Zeremi 23:9 - A SƐB-SÕW

⁹ Ƴɛ̀rʋ na ƴɛ̀r càar'ɩ a naaŋmɩn-ƴɛ̀r-manbɛ a. A ɩ̃ pʋɔ za sãw na, a ɩ̃ ƴã-gan za màwr'a. Ɩ̃ ɩ na mɛ̃ dã-kuole a, mɛ̃ nɩr divɛ̃ na tʋ̃ɔ́ a. A Sore, a Naaŋmɩn na ɩ sõw a ƴãw n'a, nɩ a ʋlɩ bom nɛ ʋ na yel a:

Zeremi 23:9 ပူးပေါင်းရင်းမြစ်များ

Sɛb-sõw yielu 60:3

Naaŋmɩn i, fʋ jɛ tɩ na bɛr, fʋ dam tɩ na nyaw taa. Fʋ tɩ nyɛ̃ nɩ suur, ɛcɛ lɛb maalɩ tɩ ƴãw!

Sɛb-sõw yielu 69:20

Fʋ bãwnɩ a na bɛ na tʋʋr mɛ̃ a, fʋ bãw nɩ a ɩ̃ vĩ, a ɩ̃ yúor na sãw a. A ɩ̃ dɔ̃ dem za n'ɩ bɛ ŋan a fʋ niŋé.

Ɩzayi 28:1

Baw-bio wɛ Samaari tẽw i! A Efarayim tẽw dã-kuolbɛ nyʋʋr'ɩ nɩ a tẽ-kpɛ̃ɛ ŋa na ɩ mɛ̃ nãà-kpawʋɔ a. Ʋ ƴãw nɩ pɩ̃ɛmɛ vla vla za àr'ɩ a tãw zu, a tãw na jɩ́rɛ a fʋɔla na pʋ̃ɔ ʋ za a. Ɛcɛ ʋ ŋmɛ̃ na mɛ̃ tɩ-puuru na vàr vàr nɩbɛ a divɛ̃ na tʋ̃ɔ́ a zurú a.

Ɩzayi 29:9

A yele, á ùr nyɩ ɛ́ nyɩ ta tɛr nʋɔr ɛ, nyɩ lɩɛbɩ zɔn ɛ́ ta nyɛrɛ ɩ, nyɩ kuoli, ɛ́ a ta ɩ divɛ̃ n'a ɩ, nyɩ cere dẽdere, ɛ́ bɛ nyũ ɛ.

Ɩzayi 51:21

A na ɩ à ŋá a, bɛrɛ wone, fʋ̃ʋ Zerizalɛm na ɩrɛ nɩbaalʋ a, fʋ̃ʋ na kuoli ɛ́ a bɛ ɩ divɛ̃ n'a a:

Ɩzayi 6:5

Lɛ n'a ɩ̃ tɩ yel: «Baw-bio páw mɛ̃ na! Ɩ̃ kpi na! Bʋ̃ʋ n'ʋ vɛ̃, nɩr a nʋɔr na tɛr dɛwr a nɛ m, ɩ̃ɩ kpɩɛr nɩ-bʋʋrɛ a nɛ́ɛ na tɛr dɛwr a sɔgɔ, ɛ́ a ɩ̃ mimie nyɛ̃ a Nãà, a Sore, a kpɛnʋ-za-sob!»

Zeremi 20:9

Mãa wa yel: «Ɩ̃ bɛ lɛb tɩ́ɛrɛ a Sore yele ɩ, ɩ̃ kʋ̃ lɛb ƴɛ̀r a ʋ yúor ƴãw a», a lɛn daar a, a mɩ́ ɩ na mɛ̃ vũu na dɩrɛ a ɩ̃ pʋ̃ɔmɩ za a. Ɩ̃ mɩ́ bàl'ɩ ɩ̃ tʋɔra k'ɩ̃ɩ tʋ̃ɔ́ ʋ tɛr, ɛcɛ ɩ̃ bɛ mɩ́ tʋ̃ɔ́ ɩ.

