Zeremi 3:16 - A SƐB-SÕW

¹⁶ «A Sore cãà na lɛb yere: a lɛn daar a, nyɩ na yãwmɛ na ɛ́ dɔw paalɩ a tẽw. Bɛ kʋ̃ lɛb ƴɛ̀rɛ a wõ-taa daga ƴɛ̀rʋ ɛ, nɩr kʋ̃ cãà tɛr a ʋ tɩɛrʋ ɛ, bɛ na yiir ʋ na bɛr, bɛ kʋ̃ bãwnɩ ʋ na bɛ ka be a ɩ, nɩr bɛ lɛb maalɛ bʋ̃-yoru ɛ.

Zeremi 3:16 ပူးပေါင်းရင်းမြစ်များ

Ɩzayi 60:22

A bɛ pʋɔ a, a pʋrɩ za na lɩɛb'ɩ nɩbɛ túr, a bãbàal woro na lɩɛb'ɩ nɩ-bʋʋrɛ na kpɛmɛ a. A mãa, a Sore a, ɩ̃ na páw nɩ fɔ̃w maalɩ a yel ŋa, a daar wa ta a.

Ɩzayi 61:4

Bɛ na lɛb'a libri a deboru, bɛ na lɛb a mɛ a yie na lo lo gã a koro za a. Bɛ na ɩ n a tẽ-bɛrɛ na sãw gã a dɩta-pɛ-yome za a, a lɛb àr.

Ɩzayi 65:17

Bʋ̃ʋ n'ʋ vɛ̃, ɩ̃ na ír'ɩ salom-paala nɩ tẽsɔw-paala. Nɩr bɛ lɛb ƴɛ̀rɛ a koro za yele ƴɛ̀rʋ ɛ, bɛ kʋ̃ lɛb tɛr a tɩɛrʋ towtow ɛ.

Zeremi 3:17

A lɛn daar a, bɛ na bʋɔlɛ nɩ a Zerizalɛm kɛ́ “Sore naalʋ-dà-kɔw”. A nɩ-bʋʋr-yoru na zɔ na ɓã taa a ɩ̃ zie, a Sore yúor na kʋ̀ a Zerizalɛm a zũú, ɛ́ bɛ na zawr'ɩ a bɛ tɩɛr-faar bɛr.

Zeremi 30:19

Yielu nɩ nʋ̃ɔ̀ cɛlsɩ na mɩ́ yire nɩ a pʋɔ. A Zakɔb bibiir nʋɔr kʋ̃ lɛb siwri ɛ, ɩ̃ na ɩ na bɛ yɛ̀r yãwmɛ. Bɛ kʋ̃ lɛb ɩ nɩ-ɩ-laarɩ ɛ, ɩ̃ na zɛw bɛ nɩ yaga za.

Zeremi 31:27

A Sore yere na: Ɩ̃ kʋ̃ yaa kɛ́ ɩ nɩsaalbɛ nɩ dʋn yɛ̀r pàw a Ɩsɩrayɛl nɩ a Zuda naalʋ-ten, mɛ̃ a lɛ bɛ na mɩ́ yaarɩ bʋ̃-bʋʋrɛ púo pʋɔ a ɩ.

Zeremi 31:8

Ɩ̃ na sɩrɩ na ɩ bɛ yi a tẽw saa-pɛrɩ́-gʋba-lowr lɛb wa, ɩ̃ na tɛr bɛ nɩ a tẽw zi-zãánɩ za lɛb wa ɓã taa. A bɛ pʋɔ a, zɔn, wʋbr, pɔw-pée nɩ pɔ-dɔwrbɛ be n be. Zu-sɛbla na bɛ tɩ dɩ vuo a nɛbɛ lɛbr waar a ka.

Zeremi 7:4

Nyɩ ta sàw bɛ̀lɛ nyɩ tʋɔra nɩ a ƴɛ̀rʋ á ŋá ɩ: “A ka n'ɩ a Sore yir! A Sore yir! A Sore yir a, a ka n'a.”

Ezekɩɛl 15:5

A lɛn daar ʋ na tɩ ɩ a ɓil a, ʋ bɛ tɩ tɛr yel-ɩra kãw za ɩ. Ƴɛrɛŋa a vũu na wa dɩ ʋ za cʋmcʋm a, bɛ na tʋ̃ɔ́ na ɩ n ʋ bom bɩɩ? Towtow!

Ezekɩɛl 37:26

Ɩ̃ na maal'ɩ nyɩ nɩ ƴã-ɓaarʋ wõ-taa na na be kʋralɛ a. Ɩ̃ na ƴãw nyɩ nɩ a tẽw ŋa pʋɔ ɛ́ ɩ nyɩ yãwmɛ. Ɩ̃ na ɩ n a ɩ̃ zi-sõw be a nyɩ sɔgɔ kʋralɛ.

Amɔsɩ 9:9

Bʋ̃ʋ n'ʋ vɛ̃, ɩ̃ ƴãwnɛ nɩ nʋɔr k'aa nɩ-bʋʋr-yoru ten za pʋɔ, bɛ dam a Ɩsɩrayɛl yir, bɛ dam ʋ mɛ̃ zɛla bɛ na tɛtɛwr ɛ́ kʋsɛ-bir kʋ̃ lo tẽw a.

Sofoni 3:11

«A ʋlɩ bibir nɛ a, ɩ̃ nɩbɛ ɛ, a nyɩ ɩ-faar za nyɩ na ɩ a vĩ kʋ̃ cãà ɩrɛ nyɩ ɛ, a yel-bebe nyɩ na maalɩ sãw mɛ̃ a. Bʋ̃ʋ n'ʋ vɛ̃, a bɛlɩ dem za a pɔ̀lʋ na kʋrɛ a, ɩ̃ na ír bɛ nɩ a nyɩ pʋɔ a lɛn daar, ɛ́ nyɩ kʋ̃ cãà ɩrɛ nyɔka-ɩb a ɩ̃ tã-sõw zu ɛ.

Matie 1:11

Zozɩasɩ dɔw Zekonɩasɩ nɩ a ʋ yɛbr, a lɛn daar bɛ na tɩ diw a Ɩsɩrayɛl nɩbɛ cen nɩ a Babɩlɔn tẽw a.

Matie 3:9

ɛ́ taa wa nanɩ yere nyɩ tʋɔra kɛ́: “Abraham n'ɩ a tɩ sãà ɩ.” Mãa n'ʋ yere kʋ̀rɛ nyɩ, a kʋsɛbɛ á ŋá na gã a, Naaŋmɩn na tʋ̃ɔ́ na ɩ a lɩɛbɩ Abraham bibiir.