Zeremi 28:4 - A SƐB-SÕW

⁴ Ɩ̃ mɩ̀ na tɛr'ɩ a Yoyakim bidɛb, Yekonɩa, na ɩ a Zuda tẽw nãà a, lãwnɩ a bɛlɩ dem za bɛ na diw a Zuda tẽw cen nɩ a Babɩlɔn a, lɛb wa n —a Sore n'ʋ yel—, sɩza, ɩ̃ na sãw nɩ a Babɩlɔn tẽw nãà fãw ʋ na dĩ nɩ nyɩ mɛ̃ na-kʋ́ɔra-dàa a bɛr.”»

Zeremi 28:4 ပူးပေါင်းရင်းမြစ်များ

Yele-za-pɛr-tib 27:40

A fʋ zɛbr-sɔ-kpɛ̃ɛ n'ʋ na guole fʋ, ɛ́ fʋ na ɩ n a fʋ yɛb tõ-tõ-bie. Ɛcɛ a fʋ yɔb fʋ na na mɩ́ yɔ tɩ sãá ka, ɛ́ tɩ sãá ka a pʋɔ n'a, fʋ na ɩ a fãw ʋ na tɛr a fʋ zu a, a baarɩ.»

2 Na-mɩnɛ 24:14

A Nabikodonozɔɔr tɩ diw nɩ a Zerizalɛm tẽw dem za cen nɩ: a nɩ-bɛrɛ za, a zɛbr-nɩbɛ nɩ-bɛrɛ za, a pɛr lɛ kɛ́ nɩbɛ tùr-pie (10 000). Ʋ mɩ̀ tɩ ír'ɩ a nuru-tõ-bʋʋrɛ nɩbɛ za nɩ a sãa-kpɩɛrbɛ za cen nɩ. A nan dem tɛwr'a ʋ tɩ bɛr a be.

Ɩzayi 9:4

A dɔ̃ dem nafaw-kpowtɩɛ za na nɛbr a tẽsɔw ʋ gbiwre a, a kpar-bɛrɛ za na ɩ zɩ̃ɩ tɛwr a ɩ n bʋ̃-nyɩw-bɛra, vũu dɩ a na.

Zeremi 13:19

A Negɛɛvʋ tẽ-bɛrɛ za pàw na, nɩr za bɛ cãà yuore a pamɛ ɩ. Bɛ diw nɩ a Zuda nɩbɛ za cen nɩ tẽ-yũo, bɛ za kpɛ̃lɛ̃kpɛ̃lɛ̃ nɛbɛ bɛ diw cen nɩ.»

Zeremi 2:20

«Koro za n'a fʋ gáarɛ a ɩ̃ zu. Fʋ ɩ na a baarɩ mãa nɩ a fʋ̃ʋ cara pʋɔ, ɛ́ fʋ yel: “Ɩ̃ bɛ cãà bɔbr k'ɩ̃ɩ ɩ gbãgbaa ɩ.” Bʋ̃ʋ n'ʋ vɛ̃, tãle za zu, tɩ-zimpiri za pile, fʋ mɩ́ gã na mɛ̃ pɔw-yɛm a.

Zeremi 22:10

Zuda tẽw dem i, nyɩ ta kone a sob nɛ na kpi a ɩ, a nãà Zozɩasɩ, nyɩ ta kone ʋ ɛ. Nyɩ nɩ̃ɛ kone a sob nɛ na cere a, a nãà Salum. Bʋ̃ʋ n'ʋ vɛ̃, ʋ kʋ̃ lɛb wa ɩ, ʋ kʋ̃ lɛb nyɛ̃ a ʋ tẽ-dɔwra ɩ.

Zeremi 22:24

«Nyɛ̃ a ʋlɩ bom fʋ na na tɩ yel kʋ̀ a Yoyakim bidɛb nɩ a Zuda tẽw nãà Konɩahu a: “A Sore yere na: Ɩ̃ pɔrɛ nɩ nɩ a ɩ̃ nyɔ-vʋʋrʋ à ŋá: Fʋ̃ʋ mɩ̀ saa tɩ ɩ ŋmaarʋ-bʋ̃-ƴãwna a ɩ̃ dʋrʋ nũú a, ɩ̃ nãà for fʋ nɩ a ɩ̃ nobirí.

