Zeremi 26:5 - A SƐB-SÕW

⁵ Nyɩ bɛrɛ wone a ɩ̃ tõ-tõ-biir na ɩ a ɩ̃ ƴɛ̀r-manbɛ a ƴɛ̀rʋ. Ɩ̃ ƴãw nɩ nũu tõ bɛ a nyɩ zie, ɛcɛ nyɩ bɛ bɛr wõ a bɛ ƴɛ̀rʋ ɛ.

Zeremi 26:5 ပူးပေါင်းရင်းမြစ်များ

2 Na-mɩnɛ 17:13

A Sore tɩ ƴãw na a naaŋmɩn-ƴɛ̀r-manbɛ za, nɩ a yel-nyɛrbɛ za kpaalɩ a Ɩsɩrayɛl nɩbɛ nɩ a Zuda nɩbɛ à ŋá: «Nyɩ bɛr a nyɩ ɩ-faar, nyɩ sàwr a ɩ̃ nɛ-ƴãwnɩ nɩ a lɛ ɩ̃ na yel a, mɛ̃ a lɛ a na be a wulu ɩ̃ na wul a nyɩ sãàkʋm-kore a pʋɔ a, ɛ́ ƴãw a ɩ̃ ƴɛ̀r-manbɛ, a ɩ̃ tõ-tõ-biir, ɩ nyɩ bãw a a.»

2 Na-mɩnɛ 17:23

A Sore bɛ wa tɩ cãà bɔbr k'ʋʋ mɩ́ nyɛ̃ bɛ a ʋ niŋé ɩ, ɛ́ ƴãw bɛ diw bɛ cen nɩ Asiiri tẽw, bɛ cãà nɩ a be nɩ dɩ̃a. À à ŋá n'a a Sore tɩ tu a lɛ ʋ na ƴãw a ʋ ƴɛ̀r-manbɛ, ʋ tõ-tõ-biir, yel a.

2 Na-mɩnɛ 24:2

Lɛ n'a a Sore tɩ ƴãw nɩ-farbɛ, na ɩ Babɩlɔn tẽw dem, Siiri tẽw dem, Mowab tẽw dem nɩ Amɔ̃ tẽw dem a, bɛ wa sãw a Zuda naalʋ-tẽw bɛr, mɛ̃ a lɛ a Sore na tɩ ƴãw a naaŋmɩn-ƴɛ̀r-manbɛ yel a.

2 Na-mɩnɛ 9:7

Fʋ na kʋ n a Akab, na dãw ɩ a fʋ nɩ-kpɛ̃ɛ a, yir dem. À ŋá n'a ɩ̃ na yáa a ɩ̃ ƴɛ̀r-manbɛ za nɩ a ɩ̃ tõ-tõ-biir za kũu san, a bɛl a Zezabɛl na ƴãw bɛ kʋ a.

Ɛsɩdɩrasɩ 9:11

fʋ na ƴãw a fʋ tõ-tõ-biir, a fʋ ƴɛ̀r-manbɛ, yel kʋ̀ tɩ a bɛr. Fʋ tɩ de nɩ niwn yel kʋ̀ tɩ à ŋá: “A tẽw nyɩ na na kpɛ so ʋ a ɩ n tẽ-dɛwr, bʋ̃ʋ n'ʋ vɛ̃, a nɩbɛ bɛl na kpɩɛr a ʋ pʋɔ a ɩ n nɩ-dɛgɛ ɛ́ paalɩ ʋ a ziir za nɩ a bɛ ɩ-faar na bɛ maal'ɩ wob a.

Zeremi 11:7

A lɛn daar, ɩ̃ tɩ kpaalɩ bɛ nɩ kpɛ̃w kpɛ̃w za. Lɛ mɩ̀ n'a ɩ̃ ƴãw nũu kpaalɛ nɩ a nyɩɩm mɩ̀, yere nɩ: Nyɩ bɛrɛ wone a lɛ ɩ̃ na yere kʋ̀rɛ nyɩ a.”

Zeremi 29:19

Bʋ̃ʋ n'ʋ vɛ̃, bɛ bɛ bɛr wõ a ɩ̃ ƴɛ̀rʋ ɛ, a Sore n'ʋ yere. Ɛcɛ ɩ̃ ƴãw nɩ nũu tõ a ɩ̃ tõ-tõ-biir, a ɩ̃ ƴɛ̀r-manbɛ, a bɛ zie, ɛ́ bɛ bɛ bɛr wõ a bɛ ƴɛ̀rʋ ɛ, a mãa, a Sore n'ʋ yere.”

Zeremi 32:33

Bɛ nãá lɩɛbɩ niwn cɔw mɛ̃ a, bɛ bɛr'a ɛ́ lɩɛbɩ kpaar cɔw mɛ̃. Ɛcɛ ɩ̃ ƴãw nɩ nũu wul bɛ, ɛ́ bɛ bɛ bɛr wõ ɩ, bɛ bɛ de a wulu ɛ.

Zeremi 35:15

Ɩ̃ ƴãw nɩ nũu tõ a ɩ̃ tõ-tõ-biir na ɩ a naaŋmɩn-ƴɛ̀r-manbɛ a, a nyɩ zie, kɛ́ bɛ wa yel nyɩ: “A nyɩ kãw za, ʋ bɛr a ʋ ɩb na bɛ vɩɛl a. Nyɩ ɩrɛ ɩb na sɛw taa nɩ a, nyɩ ta tuur ŋmɩn-yoru maalɛ a ɩ. A lɛ pʋɔ a, nyɩ na kpɩɛr'ɩ a tẽw ɩ̃ na kʋ̀ nyɩ, a nyɩɩm nɩ a nyɩ sãàkʋm-kore a.” Ɛcɛ nyɩ bɛ cɛlɩ be ɩ, nyɩ bɛ bɛr wõ m ɛ.

