Zeremi 26:19 - A SƐB-SÕW

¹⁹ A Zuda tẽw nãà Ezekɩasɩ nɩ a ʋ nɩbɛ tɩ kʋ n a Mise bɩɩ? Bɛ nɩ̃ɛ bɛ tɩ tɛr ƴãwfʋ a Sore zie, ɛ́ bɔbr kɛ́ bɛ ɩrɛ a pɛlɩ a ʋ pʋɔ ɩ? Lɛ n'a a Sore tɩ lɛb bɛr a kpɩɛrʋ ʋ na tɩ yel a bɛ ƴãw a. Ɛcɛ a tɩɩm a, tɩmɛ wa ƴãw a nɩr ŋa a kũu dɔwrʋ a, tɩmɛ nɛbɛ na mal tɩ mɩŋa yaga za.»

Zeremi 26:19 ပူးပေါင်းရင်းမြစ်များ

2 Samɩɛl 24:16

A Sore malkɩ nũu tɩ tur'a cɔw a Zerizalɛm k'ʋʋ sãw ʋ bɛr, ɛcɛ a Sore tɩ lɩɛb'ɩ a dɔwrʋ bɛr, ɛ́ yel a malkɩ na tɩ kʋrɛ a nɩbɛ pàwr pɛr a: «A sɛw n'ɩ lɛ! Ƴɛrɛŋa a, siwri a fʋ nũu.» Zɩ̃ k'aa Sore malkɩ tɩ pɩɛl'ɩ a Zebi tẽw nɩr Arona blevab gbãgbalá.

2 Bibie za yel-manɩ 32:20

Lɛ n'a a nãà Ezekɩasɩ nɩ a naaŋmɩn-ƴɛ̀r-manɛ Ɩzayi na ɩ Amɔtɩsɩ bidɛb a, tɩ puori zɛlɩ a Naaŋmɩn sõwfʋ.

2 Bibie za yel-manɩ 34:21

«Nyɩ cen tɩ sowri a Sore kaa, a mãa nɩ a Ɩsɩrayɛl nɩbɛ na cɛ a nɩ a Zuda nɩbɛ ƴãw. Nyɩ sowri bãw a sɛbɛ ŋa bɛ na nyɛ̃ a ƴɛ̀r-bie pɛr. Bʋ̃ʋ n'ʋ vɛ̃, a tɩ sãàkʋm-kore bɛ sàw a nɛ-ƴãwnɩ na be a ʋ pʋɔ a ɩ, alɛ so a Sore suur ìr a tɩ ƴãw bɛ dɩ vuo ɩ.»

Eziptɩ tẽw yib 32:14

Lɛ n'a a Sore tɩ lɛb bɛr a faa ʋ na tɩ bɔbr k'ʋʋ ɩ a ʋ nɩbɛ a.

Ɩzayi 26:21

Ʋlɛ n'ɩ ŋan yire a ʋ yir, k'ʋʋ wa kaa a tẽw nɩbɛ zie a bɛ yel-faar ƴãw. A tẽsɔw na bɛr'ɩ a zɩ̃ɩ a sãá, ʋ kʋ̃ cãà sɔwlɩ a nɩbɛ bɛ na kʋ a ɩ.

Ɩzayi 37:1

A nãà Ezekɩasɩ na tɩ wõ a bɛ manʋ a, ʋ mɩ̀ tɩ taw nɩ a ʋ kparɩ cɩɛrɩ ɛ́ su vʋɔra kparʋ cen nɩ a Sore Ŋmɩn-yir-kpɛ̃ɛ́.

Ɩzayi 37:4

A Asiiri tẽw nãà tõ n a ʋ sojarɩ nɩ-kpɛ̃ɛ na mɩ́ be a ʋ zie a, k'ʋʋ wa tʋ a Naaŋmɩn na vʋʋrɛ a. A Sore fʋ Naaŋmɩn nãá wõ a zʋmɛ á ŋá za, ɛ́ dɔwr'ʋ a ʋ ƴɛ̀rʋ ʋ na ƴɛ̀r a ƴãw! Fʋ̃ʋ a, puori a Sore a ʋ nɩ-bʋʋrɛ na cɛ a ƴãw.”»

