Zeremi 26:2 - A SƐB-SÕW

² «À ŋá n'a a mãa, a Sore, yere: Cen tɩ àr a Ŋmɩn-yir-kpɛ̃ɛ davʋra pʋɔ. Ƴɛ̀r a ƴɛ̀rʋ ŋa kʋ̀ a bɛlɩ dem za na mɩ́ yi a Zuda tẽ-bɛrɛ za pʋɔ wa puori a Sore yir ŋa pʋɔ a. Ƴɛ̀r a ƴɛ̀rʋ al za ɩ̃ na na yel kɛ́ fʋ ƴɛ̀r kʋ̀ bɛ a. Taa íre ƴɛ̀r-bir-been bɛrɛ ɩ.

Zeremi 26:2 ပူးပေါင်းရင်းမြစ်များ

Zeremi 1:17

A fʋ̃ʋ Zeremi, cɔbrɩ fʋ tʋɔra. Ìr! Cen tɩ yel bom nɛ za ɩ̃ na na yel kɛ́ fʋ yel kʋ̀ bɛ a. Taa wa màwr a bɛ niŋé ɩ, alɛ bɛ ɩ lɛ, ɩ̃ na ɩ na fʋ màwr a bɛ niŋé.

Zeremi 1:7

Ɛcɛ a Sore tɩ yel mɛ̃ na: «Ta yel kɛ́: “Ɩ̃ ɩ n pɔlbil-vɛlvɛl lɛ” ɩ. Zie nɛ za ɩ̃ na tone fʋ a, fʋ na cen nɩ a be. Fʋ na tɩ yel'ɩ bom nɛ za ɩ̃ na yel kɛ́ fʋ yel a.

Zeremi 19:14

A Zeremi tɩ yi n a Tafɛtɩ be a Sore na tɩ tõ ʋ ʋ tɩ ƴɛ̀r a naaŋmɩn-ƴɛ̀r-manɛ ƴɛ̀rʋ a lɛb wa, wa àr a Sore Yir davʋra pʋɔ ɛ́ yel a nɩbɛ za zie à ŋá:

Zeremi 23:28

Naaŋmɩn-ƴɛ̀r-manɛ wa zánɩ zánʋ a, ʋ manɩ a ʋ zánʋ! Ɛcɛ ʋlɛ wa tɛr a ɩ̃ ƴɛ̀rʋ na ƴɛ̀r a, ʋ ƴɛ̀r a tori!» A Sore yere na: «Ùr nɩ bʋ̃-bie na tʋ̃ɔ́ na ɩ been bɩɩ?

Zeremi 25:2

A naaŋmɩn-ƴɛ̀r-manɛ Zeremi tɩ yel'ɩ a Zuda tẽw dem za nɩ a bɛlɩ dem na kpɩɛr a Zerizalɛm a:

Zeremi 28:5

A naaŋmɩn-ƴɛ̀r-manɛ Zeremi tɩ sɔw nɩ a naaŋmɩn-ƴɛ̀r-manɛ Hananɩa, a bàwr-maalbɛ nɩ a nɩbɛ za na tɩ be a Ŋmɩn-yir-kpɛ̃ɛ pʋɔ a niŋé yel:

Zeremi 36:10

A Ŋmɩn-yir-kpɛ̃ɛ pʋɔ a, a Barukɩ tɩ zɛw nɩ kɔkɔr kanɩ a Zeremi ƴɛ̀rʋ za na sɛb a sɛb-pila pʋɔ a, a bɛlɩ dem za na tɩ be a be a niŋé. Safan na tɩ dãw ɩ a sɛ-sɛbrɛ a bidɛb, Gemarɩahu, dĩó n'a ʋ tɩ àr. A dĩo ŋa tɩ be n a Ŋmɩn-yir-kpɛ̃ɛ davʋra ʋl na be a saa-zu a pʋɔ, pɩɛlɩ a dɩ̃dɔ-Paala.

Zeremi 42:4

A naaŋmɩn-ƴɛ̀r-manɛ Zeremi tɩ sɔw bɛ na: «Ɩ̃ wõ a na! Ɩ̃ na puor'ɩ a Sore tɩ Naaŋmɩn mɛ̃ a lɛ nyɩ na zɛlɩ a. Al pùorí, ɩ̃ na ɩ na nyɩ bãw a Sore sɔwfʋ, ɩ̃ kʋ̃ sɔwlɩ nyɩ bom za ɩ.»

Zeremi 7:2

Àr a Ŋmɩn-yir-kpɛ̃ɛ dɩ̃dɔr ƴãw, ɛ́ hieri a ƴɛ̀rʋ á ŋá a be: «Nyɩ bɛrɛ wone a Sore ƴɛ̀rʋ, a nyɩɩm Zuda tẽw nɩbɛ za na tuur a dɩ̃dɔr ŋa ƴãw kpɩɛr a ɩ̃ puoru a.

Zeremi 7:27

A fʋ̃ʋ Zeremi, fʋ na tɩ yel'ɩ à á ŋá za kʋ̀ bɛ, ɛ́ bɛ kʋ̃ bɛr wõ ɩ. Fʋ na tɩ bʋɔlɩ bɛ na, ɛ́ bɛ kʋ̃ sàw ɛ.

Ezekɩɛl 3:10

Ʋ tɩ cow na: «A fʋ̃ʋ, nɩsaal bie, yuo a fʋ socir ɛ́ ƴãw tobr vla a ɩ̃ ƴɛ̀rʋ ƴãw, ɛ́ maal tɛr a vla.

