Zeremi 27:5 - A SƐB-SÕW

⁵ Mãa n'ʋ ír a tẽw, lãwnɩ a nɩsaalbɛ nɩ a dʋn na be a tẽ-daa zu a. Ɩ̃ ír a na nɩ a ɩ̃ fãw-kpɛ̃ɛ nɩ a kpɛnʋ na bɛ dɩ vuo a, ɛ́ mɩ́ kʋ̀ a ʋlɩ sob nɛ ɩ̃ na bɔbr a.

Zeremi 27:5 ပူးပေါင်းရင်းမြစ်များ

Yele-za-pɛr-tib 1:25

À ŋá n'a a Naaŋmɩn tɩ maalɩ a wɛ-dʋ̃-bʋʋrɛ bʋʋrɛ, a yir dʋ̃-bʋʋrɛ bʋʋrɛ nɩ a tẽsɔw bʋ̃-vuri bʋʋrɛ bʋʋrɛ za. A Naaŋmɩn tɩ nyɛ̃ na a vɩɛl.

Yele-za-pɛr-tib 9:6

Nɩr wa ɩ nɩsaal zɩ̃ɩ a cir a, nɩsaal'ʋ na ɩ a ʋ zɩ̃ɩ a cir. Bʋ̃ʋ n'ʋ vɛ̃, Naaŋmɩn ír'ɩ a nɩsaal ʋ ɩ a ʋ ŋmɛ̃-ta-tɔ.

Ɛsɩdɩrasɩ 1:2

«À ŋá n'a a Pɛrsɩ tẽw nãà, Siirisɩ, yere: A Sore, a salom Naaŋmɩn kʋ̀ m'ɩ a tẽ-daa naalʋ-ten za. Ʋ yel mɛ̃ na k'ɩ̃ɩ lɛb mɛ Ŋmɩn-yir-kpɛ̃ɛ kʋ̀ ʋ a Zerizalɛm, a Zuda tẽw pʋɔ.

Neemi 9:22

Fʋ de nɩ naalʋ-ten nɩ nɩ-bʋʋrɛ kʋ̀ bɛ: bɛ zɛb'a de ten na pɩɛlɩ bɛ a, Sihon na ɩ Hɛsɩbon tẽw nãà a, tẽw, nɩ Ɔgɩ na ɩ Basan nãà a, tẽw.

Sɛb-sõw yielu 102:25

Alɛ n'a so ɩ̃ yere: «Ɩ̃ Naaŋmɩn i, fʋ̃ʋ na be be kʋralɛ a, ta ɩ ɩ̃ pʋ̃ɔ kpi ɛ.»

Sɛb-sõw yielu 96:5

A nɩ-bʋʋr-yoru ŋmɩmɛ ɩ n bʋ̃-zawlɛ, ɛcɛ a Sore n'ʋ maalɩ a salom.

Eziptɩ tẽw yib 20:11

Bʋ̃ʋ n'ʋ vɛ̃, bibie ayʋɔb'a ɩ̃ ír a salom, a tẽw, a kʋ̃ɔ-kpɛ̃ɛ nɩ a bome al za na be a pʋɔ a. Ɛcɛ a bibie ayopõi sob a, ɩ̃ zɩ̃ na pɩ̃ɛnɩ. Alɛ so a mãa, a Sore, ɩ̃ maalɩ a pɩ̃ɛnʋ-bibir, ɛ́ ɩ k'ʋ ɩ sõw.»

Eziptɩ tẽw yib 6:6

Alɛ so ɩ̃ yel kɛ́ fʋ yel à ŋá kʋ̀ a Ɩsɩrayɛl nɩbɛ: “Mãa n'ɩ a Sore. Ɩ̃ na ír nyɩ nɩ a pɔ̃tɔrɩ tome pʋɔ, ɛ́ faa nyɩ a gbãgbaalʋ pʋɔ a Eziptɩ tẽw nɩbɛ na ƴãw nyɩ a. Ɩ̃ na tõ n gãda-tome wul a ɩ̃ kpɛnʋ, lɛb de nɩ nyɩ.

