Zeremi 24:10 - A SƐB-SÕW

¹⁰ Ɩ̃ na bɛr'ɩ a zɛbr, a kɔ̃ nɩ a jɛ̀lmɛ̃ bàalʋ a waar a bɛ zu ɛ́ gù bɛ tɩ bɔr a tẽw ʋl ɩ̃ na kʋ̀ a bɛl nɩ a bɛ sãàkʋm-kore a pʋɔ.»

Zeremi 24:10 ပူးပေါင်းရင်းမြစ်များ

1 Na-mɩnɛ 14:15

Al pùorí, a Sore na ɩ na dɔwrʋ lo a Ɩsɩrayɛl nɩbɛ zu. Bɛ na màwr'a mɛ̃ bàa-kɛkɛɛ na zaalɛ kʋ̃ɔ pʋɔ a. A Sore na ír bɛ nɩ a tẽ-vla ŋa ʋ na kʋ̀ a bɛ sãàkʋm-kore a pʋɔ, ɛ́ diw bɛ yaarɩ a Efaratɩ man gãwn. A na ɩ n à à ŋá a bɛ zie, bɛ na maalɩ dà-barɩ ƴãw a Sore suur ìr a ƴãw.

Ɩzayi 51:19

Yele á ŋá wa n a fʋ zu ayiri yiri: po-to-fãw-ɩb nɩ zie na sãw a, kɔ̃ nɩ zɛbr. Ɛcɛ ãa n'ʋ na kone fʋ? Ãa n'ʋ na mɔwlɩ fʋ?

Zeremi 14:12

Bɛlɛ saa tɛr mʋta-tuo a, ɩ̃ kʋ̃ bɛr wõ a bɛ yãayãa zɛlʋ ɛ. Bɛlɛ saa maalɩ nyɩw-a-za-bagɛ, tɩr'ɩ de-kʋ̀b bome kʋ̀ m a, à á ŋá za kʋ̃ pɛlɩ a ɩ̃ pʋɔ ɩ. Ɛcɛ zɛbr, kɔ̃ nɩ jɛ̀lmɛ̃ bàalʋ n'a ɩ̃ na kʋ n bɛ pàw pɛr.»

Zeremi 15:2

Ɛ́ bɛlɛ wa sowre fʋ: “Nyɩnɛ n'a a fɛr kɛ́ tɩ cen?” Fʋ na sɔw bɛ na: “À ŋá n'a a Sore yere: Ŋa za na mɩ́ tu n a ʋ sɔ́r. Bɛ mɩnɛ a, a na ɩ n a jɛ̀lmɛ̃ kũu, bɛ mɩnɛ a ɩ a zɛbr kũu, bɛ mɩnɛ a ɩ a kɔ̃ kũu, ɛ́ bɛ mɩnɛ a ɩ a bɛ tẽw bɛ na na ìr bɛ cen nɩ tẽ-yũo a!”

Zeremi 16:4

Bɛ na kpi n kũu-tuo. Nɩr kʋ̃ kõ a bɛ kuor ɛ, nɩr kʋ̃ ũù bɛ ɩ. Bɛ na lɩɛb'ɩ pʋɔrʋ a tẽw zu. Bɛ na kpi n zɛbr nɩ kɔ̃ kũu: a bɛ kũuni na lɩɛb'ɩ sidume nɩ gbõgbo-cili dɩb.»

Zeremi 19:7

A zie ŋa tɛɛ za pʋɔ a, ɩ̃ na sãw nɩ a lɛ za a Zuda tẽw nɩ a Zerizalɛm tẽw nɩbɛ na cɔbrɩ a bɛr. Ɩ̃ na ɩ na a bɛ nɩbɛ kpi a zɛbr pʋɔ a bɛ dɔ̃ dem niŋé. A bɛlɩ dem na bɔbr a bɛ kũu a nɛbɛ ɩ̃ na ɩ n bɛ a lɛ. Ɩ̃ na kʋ̀ n a bɛ kũuni a sidume nɩ a gbõgbo-cili a dɩ a.

Zeremi 21:9

Nɩr za wa cãà be a tẽ-kpɛ̃ɛ ŋa pʋɔ a, ʋ na kpi n a zɛbr, a kɔ̃ bɩɩ a jɛ̀lmɛ̃ bàalʋ kũu. Ɛcɛ sob nɛ wa yi de ʋ tʋɔra kʋ̀ a Babɩlɔn tẽw dem na piw nyɩ a, ʋ na vʋʋrɛ na, ʋʋ na nyɛ̃ na k'ʋʋ tɛr'ɩ zu-nʋ̃ɔ̀, ʋ na páw a ʋ nyɔ-vʋʋrʋ a.

