɛ a Naaŋmɩn bɛ dɔwrɩ mɛ̃ mɛ̃ a lɛ a na tɩ sɛw taa nɩ a ɩ.

Zʋkpaɩ 10:9

Nɩr a ɩb na tori a mɩ́ vʋʋrɛ na bɛ bãw damnʋ ɛ, ɛcɛ nɩr na tɛr ɩ-gõlõgõlõ a na nyɛ̃ nɩ dɔwrʋ.

Zʋkpaɩ 19:3

Nɩsaal kãw dãbolu mɩ́ ɩ na k'ʋ tuli a ʋ sɔ́r. Al pùorí, ʋ nyɛ̃ nɩ a Sore suur.

Ɩzayi 15:2

A nɩbɛ do n a ŋmɩn-yir, a Divon nɩ a maalʋ-ziir kɛ́ bɛ tɩ kõ. A Mowab tẽw dem kone nɩ lãw-mʋɔlɛ Nebo nɩ Medeva. A zuru za fɔr fɔr a, ɛ́ a tɩ̃ɛmɛ za põ.

Ɩzayi 17:10

Ɩsɩrayɛl i, fʋ yiir'ɩ a Naaŋmɩn fʋ faarɛ bɛr, fʋ bɛ cãà bãwnɩ a Pìir na piw fʋ a ɩ. Alɛ so fʋ ɩrɛ va-vɩɛlɩ a búle, ɛ́ bʋ̀rɛ bʋ̃-bi-sãanbɛ.

Ɩzayi 57:11

Ãa dɛ̃bɩ̃ɛ n'a fʋ tɩ zɔrɛ, ãa n'ʋ fʋ tɩ zɔrɛ ŋma a ziri, yiiri mɛ̃ bɛr bɛ cãà tɛr a ɩ̃ tɩɛrʋ? Mãa a, ɩ̃ ɩ n gbili a koro za, alɛ n'a so fʋ bɛ zɔrɛ mɛ̃ ɩ.

Zeremi 12:12

A zi-sãwnbɛ be n a wɛja-kpalɛ sɛ́ɛ za zu waar. A Sore zɛbr-sɔ-kpɛ̃ɛ sãwnɛ nɩ bom za bɛrɛ a tẽw lowr ŋa tɩ tɔ lowr ŋa. Ƴã-ɓaarʋ bɛ ka be nɩr za ƴãw ɛ.

Zeremi 13:25

A Sore yere na: Zerizalɛm i, nyɛ̃ a bom nɛ na gùre fʋ a, a bom ɩ̃ na gùre nɩ fʋ a. Bʋ̃ʋ n'ʋ vɛ̃, fʋ yiiri mɛ̃ na bɛr ɛ́ ƴãw a fʋ tɩɛrʋ ŋmɩn-bɛlɛbɛlɛ ƴãw.

Zeremi 18:15

Ɛcɛ a ɩ̃ nɩ-bʋʋrɛ yiiri mɛ̃ na bɛr. Bɛ maalɛ nɩ bagɛ kʋ̀rɛ ŋmɩmɛ na bɛ ɩ ŋmɩmɛ a. A ŋmɩmɛ á ŋá ƴãw na bɛ ŋmɩɛr gbɛ́ɛ a sɔ́r zu. A ƴãw na bɛ bɛr a sɔ́r bɛ na tuur a koro za a, ɛ́ cere sɔrle na bɛ puo a zu.

Zeremi 2:32

Pɔwsɩrale na tʋ̃ɔ́ na yiiri a ʋ dɛpaal-bome bɛr ɩ? Pɔw na maalɩ kul-taa a na tʋ̃ɔ́ na yiiri a ʋ kul-taa kparʋ kpàwr bɛr ɩ? Ɛcɛ a ɩ̃ nɩbɛ yiiri mɛ̃ na bɛr koro kãw za.

Zeremi 3:2

Dʋɔ a zu a tãli lowr ɛ́ jɩ́r nyɛ̃, tãli-been be n be zie fʋ bɛ gã nɩ a fʋ sɛn kãw ɛ? Fʋ mɩ́ tɩ zɩ̃ n a sɔ́r nʋɔr gùre a fʋ sɛnbɛ, mɛ̃ a wɛja-kpalɛ pʋɔ nɩ-yʋɔra na gùre a nɩbɛ ʋ na na ŋmãa a. Fʋ dɛw nɩ a tẽw nɩ a fʋ pɔw-yɛm ɩ-ɩrɩ, nɩ a fʋ cenu na bɛ vɩɛl a.