Zeremi 26:15

Ɛcɛ, nyɩ bãwnɩ a vla, nyɩmɛ wa kʋ m a, a nyɩɩm, a tẽ-kpɛ̃ɛ ŋa nɩ a ʋ nɩbɛ za a, nyɩ na ɩ n sãwna dem, nyɩ na kʋ nɩr na bɛ tɛr sãwna a zũú. Bʋ̃ʋ n'ʋ vɛ̃, a Sore n'ʋ sɩrɩ tõ m k'ɩ̃ɩ wa ɩ nyɩ wõ a ƴɛ̀rʋ á ŋá za.»

Zeremi 26:3

Kapaw bɛ na bɛr'a wõ ɛ́ ŋa za mɩ́ bɛr a ʋ nyɔ-vʋʋr-faa. Ɩ̃ bɔbr'a k'ɩ̃ɩ ƴãw bɛ dɔwrʋ a faa bɛ na maalɛ a zũú. Ɛcɛ bɛlɛ wa bɛr wõ a, ɩ̃ na lɩɛb'ɩ a ɩ̃ tɩ́ɛrʋ.

Zeremi 44:7

A Zeremi tɩ cãà na yel: «Ƴɛrɛŋa a, à ŋá n'a a Sore, a kpɛnʋ-za-sob, a Ɩsɩrayɛl Naaŋmɩn, yere: “Bʋ̃ʋ n'ʋ so nyɩ ɩrɛ a kpɩɛr nyɩ tʋɔra sɛw à ŋá? Nyɩ bɔbr'a k'aa Zuda nɩbɛ ta cãà tɛr dɛbr, pɔwbɛ, pɔ́lɛ́ nɩ bi-cãpili bɩɩ? Nyɩ bɔbr'a kɛ́ nyɩ ta cãà tɛr bom za bɩɩ?

Amɔsɩ 7:3

A Sore tɩ lɩɛb'a bɛr ɛ́ yel: «A bɛ ɩrɛ ɩ.»

Habakukɩ 2:10

A lɛ nyɩ na tɩɛrɩ a, vĩ n'a a waar'ɩ a nyɩ yir dem ƴãw: a nɩ-bʋʋr-yaga yaga nyɩ na kʋ pàw pɛr a, a nyɩɩm mɩŋa nyɔ-vʋʋrʋ n'ʋ nyɩ sãw.

Zakari 7:2

A Betɛl tẽw dem tɩ tõ n Saresɛɛr nɩ Eregɛm Melɛkɩ nɩ nɩbɛ kɛ́ bɛ tɩ ɓaalɩ a Sore.

Matie 23:35

k'aa nɩ-mɩn za zɩ̃ɩ na cir a tẽw zu a, tʋ̃ɔ́ lɛb lo a nyɩ zu, a na tĩ a nɩ-mɩŋa Abɛl nyɩ na kʋ a, tɩ ta n a Barakɩ bidɛb Zakari nyɩ na kʋ a zi-sõw nɩ a bàwr-maal-kuur cara pʋɔ a.

Nɩ-toni 5:39

Ɛ́ alɛ wa ɩ Naaŋmɩn zie n'a a yi a, nyɩ kʋ̃ tʋ̃ɔ́ ɩ a bɔr ɛ. Nyɩ taa ɩrɛ wa nanɩ zɛbr'ɩ Naaŋmɩn ɛ!» Bɛ tɩ sàw na de a ʋ ƴɛ̀rʋ,

Yel-wula 16:6

Bɛ na cir a fʋ nɩbɛ nɩ a fʋ ƴɛ̀r-manbɛ zɩ̃ɩ a, zɩ̃ɩ n'a fʋ mɩ̀ kʋ̀ bɛ kɛ́ bɛ nyúur. Bɛ tɛr'ɩ!»