Zeremi 27:8

A Sore yere na: Tẽw kãw bɩɩ naalʋ-tẽw kãw wa zawrɩ na tone a Nabikodonozɔɔr a, tẽw kãw bɛ wa sàw a Babɩlɔn tẽw nãà nɩ-kpɛ̃ɛnʋ dĩ ʋ mɛ̃ na-kʋ́ɔra-dàa a, ɩ̃ na ìr'ɩ a tẽw ŋa ƴãw nɩ zɛbr nɩ kɔ̃ nɩ jɛ̀lmɛ̃ bàalʋ. Ɩ̃ na tu n a Babɩlɔn tẽw nãà sãw a tẽw ŋa bɛr.

Zeremi 29:17

À ŋá n'a a Sore, a kpɛnʋ-za-sob, yere: “Ɩ̃ na bɛr'ɩ zɛbr-sɔ-kpɛ̃ɛ, kɔ̃ nɩ jɛ̀lmɛ̃ bàalʋ a wa a bɛ zu. Ɩ̃ na ɩ na bɛ ŋmɛ̃ taa nɩ kãkamɛ na pʋ̃ɔ a, na pʋ̃ɔ bɛ tɛr dɩb a.

Zeremi 29:18

Ɩ̃ na ta na tu bɛ nɩ a zɛbr-sɔ-kpɛ̃ɛ, a kɔ̃ nɩ a jɛ̀lmɛ̃ bàalʋ. A tẽ-daa naalʋ-ten za na mɩ́ mawr'ɩ dɛ̃bɩ̃-mawfʋ alɛ mɩ́ wa nyɛ̃ bɛ a. A ten al za pʋɔ ɩ̃ na diw bɛ yaarɩ a, nɩr wa bɔbr k'ʋʋ ŋmɛ ƴãw a, bɩɩ k'ʋʋ ƴɛ̀r bom na kpɛ faa bɛ maal'ɩ wob a ƴɛ̀rʋ a, bom na vʋ̃ɔnɛ pʋ̀lá bɩɩ ɩrɛ vĩ a, bɛlɛ nɛbɛ ʋ na mɩ́ de man nɩ.

Zeremi 32:24

A Babɩlɔn tẽw dem'ɩ bɛ ŋa tone a tẽ-kpɛ̃ɛ zɛb-deb tome, tawr pɩɛlɛ nɩ ʋ. Bɛ na zɛb'a de ʋ. Ɩ̃ na tʋ̃ɔ́ na yel k'ʋʋ lo n a bɛ nuru pʋɔ baarɩ. Bɛ bɔbr'a kɛ́ bɛ tʋ̃ɔ́ ʋ nɩ a zɛbr bome, a kɔ̃ nɩ a jɛ̀lmɛ̃ bàalʋ. Fʋ mɩŋa za nyɛ̃ a na, a lɛ fʋ na yel a ta na.

Zeremi 32:25

Sɩza, a Zerizalɛm n'ɩ ŋan na lo a Babɩlɔn tẽw dem nuru pʋɔ a. Ɛcɛ, Sore Naaŋmɩn i, bʋ̃ʋ n'ʋ so fʋ yel mɛ̃ k'ɩ̃ɩ dà a púo ŋa ɛ́ ya a libie dãsɩɛ dem niŋé?»

Zeremi 34:17

A Zeremi tɩ yel'a ƴãw pʋɔ: «A na ɩ à ŋá a, à ŋá n'a a Sore yere: A nyɩ kãw za n'ʋ a tɩ fɛr k'ʋʋ yel ʋ na lɛb bɛr a ʋ gbãgbaa na ɩ Ebre nɩr a, a ʋ yɛb, a ʋ tɔ, ʋ so ʋ tʋɔra a. Ɛcɛ nyɩ bɛ sàw a ɩ̃ nʋɔr ɛ. Alɛ n'a so, a mãa, a Sore, ɩ̃ yere à ŋá: Ɩ̃ na bɛr'ɩ zɛbr, jɛ̀lmɛ̃ bàalʋ nɩ kɔ̃ a wa a nyɩ ƴãw. A lɛ pʋɔ a, a tẽ-daa naalʋ-ten za na mɩ́ màwr'ɩ dɛ̃bɩ̃-mawfʋ bɛlɛ wa nyɛ̃ nyɩ a.

