Zeremi 25:9 - A SƐB-SÕW

⁹ ɩ̃ na tõ na bɛ tɩ bʋɔlɩ a Saa-pɛrɩ́-gʋba-lowr nɩbɛ za, lãwnɩ a ɩ̃ tõ-tõ-bie, a Nabikodonozɔɔr, a Babɩlɔn tẽw nãà. Ɩ̃ na ɩ na bɛ wa a tẽw ŋa nɩ a ʋ nɩbɛ nɩ a tẽ-kpɔwlɩ za na viiri koli ʋ a ƴãw. Ɩ̃ na kʋ nyɩ na pàw pɛr, a bɛl nɩ a nyɩɩm, ɩ̃ɩ na ɩ n a tẽw ŋa yie lɩɛbɩ deboru gã kʋralɛ, bɛ mɩ́ nyɛ̃ ŋmɩɛr pʋl-vʋ̃ɔ cɛlsɩ.

Zeremi 25:9 ပူးပေါင်းရင်းမြစ်များ

2 Na-mɩnɛ 24:2

Lɛ n'a a Sore tɩ ƴãw nɩ-farbɛ, na ɩ Babɩlɔn tẽw dem, Siiri tẽw dem, Mowab tẽw dem nɩ Amɔ̃ tẽw dem a, bɛ wa sãw a Zuda naalʋ-tẽw bɛr, mɛ̃ a lɛ a Sore na tɩ ƴãw a naaŋmɩn-ƴɛ̀r-manbɛ yel a.

2 Bibie za yel-manɩ 29:8

Lɛ n'a bɛ tɩ ɩ a Sore suur ìr a Zuda nɩ a Zerizalɛm ƴãw: ʋ bɛr'ɩ dɛ̃bɩ̃ɛ tɛr a ʋ nɩ-bʋʋrɛ, ʋ ɩ na bɛ ɩ pʋl-vʋ̃ɔ bom na ɩrɛ dɛ̃bɩ̃ɛ a, mɛ̃ a lɛ nyɩ mɩŋa na na tʋ̃ɔ́ cãà nyɛ̃ nɩ nyɩ mimie a.

2 Bibie za yel-manɩ 36:21

À ŋá n'a a ƴɛ̀rʋ a Sore na tɩ ƴãw a ʋ ƴɛ̀r-manɛ Zeremi ƴɛ̀r a tɩ tu: «Bɛ na zawr'ɩ a tẽw bɛr tɩ maalɩ yome lɩz'a ata nɩ pie, ɛ́ gù a ʋ pɩ̃ɛnʋ daar tɩ baarɩ. A yome á ŋá na lɩɛr'ɩ a pɩ̃ɛnʋ voru al za bɛ na bɛ tu a.»

Zʋkpaɩ 21:1

A nãà socir ɩ na mɛ̃ kʋ̃ɔ na zɔrɛ a Sore nuru pʋɔ a. A Sore mɩ́ ɩ na ʋ cere be ʋ na bɔbr'a.

Ɩzayi 10:5

A Sore yere na: Baw-bio páw nɩ a Asiiri tẽw, ʋl na ɩ a ɩ̃ suur dakpuli-ŋmãa a. A ɩ̃ su-yãyaar dabɔl'ʋ ʋ tɛr a ʋ nũú.

Ɩzayi 13:3

Mãa n'ʋ tɩr a ɩ̃ nʋɔr kʋ̀ a bɛlɩ dem ɩ̃ na so a. Ɩ̃ bʋɔl'ɩ a ɩ̃ soja-gãdaar, a bɛl a ɩ̃ zɛb-tʋ̃ɔ́fʋ na ɩrɛ nʋ̃ɔ̀ a, k'ɩ̃ɩ wa wul'ɩ a ɩ̃ suur.»