Zeremi 24:1

A Sore tɩ ɩ na ɩ̃ nyɛ̃ kãkamɛ bɛ na bin nɩ peli ayi a Ŋmɩn-yir-kpɛ̃ɛ niŋé a. A Babɩlɔn tẽw nãà Nabikodonozɔɔr na tɩ nyɔw a Yoyakim bidɛb, Yekonɩa, na ɩ a Zuda nãà a nɩ a ʋ tõ-tõ-bi-bɛrɛ, a nuru tõ-tonbɛ nɩ a kure bʋ̃-maalbɛ cen nɩ a Babɩlɔn tẽw a pùorí tɩ n'a.

Zeremi 24:5

À ŋá n'a a mãa Sore, a Ɩsɩrayɛl Naaŋmɩn, yere: Nʋ̃ɔ̀ ɩrɛ nɩ a kãkã-vɩɛlɩ á ŋá jɩ́rʋ ƴãw. Lɛ n'a ɩ̃ jɩ́rɛ a Zuda tẽw dem bɛ na ír a bɛ tẽw a nɩ nɔ̃wfʋ, a bɛl ɩ̃ na diw a ka tɩ sãá nɩ a Babɩlɔn tẽw a.

Zeremi 27:8

A Sore yere na: Tẽw kãw bɩɩ naalʋ-tẽw kãw wa zawrɩ na tone a Nabikodonozɔɔr a, tẽw kãw bɛ wa sàw a Babɩlɔn tẽw nãà nɩ-kpɛ̃ɛnʋ dĩ ʋ mɛ̃ na-kʋ́ɔra-dàa a, ɩ̃ na ìr'ɩ a tẽw ŋa ƴãw nɩ zɛbr nɩ kɔ̃ nɩ jɛ̀lmɛ̃ bàalʋ. Ɩ̃ na tu n a Babɩlɔn tẽw nãà sãw a tẽw ŋa bɛr.

Zeremi 28:10

Lɛ n'a a naaŋmɩn-ƴɛ̀r-manɛ Hananɩa tɩ de a na-kʋ́ɔra-dàa a naaŋmɩn-ƴɛ̀r-manɛ Zeremi nyũumɩ́ kar bɛr.

Zeremi 28:2

«À ŋá n'a a Sore, a kpɛnʋ-za-sob, a Ɩsɩrayɛl Naaŋmɩn yere: “Ɩ̃ na sãw nɩ a Babɩlɔn tẽw nãà fãw ʋ na dĩ nɩ nyɩ mɛ̃ na-kʋ́ɔra-dàa a bɛr.

Zeremi 29:1

A naaŋmɩn-ƴɛ̀r-manɛ Zeremi tɩ be n a Zerizalɛm ɛ́ tɩr sɛb-tʋɔla kʋ̀ a nɩ-kore, a bàwr-maalbɛ, a naaŋmɩn-ƴɛ̀r-manbɛ nɩ a nɩbɛ bɛl za a Nabikodonozɔɔr na tɩ diw a Zerizalɛm cen nɩ a Babɩlɔn a.

Zeremi 29:2

A nãà Yekonɩa, a nãà mã, a tõ-tõ-bi-bɛrɛ, a Zuda tẽw nɩ a Zerizalɛm nɩ-bɛrɛ, a sãa-kpɩɛrbɛ nɩ a nuru tõ-tonbɛ na tɩ yi a Zerizalɛm cen baar'a n'a ʋ tɩ tɩr a sɛb-tʋɔla ŋa.

Zeremi 30:8

«A daar wa ta a, a Sore, a kpɛnʋ-za-sob'ʋ yere, ɩ̃ na ír'ɩ a fãw ʋl na tɩ dĩ bɛ mɛ̃ a na-kʋ́ɔra-dàa a bɛr, ɩ̃ na ŋma n a bɛ mie bɛr. A lɛ pʋɔ a, bɛ kʋ̃ cãà ɩ sãanbɛ gbãgbaar ɛ.

Levitɩ mɩnɛ 26:13

Mãa n'ɩ a Sore nyɩ Naaŋmɩn na ɩ kɛ̀ nyɩ yi zaa a Eziptɩ nɩbɛ tẽw pʋɔ, kɛ́ nyɩ ta cãà ɩ a bɛ gbãgbaar a. Ɩ̃ ɩ na a Eziptɩ tẽw dem gãdaalʋ baarɩ a nyɩ zu, ɛ́ ɩ nyɩ bɛr vĩ ɛ́ cere.»

Nahum 1:13

Ƴɛrɛŋa a, ɩ̃ na faa nyɩ nɩ a nyɩ dɔ̃ sob nuru pʋɔ ɛ́ ŋma a bʋ̃-'leni na 'lẽ nyɩ a bɛr.»