Zeremi 25:6 - A SƐB-SÕW

⁶ Nyɩ ta zɔrɛ tuur ŋmɩn-yoru kɛ́ nyɩ maalɛ a, ɛ́ gbine dume mɩ́ gũu tɩ tɔ tẽw a niŋé ɩ. Nyɩ ta ɩ a ɩ̃ suur ìr a nyɩ nuru bʋ̃-maalɩ ƴãw ɛ, ɩ̃ɩ kʋ̃ maalɩ nyɩ faa kãw za ɩ.

Zeremi 25:6 ပူးပေါင်းရင်းမြစ်များ

1 Na-mɩnɛ 14:22

A Zuda dɔwlʋ nɩbɛ tɩ ɩ n a lɛ na bɛ vɩɛl a, a Sore zie. Bɛ tɩ sãw nɩ a ʋ suur nɩ a bɛ yel-bebe, zuo a lɛ a bɛ sãàkʋm-kore na tɩ ɩ a.

2 Na-mɩnɛ 17:35

Ɛcɛ a Sore tɩ maal'ɩ nɩ a Zakɔb bʋʋrɛ wõ-taa, ɛ́ yel à ŋá kʋ̀ bɛ: «Nyɩ taa puore ŋmɩn-yoru ɛ, nyɩ taa gbine dume gũune tɩ tʋɔr tẽw a niŋé ɩ, nyɩ taa tone a tome ɩ, ɛ́ taa maalɛ bàwr kʋ̀rɛ a ɩ.

Eziptɩ tẽw yib 20:23

Nyɩ kʋ̃ maalɩ salm-pla nɩ salm-zɩɛ ŋmɩmɛ a pʋɔ a ɩ̃ ƴãw ɛ. Nyɩ kʋ̃ maal'a tɛr ɛ.

Eziptɩ tẽw yib 20:3

«Fʋ kʋ̃ tɛr ŋmɩmɛ pʋɔ a ɩ̃ ƴãw ɛ.»

Zeremi 32:30

A mãa, a Sore, ɩ̃ yere na: a Ɩsɩrayɛl nɩbɛ za nɩ a Zuda tẽw dem a, a bɛ pɔ̀lʋ̀ daar za n'a bɛ ɩ a ʋlɩ bom nɛ na bɛ pɛlɩ a ɩ̃ pʋɔ a. Sɩza, a ɩ̃ suur tɛwr'a a Ɩsɩrayɛl nɩbɛ ɩ ʋ ìr nɩ a bɛ ɩ-ɩrɩ.

Zeremi 35:15

Ɩ̃ ƴãw nɩ nũu tõ a ɩ̃ tõ-tõ-biir na ɩ a naaŋmɩn-ƴɛ̀r-manbɛ a, a nyɩ zie, kɛ́ bɛ wa yel nyɩ: “A nyɩ kãw za, ʋ bɛr a ʋ ɩb na bɛ vɩɛl a. Nyɩ ɩrɛ ɩb na sɛw taa nɩ a, nyɩ ta tuur ŋmɩn-yoru maalɛ a ɩ. A lɛ pʋɔ a, nyɩ na kpɩɛr'ɩ a tẽw ɩ̃ na kʋ̀ nyɩ, a nyɩɩm nɩ a nyɩ sãàkʋm-kore a.” Ɛcɛ nyɩ bɛ cɛlɩ be ɩ, nyɩ bɛ bɛr wõ m ɛ.

Zeremi 44:7

A Zeremi tɩ cãà na yel: «Ƴɛrɛŋa a, à ŋá n'a a Sore, a kpɛnʋ-za-sob, a Ɩsɩrayɛl Naaŋmɩn, yere: “Bʋ̃ʋ n'ʋ so nyɩ ɩrɛ a kpɩɛr nyɩ tʋɔra sɛw à ŋá? Nyɩ bɔbr'a k'aa Zuda nɩbɛ ta cãà tɛr dɛbr, pɔwbɛ, pɔ́lɛ́ nɩ bi-cãpili bɩɩ? Nyɩ bɔbr'a kɛ́ nyɩ ta cãà tɛr bom za bɩɩ?