Ɩzayi 39:7

Bɛ na tɛr'ɩ a fʋ bʋ̃-dɔwrɩ bɛ mɩnɛ cen nɩ a be, bɛ tɩ ɩ dɛ-vaɩ a Babɩlɔn tẽw nãà yir pʋɔ.”»

Ɩzayi 44:28

Ɩ̃ yere nɩ à ŋá a Siirisɩ ƴãw: “A cɩ̃ɩnɛ ɩ̃ na kaa ír a n'ʋ. Ʋ na ɩ n a lɛ za ɩ̃ na bɔbr a tu. ʋ na tɩr'ɩ nʋɔr ɛ́ a Zerizalɛm lɛb mɛ, ɛ́ a Ŋmɩn-yir-kpɛ̃ɛ lɛb mɛ àr.”»

Zeremi 1:14

A lɛ n'a a Sore tɩ yel mɛ̃: «A saa-pɛrɩ́-gʋba-lowr'a a faa na yi yɛ́r pàw a tẽw nɩbɛ za.

Zeremi 1:15

A Sore yere na: Ɩ̃ na bʋɔl'ɩ a saa-pɛrɩ́-gʋba-lowr naalʋ-ten dɔwlʋ za ɓã taa. Bɛ na wa na, ŋa za mɩ́ wa bin a ʋ naalʋ-dà-kɔw a Zerizalɛm tẽw dɩ̃dɛɛ ƴãw, tori a dacine na viiri koli ʋ a, ɛ́ tori a Zuda tẽw tẽ-bɛrɛ za.

Zeremi 10:22

Nyɩ wone a gɔmɛ na tarɛ a. Damnʋ kpɛ̃ɛ n'ʋ yi a tẽw saa-pɛrɩ́-gʋba-lowr waar, k'ʋʋ wa ɩ a Zuda tẽ-bɛrɛ, a lɩɛbɩ wɛja-kpalɛ na ɩrɛ nɩbaalʋ a, a lɩɛbɩ gbõgbo-cili kpɛb zie.

Zeremi 12:14

À ŋá n'a a Sore yere cáarɛ nɩ a ɩ̃ nɩ-bʋʋrɛ kpɛ-pɩɛl dem na kpɛ faa a: «Bɛ tɔ n a bom ɩ̃ na so a, a zie ɩ̃ na kʋ̀ a ɩ̃ nɩ-bʋʋrɛ Ɩsɩrayɛl a. Ɩ̃ na ír bɛ nɩ a bɛ tẽsɔw zu, ɛcɛ ɩ̃ mɩ̀ na ír'ɩ a Zuda tẽw nɩbɛ a bɛ sɔgɔ.

Zeremi 18:16

A ɩ̃ nɩ-bʋʋrɛ ɩ n a bɛ tẽw ʋ lɩɛbɩ zie na sãw ʋ za a, ƴãw a nɩbɛ lɔbr pʋl-vʋ̃ɔ cɛlsɩ kʋralɛ. A mɩ́ dam'ɩ a sɔr-tɔlbɛ bɛ viire zuru.

Zeremi 2:15

Bɛ ùore na mɛ̃ gben a, bɛ ŋmɛrɛ nɩ kɔkɛɛ a ʋ ƴãw. Bɛ sãw nɩ a tẽw za bɛr pelẽpelẽ. Bɛ nyɩw nɩ a ʋ tẽ-bɛrɛ bɛr, nɩr bɛ cãà kpɩɛr a pʋɔ ɩ.

Zeremi 20:4

Bʋ̃ʋ n'ʋ vɛ̃, à ŋá n'a a Sore yere: “Dɩ̃a na ta a, ɩ̃ na ɩ na fʋ lɩɛbɩ pʋl-vʋ̃ɔ bom, a fʋ̃ʋ tɛɛ za ƴãw nɩ a fʋ bárɩ ƴãw. A bɛl a, a bɛ dɔ̃ dem zɛbr-sɔ-kpɛ̃ɛ na kʋ bɛ na, ɛ́ a fʋ̃ʋ a, fʋ na nyɛ̃ nɩ a bɛ kũu. Ɩ̃ na ƴãw nɩ a Zuda tẽw nɩbɛ a Babɩlɔn tẽw dem nãà nuru pʋɔ. Ʋ na tɛr bɛ na cen nɩ a Babɩlɔn tẽw bɩɩ ʋ na ƴãw na bɛ kʋ bɛ.

