Zeremi 25:3 - A SƐB-SÕW

³ «A Amɔ̃ bidɛb Zozɩasɩ na ɩ a Zuda tẽw nãà a naalʋ-dɩb yome pie nɩ ata daar za n'a, a pɛr lɛ kɛ́ yome lɩzɛr'ɩ ata, a Sore ƴɛ̀r a ɩ̃ zie, ɩ̃ɩ ƴɛ̀rɛ a ʋ ƴɛ̀rʋ kʋ̀rɛ nyɩ bɛ tɛr bàlʋ daar ɛ, ɛ́ nyɩ bɛ bɛr wõ ɩ.

Zeremi 25:3 ပူးပေါင်းရင်းမြစ်များ

Yele-za-pɛr-tib 22:3

A Abraham tɩ dãwnɩ nɩ ìru, ɓar a nyɩw-a-za-bàwr dàar, ƴãw a ʋ bõw a kɔw, ɛ́ lo a sɔ́r cere a zie bɛ na wul ʋ a. Ʋ tɩ tɛr'ɩ a ʋ tõ-tõ-biir ayi nɩ a ʋ bidɛb Ɩzaakɩ cere nɩ.

1 Na-mɩnɛ 22:3

Zɩ̃ kɛ́ a Akab tɩ yel'ɩ a ʋ tõ-tõ-biir: «Nyɩ bãwnɩ a na tɩmɛ na nɛbɛ so a Aramɔtɩ tẽ-kpɛ̃ɛ na be a Galaadɩ a. Bʋ̃ʋ n'ʋ so tɩ bʋ́nɛ nɩ na lɛb zɛb de ʋ a Siiri tẽw nãà nuru pʋɔ?»

2 Na-mɩnɛ 17:13

A Sore tɩ ƴãw na a naaŋmɩn-ƴɛ̀r-manbɛ za, nɩ a yel-nyɛrbɛ za kpaalɩ a Ɩsɩrayɛl nɩbɛ nɩ a Zuda nɩbɛ à ŋá: «Nyɩ bɛr a nyɩ ɩ-faar, nyɩ sàwr a ɩ̃ nɛ-ƴãwnɩ nɩ a lɛ ɩ̃ na yel a, mɛ̃ a lɛ a na be a wulu ɩ̃ na wul a nyɩ sãàkʋm-kore a pʋɔ a, ɛ́ ƴãw a ɩ̃ ƴɛ̀r-manbɛ, a ɩ̃ tõ-tõ-biir, ɩ nyɩ bãw a a.»

2 Bibie za yel-manɩ 24:19

A Sore tɩ tõ n naaŋmɩn-ƴɛ̀r-manbɛ a bɛ zie, kɛ́ bɛ tɩ tɛr bɛ lɛb wa n a ʋ zie, ɛcɛ nɩr za bɛ tɩ bɛr wõ a bɛ ƴɛ̀rʋ ɛ.

2 Bibie za yel-manɩ 34:1

A Zozɩasɩ tɩ tɛr'ɩ yome ani a lɛn daar ʋ na tɩ ɩ a nãà a, ɛ́ dɩ a naalʋ yome lɩzɛr'ɩ pie nɩ been a Zerizalɛm.

2 Bibie za yel-manɩ 34:3

A ʋ naalʋ-dɩb yome ani sob daar, ʋ na saa tɩ cãà ɩ pɔlbile a, ʋ tɩ tĩ na bɔbr a ʋ sãàkʋm-kʋra Daviir Naaŋmɩn pʋ-tɩɛrʋ. A ʋ naalʋ-dɩb yome pie nɩ ayi sob, ʋ tɩ tĩ na íre a Zuda nɩ a Zerizalɛm dɛwr bɛrɛ: ʋ tɩ sãw nɩ a maalʋ-ziir bɛr, cɛ a dà-barɩ nɩ a ŋmɩn-bɛlɛbɛlɛ dasuli lɔb.

