Zeremi 3:19 - A SƐB-SÕW

¹⁹ Ɩ̃ tɩ tɩɛr'ɩ ɩ̃ pʋɔ à ŋá: «Ɩ̃ tɩ bɔbr'a k'ɩ̃ɩ nãà sɔr fʋ ƴãw a ɩ̃ bidɛbr pʋɔ, ɛ́ kʋ̀ b tẽw na vɩɛl vɩɛl a, a tẽ-daa zi-vla za zie!» Ɩ̃ tɩ tɩɛr'ɩ ɩ̃ pʋɔ: Fʋ na bʋɔlɛ mɛ̃ na: “Ɩ̃ sãà”, ɛ́ fʋ kʋ̃ lɛb gùr pùor cɔw mɛ̃ ɩ.

Zeremi 3:19 ပူးပေါင်းရင်းမြစ်များ

Sɛb-sõw yielu 106:24

Bɛ tɩ zawr'ɩ tẽw na ɩ tẽw a bɛr, bɛ bɛ tɩ sàw de a Sore ƴɛ̀rʋ ɛ.

Sɛb-sõw yielu 16:6

A bom ɩ̃ na páw a nʋmɛ nɩ a ɩ̃ zie, a ɩ̃ bʋ̃-páwra n'ʋ vɩɛl zuo a za.

Sɛb-sõw yielu 89:26

Ɩ̃ na ɩ na ʋ dɩrɛ naalʋ a kʋ̃ɔ-kpɛ̃ɛ zu nɩ a mamɛ zu.

Zʋkpaɩ 3:35

A yã-bãwnbɛ bom bɛ na na páw a n'ɩ a ƴãwfʋ, ɛ́ a dãbole dem ɩ a vĩ.

Ɩzayi 63:16

Ɛcɛ fʋ̃ʋ n'ɩ a tɩ sãà, a tɩ sãàkʋm-kʋra Abraham bɛ bãw tɩ yele ɩ, a Zakɔb bɛ bãw tɩ ɛ. Ɛcɛ fʋ̃ʋ a, Sore e, fʋ ɩ n a tɩ sãà, a “tɩ ya-diere”, a fʋ yúor'ɩ à ŋà a koro kãw za.

Ɩzayi 64:8

Sore e, ta nyɛ̃ suur tɩ gãw ɛ, ta tɩ́ɛrɛ a tɩ sãwna kʋralɛ ɩ. Sàw jɩ́r nyɛ̃, tɩ za ɩ n a fʋ nɩbɛ.

Zeremi 12:10

Dʋ̃-cɩ̃ɩnbɛ yaga sãw nɩ a ɩ̃ divɛ̃ tɩɩr púo bɛr, bɛ nɛb nɛb'ɩ a ɩ̃ púo nɩ gbɛ́ɛ, ɩ a po-vla ŋa lɩɛbɩ zi-kpalɛ na ɩrɛ nɩbaalʋ a.

Zeremi 3:17

A lɛn daar a, bɛ na bʋɔlɛ nɩ a Zerizalɛm kɛ́ “Sore naalʋ-dà-kɔw”. A nɩ-bʋʋr-yoru na zɔ na ɓã taa a ɩ̃ zie, a Sore yúor na kʋ̀ a Zerizalɛm a zũú, ɛ́ bɛ na zawr'ɩ a bɛ tɩɛr-faar bɛr.

Zeremi 3:4

Ɛ́ ƴɛrɛŋa fʋ sʋ̃ɔmɩ sàw kone cɔwr mɛ̃ yere: «Ɩ̃ sãà, fʋ̃ʋ ɩ̃ pɔ̀lʋ daarɩ́ bá a!» Fʋ sowre nɩ fʋ tʋɔra:

Zeremi 31:20

A Sore yere na: «A Efarayim n'ɩ a ɩ̃ bidɛb-nɔna nɔna za, ɩ̃ nɔnɛ ʋ na zuo a ʋ taabɛ. Alɛ n'a so, kʋralɛ mãa wa yere ʋ a, ɩ̃ mɩ́ cãà na tɛr a ʋ tɩɛrʋ. Ɩ̃ nɔnɛ ʋ na bɛ dɩ vuo ɩ. Sɩza, ɩ̃ sɩrɩ na zɔrɛ a ʋ nɩbaalʋ.»

Zeremi 31:9

Bɛ kone na lɔbr'ɩ nɩbaal-nuru tarɛ nɩ, ɩ̃ɩ bɩɛlɛ bɛ. Ɩ̃ na tɛr bɛ na cen nɩ bàrʋ na paalɩ kʋ̃ɔ a zie. Ɩ̃ na tu n bɛ nɩ sɔ́r na man taa ʋ za bɛ kʋ̃ʋ tʋ̃ɔ́ ŋmɛ gbɛ́r lo a. Bʋ̃ʋ n'ʋ vɛ̃, ɩ̃ ɩ n sãà a Ɩsɩrayɛl zie, ɛ́ a Efarayim ɩ a ɩ̃ bidɛb-dãw.»

