Zeremi 3:1 - A SƐB-SÕW

¹ A Sore yel'a: A ɩ mɛ̃ dɛb zawr'ɩ a ʋ pɔw bɛr, ʋ yi a ʋ zie tɩ kul dɛb-yũo a, ʋ tɛr'ɩ sɔ́r na lɛb kul a pɔw ŋa a? Ʋ̃ʋ'hʋ̃! A tẽw na dɛw nɩ ʋ za. Ɛcɛ a fʋ̃ʋ a, Ɩsɩrayɛl i, fʋ tõ n pɔw-yɛm tome nɩ nɩ-yaga ɛ́ bɔbr kɛ́ fʋ lɛb wa a ɩ̃ zie! A Sore n'ʋ yel.

Zeremi 3:1 ပူးပေါင်းရင်းမြစ်များ

Sɛb-sõw yielu 106:38

Bɛ tɩ cir'ɩ nɩbɛ na bɛ tɛr sãwna a zɩ̃ɩ, — a bɛ bidɛbr nɩ a bɛ pɔwyaar bɛ na maal'ɩ bàwr kʋ̀ a Kanãa tẽw tɩbɛ a zɩ̃ɩ — ɛ́ a zɩ̃ɩ á ŋá tɩ dɛw a tẽw bɛr.

Ɩzayi 24:5

A nɩbɛ na kpɩɛr a tẽw a dɛw ʋ na bɛr, bʋ̃ʋ n'ʋ vɛ̃, bɛ zawr'ɩ a Sore wulu bɛr, bɛ bɛ tu a lɛ ʋ na yel a ɩ, bɛ sãw nɩ a wõ-taa na be kʋralɛ ʋ na maal'ɩ bɛ a bɛr.

Zeremi 2:20

«Koro za n'a fʋ gáarɛ a ɩ̃ zu. Fʋ ɩ na a baarɩ mãa nɩ a fʋ̃ʋ cara pʋɔ, ɛ́ fʋ yel: “Ɩ̃ bɛ cãà bɔbr k'ɩ̃ɩ ɩ gbãgbaa ɩ.” Bʋ̃ʋ n'ʋ vɛ̃, tãle za zu, tɩ-zimpiri za pile, fʋ mɩ́ gã na mɛ̃ pɔw-yɛm a.

Zeremi 2:23

Ŋmɩŋmɩn za n'a fʋ sʋ̃ɔmɩ yere: “Ɩ̃ bɛ dɛw ɩ̃ tʋɔra ɩ, ɩ̃ bɛ tu a Báàl mɩnɛ ɩ”! Jɩ́r a lɛ fʋ na ɩrɛ a bà-fʋɔla pʋɔ a. Sàw a lɛ fʋ na ɩ a. Fʋ ŋmɛ̃ na mɛ̃ nyɔ̃wmɛ-nyãw-pɔl na mɩ́ zɔ tɩ sãá ka, zɔ tɩ sãá ka a.

Zeremi 2:7

Ɩ̃ ɩ na nyɩ kpɛ tɩ-wɔnɩ tẽw a tẽsɔw na pʋ̃ɔ́ a pʋɔ, kɛ́ nyɩ tɩ tʋ̃ɔ́ íre tɔnɛ a ʋ bʋ̃-kʋ́ɔrɩ nɩ a ʋ na-bome pʋɔ. Ɛcɛ nyɩ na wa kpɛ a ʋ pʋɔ a, nyɩ dɛw nɩ a ɩ̃ tẽw bɛr, ɛ́ ɩ a ɩ̃ zi-sóra lɩɛbɩ zi-faa faa.

Zeremi 22:20

«Zerizalɛm i, do a Libã tãw zu tɩ lɔbr cɛlsɩ, ɩ bɛ wõ a fʋ kɔkɔr a Basan tã-sɛr zu. Lɔbr cɛlsɩ a Avarim tan zu, a fʋ sɛnbɛ za na bɛ cãà be a ƴãw.

Zeremi 3:22

«Bibiir na bɛ tu m a, nyɩ lɛb wa a ɩ̃ zie, ɩ̃ na sanɩ nɩ a nyɩ na-bɛ-tu-m a ɩ-ɩrɩ za!» «Tɩmɛ n'ɩ bɛ ŋa! Tɩ waar'ɩ a fʋ zie, bʋ̃ʋ n'ʋ vɛ̃, a fʋ̃ʋ Sore a, fʋ̃ʋ n'ʋ ɩ a tɩ Naaŋmɩn!

Zeremi 3:9

Ʋ maal'ɩ pɩ̃ɔ-yele nɩ kʋsɩɛr nɩ dàa ŋmɩmɛ, ʋ dɛw nɩ a tẽw nɩ a ʋ pɔw-yɛm ɩ-ɩrɩ na ɩrɛ vĩ a.

Zeremi 31:22

Pɔwli-gaara a, debor'a fʋ na cere a ziir za tɩ ta? Bʋ̃ʋ n'ʋ vɛ̃, a Sore ír'ɩ yel-sãw a tẽw zu: a pɔw n'ʋ na bɔ a dɛb.

Zeremi 4:1

A Sore yere na: «Ɩsɩrayɛl i, fʋ̃ʋ wa lɛbr waar a, fʋ̃ʋ lɛb wa a ɩ̃ zie, fʋ̃ʋ wa ír a fʋ tɩb-faar faar bɛr a ɩ̃ niŋé a, fʋ kʋ̃ cãà ɩ nɩ-cɔla ɩ.

