Zeremi 29:8 - A SƐB-SÕW

⁸ A Sore, a kpɛnʋ-za-sob, a Ɩsɩrayɛl Naaŋmɩn, cãà na yere à ŋá: “Nyɩ ta sàw a naaŋmɩn-ƴɛ̀r-manbɛ bɛl na be a nyɩ sɔgɔ nɩ a bɛl na mɩ́ bãwnɛ a nɩdaar yele a, bɛ̀lɛ nyɩ ɛ. Nyɩ ta cɛlɛ a bɛlɩ dem na íre a nyɩ zánʋ pɛ́ɛ kʋ̀rɛ nyɩ a zie ɩ.

Zeremi 29:8 ပူးပေါင်းရင်းမြစ်များ

Zeremi 14:14

A Sore tɩ sɔw mɛ̃ na: «Ziri n'ɩ a lɛ za a ƴɛ̀r-manbɛ na yere a ɩ̃ yúor ƴãw a. Ɩ̃ bɛ tõ bɛ ɩ, ɩ̃ bɛ yel yel za kʋ̀ bɛ ɩ, ɩ̃ bɛ ƴɛ̀r bɛ zie ɩ. A bɛ bʋ̃-nyɛrɩ ɩ n ziri, a yele bɛ na yere a bɛ tɛr pɛr ɛ, bɛl mɩŋa pʋ-tɩɛrʋ n'a.

Zeremi 23:16

À ŋá n'a a Sore, a kpɛnʋ-za-sob yere: «Nyɩ ta bɛrɛ wone a naaŋmɩn-ƴɛ̀r-manbɛ bɛ ŋa ƴɛ̀rʋ ɛ, bɛ bɛlɛ nyɩ na. A yele bɛ na yere kʋ̀rɛ nyɩ a ɩ n a bɛl mɩŋa pʋ-tɩɛrʋ, a bɛ yi a mãa zie ɩ.

Zeremi 23:21

«Ɩ̃ bɛ tõ a naaŋmɩn-ƴɛ̀r-manbɛ bɛ ŋa ɩ, ɛ́ bɛ zɔrɛ. Ɩ̃ bɛ ƴɛ̀r ƴɛ̀rʋ za a bɛ zie ɩ, ɛ́ bɛ ƴɛ̀rɛ a ɩ̃ yúor ƴãw.

Zeremi 23:25

«A mãa, a Sore a, ɩ̃ wõ n a naaŋmɩn-ƴɛ̀r-manbɛ ƴɛ̀rʋ. Bɛ yel'a kɛ́ bɛ ƴɛ̀rɛ nɩ a ɩ̃ yúor ƴãw, ɛcɛ ziri n'a. Bɛ yere na: “Ɩ̃ zánɩ nɩ zánʋ! Ɩ̃ zánɩ nɩ zánʋ!”

Zeremi 23:27

Bɛ mɩ́ tɩɛr'a kɛ́ bɛ ɩ a ɩ̃ nɩbɛ yiiri a ɩ̃ yúor, a bɛ zánʋ bɛ na mɩ́ manɛ kʋ̀rɛ taa a zũú, mɛ̃ a lɛ a bɛ sãàkʋm-kore na tɩ tu a bɛ Báàl yiiri a ɩ̃ yúor bɛr a.

Zeremi 27:9

A na ɩ lɛ a, a nyɩɩm, nyɩ ta bɛrɛ wone a nyɩ naaŋmɩn-ƴɛ̀r-manbɛ ɩ, a bɛlɩ dem na mɩ́ lɔb a gbã-bie bãw nɩ a nɩdaar yele a ɩ, a bɛlɩ dem na íre a zánʋ pɛ́ɛ a ɩ, a bɛlɩ dem na mɩ́ manɛ a salom ŋmɛ̃a a ɩ, nɩ a nyɩ tɩtɩlbɛ ɩ. Bɛ za yere na kʋ̀rɛ nyɩ kɛ́ nyɩ kʋ̃ lo a Babɩlɔn tẽw nãà nuru pʋɔ ɩ.

Zeremi 28:15

Lɛ n'a a naaŋmɩn-ƴɛ̀r-manɛ Zeremi tɩ cãà lɛb yel a naaŋmɩn-ƴɛ̀r-manɛ Hananɩa: «Wone, Hananɩa a: A Sore bɛ to b ɛ, fʋ̃ʋ n'ʋ ɩrɛ a nɩbɛ bɛ ŋa bɛ̀lɛ bɛ tʋɔra.

Zeremi 29:1

A naaŋmɩn-ƴɛ̀r-manɛ Zeremi tɩ be n a Zerizalɛm ɛ́ tɩr sɛb-tʋɔla kʋ̀ a nɩ-kore, a bàwr-maalbɛ, a naaŋmɩn-ƴɛ̀r-manbɛ nɩ a nɩbɛ bɛl za a Nabikodonozɔɔr na tɩ diw a Zerizalɛm cen nɩ a Babɩlɔn a.