Ɩzayi 42:5

A Naaŋmɩn, a Sore, na ír a salom nɩ a ʋ yɛ̀lʋ za a, na yɛ́r a tẽsɔw nɩ a ʋ bʋ̃-buli a, na kʋ̀ a nyɔ-vʋʋrʋ a nɩ-bʋʋrɛ na kpɩɛr a ʋ zu a, nɩ a vʋʋrʋ a bɛlɩ dem na dɛnɛ a ʋ zu a, ƴɛ̀rɛ nɩ à ŋá a ʋ tõ-tõ-bie zie:

Ɩzayi 44:24

Ɩsɩrayɛl i, a Sore, a fʋ ya-diere na cɔbrɩ fʋ a fʋ mã puori a, ƴɛ̀rɛ nɩ a fʋ zie à ŋá: «Mãa n'ɩ a Sore na maalɛ bom za a. Mãa n'ʋ dɔl a salom, mãa ɩ̃ yõ tẽtẽ, ɩ̃ yɛ́r'ɩ a tẽw ɛ́ nɩr za bɛ sõw mɛ̃ ɩ.

Ɩzayi 45:12

Mãa n'ʋ maalɩ a tẽw, ɛ́ ír a nɩsaalbɛ na kpɩɛr ʋ a. Mãa n'ʋ dɔl a salom nɩ a ɩ̃ nuru, ɛ́ mɩ́ yel a ŋmar-bi-pɩlwɩlɩ a lɛ a na fɛr k'aa ɩrɛ a.

Ɩzayi 48:13

A ɩ̃ nuru n'a ɩ̃ bin nɩ a tẽw pɛr ɛ́ dɔl a salom. Mãa wa bʋɔlɛ a wa báarɛ a, a mɩ́ ta n daadaalɛ àr.

Ɩzayi 51:13

Nyɩ yiir'ɩ a Sore bɛr, ʋl na ír nyɩ a, ʋl na dɔl a salom ɛ́ bin a tẽw pɛr a. Bibie za, nyɩ mɩ́ màwr'ɩ a sob nɛ na dɔwrɛ nyɩ a niŋé, a lɛ a ʋ su-yãyaar na mɩ́ ìr, mɛ̃ ʋ cɔbr'a baarɩ na sãw nyɩ bɛr a. Ɛcɛ ƴɛrɛŋa a, nyɩnɛ n'a a ʋ su-yãyaar be?

Zeremi 27:4

Fʋ na kʋ̀ bɛ nɩ ƴɛ̀rʋ ŋa a bɛ zuru dem ƴãw: A Sore kpɛnʋ-za-sob, a Ɩsɩrayɛl Naaŋmɩn ƴɛ̀rʋ n'ɩ ŋa:

Zeremi 32:17

«'Woi, Sore Naaŋmɩn i, fʋ̃ʋ n'ʋ ír a salom nɩ a tẽw nɩ a fʋ fãw-kpɛ̃ɛ, nɩ a fʋ kpɛnʋ. Bom za bɛ kpɛmɛ zuo a fʋ zie ɩ.

Zeremi 51:15

A Sore maal'ɩ a tẽw nɩ a ʋ fãw, ʋ ɩ n a tẽ-daa ʋ àr nɩ a ʋ yã-bãwfʋ, ɛ́ dɔl a salom nɩ a ʋ yã.

Nɩ-toni 14:15

tɩ yel: «Alɛ! Bá-mɩnɛ ɛ, bʋ̃ʋ n'ʋ so nyɩ ɩrɛ à à ŋá? Tɩ mɩ̀ ɩ n nɩsaalbɛ mɛ̃ a nyɩɩm a! A Yel-nʋ̃ɔ̀ tɩ na hiere kʋ̀rɛ nyɩ a, ʋlɛ n'ɩ kɛ́ nyɩ bɛr a bʋ̃-zawlɛ á ŋá ɛ́ sàw de a Naaŋmɩn na vʋʋrɛ a. Ʋlɛ n'ʋ ír a salom, a tẽw, a kʋ̃ɔ-kpɛ̃ɛ nɩ a bome za na be a pʋɔ a.

