Zeremi 26:3 - A SƐB-SÕW

³ Kapaw bɛ na bɛr'a wõ ɛ́ ŋa za mɩ́ bɛr a ʋ nyɔ-vʋʋr-faa. Ɩ̃ bɔbr'a k'ɩ̃ɩ ƴãw bɛ dɔwrʋ a faa bɛ na maalɛ a zũú. Ɛcɛ bɛlɛ wa bɛr wõ a, ɩ̃ na lɩɛb'ɩ a ɩ̃ tɩ́ɛrʋ.

Zeremi 26:3 ပူးပေါင်းရင်းမြစ်များ

1 Na-mɩnɛ 21:27

A Akab na tɩ wõ a ƴɛ̀rʋ á ŋá a, ʋ taw nɩ a ʋ kparɩ cɩɛrɩ, su vʋɔra kparʋ, ɛ́ mɩ́ tɛr mʋta-tuo. Ʋ mɩ́ tɩ su n a kparʋ ŋa gã nɩ, ɛ́ kʋɔlɛ.

1 Na-mɩnɛ 21:29

«Fʋ nyɛ̃ nɩ a lɛ a Akab na siwri ʋ tʋɔra a ɩ̃ niŋé sɛw a? Ʋ na siwri ʋ tʋɔra à à ŋá a ɩ̃ niŋé a, ɩ̃ bɛ ɩrɛ a faa páwr a ʋ yir, a ʋ cãafʋ daar ɛ. A ʋ bidɛb daar'a ɩ̃ na ɩ a faa páw a ʋ yir.»

Zeremi 26:13

Ƴɛrɛŋa a, nyɩ cere cenu ɛ́ ɩrɛ ɩb na sɛw taa nɩ a. Nyɩ bɛrɛ wone a lɛ a Sore nyɩ Naaŋmɩn na yere a, ʋʋ na lɛb'a bɛr a kpɩɛrʋ ʋ na tɩ yel k'ʋʋ na ƴãw nyɩ na a.

Zeremi 26:19

A Zuda tẽw nãà Ezekɩasɩ nɩ a ʋ nɩbɛ tɩ kʋ n a Mise bɩɩ? Bɛ nɩ̃ɛ bɛ tɩ tɛr ƴãwfʋ a Sore zie, ɛ́ bɔbr kɛ́ bɛ ɩrɛ a pɛlɩ a ʋ pʋɔ ɩ? Lɛ n'a a Sore tɩ lɛb bɛr a kpɩɛrʋ ʋ na tɩ yel a bɛ ƴãw a. Ɛcɛ a tɩɩm a, tɩmɛ wa ƴãw a nɩr ŋa a kũu dɔwrʋ a, tɩmɛ nɛbɛ na mal tɩ mɩŋa yaga za.»

Zeremi 36:3

Kapaw a Zuda tẽw nɩbɛ nãà wa bãwnɩ a na ɩ̃ na bɔbr k'ɩ̃ɩ ɩ a faa páw bɛ a, ɛ́ ŋa za na bɛr'ɩ a ʋ ɩb na bɛ vɩɛl a. A lɛ pʋɔ a, ɩ̃ na dɩ n a bɛ sãwna nɩ a bɛ yel-bebe suur kʋ̀ bɛ.»

Zeremi 36:7

Lɛ n'a, a mɩnɛ kãw, bɛ na lɔbr nuru zɛlɛ nɩ a Sore, ɛ́ ŋa za na mɩ́ bɛr'ɩ a ʋ ɩb na bɛ vɩɛl a. Bʋ̃ʋ n'ʋ vɛ̃, a Sore yel'a k'ʋʋ nyɛ̃ nɩ nɩ a nɩbɛ bɛ ŋa suur yaga yaga za.»

Ezekɩɛl 12:3

A na ɩ lɛ a, fʋ̃ʋ nɩsaal bie e, cɔbrɩ nɩ-diw-cena kɔr, ɛ́ yi cere diw-cenu zie a bɛ mimirí. Yi a zie nɛ fʋ na kpɩɛr a tu zi-yũo a bɛ mimirí. Kapaw, bɛ na sàw na kɛ́ bɛ ɩ n nɩ-bʋʋr-gaarɩ.

Ezekɩɛl 18:21

«A nɩ-faa wa zawrɩ a yel-bebe al za ʋ na tɩ maalɩ a bɛr a, ʋlɛ wa tuur a ɩ̃ nɛ-ƴãwnɩ za a, ʋlɛ wa ɩrɛ a lɛ na tori a, ɛ́ tu a mɩnʋ a, ʋ na vʋʋrɛ na, ʋ kʋ̃ kpi ɛ.

A naaŋmɩn-ƴèr-manɛ Oze sɛbɛ 11:9

Ɛcɛ ɩ̃ kʋ̃ bɛr a ɩ̃ suur ìr ɛ, ɩ̃ kʋ̃ lɛb wa wa sãw a Efarayim bɛr ɛ, bʋ̃ʋ n'ʋ vɛ̃, ɩ̃ ɩ n Naaŋmɩn, ɩ̃ bɛ ɩ nɩsaal ɛ, a fʋ zie a, ɩ̃ ɩ n sõw, ɩ̃ kʋ̃ wa wul a ɩ̃ suur ɛ.»

Zowɛl 2:14

Ãa bãw? Kapaw ʋ nãà lɛb'a bɛr a lɛ ʋ na tɩ tɩɛrɛ k'ʋʋ ɩ a, ɛ́ maalɩ nyɩ yaga za. Lɛ n'a nyɩ na wa n kukur de-kʋ̀b nɩ divɛ̃ de-kʋ̀b bome wa kʋ̀ ʋ.

Zonasɩ 4:2

Ʋ tɩ puor'ɩ a Sore à ŋá: «Áa Sore e! À à ŋá tɔr za bɛ n'a ɩ̃ tɩ yere ɩ̃ na tɩ cãà be a ɩ̃ tẽw pʋɔ a ɩ? Alɛ n'a ɩ̃ tɩ yi fɔ̃w zɔrɛ cere a Tarsisɩ. Ɩ̃ tɩ bãwnɩ a na fʋ na ɩ Naaŋmɩn-su-ɓaarʋ sob nɩ nɩbaal-zɔrɛ a, Naaŋmɩn a suur na bɛ páwr, ɛ́ fʋ ɩ nɔ̃wfʋ tɛwr, ɛ́ mɩ́ lɛb bɛr a dɔwrʋ fʋ na tɩɛrɩ a.