Zeremi 27:9 - A SƐB-SÕW

⁹ A na ɩ lɛ a, a nyɩɩm, nyɩ ta bɛrɛ wone a nyɩ naaŋmɩn-ƴɛ̀r-manbɛ ɩ, a bɛlɩ dem na mɩ́ lɔb a gbã-bie bãw nɩ a nɩdaar yele a ɩ, a bɛlɩ dem na íre a zánʋ pɛ́ɛ a ɩ, a bɛlɩ dem na mɩ́ manɛ a salom ŋmɛ̃a a ɩ, nɩ a nyɩ tɩtɩlbɛ ɩ. Bɛ za yere na kʋ̀rɛ nyɩ kɛ́ nyɩ kʋ̃ lo a Babɩlɔn tẽw nãà nuru pʋɔ ɩ.

Zeremi 27:9 ပူးပေါင်းရင်းမြစ်များ

Eziptɩ tẽw yib 22:18

«A fɛr'a kɛ́ bɛ kʋ nɩr na gã nɩ dʋ̃w a.»

Eziptɩ tẽw yib 7:11

A nãà mɩ̀ tɩ bʋɔl'ɩ a Eziptɩ yã-bãwnbɛ nɩ a tɩtɩlbɛ wa n bɛ wa ɩ a bɛ tɩtɩblʋ mɩ̀ maal'ɩ a lɛ tɔr za.

Zʋkpaɩ 19:27

Ɩ̃ bie e, fʋ̃ʋ bɛ wa cãà sàwr a kpãàfʋ a, fʋ kʋ̃ lɛb zanɩ bom kãw za ɩ.

Ɩzayi 8:19

Bɛ mɩnɛ yere na: «Nyɩ sowri a kpɩmɛ na mɩ́ waalɛ ɛ́ 'hũ'hune yere a nɩdaar yele a. A tɛr'ɩ sɔ́r kɛ́ nɩ-bʋʋrɛ kãw mɩ́ sowre a ʋ ŋmɩmɛ ɛ́ kabrɛ a kũuni a nɩ-vʋʋrɩ ƴãw.» Bɛlɛ wa yere à à ŋá a nyɩ zie a,

Zeremi 14:14

A Sore tɩ sɔw mɛ̃ na: «Ziri n'ɩ a lɛ za a ƴɛ̀r-manbɛ na yere a ɩ̃ yúor ƴãw a. Ɩ̃ bɛ tõ bɛ ɩ, ɩ̃ bɛ yel yel za kʋ̀ bɛ ɩ, ɩ̃ bɛ ƴɛ̀r bɛ zie ɩ. A bɛ bʋ̃-nyɛrɩ ɩ n ziri, a yele bɛ na yere a bɛ tɛr pɛr ɛ, bɛl mɩŋa pʋ-tɩɛrʋ n'a.

Zeremi 23:16

À ŋá n'a a Sore, a kpɛnʋ-za-sob yere: «Nyɩ ta bɛrɛ wone a naaŋmɩn-ƴɛ̀r-manbɛ bɛ ŋa ƴɛ̀rʋ ɛ, bɛ bɛlɛ nyɩ na. A yele bɛ na yere kʋ̀rɛ nyɩ a ɩ n a bɛl mɩŋa pʋ-tɩɛrʋ, a bɛ yi a mãa zie ɩ.

Zeremi 23:25

«A mãa, a Sore a, ɩ̃ wõ n a naaŋmɩn-ƴɛ̀r-manbɛ ƴɛ̀rʋ. Bɛ yel'a kɛ́ bɛ ƴɛ̀rɛ nɩ a ɩ̃ yúor ƴãw, ɛcɛ ziri n'a. Bɛ yere na: “Ɩ̃ zánɩ nɩ zánʋ! Ɩ̃ zánɩ nɩ zánʋ!”

Zeremi 23:32

Ɩ̃ na ìr'ɩ a bɛ ƴãw. A bɛ zánʋ ɩ n ziri tɛwr. Bɛlɛ wa manɛ a a, bɛ mɩ́ bɛlɛ nɩ a nɩbɛ nɩ a bɛ ƴɛ̀r-ziri nɩ a bɛ ƴɛ̀r-zawlɛ. Mãa a, ɩ̃ bɛ yel kɛ́ bɛ ɩ bom ɛ. Bɛ bɛ tɛr yel-ɩra kãw za a ɩ̃ nɩbɛ zie ɩ.» A Sore n'ʋ yel.

Zeremi 29:8

A Sore, a kpɛnʋ-za-sob, a Ɩsɩrayɛl Naaŋmɩn, cãà na yere à ŋá: “Nyɩ ta sàw a naaŋmɩn-ƴɛ̀r-manbɛ bɛl na be a nyɩ sɔgɔ nɩ a bɛl na mɩ́ bãwnɛ a nɩdaar yele a, bɛ̀lɛ nyɩ ɛ. Nyɩ ta cɛlɛ a bɛlɩ dem na íre a nyɩ zánʋ pɛ́ɛ kʋ̀rɛ nyɩ a zie ɩ.

Ezekɩɛl 21:29

Alɛ n'a so a mãa Sore Naaŋmɩn, ɩ̃ yere à ŋá kʋ̀rɛ nyɩ: Nyɩ ƴãw na ɩ̃ tɩ́ɛrɛ a nyɩ sãwna kʋralɛ, a nyɩ nʋɔr-bɛ-sàwfʋ na bɛ tɛr bʋnʋ a zũú. A nyɩ ɩb za pʋɔ a, nyɩ mɩ́ wul'a kɛ́ nyɩ ɩ n sãwna dem. À à ŋá a, nyɩ na bɛ ɩ bɛ yiiri nyɩ bɛr a, nyɩ na lo n a dɔ̃ sob nuru pʋɔ!