Nɩ-toni 17:24

A Naaŋmɩn ʋl na ír a tẽ-daa nɩ a ʋ pʋɔ bome za a, a ʋl na ɩ a salom nɩ a tẽw Sore a, ʋ bɛ kpɩɛr nɩsaal nuru yir-mɩɛrɩ pʋɔ ɩ,

Nɩ-toni 17:26

Nɩ-been yõ n'ʋ ʋ de maal'ɩ a nɩ-bʋʋrɛ za ƴãw bɛ kpɩɛr a tẽw za zu. Ʋ ƴãw nɩ daar kʋ̀ a nɩsaalbɛ, ɛ́ tʋ̃ɔ̀ a bɛ kpɛb zie tʋr-bɔwrɩ wul bɛ.

Wulu-ayi-sob 2:19

Nyɩ na tuor'a tɔ a Amɔ̃ tẽw. Nyɩ taa bɔbr bɛ nɔhaarʋ ɛ, nyɩ taa ŋmaarɛ nɩ bɛ zɛbr ɛ. Ɩ̃ bɛ kʋ̀rɛ nyɩ a bɛ tẽw zie kãw za ɩ. Bʋ̃ʋ n'ʋ vɛ̃, Lɔtɩ bʋʋrɛ nɛbɛ ɩ̃ kʋ̀ a zie ŋa bɛ so ʋ.» —

Wulu-ayi-sob 2:21

Nɩ-bʋʋrɛ na kpɛmɛ, ɛ́ yãwmɛ, ɛ́ mɩ̀ kɛrɩ man a Anakɩ bʋʋrɛ a tɩ nɛbɛ. Ɛcɛ a Sore tɩ kʋ bɛ na pàw pɛr, a lɛ a Amɔ̃ tẽw dem na tɩ ta a. A Amɔ̃ tẽw dem tɩ faa nɩ a bɛ tẽw kpɩɛr ɛ́ bɛr bɛ.

Wulu-ayi-sob 2:7

Bʋ̃ʋ n'ʋ vɛ̃, a Sore nyɩ Naaŋmɩn maalɩ nyɩ nɩ a nyɩ tome za pʋɔ, ɛ́ gù nyɩ a wɛja-kpalɛ kpɛ̃ɛ ŋa pʋɔ nyɩ na tu tɔl a. Yome lɩz'a ayi n'ɩ à ŋá ʋ na be a nyɩ zie, ɛ́ nyɩ bɛ bɔ bom za gù a.

Wulu-ayi-sob 2:9

A Sore tɩ yel mɛ̃ na: «Nyɩ taa bɔbr a Mowab tẽw dem nɔhaarʋ ɛ, nyɩ taa ŋmaarɛ nɩ bɛ zɛbr ɛ. Ɩ̃ kʋ̃ kʋ̀ nyɩ a bɛ tẽw zie kãw za ɩ. Bʋ̃ʋ n'ʋ vɛ̃, Lɔtɩ bʋʋrɛ nɛbɛ ɩ̃ kʋ̀ a Aar tẽw kɛ́ bɛ so ʋ.» —

Wulu-ayi-sob 32:8

A lɛ a Naaŋmɩn-na-do-saa-bɛ-pɩɛl-a na tɩ põ a ten kʋ̀ a tẽw zu dem a, ʋ ƴãw nɩ a nɩ-bʋʋrɛ tʋr-bɔwrɩ, ʋ de nɩ a nɩ-bʋʋrɛ been been, kʋ̀ salom zu nɩr kãw,

Wulu-ayi-sob 4:17

dʋn, lili,

Wulu-ayi-sob 4:25

Nyɩmɛ wa kpɛ a Kanãa tẽw cɛlɩ a, tɛr bibiir nɩ yan a, nyɩ taa lore a yel-bier pʋɔ maalɛ tɩbɛ tɛrɛ bɩɩ maalɛ bom nɩ bom za dasuli ɛ. Nyɩ taa ɩrɛ bom na bɛ vɩɛl a Sore nyɩ Naaŋmɩn zie ɛ́ ɩrɛ ʋ suur a ɩ.