Ezekɩɛl 33:7

Ɛcɛ a fʋ̃ʋ nɩsaal bie, fʋ̃ʋ n'ʋ ɩ̃ ƴãw fʋ ɩ a Ɩsɩrayɛl nɩ-bʋʋrɛ zi-piwre. Fʋ na bɛrɛ na wone a ɩ̃ ƴɛ̀rʋ, ɛ́ fʋ na kpaalɛ nɩ a Ɩsɩrayɛl nɩbɛ a ɩ̃ yúor ƴãw.

Ezekɩɛl 40:4

Ʋ tɩ yel mɛ̃ na: «A fʋ̃ʋ nɩsaal bie, yuo a fʋ mimie nɩ a fʋ tobe vla. Tɛr maal-ɩb yaga a al za ɩ̃ na na ɩ fʋ nyɛ̃ a ƴãw. Bʋ̃ʋ n'ʋ vɛ̃, a al nyɛ́b ƴãw n'a bɛ tɛr fʋ wa n a ka. Al pùorí, fʋ na tɩ man nɩ a al za fʋ na nyɛ̃ a kʋ̀ a Ɩsɩrayɛl nɩbɛ.»

Matie 28:20

ɛ́ zànɩ nɩ bɛ bɛ tuur a al za ɩ̃ na ƴãw nʋɔr kʋ̀ nyɩ a. Ɛ́ mãa a, ɩ̃ be n a nyɩ zie bibie za na tɩ ta n a tẽw baarʋ daar.»

Luka 19:47

Bibir za, a Yeezu mɩ́ tɩ be n a Ŋmɩn-yir-kpɛ̃ɛ pʋɔ kanɛ nɩ a nɩbɛ. A bàwr-maal-nɩ-bɛrɛ, nɩ a Naaŋmɩn wulu sɛ-sɛbrbɛ, nɩ a Zifʋ nɩbɛ nɩ-kore, tɩ bɔbr'ɩ a ʋ kʋb.

Zã 18:20

A Yeezu tɩ sɔw ʋ na: «Cãàmɩlɛ n'a ɩ̃ mɩ́ ƴɛ̀rɛ a nɩbɛ za niŋé, ɛ́ kanɛ nɩ bɛ a puoru-dirú nɩ a Ŋmɩn-yir-kpɛ̃ɛ pʋɔ, a be a Zifʋ mɩnɛ za na mɩ́ ɓã taa a. Ɩ̃ bɛ dãw sɔwlɩ ƴɛ̀r ƴɛ̀rʋ ɛ.

Zã 8:2

A biɓaar-pipi, ʋ tɩ lɛb'a wa a Ŋmɩn-yir-kpɛ̃ɛ pʋɔ, ɛ́ a nɩbɛ za na tɩ zɔrɛ waar a ʋ zie a, ʋ tɩ zɩ̃ na ɛ́ nyɔw nɩ bɛ a kanʋ.

Nɩ-toni 20:20

Bom nɛ za a na sɛw kɛ́ nyɩ bãw a, ɩ̃ bɛ sɔwl'ʋ a nyɩ zie ɩ. Ɩ̃ nɩ̃ɛ na kanɩ nɩ nyɩ, ɩ̃ wul nyɩ nɩ a nɩbɛ pʋɔ bɩɩ a nyɩ tɛwr zie.

Nɩ-toni 20:27

A lɛ a Naaŋmɩn na cɔbrɩ a yele bin a, ɩ̃ manɩ nɩ a za kʋ̀ nyɩ, ɩ̃ bɛ sɔwlɩ bom za a nyɩ zie ɩ.

Nɩ-toni 5:25

Ɛcɛ nɩr kãw tɩ wa na wa yel kʋ̀ bɛ: «A nɩbɛ bɛl nyɩ na nyɔw pàw a, bɛlɛ nɛbɛ be a Ŋmɩn-yir-kpɛ̃ɛ pʋɔ kanɛ nɩ a nɩbɛ.»

Nɩ-toni 5:42

Bibie za, a Ŋmɩn-yir-kpɛ̃ɛ pʋɔ nɩ a yie pʋɔ, bɛ mɩ́ tɩ kanɛ nɩ nɩ a nɩbɛ, ɛ́ hiere a Yeezu Kɩrɩta Yel-nʋ̃ɔ̀ bɛ tɛr ŋmãafʋ ɛ.

Wulu-ayi-sob 12:5

A zie ʋl ʋ na na kaa ír a nyɩ dɔwlʋ za pʋɔ, kpɩɛr a be, ɛ́ mɩ́ wul k'aa be n'a ʋ be a, be yõ n'a nyɩ na mɩ́ cen tɩ puor'ʋ.

Wulu-ayi-sob 4:2

Nyɩ taa dɔwlɛ bom za a nɛ-ƴãwnɩ zu, a Sore nyɩ Naaŋmɩn na ƴãw ɩ̃ kʋ̀ nyɩ a ɩ, nyɩ mɩ̀ taa íre bom za bɛrɛ ɩ: nyɩ tuur a za.

Zozue 8:35

A Zozue tɩ kanɩ nɩ a Moyiir nɛ-ƴãwnɩ za, been bɛ tɩ cɛ ɩ, a Ɩsɩrayɛl lãw niŋé, tɩ lãw nɩ a pɔwbɛ, a bibiir nɩ a nʋʋrɩ na kpɩɛr a bɛ sɔgɔ a.

Yel-wula 22:19

Ɛ́ nɩr wa ír bom bɛr a naaŋmɩn-ƴɛ̀r-manɛ ƴɛ̀rʋ pʋɔ na be a sɛbɛ ŋa pʋɔ a, a nyɔ-vʋʋrʋ tɩɛ wɔmɛ nɩ a tẽ-sõw yele bɛ na manɩ a sɛbɛ ŋa pʋɔ a, Naaŋmɩn mɩ̀ na ír'ɩ a ʋ dem bɛr.