Zeremi 42:17

A bɛlɩ dem za nãà wa lo a sɔ́r kɛ́ bɛ cen a Eziptɩ tɩ kpɛ naayir a, bɛ na kpi n a zɛbr, a kɔ̃ nɩ a jɛ̀lmɛ̃ bàalʋ kũu. A bɛ kãw za kʋ̃ cɩ̃ɛ a faa ɩ̃ na na ɩ ʋ lo a bɛ zu a pʋɔ ɩ.”»

Zeremi 42:22

A na ɩ lɛ a, nyɩ bãwnɩ a kɛ́ nyɩ na kpi n zɛbr, kɔ̃ nɩ jɛ̀lmɛ̃ bàalʋ kũu a tẽw ʋl pʋɔ nyɩ na bɔbr kɛ́ nyɩ cen tɩ kpɛ naayir a!»

Zeremi 5:12

A Zuda tẽw dem bɛ bãw a Sore ɩ, ɛ́ yere: «Ʋ bɛ tɛr fãw kãw za ɩ. A faa kʋ̃ lo a tɩ zu ɛ, tɩ kʋ̃ bãw zɛbr nɩ kɔ̃ ɩ.

Zeremi 9:15

Ɩ̃ na diw bɛ na yaarɩ nɩ-bʋʋr-yoru sɔgɔ, a bɛl nɩ a bɛ sãà mɩnɛ na bɛ bãw a. Ɩ̃ na ɩ na a zɛbr ta tu bɛ tɩ kʋ bɛ pàw pɛr.»

Zeremi 9:16

À ŋá n'a a Sore, a kpɛnʋ-za-sob yere. «Nyɩ bãwnɩ a pɔw-kõ-konbɛ bʋɔlʋ, nyɩ ƴãw bɛ wa! Nyɩ tõ bɛ tɩ bʋɔlɩ a bɛl na bãw kon vla vla a bɛ wa!

Ezekɩɛl 33:27

Yel bɛ k'aa mãa Sore Naaŋmɩn yere nɩ à ŋá kʋ̀rɛ bɛ: “Ɩ̃ pɔ n nɩ a ɩ̃ nyɔ-vʋʋrʋ, bɛ na kʋ n a bɛl na be a tẽ-bɛrɛ bɛ na sãw bɛr a pʋɔ, wɛ-dʋn na 'wɔb'ɩ a bɛl na be a wɩ̀ɛ pʋɔ a, ɛ́ a bɛl na sɔwlɛ a tan pʋɔ nɩ a pìe bɔwrɩ pʋɔ a, bɛ na kpi n jɛ̀lmɛ̃ bàalʋ kũu.

Ezekɩɛl 6:11

À ŋá n'a a Sore Naaŋmɩn tɩ yel mɛ̃: «Puori nuru, tɛb tɛb gbɛ́ɛ ɛ́ yel: “We!” a Ɩsɩrayɛl nɩbɛ vĩ-ɩb nɩ a bɛ ɩb na bɛ maal'ɩ wob a ƴãw. Bɛ na kʋ bɛ nɩ a zɛbr zie, bɛ na kpi n kɔ̃ nɩ jɛ̀lmɛ̃ bàalʋ kũu.

Ezekɩɛl 7:15

«A yẽw a, a na ɩ n a zɛbr. A dĩo a, a na ɩ n a jɛ̀lmɛ̃ bàalʋ nɩ a kɔ̃. A tẽli pʋɔ a, bɛ na kʋ n a nɩbɛ a zɛbr zie. A tẽ-kpɛ̃ɛ pʋɔ a, bɛ na kpi n kɔ̃ nɩ a jɛ̀lmɛ̃ bàalʋ kũu.

Wulu-ayi-sob 28:21

Ʋ na ɩ na bàal-faa kãw bɛ na bʋɔlɛ jɛ̀lmɛ̃ a, ʋ nyɔw nyɩ ɛ́ gù nyɩ tɩ baarɩ a tẽw ʋl nyɩ na na so a pʋɔ.

Yel-wula 6:8

Ɩ̃ tɩ jɩ́r'a nyɛ̃ wur na sɔb mɛ̃ va-sɛbla a. A ʋ zɔmnɛ dɩ na kɛ́ Kũu, ɛ́ a kpɩmɛ tẽw tɩ tuur ʋ. Bɛ tɩ kʋ̀ a nɩ fãw a tẽw ziir anaar sob zu, k'aa kʋrɛ a nɩbɛ nɩ a zɛbr-sɔ-kpɛ̃ɛ, nɩ a kɔ̃, nɩ a bàal-faar nɩ a tẽw zu wɛ-dʋ̃-faar.