Zeremi 27:11 - A SƐB-SÕW

¹¹ Ɛcɛ, nɩ-bʋʋrɛ kãw wa sàw a Babɩlɔn tẽw nãà nɩ-kpɛ̃ɛnʋ dĩ ʋ mɛ̃ na-kʋ́ɔra-dàa, ɛ́ tone a ʋ tome a, ʋ na bɛr ʋ na ʋ vʋʋrɛ zoom a ʋ tẽsɔw zu. Ʋ na kʋɔr ʋ na ɛ́ kpɩɛr a ʋ pʋɔ. À ŋá n'a a Sore yere.»

Zeremi 27:11 ပူးပေါင်းရင်းမြစ်များ

Zeremi 21:9

Nɩr za wa cãà be a tẽ-kpɛ̃ɛ ŋa pʋɔ a, ʋ na kpi n a zɛbr, a kɔ̃ bɩɩ a jɛ̀lmɛ̃ bàalʋ kũu. Ɛcɛ sob nɛ wa yi de ʋ tʋɔra kʋ̀ a Babɩlɔn tẽw dem na piw nyɩ a, ʋ na vʋʋrɛ na, ʋʋ na nyɛ̃ na k'ʋʋ tɛr'ɩ zu-nʋ̃ɔ̀, ʋ na páw a ʋ nyɔ-vʋʋrʋ a.

Zeremi 27:12

A mãa, Zeremi, ɩ̃ mɩ̀ tɩ ƴɛ̀r'ɩ a lɛ kʋ̀ a Zuda tẽw nãà Sedesɩasɩ: «Fʋ̃ʋ nɩ a fʋ nɩbɛ a, a fɛr'a kɛ́ nyɩ sàw a Babɩlɔn tẽw nãà nɩ-kpɛ̃ɛnʋ dĩ nyɩ mɛ̃ na-kʋ́ɔra-dàa a. Nyɩ tone a ʋl nɩ a ʋ nɩbɛ tome, ɛ́ nyɩ na vʋʋrɛ na.

Zeremi 27:2

«À ŋá n'a a mãa, a Sore, yere: Cɔbrɩ ganɛ nɩ mie ɛ́ maalɩ nĩi nyuru dàar. Fʋ na dɔwlɩ a nɩ a fʋ nyũu zu.

Zeremi 27:8

A Sore yere na: Tẽw kãw bɩɩ naalʋ-tẽw kãw wa zawrɩ na tone a Nabikodonozɔɔr a, tẽw kãw bɛ wa sàw a Babɩlɔn tẽw nãà nɩ-kpɛ̃ɛnʋ dĩ ʋ mɛ̃ na-kʋ́ɔra-dàa a, ɩ̃ na ìr'ɩ a tẽw ŋa ƴãw nɩ zɛbr nɩ kɔ̃ nɩ jɛ̀lmɛ̃ bàalʋ. Ɩ̃ na tu n a Babɩlɔn tẽw nãà sãw a tẽw ŋa bɛr.

Zeremi 38:2

«À ŋá n'a a Sore yere: “Sob nɛ na na cãà be a tẽ-kpɛ̃ɛ ŋa pʋɔ a na kpi n zɛbr, kɔ̃, nɩ jɛ̀lmɛ̃ bàalʋ kũu. Ɛcɛ sob nɛ na na yi cen tɩ páw a Babɩlɔn tẽw dem a, ʋ na vʋʋrɛ na, ʋ na nyɛ̃ na ʋ tɛr zu-nʋ̃ɔ̀ ʋ na bɛ kpi a. Yel-mɩŋa za, ʋ na cãà na vʋʋrɛ.”»

Ezekɩɛl 28:25

A mãa Sore Naaŋmɩn yere na: Ɩ̃ na ɩ n a Ɩsɩrayɛl nɩbɛ bɛ yi a nɩ-bʋʋrɛ bɛl sɔgɔ ɩ̃ na diw bɛ yaarɩ a, lɛb wa ɓã taa, ɛ́ à à ŋá n'a ɩ̃ na wul a nɩ-bʋʋrɛ bɛl na cɛ a, kɛ́ mãa n'ɩ a Naaŋmɩn na ɩ sõw a. A Ɩsɩrayɛl nɩbɛ na kpɩɛr'ɩ a bɛ tẽw, a ʋl ɩ̃ na kʋ̀ a ɩ̃ tõ-tõ-bie Zakɔb a.