Zeremi 24:9

À ŋá n'a a tẽ-daa naalʋ-ten za na mɩ́ nyɛ̃ bɛ a bɛ pʋ̀lá vʋ̃ɔ. A ziir al za ɩ̃ na na diw bɛ yaarɩ a, bɛlɛ wa bɔbr kɛ́ bɛ ƴãw nɩr vĩ, ɩ nɩr la, tʋ nɩr bɩɩ ŋmɛ ƴãw nɩr a, bɛlɛ nɛbɛ bɛ na mɩ́ de man nɩ.

Zeremi 25:8

A lɛ pʋɔ a, à ŋá n'a a Sore, a kpɛnʋ-za-sob, yere: “Nyɩ na faa bɛ bɛr wõ a lɛ ɩ na yere a,

Zeremi 29:18

Ɩ̃ na ta na tu bɛ nɩ a zɛbr-sɔ-kpɛ̃ɛ, a kɔ̃ nɩ a jɛ̀lmɛ̃ bàalʋ. A tẽ-daa naalʋ-ten za na mɩ́ mawr'ɩ dɛ̃bɩ̃-mawfʋ alɛ mɩ́ wa nyɛ̃ bɛ a. A ten al za pʋɔ ɩ̃ na diw bɛ yaarɩ a, nɩr wa bɔbr k'ʋʋ ŋmɛ ƴãw a, bɩɩ k'ʋʋ ƴɛ̀r bom na kpɛ faa bɛ maal'ɩ wob a ƴɛ̀rʋ a, bom na vʋ̃ɔnɛ pʋ̀lá bɩɩ ɩrɛ vĩ a, bɛlɛ nɛbɛ ʋ na mɩ́ de man nɩ.

Zeremi 35:11

Ɛcɛ a lɛn daar a Nabikodonozɔɔr na wa ŋmãa nɩ a tẽw zɛbr a n'a, tɩ tɩɛrɩ tɩ pʋɔ: alɛ sa kɛ́ tɩ kpɛ a Zerizalɛm tẽw pʋɔ, a Babɩlɔn tẽw nɩ a Siiri tẽw zɛbr-nɩbɛ ta páw tɩ ɛ. À à ŋá n'a tɩ kpɩɛr a Zerizalɛm a ƴɛrɛŋa.»

Zeremi 36:2

«De gan-sɛbɛ na na tʋ̃ɔ́ pili a, sɛb a ʋ pʋɔ, a ƴɛ̀rʋ al za ɩ̃ na ƴɛ̀r càar'ɩ a Ɩsɩrayɛl naalʋ-tẽw, a Zuda naalʋ-tẽw nɩ a tẽ-yoru a, a na tĩ a lɛn daar ɩ̃ na ƴɛ̀r a fʋ zie, a Zozɩasɩ naalʋ-dɩb daar, wa tɔ a dɩ̃a a.

Zeremi 36:29

Ɛ́ a Zuda tẽw nãà Yoyakim ƴãw a, fʋ na yel'ɩ à ŋá: À ŋá n'a a Sore yere: “A Zeremi tɩ sɛb'ɩ à ŋá: A Babɩlɔn tẽw nãà na sɩrɩ na wa, wa sãw a tẽw ŋa bɛr.” Ʋ na kʋ n a nɩbɛ nɩ a dʋn. Fʋ yere nɩ a Zeremi ɛ́ nyɩw a sɛbɛ bɛr.”