Zeremi 35:17

A Zeremi tɩ yel'a ƴãw pʋɔ: «A lɛ zũú a, à ŋá n'a a Sore, a kpɛnʋ-za-sob, a Ɩsɩrayɛl Naaŋmɩn, yere: “Zuda tẽw nɩ Zerizalɛm tẽw dem i, ɩ̃ na ɩ na a kpɩɛrʋ al ɩ̃ na ƴɛ̀r càar'ɩ nyɩ a, a páw nyɩ. Bʋ̃ʋ n'ʋ vɛ̃, ɩ̃ ƴɛ̀r'ɩ a nyɩ zie, ɛ́ nyɩ bɛ bɛr wõ ɩ. Ɩ̃ bʋɔlɩ nyɩ na, ɛ́ nyɩ bɛ sàw ɛ.”»

Zeremi 44:4

Ɩ̃ ƴãw nɩ nũu tõ a ɩ̃ tõ-tõ-biir na ɩ a ɩ̃ ƴɛ̀r-manbɛ, a nyɩ zie, kɛ́ bɛ yel nyɩ: Nyɩ ta maalɛ a yel-faar á ŋá na bɛ maal'ɩ wob ɩ̃ na bɛ nɔ̃w towtow a ɩ!

Zeremi 7:13

Ɛcɛ ƴɛrɛŋa a, a mãa, a Sore, ɩ̃ yere na: nyɩ maal'ɩ faa mɛ̃ a bɛl a. Ɩ̃ kpaalɩ nyɩ nɩ lɛɛ tɩ bàl, ɛ́ nyɩ bɛ bɛr wõ ɩ, ɩ̃ bʋɔlɩ nyɩ na, ɛ́ nyɩ bɛ sàw ɛ.

Zeremi 7:25

A nyɩ sãàkʋm-kore na yi a Eziptɩ tẽw wa tɔ dɩ̃a a, bibir bɛ cɛ ɩ̃ bɛ tõ a ɩ̃ tõ-tõ-biir, a ɩ̃ ƴɛ̀r-manbɛ, a nyɩ zie ɩ.

Ezekɩɛl 38:17

À ŋá n'a a mãa Sore Naaŋmɩn yere: A koro za a, ɩ̃ tɩ ƴãw na a ɩ̃ tõ-tõ-biir, a Ɩsɩrayɛl tẽw naaŋmɩn-ƴɛ̀r-manbɛ, ƴɛ̀r a fʋ ƴɛ̀rʋ. Yome yaga ƴãw a, bɛ tɩ hieri na k'ɩ̃ɩ na ɩ na fʋ cen tɩ zɛb'ɩ a ɩ̃ nɩ-bʋʋrɛ Ɩsɩrayɛl.

Amɔsɩ 3:7

Yel-mɩŋa, a Sore Naaŋmɩn bɛ ɩrɛ bom za ɛ́ bɛ yere a ʋ pʋ-tɩɛrʋ kʋ̀rɛ a ʋ ƴɛ̀r-manbɛ na ɩ a ʋ tõ-tõ-biir a ɩ.

Zakari 1:6

Ɛcɛ a ɩ̃ ƴɛ̀rʋ nɩ a ɩ̃ nɛ́ɛ ɩ̃ na tɩ ƴɛ̀r kʋ̀ a ɩ̃ tõ-tõ-biir, a ɩ̃ ƴɛ̀r-manbɛ a, a nyɩ sãàkʋm-kore wa tɩ nyɛ̃ na a ɩ sɩza, bɛ lɩɛbɩ a bɛ ɩb, ɛ́ bãwnɩ a k'ɩ̃ɩ ɩ bɛ na, mɛ̃ a lɛ ɩ̃ na tɩ yel k'ɩ̃ɩ na ɩ bɛ na a, nɩ a lɛ a bɛ cenu nɩ a bɛ ɩ-ɩrɩ mɩ̀ na sɛw taa nɩ a.»

Yel-wula 10:7

A ʋlɩ bibir a malkɩ ayopõi sob nãà wa pɛblɛ a ʋ wɩ́ɛ a, lɛn daar a a Naaŋmɩn yel-sɔwla ʋ na tɩɛrɩ bin a na maalɩ mɛ̃ a lɛ ʋ na tɩ dãw yel kʋ̀ a ʋ tõ-tõ-biir na ɩ a ʋ ƴɛ̀r-manbɛ a.»

Yel-wula 11:18

A ten ten nɩbɛ nyɛ̃ nɩ suur, ɛcɛ, ƴɛrɛŋa a, a fʋ suur ìr'a. A kũuni ƴɛ̀rʋ maalʋ daar ta na. A daar ʋl fʋ na na kʋ̀ a sã-ya a fʋ tõ-tõ-biir, a ƴɛ̀r-manbɛ, nɩ a bɛlɩ dem za fʋ na so, ɛ́ bɛ zɔrɛ fʋ a, a bɛrɛ lãwnɩ a pʋrmɛ. A bɛlɩ dem na sãwnɛ a tẽw a, a bɛ sãwfʋ daar'a ta!»