Zeremi 29:15

A Sore yere nɩ à á ŋá za kʋ̀rɛ nyɩ, nyɩ na yel k'ʋʋ kʋ̀ nyɩ naaŋmɩn-ƴɛ̀r-manbɛ a Babɩlɔn tẽw a ƴãw.

Zeremi 29:21

À ŋá n'a a Sore, a kpɛnʋ-za-sob, a Ɩsɩrayɛl Naaŋmɩn, yere a Kolaya bidɛb, Akab, nɩ a Maaseya bidɛb, Sedesɩasɩ, ƴãw. Bɛ za ayi yel'a kɛ́ a Sore yúor ƴãw n'a bɛ ƴɛ̀rɛ, ɛ́ a ɩ ziri: “Ɩ̃ na ƴãw bɛ nɩ a Babɩlɔn tẽw nãà, Nabikodonozɔɔr, nuru pʋɔ, ʋ ƴãw bɛ kʋ bɛ a nyɩ mimirí.

Zeremi 29:23

A na ɩ n à à ŋá a bɛ zie, bɛ na maalɩ yel-faa na bɛ maal'ɩ wob a Ɩsɩrayɛl tẽw pʋɔ a ƴãw: Bɛ maal'ɩ pɩ̃ɔ-yele nɩ a bɛ taabɛ pɔwbɛ, ɛ́ yel k'aa mãa yúor ƴãw n'a bɛ ƴɛ̀rɛ, ɛ́ a ɩ ziri. Ɛcɛ ɩ̃ bɛ tɩ yel kɛ́ bɛ ɩ bom za ɩ. Ɩ̃ bãw nɩ à á ŋá za, ɛ́ dɩ a dãsɩɛ.”» À à ŋá n'a a Sore yere.

Zeremi 37:9

À ŋá n'a a mãa, a Sore, ɩ̃ yere: Nyɩ ta bɛ̀lɛ nyɩ tʋɔra, tɩɛrɛ nɩ k'aa Babɩlɔn tẽw dem sɩrɩ na kul ɛ. Bɛ kʋ̃ kul ɛ!

Zeremi 5:31

A naaŋmɩn-ƴɛ̀r-manbɛ ƴɛ̀rɛ nɩ ŋmɩn-bɛlɛbɛlɛ yúor ƴãw, a bàwr-maalbɛ bɔbr'ɩ a bɛl yõ tɔnɛ, ɛ́ a ɩ̃ nɩbɛ nɔ̃w a lɛ. Ɛcɛ a yele baarʋ daar a, bʋ̃ʋ n'ʋ nyɩ na ɩ?»

A Lãw-mʋɔlɛ 2:14

Yel-ziri nɩ yele na bɛ tɛr pɛr a n'a a fʋ naaŋmɩn-ƴɛ̀r-manbɛ nyɛ̃ a fʋ ƴãw. Bɛ bɛ ɩ a fʋ sãwna ʋ sãá, kɛ́ bɛ tʋ̃ɔ́ ɩ a fʋ yele lɩɛbɩ ɛ. Ziri nɩ ƴɛ̀r-ziri n'a bɛ ƴɛ̀r kʋ̀ b.

Ezekɩɛl 13:6

Bɛ mɩ́ tɩɛr'a yel a bɛ bʋ̃-nyɛrɩ ɛ́ mɩ́ yel bome na bɛ ɩ sɩza a. Bɛ mɩ́ yel'a: “A Sore yel'a”. Ɛcɛ a mãa Sore, ɩ̃ bɛ mɩ́ tõ bɛ ɩ. Bɛ mɩ́ tɩɛr k'ɩ̃ɩ na tu n a bɛ ƴɛ̀rʋ pùor!

Mise 2:11

Nɩr'ɩ ŋa ta, ƴɛ̀rɛ ƴɛ̀r-zawlɛ, ɛ́ ŋmarɛ ziri yere nɩ: «Ɩ̃ yere na kʋ̀rɛ nyɩ, nyɩ na páw nɩ divɛ̃ nɩ dã-kpɛn!» A lɛn daar a, ʋ na ɩ n a nɩbɛ bɛ ŋa kã-kanɛ.

Zakari 13:4

A lɛn daar a, vĩ na ɩrɛ nɩ a naaŋmɩn-ƴɛ̀r-manbɛ a naaŋmɩn-ƴɛ̀r-manɛ ƴɛ̀rʋ ƴãw, nɩ a bɛ bʋ̃-nyɛrɩ manʋ ƴãw, bɛ kʋ̃ mɩ́ lɛb sàw su a kɔblʋ kpar-bɛrɛ, a naaŋmɩn-ƴɛ̀r-manbɛ na suur a, bɛ̀lɛ nɩ a nɩbɛ ɩ.

Matie 24:24

Naaŋmɩn nɩ-kabr-bɛlɛbɛlɛ mɩnɛ nɩ naaŋmɩn-ƴɛ̀r-man-bɛlɛbɛlɛ mɩnɛ na yi na maalɛ nɔ-ɓãa-yel-bɛrɛ nɩ yel-bãw-guuri, alɛ tɩ tʋ̃ɔ́ a, bɛ̃ɛ tuli a Naaŋmɩn nɩ-kaa-íri tɛɛ za.

