Zeremi 27:15 - A SƐB-SÕW

¹⁵ A Sore yere na: “Ɩ̃ bɛ tõ bɛ ɩ. Bɛ yel kɛ́ mãa yúor ƴãw n'a bɛ ƴɛ̀rɛ, ɛcɛ ziri n'a. Nyɩmɛ wa bɛrɛ wone bɛ a, ɩ̃ na diw nyɩ na yaarɩ, ɛ́ nyɩ na kpi na, a nyɩɩm nɩ a naaŋmɩn-ƴɛ̀r-manbɛ bɛl na ƴɛ̀r a naaŋmɩn-ƴɛ̀r-manbɛ ƴɛ̀rʋ kʋ̀ nyɩ a.”»

Zeremi 27:15 ပူးပေါင်းရင်းမြစ်များ

2 Bibie za yel-manɩ 25:16

Ɛcɛ a Amazɩasɩ tɩ tur'a de a ƴɛ̀rʋ sowr'ʋ: «Ãa n'ʋ kaa ír fʋ fʋ ɩ a nãà yã-wule? Fʋ̃ʋ bɛ wa bɔbr ŋmɩɛrʋ a, fʋ̃ʋ taa lɛb háarɛ nʋɔr ɛ.» A naaŋmɩn-ƴɛ̀r-manɛ bɛ lɛb tɩ háa nʋɔr ɛ, al pùorí, ʋ yel: «Ɩ̃ bãwnɩ a na, a Naaŋmɩn yel'a kɛ́ bɛ kʋ b, à à ŋá fʋ na ɩ a ƴãw, nɩ fʋ na zawrɩ na bɛr wõ a yã ɩ̃ na wule fʋ a.»

Zeremi 14:14

A Sore tɩ sɔw mɛ̃ na: «Ziri n'ɩ a lɛ za a ƴɛ̀r-manbɛ na yere a ɩ̃ yúor ƴãw a. Ɩ̃ bɛ tõ bɛ ɩ, ɩ̃ bɛ yel yel za kʋ̀ bɛ ɩ, ɩ̃ bɛ ƴɛ̀r bɛ zie ɩ. A bɛ bʋ̃-nyɛrɩ ɩ n ziri, a yele bɛ na yere a bɛ tɛr pɛr ɛ, bɛl mɩŋa pʋ-tɩɛrʋ n'a.

Zeremi 20:6

Ɛ́ a fʋ̃ʋ, Pasehuur i, fʋ na cen nɩ gbãgbaalʋ pʋɔ, fʋ̃ʋ nɩ a bɛlɩ dem za na lãw kpɩɛr'ɩ fʋ a. Fʋ̃ʋ wa ta a Babɩlɔn a, fʋ na kpi na, ɛ́ a be n'a bɛ na ũù fʋ, fʋ̃ʋ nɩ a fʋ bárɩ bɛl za zie fʋ na tɩ ɩ naaŋmɩn-ƴɛ̀r-man-ziri sob a.”»

Zeremi 23:15

A lɛ pʋɔ a, à ŋá n'a a Sore, a kpɛnʋ-za-sob yere a naaŋmɩn-ƴɛ̀r-manbɛ ƴãw: «Ɩ̃ na ƴãw na bɛ 'wɔb tɩ-va-tuo, ɛ́ ƴãw bɛ nyũ kʋ̃ɔ na tɛr lɔw a, bʋ̃ʋ n'ʋ vɛ̃, a Zerizalɛm tẽw naaŋmɩn-ƴɛ̀r-manbɛ zie n'a a faalʋ yire pàwr a tẽw za.»

Zeremi 23:21

«Ɩ̃ bɛ tõ a naaŋmɩn-ƴɛ̀r-manbɛ bɛ ŋa ɩ, ɛ́ bɛ zɔrɛ. Ɩ̃ bɛ ƴɛ̀r ƴɛ̀rʋ za a bɛ zie ɩ, ɛ́ bɛ ƴɛ̀rɛ a ɩ̃ yúor ƴãw.