Zeremi 4:7

A gbẽw yi n a ʋ tuw pʋɔ, a nɩ-bʋʋr-yoru sãw-sãwnɛ lo n a sɔ́r, ʋ yi n a ʋ beba zie, k'ʋʋ tʋ̃ɔ́ sãw a fʋ tẽw bɛr: a fʋ tẽ-bɛrɛ na dɩ n vũu, ɛ́ kʋ̃ cãà tɛr nɩbɛ bɛ kpɩɛr a pʋɔ ɩ.

Zeremi 40:2

A soja-zi-gùrbɛ nɩ-kpɛ̃ɛ tɩ tɛr'ɩ a Zeremi taw yi n pùor yel ʋ: «A Sore fʋ Naaŋmɩn tɩ ƴɛ̀r'ɩ a kpɩɛrʋ ŋa ƴɛ̀rʋ càar'ɩ a Zerizalɛm.

Zeremi 43:10

Al pùorí, fʋ na yel bɛ nɩ à ŋá: “Nyɛ̃ a lɛ a Sore, a kpɛnʋ-za-sob, a Ɩsɩrayɛl Naaŋmɩn, na yere a: Ɩ̃ na tõ na bɛ tɩ tɛr a ɩ̃ tõ-tõ-bie, Nabikodonozɔɔr, a Babɩlɔn tẽw nãà, wa n. Ɩ̃ na wa zɩɩl'ɩ a ʋ naalʋ-dà-kɔw a kʋsɛbɛ à ŋá fʋ na ũù a zu. A be n'a ʋ na maalɩ a ʋ naalʋ pɛn-sɛw.

Zeremi 46:20

A Eziptɩ tẽw ɩ na mɛ̃ na-sɩra na vɩɛl a! Ɛcɛ, nakpon na yi saa-pɛrɩ́-gʋba-lowr a, wa na wa dɔm a ʋ zu.

Zeremi 49:19

A Sore yere na: «Ɩ̃ na ɩ na mɛ̃ gbẽw na yire Zurdɛ̃ man tuwr pʋɔ cere zie mɔ̃-ɓaar na be kʋralɛ a. Fɔ̃wlɛ, ɩ̃ na ƴãw na a nɩbɛ za ìr a be. Lɛ n'a ɩ̃ na ƴãw a nɩ-kpɛ̃ɛ ɩ̃ na na kaa ír a, a Edɔm tẽw pʋɔ. Bʋ̃ʋ n'ʋ vɛ̃, ãa n'ʋ ŋmɛ̃ mɛ̃ a mãa a? Ãa n'ʋ na tʋ̃ɔ́ sowri mɛ̃ bom? Ɛ́ nɩ-kpɛ̃ɛ buor'ʋ na tʋ̃ɔ́ bà gbɛ́r a ɩ̃ niŋé?»

Zeremi 6:1

Bɛ̃zamɛ dɔwlʋ nɩbɛ ɛ, nyɩ yi a Zerizalɛm tẽw pʋɔ, nyɩ cen tɩ bɔ sɔwlʋ zie zi-yoru. Nyɩ pɛblɩ a ɩɩl a Tekowa tẽw pʋɔ, nyɩ zɛw bãwfʋ a Bɛtɩ-kerɛm, bʋ̃ʋ n'ʋ vɛ̃, faa yi n a saa-pɛrɩ́-gʋba-lowr jɩɛrɛ nyɩ, Ʋ na ɩ n kpɩɛrʋ kpɛ̃ɛ.

Zeremi 8:16

A dɔ̃ sob ta n a Dan tẽw baarɩ. A ʋ wie na vʋʋrɛ nɩ fãw a vʋʋrʋ yire nɩ a tẽ-kpɛ̃ɛ ŋa pʋɔ. A gɔmɛ a na kone ɩrɛ a ɩ na a tẽw za màwr. A waar'a k'aa wa sãw a tẽw nɩ bom za na be a ʋ pʋɔ a bɛr, a tẽ-kpɛ̃ɛ nɩ a ʋ nɩbɛ.»