Luka 21:8

A Yeezu tɩ sɔw na: «Nyɩ gù vla bɛ taa wa tule nyɩ ɛ. Nɩ-yaga na wa na yel kɛ́ a mãa yúor ƴãw n'a, wa yere: “Mãa n'ɩ a Kɩrɩta”, nɩ kɛ́: “A daar ta na.” Nyɩ taa tuur bɛ ɩ.

Luka 6:26

Baw-bio dem n'ɩ nyɩ, a lɛn daar a nɩbɛ za nãà wa mʋʋrɛ nyɩ a, à ŋá tɔr za n'a a bɛ sãàkʋm-kore tɩ ɩrɛ a naaŋmɩn-ƴɛ̀r-man-bɛlɛbɛlɛ mɩnɛ!»

Ʋrɔm 16:18

bʋ̃ʋ n'ʋ vɛ̃, a nɩbɛ bɛ ŋa taabɛ bɛ kaarɛ a Kɩrɩta tɩ Sore yele zie ɩ, bɛl nyagɛ zie n'a bɛ kaarɛ. Ƴɛ̀r-vɩɛlɩ nɩ nɔ-kãá n'a bɛ mɩ́ tɛr bɛ̀lɛ nɩ a nɩbɛ bɛl na bɛ tɛr a mɩnɛ kãw a.

Efɛɛzɩ 4:14

Lɛ n'a tɩ kʋ̃ cãà ɩ bibiir wul-pɛ-bʋʋrɛ za sɛsɛb-pɩl nɩ kʋ̃ɔ-mie na darɛ viire nɩ, ɛ́ a nɩsaalbɛ nɩ a bɛ cɩbɛ bɛ̀lɛ ƴãwn tulu pʋɔ a ɩ.

Efɛɛzɩ 5:6

Nyɩ ta sàw nɩr kãw za bɛlɩ nyɩ nɩ ƴɛ̀r-zawlɛ ɩ, à á ŋá za n'a mɩ́ sɩrɩ ɩ a Naaŋmɩn suur ìr a nɩ-gaarɩ ƴãw.

2 Tesalonikɩ 2:3

Nyɩ ta sàw nɩr kãw za bɛ̀lɩ nyɔw nyɩ nɩ bɛ̀l-bʋʋrɛ kãw za ɩ. Bʋ̃ʋ n'ʋ vɛ̃, a fɛr'a kɛ́ a Naaŋmɩn jɛ-bɛrʋ ta baarɩ, kɛ́ a Faalʋ nɩr na ɩ nɩ-wɛra a sãá baarɩ, ɛ́ a bibir ŋa bãw ta.

2 Timote 3:13

Ɛ́ a nɩ-faar nɩ a nɩ-bɛlbɛ a, ɩ-faar'a bɛ na ɩrɛ dɔwlɛ cere nɩ, tule nɩ a bɛ taabɛ ɛ́ tule a bɛl tɛɛ za.

1 Zã 4:1

Ɩ̃ bá mɩnɛ ɛ, nyɩ ta mɩ́ sàw de a bɛlɩ dem za na mɩ́ yel kɛ́ bɛ tɛr'ɩ Naaŋmɩn Vʋʋrʋ a ɩ. Ɛcɛ, nyɩ mɩ́ ɩ bɛ kaa nyɛ̃ a vʋʋrʋ bɛ na tɛr a wa sɩrɩ yi a Naaŋmɩn zie a. Bʋ̃ʋ n'ʋ vɛ̃, naaŋmɩn-ƴɛ̀r-man-bɛlbɛlbɛ yɛ́r a pàw a tẽ-daa.

Yel-wula 13:14

Ʋ tɩ bɛ̀lɛ nɩ a nɩbɛ na kpɩɛr a tẽw zu a, nɩ a nɔ-ɓãa-yele bɛ na tɩ kʋ̀ ʋ a fãw ʋ maalɛ nɩ a dʋ̃-dãw-niwn sob niŋé a. Ʋ tɩ ƴãw na bɛ mɩ́ maalɩ a dʋ̃w ʋl na tɩ tɛr a sʋɔ natɩr ɛ́ lɛb vʋʋrɛ a dasule a ʋ ƴãwfʋ ƴãw.

Yel-wula 19:20

Bɛ tɩ nyɔw nɩ a wɛ-dʋ̃w, lãwnɩ a ƴɛ̀r-man-bɛlɛbɛlɛ na tɩ maalɩ nɔ-ɓãa-yele a ʋ niŋé, bɛ̀lɩ nyɔw nɩ a bɛlɩ dem na tɩ tɛr a wɛ-dʋ̃w bãwfʋ a bɛ zu, ɛ́ gbĩ dume puori a ʋ dasule a. Bɛ tɩ lɔb'ɩ bɛ za ayi a mimir ƴãw a cirbi vũu gbãtar-kpɛ̃ɛ pʋɔ.