2 Bibie za yel-manɩ 34:8

A Zozɩasɩ naalʋ-dɩb yome pie nɩ ani sob daar, ʋ na tɩ ír a tẽw nɩ a Ŋmɩn-yir dɛwr bɛr baarɩ a, ʋ tɩ tõ n Asalɩahu bidɛb, Safan, a tẽw nɩ-kpɛ̃ɛ Maaseyahu nɩ a nãà ƴɛ̀r-manɛ Yoa na ɩ Yoahaazɩ bidɛb a, kɛ́ bɛ cen tɩ lɛb maalɩ a ʋ Sore Naaŋmɩn yir ƴãw.

2 Bibie za yel-manɩ 36:15

A Sore, a bɛ sãà mɩnɛ Naaŋmɩn, na tɩ nɔnɛ a ʋ nɩ-bʋʋrɛ nɩ a ʋ zi-sõw a, tɩ tõ n nɩbɛ gb'aa ŋmɩn za a bɛ zie a ʋ yúor ƴãw,

Sɛb-sõw yielu 81:13

Lɛ n'a ɩ̃ tɩ bɛr bɛ, bɛ ɩrɛ a bɛ zu-kpɛ̃w ɩb. Bɛ ɩrɛ a lɛ bɛ na bɔbr a!

Eziptɩ tẽw yib 8:20

A Sore tɩ ɩ n a lɛ ʋ na yel a: nakpon tɩ kpɛ na paalɩ a Faarawɔ̃ yir, a ʋ tõ-tõ-nɩ-bɛrɛ yie, ɛ́ paalɩ a Eziptɩ tẽw za. A nakpon tɩ sãw nɩ a tẽw bɛr.

Ɩzayi 55:2

Bʋnʋ ƴãw n'a nyɩ na íre libir bom na bɛ guole a ƴãw? Bʋnʋ ƴãw n'a nyɩ na bàlɛ nyɩ tʋɔra bom na bɛ tɩwr a ƴãw? Nyɩ bɛrɛ wone mɛ̃ vla, ɛ́ nyɩ na páw nɩ bʋ̃-vɩɛlɩ dɩ, nyɩ na dɩ n bʋ̃-dɩ-nʋʋr nʋʋr wõ nʋ̃ɔ̀.

Zeremi 1:2

A Amɔ̃ bidɛb, Zozɩasɩ, na tɩ ɩ a Zuda tẽw nãà a naalʋ-dɩb yome pie nɩ ata sob daar'a a Sore tɩ ƴɛ̀r a Zeremi zie.

Zeremi 11:7

A lɛn daar, ɩ̃ tɩ kpaalɩ bɛ nɩ kpɛ̃w kpɛ̃w za. Lɛ mɩ̀ n'a ɩ̃ ƴãw nũu kpaalɛ nɩ a nyɩɩm mɩ̀, yere nɩ: Nyɩ bɛrɛ wone a lɛ ɩ̃ na yere kʋ̀rɛ nyɩ a.”

Zeremi 19:15

«À ŋá n'a a Sore, a kpɛnʋ-za-sob, a Ɩsɩrayɛl Naaŋmɩn, yere: “Ɩ̃ na ɩ na a dɔwrʋ al ɩ̃ na tɩ yel a tẽ-kpɛ̃ɛ ŋa ƴãw a, a wa a ʋl nɩ a ʋ tẽli-kpɔwlɩ ƴãw. Bʋ̃ʋ n'ʋ vɛ̃, a tẽw dem ɩ n zu-kpɛn dem, bɛ zawr'ɩ a ɩ̃ ƴɛ̀rʋ bɛr-wob.”»

Zeremi 22:21

Ɩ̃ tɩ ƴɛ̀r'ɩ a fʋ zie a lɛn daar bom za na bɛ tɩ damnɛ fʋ a, ɛcɛ fʋ tɩ sɔw na: “Ɩ̃ bɛ bɔbr k'ɩ̃ɩ wõ bom za ɩ.” À ŋá n'a fʋ ɩ a fʋ pɔ̀lʋ daar za, fʋ bɛ dãw bɛr wõ a ɩ̃ ƴɛ̀rʋ ɛ!