Ezekɩɛl 12:20

Nɩbɛ kʋ̃ be be kpɩɛr a tẽ-bɛrɛ pʋɔ ɩ, ɛ́ a tẽw na ɩ n wɛja-kpalɛ. Lɛ n'a nyɩ na bãw kɛ́ mãa n'ɩ a Sore.”»

Ezekɩɛl 16:40

Lɛb waar, bɛ na dam'ɩ a zu-sɛbla ƴãw fʋ. Bɛ na lɔb'ɩ fʋ nɩ kʋsɛbɛ kʋ, bɛ na ŋma b'ɩ ɓɛlɛɓɛlɛ nɩ a bɛ zɛbr-sɔ-bɛrɛ,

Ezekɩɛl 21:11

Ɛ́ a fʋ̃ʋ nɩsaal bie, gũu, a tɩɛrʋ na wɛ a zũú, ɛ́ kone 'woi 'woi a nɩbɛ za niŋé.

Ezekɩɛl 26:7

Sɩza, a mãa Sore Naaŋmɩn yere na: Tɩ́ɩ̀r tẽ-kpɛ̃ɛ ɛ, ɩ̃ na ɩ n a Babɩlɔn tẽw nãà, Nabikodonozɔɔr, na kpɛmɛ zuo a na-mɩnɛ za a, ʋ yi a saa-pɛrɩ́-gʋba-lowr wa a fʋ ƴãw. Ʋ na wa n nɩ wie, zɛbr-torkori, wi-zɔmnbɛ nɩ zɛbr-nɩbɛ yaga yaga wa zɛb'ɩ fʋ.

Ezekɩɛl 36:5

Sɩza, a mãa Sore Naaŋmɩn yere na, a ɩ̃ su-tʋlʋ kpãkpã pʋɔ, ɩ̃ zɛbr'ɩ nɩ a nɩ-bʋʋr-yoru nɩ a Edɔm tẽw za kpɛ̃lɛ̃kpɛ̃lɛ̃. Nʋ̃ɔ̀ na tɩ paalɩ bɛ ɛ́ bɛ tobr bɛ tɩ ka bom za ƴãw a n'a, bɛ tɩ de a ɩ̃ tẽw, kɛ́ bɛ za a ʋ dʋn mʋ̃ɔ 'wɔbrʋ ziir.

Habakukɩ 1:12

A pɛr-tib daar za, fʋ̃ʋ n'ɩ a Sore, fʋ ɩ n a ɩ̃ Naaŋmɩn, na ɩ sõw ɛ́ bɛ tɛr kũu daar a. Sore e, fʋ̃ʋ ɩ̃ pìir na gùre mɛ̃ a, fʋ kaa na ír a nɩ-bʋʋrɛ bɛ ŋa, a Babɩlɔn tẽw dem, ɩ kɛ̀ bɛ kpɛmɛ, kɛ́ bɛ tʋ̃ɔ́ tu a lɛ fʋ na dɩ n tɩ a ƴɛ̀rʋ bin a.

Habakukɩ 1:17

A ɩ à ŋá, bɛ kʋ̃ bɛr a bɛ zɛbr-sɔ-bɛrɛ vɔb towtow, bɛ na mɩ́ vɔnɛ kʋrɛ nɩ a nɩ-bʋʋr-yoru, ɛ́ bɛ zɔrɛ nɩbaalʋ ʋ?

Wulu-ayi-sob 28:37

A nɩ-bʋʋrɛ bɛl za pʋɔ a Sore na na tɛr nyɩ cen nɩ a, a na tɩ ɩ n nɔ-ɓãan a bɛ zie, a yel na ta nyɩ a ƴãw. Bɛ na ɩrɛ nyɩ na laar ɛ́ tʋʋr nyɩ.