Zeremi 4:14

«Zerizalɛm i, fʋ̃ʋ wa bɔbr kɛ́ fʋ nyɛ̃ a faafʋ a, fʋ̃ʋ pɛ́w a fʋ socir faalʋ za bɛr. Debor'a a pʋ-tɩɛr-faar na yi zaa a fʋ pʋɔ?

A Lãw-mʋɔlɛ 1:2

Ʋ mɩ́ kõ n a tɩ̃ɩsɔw a ʋ kɔ́rɛ za tɩ vʋɔrɛ mʋta-kʋ̃ɔ. A bɛlɩ dem za na tɩ nɔnɛ ʋ a pʋɔ a, nɩr bɛ ka be mɔwlɛ ʋ ɛ. A ʋ bárɩ za mɩl ʋ na, ƴɛrɛŋa a, bɛ lɩɛb'ɩ a ʋ dɔ̃ dem.

Ezekɩɛl 16:26

Fʋ tõ n pɔw-yɛm tome nɩ a Eziptɩ tẽw dem, a fʋ kpɛ-pɩɛl dem na tɛr ƴã-gã-vɩɛlɩ vɩɛlɩ a, ɛ́ fʋ ɩ n à à ŋá dɔwlɩ kʋralɛ k'ɩ̃ɩ tʋ̃ɔ́ nyɛ̃ suur.

Ezekɩɛl 16:30

'Woi Zerizalɛm i! A mãa Sore Naaŋmɩn n'ʋ yere, fʋ sɩrɩ na ɩ dɛ̃bɩ̃ɛ sob. Fʋ na maalɩ à á ŋá za a, fʋ ɩ n a ɩb mɛ̃ a pɔw-yɛm faa faa za a.

Ezekɩɛl 16:35

A na ɩ à ŋá a, Zerizalɛm i, fʋ̃ʋ na tone pɔw-yɛm tome a, bɛrɛ wone a Sore ƴɛ̀rʋ!

Ezekɩɛl 33:11

Yel bɛ a ɩ̃ yúor ƴãw à ŋá: A mãa Sore Naaŋmɩn n'ʋ yere, ɩ̃ pɔ n nɩ a ɩ̃ nyɔ-vʋʋrʋ, a nɩ-faar kũu bɛ mɩ́ ɩrɛ mɛ̃ nʋ̃ɔ̀ ɩ. Bom nɛ ɩ̃ na bɔbr a n'ɩ kɛ́ bɛ lɩɛbɩ a bɛ ɩb, ɛ́ vʋʋrɛ. Ɩ̃ zɛlɛ nyɩ na, nyɩ jɛ a nyɩ mil-faar bɛr. Bʋ̃ʋ n'ʋ so nyɩ bɔbr kɛ́ nyɩ kpi, Ɩsɩrayɛl nɩbɛ ɛ?

A naaŋmɩn-ƴèr-manɛ Oze sɛbɛ 1:2

A ƴɛ̀rʋ a Sore na ƴãw a Oze ƴɛ̀r kʋ̀ a ʋ nɩ-bʋʋrɛ a tib zie n'ɩ a ka. A Sore tɩ yel'ɩ a Oze: «Cen tɩ de ŋmɩmɛ maalʋ-ziir pɔw-yɛm, dɔw nɩ ŋmɩmɛ maalʋ-ziir pɔw-yɛm bibiir. Bʋ̃ʋ n'ʋ vɛ̃, a tẽw nɩbɛ na zawrɩ a mãa Sore bɛr a, pɔw-yɛm ɩ-ɩrɩ tɛɛ za n'a bɛ ɩrɛ.»

A naaŋmɩn-ƴèr-manɛ Oze sɛbɛ 2:2

A Zuda bibiir nɩ a Ɩsɩrayɛl bibiir na lɛb'a ɓã taa ɩ been, bɛ na kaa na ír nɩ-kpɛ̃ɛ been, ɛ́ bɛ na so nɩ a tẽw. Bʋ̃ʋ n'ʋ vɛ̃, a Izireyɛl bibir na ɩ n bibi-kpɛ̃ɛ.

Mise 2:10

Nyɩ ìr! Nyɩ cere! A nyɩ pɩ̃ɛnʋ baar'a! Kpɩɛrʋ na bɛ tɛr manʋ a gùre nyɩ na, a nyɩ ɩ-faar ƴãw.»

Matie 5:31

«Bɛ mɩ̀ cãà na lɛb yel: “Nɩr wa zawrɛ a ʋ pɔw bɛrɛ a, ʋ maalɩ a zawr-bɛrʋ sɛbɛ kʋ̀ ʋ.”

Wulu-ayi-sob 22:21

bɛ na tɛr ʋ na cen nɩ a ʋ sãà yir dɩ̃dɔrɩ́, a ʋ tẽw dem tɩ lɔb'ɩ ʋ kʋsɛbɛ kʋ. Bʋ̃ʋ n'ʋ vɛ̃, ʋ bɛ tõ vla a Ɩsɩrayɛl tẽw pʋɔ ɩ: ʋ na cãà be a ʋ sãà yir ɛ́ páw dɛb a. Nyɩ na ír'ɩ a faalʋ bɛr à à ŋá a nyɩ pʋɔ.

Ƴɛ̀r-dɩrbɛ 19:2

A ʋ pɔw-bile ŋa tɩ nyɛ̃ nɩ ʋ nɩ suur, yi kul a ʋ sãà yir a Zuda tẽw Bɛtɩlɛm, tɩ maalɩ cuwr anaar.