Zeremi 25:32 - A SƐB-SÕW

³² À ŋá n'a a Sore, a kpɛnʋ-za-sob, yere: «A kpɩɛrʋ yi n bʋʋrɛ bɛ ŋa zie tɩ sãá bʋʋrɛ bɛ ŋa zie. A saa-sɛsɛb-kpɛ̃ɛ cɛrɛ nɩ a tẽw baarʋ zie.»

Zeremi 25:32 ပူးပေါင်းရင်းမြစ်များ

2 Bibie za yel-manɩ 15:6

Tẽ-kpɛ̃ɛ ŋa mɩ́ tɩ ìr'a lo tẽ-kpɛ̃ɛ ŋa zu, tẽw ŋa ìr lo tẽw ŋa zu, bʋ̃ʋ n'ʋ vɛ̃, Naaŋmɩn tɩ dam bɛ na nɩ kpɩɛrʋ bʋʋrɛ bʋʋrɛ za.

Ɩzayi 30:30

A Sore na ɩ na bɛ wõ a ʋ kɔkɔ-kpɛ̃w, ɛ́ bɛ na nyɛ̃ nɩ a ʋ kpãkpãw na siwr a ŋmɛb ƴãw a. Ʋ na wul'ɩ a ʋ suur na bɛ dɩ̃ɛnɛ a, vũu-zɛlɛ na dɩrɛ a pʋɔ, lãwnɩ saa na waar'ɩ sɛsɛb nɩ sa-bi-kube saa a.

Ɩzayi 34:2

A Sore nyɛ̃ nɩ nɩ a nɩ-bʋʋrɛ za suur, ʋ nyɛ nɩ nɩ bɛ za na ɓã taa a suur. Ʋ yel'a kɛ́ bɛ na kʋ bɛ na pàw pɛr, bɛ na kʋ bɛ nɩ faa faa.

Ɩzayi 5:28

A bɛ pime kàr'a, a bɛ tamɛ za dúor'a. A bɛ wie nafɩlɛ kpɛmɛ na mɛ̃ kʋsɛ-cɩlsɩ a, ɛ́ a bɛ zɛbr-torkori gbɛ́ɛ lɩɛbɛ mɛ̃ sɛsɛb-pɩl a.

Ɩzayi 66:18

A Sore yere na: «Ɩ̃ bãw nɩ a alɩ bome nɛ bɛ na ɩrɛ a, nɩ a alɩ bome nɛ bɛ na tɩɛrɛ a. Ɩ̃ waar'a k'ɩ̃ɩ wa ɓã a nɩ-bʋʋrɛ za na ƴɛ̀rɛ ƴɛ̀r-pɛ-bʋʋrɛ za a taa.

Zeremi 23:19

A Sore saa-sɛsɛb tarɛ na, a ʋ suur ìre na. Sɛsɛb-pɩl kãw lɩɛbɛ na, ʋ lore nɩ a nɩ-faar zurú.

Zeremi 30:23

A Sore saa-sɛsɛb tarɛ na, a ʋ suur ìr'a. Sɛsɛb na fure lɩɛbɛ nɩ fãw a lo n a nɩ-faar zurú.

Zeremi 6:22

À ŋá n'a a Sore yere: «Nɩbɛ yi n a saa-pɛrɩ́-gʋba-lowr tẽw kãw waar, nɩ-bʋʋr-yoru na yãwmɛ a yi n a tẽw baarʋ zie lo a sɔ́r waar.

Zeremi 6:23

A ʋ zɛbr-nɩbɛ zɛw nɩ tamɛ nɩ kafin-ŋmali, bɛ kpɛ n po-tuo ɛ́ bɛ zɔrɛ nɩbaalʋ ɛ. A gɔmɛ bɛ na ɩrɛ a, ɩ na mɛ̃ a kʋ̃ɔ-kpɛ̃ɛ kʋ̃ɔ na damnɛ a. Bɛ zɔm'ɩ wie, bɛ pɩɛr'ɩ nɩ vla vla kɛ́ bɛ zɛb'ɩ fʋ, Sɩyɔ̃ tẽw i!»

Sofoni 3:8

A na ɩ à ŋá a, a Sore yere na: nyɩ gùre a ɩ̃ waa, a bibir ʋl ɩ̃ na na wa, wa wul a nyɩ sãwna a. Ɩ̃ yel'a k'ɩ̃ɩ na ɓã n a nɩ-bʋʋr-yoru nɩ a naalʋ-ten nɩbɛ taa, ƴãw a ɩ̃ suur vũu dɩ bɛ. A ɩ̃ su-tʋlʋ-kpãkpã vũu na dɩ n a tẽw za.»

Luka 21:10

A Yeezu tɩ yel'a ƴãw pʋɔ: «Tẽw nɩ tẽw na mɩ́ ìr'a taw tuori taa, ɛ́ nãà nɩ nãà taw tuori taa.

Luka 21:25

«Bãwfʋ na sãá nɩ a mʋ̃tɔ̃w pʋɔ, a cuw nɩ a ŋmar-bie pʋɔ. Ɛ́ a tẽw zu ka a, dɛ̃bɩ̃-kpɛ̃ɛ na nyɔw nɩ a nɩ-bʋʋrɛ za, a kʋ̃ɔ-kpɛ̃ɛ damnʋ nɩ a kʋ̃ɔ-mie gɔmɛ na ƴãw bɛ nɩ pʋl-vʋ̃ɔ.