Zeremi 44:8

Bʋ̃ʋ n'ʋ vɛ̃, nyɩ damnɛ mɛ̃ nɩ suur nɩ a nyɩ ɩ-ɩrɩ: nyɩ maalɛ nɩ bagɛ kʋ̀rɛ ŋmɩn-yoru a Eziptɩ tẽw pʋɔ ka nyɩ na wa kpɩɛr a. Nyɩ na ɩrɛ na tɩ ƴãw bɛ kʋ nyɩ pàw pɛr, ɛ́ nyɩ lɩɛbɩ ŋmɛ-ƴãw nɩ zʋmɛ bom, a nɩ-bʋʋr-yoru sɔgɔ a tẽ-daa za zu.

Zeremi 7:6

Nyɩ ta nɛbr a nʋʋra, a bi-kpieb, a pɔw-kʋɔr ɛ. Nyɩ bɛr a nɩbɛ na bɛ tɛr sãwna a kʋb a ka. Nyɩ ta tuur ŋmɩn-yoru a nyɩ faa ƴãw ɛ.

Zeremi 7:9

Ŋmɩŋmɩn za n'a nyɩ na zure, kʋrɛ, maalɛ pɩ̃ɔ-yele, pɔrɛ pɔ-ziri, maalɛ bagɛ kʋ̀rɛ a Báàl, zɔrɛ tuur ŋmɩn-yoru nyɩ na bɛ bãw a,

A naaŋmɩn-ƴèr-manɛ Oze sɛbɛ 1:7

Ɛcɛ a Zuda yir nɩbɛ a, ɩ̃ na nɔnɛ bɛ na. A mãa Sore bɛ Naaŋmɩn, ɩ̃ na faa bɛ na, ɛ́ a bɛ faafʋ ƴãw a, ɩ̃ kʋ̃ tɛr tam nɩ zɛbr-sɔ-kpɛ̃ɛ yel-ɩra ɩ, ɩ̃ kʋ̃ tɛr zɛbr nɩ wie nɩ wi-zɔmnbɛ yel-ɩra ɩ.»

Wulu-ayi-sob 13:2

Kapaw bibir kãw, naaŋmɩn-ƴɛ̀r-manɛ bɩɩ yel-nyɛrɛ kãw na ír'ɩ a nyɩ pʋɔ yel nɔ-ɓãa-yel kãw bɩɩ yel-bɛ-dãw-nyɛra kãw.

Wulu-ayi-sob 28:14

Nyɩ bɛ be za na bɛr a ƴɛ̀rʋ á ŋá kãw za ɩ̃ na ƴɛ̀rɛ kʋ̀rɛ nyɩ a dɩ̃a a ɛ́ tuur ŋmɩn-yoru maalɛ a ɩ.

Wulu-ayi-sob 6:14

Nyɩ kʋ̃ tuur ŋmɩn-yoru pùor ɛ, a nɩ-bʋʋrɛ na na jil koli nyɩ a ŋmɩmɛ.

Wulu-ayi-sob 8:19

Nyɩmɛ wa yiiri a Sore nyɩ Naaŋmɩn bɛr a, nyɩmɛ wa tuur ŋmɩn-yoru pùor, tone a, ɛ́ lore gbine a niŋé a, mãa n'ʋ yere kʋ̀rɛ nyɩ a dɩ̃a, nyɩ na baar'ɩ cɔ̃cɔ̃.

Zozue 24:20

Nyɩmɛ wa zawrɩ a Sore bɛr, ɛ́ maalɛ ŋmɩn-yoru a, ʋ na ìr'ɩ a nyɩ ƴãw, ʋ na maalɩ nyɩ nɩ faa, ɛ́ kʋ nyɩ pàw pɛr, ʋl na tɩ dãw maalɩ nyɩ vla a.»