Wulu-ayi-sob 4:32

Nyɩ tɩɛrɩ a koro za yele nyɛ̃, a alɩ bome nɛ na ɩ a koro za, ɛ́ nyɩ wa bãw be a, a lɛ a Naaŋmɩn na tĩ kɛ́ ír a nɩsaalbɛ a tẽw zu a. Nyɩ tɩɛrɩ a alɩ yele za na ɩ a tẽ-daa tib zie tɩ tɔ a baarʋ zie a. Nɔ-ɓãa-yel ŋa tɔ dãw na ɩ ɩ? Nɩr dãw na wõ bɛ manɩ a yel ŋa tɔ ɔ?

Wulu-ayi-sob 4:35

Nyɩɩm'a, ʋ ɩ na nyɩ nyɛ̃ a yele á ŋá, kɛ́ nyɩ tʋ̃ɔ́ bãw k'aa Sore yõ n'ʋ ɩ Naaŋmɩn, ŋmɩmɛ bɛ be be pʋɔ a ʋ ƴãw ɛ.

Wulu-ayi-sob 5:16

Ƴãwnɛ a fʋ sãà nɩ a fʋ mã, mɛ̃ a lɛ ɩ̃ na yel kʋ̀ b a, tʋ̃ɔ́ vʋʋrɩ cɛlɩ ɛ́ wone nʋ̃ɔ̀ a tẽw, a mãa Sore fʋ Naaŋmɩn na kʋ̀rɛ fʋ a pʋɔ.

Wulu-ayi-sob 9:29

Ɛcɛ, Sore e, a fʋ nɩ-bʋʋrɛ nɛbɛ, fʋ̃ʋ so bɛ. A fʋ fãw na ɩ kpɛ̃ɛ a, nɩ a fʋ kpɛnʋ na bɛ tɛr tʋ̃ɔ́fʋ a zũú n'a fʋ faa bɛ.»

Kɔlɔsɩ 1:16

Bʋ̃ʋ n'ʋ vɛ̃, ʋlɛ n'ʋ a Naaŋmɩn ƴãw k'ʋ ír a bome za, a saa-zu nɩ a tẽw zu, a bʋ̃-nyɛrɩ nɩ a bʋ̃-bɛ-nyɛrɩ, a al na zɩnɛ naalʋ-dà-kɔwr zuru a, nɩ a al na so a ziir a, a naalʋ-dɩb bʋʋrɛ nɩ fãw bʋʋrɛ za. Ʋlɛ n'ʋ Naaŋmɩn ƴãw ʋ ír a za a ʋl mɩŋa ƴãw.

Ebre 1:2

Ɛcɛ ƴɛrɛŋa a, a yele baarʋ vuo ŋa pʋɔ a, a ʋ Bie n'ʋ ʋ ƴãw ʋ ƴɛ̀r a tɩ zie. Ʋlɛ n'ʋ a Naaŋmɩn ƴãw k'ʋ ír bom za ɛ́ so bom za.

Yel-wula 4:11

«Sore tɩ Naaŋmɩn i, fʋ sɛw na na nyɛ̃ danʋ, ƴãwfʋ nɩ kpɛnʋ. Bʋ̃ʋ n'ʋ vɛ̃, fʋ̃ʋ n'ʋ ír a bome za, fʋ sàw na k'aa be, ɛ́ ír a.»