Zeremi 31:9

Bɛ kone na lɔbr'ɩ nɩbaal-nuru tarɛ nɩ, ɩ̃ɩ bɩɛlɛ bɛ. Ɩ̃ na tɛr bɛ na cen nɩ bàrʋ na paalɩ kʋ̃ɔ a zie. Ɩ̃ na tu n bɛ nɩ sɔ́r na man taa ʋ za bɛ kʋ̃ʋ tʋ̃ɔ́ ŋmɛ gbɛ́r lo a. Bʋ̃ʋ n'ʋ vɛ̃, ɩ̃ ɩ n sãà a Ɩsɩrayɛl zie, ɛ́ a Efarayim ɩ a ɩ̃ bidɛb-dãw.»

Zeremi 7:29

A Sore yere na: «Zuda tẽw nɩbɛ ɛ, nyɩ ŋma a nyɩ zukɔbr-wowr na wule kɛ́ mãa so nyɩ a. Nyɩ lɔb a bɛr. Nyɩ kone lãw-mʋɔlɛ a tãli-kpalɩ zu. Nyɩ ɩ n nɩ-bʋʋrɛ na ɩ a ɩ̃ suur ìr a, ɩ̃ bɛ lɛb bɔbr nyɩ ɛ, ɩ̃ lɔbr nyɩ na bɛrɛ.»

Ezekɩɛl 23:35

Alɛ n'a so a mãa Sore Naaŋmɩn yere à ŋá: Fʋ na faa yiiri mɛ̃ bɛr, jɛ m bɛr a, fʋ na tuo nɩ a fʋ pɔw-yɛm vĩ-ɩb.»

Ezekɩɛl 7:16

A bɛl na na cãà vʋʋrɛ a na zɔ na kpɛ a tan pʋɔ. Bɛ na kone nɩ a bɛ yel-bebe ƴãw mɛ̃ naŋmamɛ na kone nɩbaal-kon a.

A naaŋmɩn-ƴèr-manɛ Oze sɛbɛ 13:6

Fʋ na dɛ wa tarɛ a mʋ̃ɔ 'wɔbrʋ zie a, fʋ 'wɔb'ɩ a mʋ̃ɔ tɩw, ɛ́ fʋ na wa tɩw baar'a, fʋ ɩrɛ nɩ pɔ̀l-ɩb, alɛ n'a so fʋ yiiri mɛ̃ bɛr.

A naaŋmɩn-ƴèr-manɛ Oze sɛbɛ 8:14

A Ɩsɩrayɛl yiir'ɩ a mãa ʋ Íre bɛr ɛ́ mɛ yir-vɩɛlɩ vɩɛlɩ. Zuda ʋl a, tẽ-bɛrɛ bɛ na gù vla a n'a ʋ mɛ paalɩ a ziir za. Ɛcɛ ɩ̃ na ƴãw nɩ vũu a ʋ tẽ-bɛrɛ, a vũu na dɩ n a bɛ yir-vɩɛlɩ vɩɛlɩ.»

Mise 3:9

Nyɩ bɛrɛ wone, nyɩɩm, Zakɔb bʋʋrɛ nɩ-bɛrɛ ɛ, nyɩɩm, Ɩsɩrayɛl nɩbɛ ƴɛ̀r-dɩrbɛ ɛ, nyɩ hɩ̃ɛn nɩ a mɩnʋ ɛ́ bom za na tu sɔ́r a, nyɩ mɩ́ ɩ na ʋ bɛ cãà tu sɔ́r ɛ.

Sɔr-nɛ́ɛ 22:32

A malkɩ tɩ sowr'ʋ na: «Bʋ̃ʋ n'ʋ so fʋ pɔb a fʋ bõw-nyãw a gb'a ata? Ɩ̃ wa na k'ɩ̃ɩ wa piw fʋ a tɔlʋ zie, a fʋ cenu ŋa na bɛ ɩ cen-vla mãa zie a ƴãw.

2 Korɛ̃tɩ 7:10

A pʋ-sãwna na tu a Naaŋmɩn pʋ-tɩɛrʋ a waar'ɩ nɩ ɩb-lɩɛbʋ na tɩrɛ faafʋ a, ɛ́ nãá-bãw-kɛ́-lɛ kãw za bɛ ka ʋ pʋɔ ɩ. Ɛcɛ a pʋ-sãwna na tu a tẽ-daa ŋa a waar'ɩ nɩ kũu.