Mise 3:7

A bʋ̃-nyɛrɩ nyɛrbɛ na nyɛ̃ nɩ vĩ, vĩ na ɩrɛ nɩ a bàwr-bʋwrbɛ, bɛ za na pàw nɩ a bɛ niŋe, a Naaŋmɩn na bɛ cãà sɔwr bɛ a ƴãw.

Zakari 10:2

A tɩbɛ nyɩ na mɩ́ sowri a, a mɩ́ ŋma n ziri kʋ̀ nyɩ. A bàwr-bʋwrbɛ mɩ́ wul'ɩ yele na bɛ ɩ sɩza a. A zánʋ bɛ na mɩ́ manɛ a, bɛ tɛr pɛr ɛ, a mɔwlʋ bɛ na mɩ́ tɩrɛ a, mɩ́ ɩ n bɛ̀lʋ. Alɛ n'a so a wone a nɩbɛ, bɛ yaarɛ gʋɔr, mɛ̃ dʋn na bɛ tɛr cɩ̃ɩnɛ a.

Malasɩ 3:5

A Sore, a kpɛnʋ-za-sob, yere nɩ à ŋá: “Ɩ̃ na wa n a nyɩ sɔgɔ, wa dɩ n nyɩ a ƴɛ̀rʋ. Ɩ̃ na yel'ɩ a sɔbr sãwna fɔ̃wlɛ, nɩ a pɩ̃ɔ-yel-maalbɛ, nɩ a pɔ-ziri dem, nɩ a bɛlɩ dem na nɛbr a bɛ tõ-tõ-biir, a pɔw-kɔbɛ nɩ a bi-kpebe a, a bɛlɩ dem na ɩrɛ a kpɩɛr a nʋʋrɩ a, a bɛlɩ dem za na bɛ ƴãwnɛ mɛ̃ a.”»

Nɩ-toni 8:11

Bɛ tɩ tu n a ʋ pùor, ʋ na tɩ ɩ a ʋ tɩtɩblɛ ɩ-ɩrɩ a nyɔw bɛ a koro za a ƴãw.

Efɛɛzɩ 5:6

Nyɩ ta sàw nɩr kãw za bɛlɩ nyɩ nɩ ƴɛ̀r-zawlɛ ɩ, à á ŋá za n'a mɩ́ sɩrɩ ɩ a Naaŋmɩn suur ìr a nɩ-gaarɩ ƴãw.

Wulu-ayi-sob 13:2

Kapaw bibir kãw, naaŋmɩn-ƴɛ̀r-manɛ bɩɩ yel-nyɛrɛ kãw na ír'ɩ a nyɩ pʋɔ yel nɔ-ɓãa-yel kãw bɩɩ yel-bɛ-dãw-nyɛra kãw.

Wulu-ayi-sob 18:14

A nɩ-bʋʋr-yoru bɛ ŋa tẽw nyɩ na na de a, bɛ mɩ́ bɛrɛ na wone a bàwr-bʋwrbɛ nɩ a bɛlɩ dem na mɩ́ kanɩ a salom zu bãw yel a. A Sore nyɩ Naaŋmɩn bɛ bɔbr a lɛ a nyɩ zie ɩ.

Zozue 13:22

A Bewɔɔr bidɛb, Balaam, na ɩ bàwr-bʋwrɛ a tɩ pʋɔ nɩ a nɩbɛ bɛl pʋɔ a Ɩsɩrayɛl nɩbɛ na tɩ kʋ a lɛn daar a.

Yel-wula 18:23

A fɩ̃tɩlɛ cãà kʋ̃ lɛb caalɩ a fʋ pʋɔ ɩ. Bɛ kʋ̃ lɛb wõ a dɛb-sãan nɩ a pɔw-sãan kɔkɔr a fʋ pʋɔ ɩ. Bʋ̃ʋ n'ʋ vɛ̃, a fʋ yɛ-yɛrbɛ tɩ ɩ n a nɩ-bɛrɛ a tẽw zu, ɛ́ fʋ tɩ tuli a nɩ-bʋʋrɛ za nɩ a fʋ tɩtɩblʋ.»

Yel-wula 21:8

Ɛcɛ, a dɛ̃bɩ̃ɛ dem a, a bɛlɩ dem na lɛb pùor a, a nɩ-faar, a nɩ-kʋrbɛ, a pɩ̃ɔ-yel-maalbɛ, a tɩtɩlbɛ a, a bɛlɩ dem na maalɛ a tɩbɛ a, nɩ a zir-ŋmarbɛ za a, a bɛ zie n'ɩ a cirbi vũu gbãtar-kpɛ̃ɛ: a kũu-gb'a ayi sob'ʋ.»

Yel-wula 22:15

Ɛcɛ, a nɩ-faar na bɛ tɛr ŋmɛ̃a a, a tɩtɩlbɛ, a pɩ̃ɔ-yel-maalbɛ, a nɩ-kʋrbɛ, a bɛl na maalɛ a tɩbɛ a, a bɛlɩ dem na nɔnɛ a ziri ŋmab ŋmarɛ a ziri a, bɛ be yẽw!

Yel-wula 9:21

Bɛ mɩ̀ bɛ tɩ bɛr a bɛ nɩ-kʋ, a bɛ tɩtɩblʋ, a bɛ pɩ̃ɔ ɩ-ɩrɩ nɩ a bɛ nyãnyuwlu ɛ.