Zeremi 23:25

«A mãa, a Sore a, ɩ̃ wõ n a naaŋmɩn-ƴɛ̀r-manbɛ ƴɛ̀rʋ. Bɛ yel'a kɛ́ bɛ ƴɛ̀rɛ nɩ a ɩ̃ yúor ƴãw, ɛcɛ ziri n'a. Bɛ yere na: “Ɩ̃ zánɩ nɩ zánʋ! Ɩ̃ zánɩ nɩ zánʋ!”

Zeremi 27:10

Ɛcɛ, a al za bɛ na yere kʋ̀rɛ nyɩ a ɩ n ziri. Nyɩmɛ wa bɛrɛ wone bɛ a, bɛ na diw nyɩ na zãá nɩ a nyɩ tẽw. Sɩza, ɩ̃ na diw nyɩ na yaarɩ a ziir za, ɛ́ nyɩ na tɩ kpi na.

Zeremi 29:8

A Sore, a kpɛnʋ-za-sob, a Ɩsɩrayɛl Naaŋmɩn, cãà na yere à ŋá: “Nyɩ ta sàw a naaŋmɩn-ƴɛ̀r-manbɛ bɛl na be a nyɩ sɔgɔ nɩ a bɛl na mɩ́ bãwnɛ a nɩdaar yele a, bɛ̀lɛ nyɩ ɛ. Nyɩ ta cɛlɛ a bɛlɩ dem na íre a nyɩ zánʋ pɛ́ɛ kʋ̀rɛ nyɩ a zie ɩ.

Zeremi 29:9

A alɩ bome nɛ za bɛ na yere a ɩ̃ yúor ƴãw a ɩ n ziri. Ɩ̃ bɛ tõ bɛ ɩ.” A Sore n'ʋ yel.

Zeremi 38:22

Bɛ na tɛr'ɩ a pɔwbɛ za na cãà be a fʋ yir a, cen nɩ a Babɩlɔn tẽw nãà zɛbr-nɩbɛ nɩ-bɛrɛ zie. Ɛ́ a pɔwbɛ na yiele nɩ à ŋá a fʋ ƴãw: “Bɛ bɛlɩ fʋ na, bɛ páw fʋ na, a fʋ bá-túor! A fʋ gbɛ́ɛ siwr'a kpɩɛr a mɛ̃mɛrɛ pʋɔ, ɛ́ a bɛl a, bɛ zawrɩ fʋ na bɛr.”

Matie 15:14

Nyɩ bɛr bɛ: zɔn nɛbɛ tawr zɔn. Ɛcɛ zɔ̃w wa tawr zɔ̃w a, bɛ za ayi na lo n bɔw pʋɔ.»

Matie 24:24

Naaŋmɩn nɩ-kabr-bɛlɛbɛlɛ mɩnɛ nɩ naaŋmɩn-ƴɛ̀r-man-bɛlɛbɛlɛ mɩnɛ na yi na maalɛ nɔ-ɓãa-yel-bɛrɛ nɩ yel-bãw-guuri, alɛ tɩ tʋ̃ɔ́ a, bɛ̃ɛ tuli a Naaŋmɩn nɩ-kaa-íri tɛɛ za.

Yel-wula 19:20

Bɛ tɩ nyɔw nɩ a wɛ-dʋ̃w, lãwnɩ a ƴɛ̀r-man-bɛlɛbɛlɛ na tɩ maalɩ nɔ-ɓãa-yele a ʋ niŋé, bɛ̀lɩ nyɔw nɩ a bɛlɩ dem na tɩ tɛr a wɛ-dʋ̃w bãwfʋ a bɛ zu, ɛ́ gbĩ dume puori a ʋ dasule a. Bɛ tɩ lɔb'ɩ bɛ za ayi a mimir ƴãw a cirbi vũu gbãtar-kpɛ̃ɛ pʋɔ.