Zeremi 25:4

A Sore bɛ tɩ bàl a ʋ tõ-tõ-biir, a naaŋmɩn-ƴɛ̀r-manbɛ, tob a nyɩ zie ɩ. Ɛcɛ, nyɩ bɛ ƴãw tobr bɛr wõ ɩ.

Zeremi 26:5

Nyɩ bɛrɛ wone a ɩ̃ tõ-tõ-biir na ɩ a ɩ̃ ƴɛ̀r-manbɛ a ƴɛ̀rʋ. Ɩ̃ ƴãw nɩ nũu tõ bɛ a nyɩ zie, ɛcɛ nyɩ bɛ bɛr wõ a bɛ ƴɛ̀rʋ ɛ.

Zeremi 29:19

Bʋ̃ʋ n'ʋ vɛ̃, bɛ bɛ bɛr wõ a ɩ̃ ƴɛ̀rʋ ɛ, a Sore n'ʋ yere. Ɛcɛ ɩ̃ ƴãw nɩ nũu tõ a ɩ̃ tõ-tõ-biir, a ɩ̃ ƴɛ̀r-manbɛ, a bɛ zie, ɛ́ bɛ bɛ bɛr wõ a bɛ ƴɛ̀rʋ ɛ, a mãa, a Sore n'ʋ yere.”

Zeremi 32:33

Bɛ nãá lɩɛbɩ niwn cɔw mɛ̃ a, bɛ bɛr'a ɛ́ lɩɛbɩ kpaar cɔw mɛ̃. Ɛcɛ ɩ̃ ƴãw nɩ nũu wul bɛ, ɛ́ bɛ bɛ bɛr wõ ɩ, bɛ bɛ de a wulu ɛ.

Zeremi 35:14

A Erekaavʋ bidɛb, Yonadavʋ, tɩ ƴãw nɩ nʋɔr kʋ̀ a ʋ bibiir kɛ́ bɛ taa nyúur divɛ̃ ɩ. A Erekaavʋ dɔwlʋ nɩbɛ tɩ sàw na tu a ƴɛ̀rʋ ŋa. Bɛ bɛ nyũ divɛ̃ wa tɔ a dɩ̃a ɩ, bʋ̃ʋ n'ʋ vɛ̃, bɛ sàw nɩ a bɛ sãàkʋm-kʋra nʋɔr. Ɛ́ a mãa Sore, kʋralɛ n'a ɩ̃ kpaalɛ nyɩ, ɛcɛ nyɩ bɛ bɛr wõ m ɛ.

Zeremi 35:15

Ɩ̃ ƴãw nɩ nũu tõ a ɩ̃ tõ-tõ-biir na ɩ a naaŋmɩn-ƴɛ̀r-manbɛ a, a nyɩ zie, kɛ́ bɛ wa yel nyɩ: “A nyɩ kãw za, ʋ bɛr a ʋ ɩb na bɛ vɩɛl a. Nyɩ ɩrɛ ɩb na sɛw taa nɩ a, nyɩ ta tuur ŋmɩn-yoru maalɛ a ɩ. A lɛ pʋɔ a, nyɩ na kpɩɛr'ɩ a tẽw ɩ̃ na kʋ̀ nyɩ, a nyɩɩm nɩ a nyɩ sãàkʋm-kore a.” Ɛcɛ nyɩ bɛ cɛlɩ be ɩ, nyɩ bɛ bɛr wõ m ɛ.

Zeremi 36:1

A Zozɩasɩ bidɛb, Yoyakim, na ɩ a Zuda tẽw nãà a, naalʋ-dɩb yome anaar sob daar'a a Sore tɩ ƴɛ̀r a Zeremi zie à ŋá:

Zeremi 36:2

«De gan-sɛbɛ na na tʋ̃ɔ́ pili a, sɛb a ʋ pʋɔ, a ƴɛ̀rʋ al za ɩ̃ na ƴɛ̀r càar'ɩ a Ɩsɩrayɛl naalʋ-tẽw, a Zuda naalʋ-tẽw nɩ a tẽ-yoru a, a na tĩ a lɛn daar ɩ̃ na ƴɛ̀r a fʋ zie, a Zozɩasɩ naalʋ-dɩb daar, wa tɔ a dɩ̃a a.