Zeremi 33:9

Lɛ n'a nʋ̃ɔ̀ na mɩ́ ɩrɛ mɛ̃ a Zerizalɛm yúor bʋɔlʋ ƴãw. A tẽ-kpɛ̃ɛ ŋa na ɩ na ɩ̃ tɛr yúor, ʋlɛ n'ʋ na so ɩ̃ nyʋʋr a tẽw zu nɩ-bʋʋrɛ za niŋé. Bɛlɛ wa wõ a vla al za ɩ̃ na na maal'ʋ a, bɛ na màwr'ɩ dɛ̃bɩ̃-mawfʋ, ɛ́ pʋ̀lá vʋ̃ɔnɛ bɛ, bɛ na nyɛ̃ a nʋ̃ɔ̀ nɩ a ƴã-ɓaarʋ al za ɩ̃ na na kʋ̀ ʋ a.»

Zeremi 5:7

A na ɩ à ŋá a, ŋmɩŋmɩn n'a ɩ̃ na dɩ suur kʋ̀ b? A fʋ bibiir zawrɛ mɛ̃ na bɛrɛ, bɛ mɩ́ pɔ n nɩ ŋmɩn-bɛlɛbɛlɛ yúor. Ɩ̃ tɩ kʋ̀ bɛ nɩ alɩ bome nɛ a na tɩ fɛr kɛ́ bɛ tɛr a, ɛcɛ bɛ cãà na maalɩ a pɩ̃ɔ-yele, bɛ darɛ nɩ taa a pɔw-yɛmɛ yir.

Ezekɩɛl 20:6

A ʋlɩ bibir nɛ a, ɩ̃ pɔ na yel bɛ k'ɩ̃ɩ na ƴãw na bɛ yi a Eziptɩ tẽw, ɩ̃ tɛr bɛ cen nɩ tẽw kãw ɩ̃ na nɛb kaa a bɛ ƴãw a. A ten za pʋɔ tẽ-vla vla za n'ʋ, tẽw bʋ̀rʋ nɩ sɩwr na gbɔlɛ a.

A naaŋmɩn-ƴèr-manɛ Oze sɛbɛ 11:8

«Ɛcɛ Efarayim i, ŋmɩŋmɩn za n'a ɩ̃ na sàw zawrɩ fʋ bɛr? Ɩsɩrayɛl ɩ, ŋmɩŋmɩn za n'a ɩ̃ na sàw de fʋ tɩr? Ŋmɩŋmɩn za n'a ɩ̃ na sàw ɩ fʋ, mɛ̃ ɩ̃ na ɩ a Adima tẽw a? Ɩ̃ na sàw na ɩ fʋ, fʋ ŋmɛ̃ mɛ̃ a Sevoyim tẽw a? A ɩ̃ tɩɛrʋ za dam'a, ɛ́ a ɩ̃ nɩbaal-zɔba ìr.

Galasi 3:26

Bʋ̃ʋ n'ʋ vɛ̃, nyɩ za ɩ n Naaŋmɩn bibiir, a naaŋmɩn-sàw-deb na ɩ nyɩ lãw nɩ a Yeezu Kɩrɩta a ƴãw.

Efɛɛzɩ 1:5

Ʋ tɩ de nɩ niwn bãwnɩ tɩ, k'ʋʋ wa de tɩ tɩ ɩ a ʋ bibiir a Yeezu Kɩrɩta ƴãw. À ŋá n'a ʋ tɩ nɔnɛ ɛ́ bɔbr.

Wulu-ayi-sob 14:1

Nyɩ ɩ n a Sore nyɩ Naaŋmɩn bibiir. A na ɩ à à ŋá a, nyɩmɛ mɩ́ wa tɛr kuor a, nyɩ ta ƴãw bɛ wɛr wɛr nyɩ a ƴã-gan ɛ, ɛ́ ta põ a nyɩ zu a nisɔw ɛ.

Ebre 10:39

A tɩɩm a, tɩ bɛ ɩ nɩbɛ na lɛbr pùor a bɛ bɔrʋ ƴãw a ɩ, tɩ ɩ n nɩbɛ na sàw de a tɩ sɩ́ɩr faafʋ ƴãw a.

1 Pɩɛr 1:17

Nyɩmɛ wa bʋɔlɛ a Naaŋmɩn kɛ́ Sãà a, ʋl na bɛ owre a ƴɛ̀rʋ-maalʋ pʋɔ, ʋ na mɩ́ maal'ɩ ŋa za tu n a ʋ ɩ-ɩrɩ a, nyɩɩm zɔrɛ ʋ ɛ́ ƴãwnɛ ʋ a nyɩ nɩ-tɔlɩ tẽw ŋa zu.