Zeremi 44:4

Ɩ̃ ƴãw nɩ nũu tõ a ɩ̃ tõ-tõ-biir na ɩ a ɩ̃ ƴɛ̀r-manbɛ, a nyɩ zie, kɛ́ bɛ yel nyɩ: Nyɩ ta maalɛ a yel-faar á ŋá na bɛ maal'ɩ wob ɩ̃ na bɛ nɔ̃w towtow a ɩ!

Zeremi 7:13

Ɛcɛ ƴɛrɛŋa a, a mãa, a Sore, ɩ̃ yere na: nyɩ maal'ɩ faa mɛ̃ a bɛl a. Ɩ̃ kpaalɩ nyɩ nɩ lɛɛ tɩ bàl, ɛ́ nyɩ bɛ bɛr wõ ɩ, ɩ̃ bʋɔlɩ nyɩ na, ɛ́ nyɩ bɛ sàw ɛ.

Zeremi 7:25

A nyɩ sãàkʋm-kore na yi a Eziptɩ tẽw wa tɔ dɩ̃a a, bibir bɛ cɛ ɩ̃ bɛ tõ a ɩ̃ tõ-tõ-biir, a ɩ̃ ƴɛ̀r-manbɛ, a nyɩ zie ɩ.

Ezekɩɛl 33:4

A ɩ mɛ̃ nɩr wõ n a wɩ́ɛ kon ɛ́ bɛ cɛlɩ be ɩ, a dɔ̃ sob ta kʋ ʋ. A na ɩ à ŋá a, a nɩr ŋa so a ʋl mɩŋa kũu.

Zakari 1:4

Nyɩ ta cɔwrɛ a nyɩ sãàkʋm-kore ɩ. A koro za naaŋmɩn-ƴɛ̀r-manbɛ tɩ kpaalɩ bɛ nɩ a ɩ̃ yúor ƴãw, kɛ́ bɛ bɛr a bɛ cen-faar nɩ a bɛ ɩ-faar, ɛcɛ bɛ bɛ tɩ bɛr wõ ɩ, bɛ bɛ tɩ sàw a ɩ̃ nʋɔr ɛ.

Markɩ 1:35

A bio daarɩ́, a Yeezu tɩ ìr'ɩ zi-lige yi cen wɛja pʋɔ tɩ be a be puore.

Zã 8:2

A biɓaar-pipi, ʋ tɩ lɛb'a wa a Ŋmɩn-yir-kpɛ̃ɛ pʋɔ, ɛ́ a nɩbɛ za na tɩ zɔrɛ waar a ʋ zie a, ʋ tɩ zɩ̃ na ɛ́ nyɔw nɩ bɛ a kanʋ.

Zã 8:47

Sob nɛ na yi a Naaŋmɩn zie a bɛrɛ na wone a Naaŋmɩn ƴɛ̀rʋ. Nyɩ na bɛ yi a Naaŋmɩn zie a n'a so nyɩ bɛ bɛrɛ wone a ɩ̃ ƴɛ̀rʋ ɛ.»

2 Timote 4:2

hiere yere a Naaŋmɩn ƴɛ̀rʋ, alɛ saa ŋmɛ̃ ŋmɩŋmɩn a, manɛ ʋ, mɩ́ man ʋ wul a bɛlɩ dem na yel kɛ́ ziri n'a a, ƴãwnɛ bɛ dɛ̃bɩ̃ɛ, mɩ́ nyɔw fʋ tʋɔra kpaalɛ bɛ tɛr'ɩ a wulu tɩɛrʋ kʋralɛ.