Zeremi 36:16

Bɛ na wa wõ a ƴɛ̀rʋ á ŋá za a, pʋ̀lá tɩ vʋ̃ɔ nɩ bɛ za, bɛ jɩ́rɛ taa, ɛ́ wa yel a Barukɩ: «A fɛr'a kɛ́ tɩ manɩ a ƴɛ̀rʋ á ŋá kʋ̀ a nãà.»

Zeremi 5:31

A naaŋmɩn-ƴɛ̀r-manbɛ ƴɛ̀rɛ nɩ ŋmɩn-bɛlɛbɛlɛ yúor ƴãw, a bàwr-maalbɛ bɔbr'ɩ a bɛl yõ tɔnɛ, ɛ́ a ɩ̃ nɩbɛ nɔ̃w a lɛ. Ɛcɛ a yele baarʋ daar a, bʋ̃ʋ n'ʋ nyɩ na ɩ?»

Zeremi 8:18

A ɩ̃ pʋ-sãwna bɛ tɛr tɩ̃ɩ ɛ, a ɩ̃ socir kone nɩ a ɩ̃ pʋ̃ɔmɩ za.

Zeremi 9:1

Bʋ̃ʋ pãa ɩ ɩ̃ bɛ tɛr gaa zie a wɛja-kpalɛ pʋɔ mɛ̃ a sɔr-tɔlbɛ a? Ɩ̃ nãá tɩ bɛr'ɩ a ɩ̃ nɩbɛ, ɛ́ tɩ cen zãá nɩ bɛ. Bʋ̃ʋ n'ʋ vɛ̃, bɛ za ɩ n pɩ̃ɔ-yel-maalbɛ, nɩ-mɩlbɛ bʋʋrɛ nɛbɛ.

A Lãw-mʋɔlɛ 3:15

A Sore ɩ na k'ɩ̃ wõ to-lawlaw, ʋ kʋ̀ mɛ̃ nɩ lɔw ɩ̃ nyũ.

Ezekɩɛl 13:3

À ŋá n'a a mãa, a Sore Naaŋmɩn, ƴɛ̀rɛ: Baw-bio dem'ɩ a naaŋmɩn-ƴɛ̀r-man-gẽgemi dem bɛl na bɛ mɩ́ nyɛ̃ bom za ɛ́ tuur a bɛ tɩɛrʋ a.

Ezekɩɛl 9:4

Ʋ tɩ yel ʋ na: «Cen a Zerizalɛm sɛ́ɛ zu. Fʋ na tɩ nyɛ̃ nɩ a bɛl a na wone bɛ kone, a ɩb na bɛ maal'ɩ wob a nɩbɛ na ɩrɛ a tẽ-kpɛ̃ɛ ŋa pʋɔ a ƴãw. Fʋ na tɩ ƴãw bɛ nɩ bãwfʋ a gbẽé.»

Ezekɩɛl 9:6

Nyɩ kʋ a dɛb-nyamɛ, a pɔlbili nɩ a pɔwsɩrali, a bibiir nɩ a pɔwbɛ! Nyɩ ɩ bɛ za bɔr! Ɛcɛ a bɛl za na tɛr bãwfʋ a gbẽé a, nyɩ taa tʋɔr bɛ ɩ! Nyɩ tĩ a ka, a ɩ̃ zi-sõw ƴãw.» Lɛ n'a bɛ tɩ tĩ kʋrɛ a nɩ-kore na be a Ŋmɩn-yir-kpɛ̃ɛ niŋé a.

Habakukɩ 3:16

Ɩ̃ wone nɩ a damnʋ á ŋá za, ɛ́ a mɩ́ dam mɛ̃ tɩ tɔ: a ɩ̃ nɔgbãbie màwr'a ŋmɩɛr taa a dɛ̃bɩ̃ɛ zũú, a ɩ̃ ƴãw za bàl'a ɛ́ a ɩ̃ gbɛ́ɛ yʋɔrɛ. Ɩ̃ ɩ n gbili cɛlɛ nɩ a kpɩɛrʋ bibir, k'ɩ̃ɩ wa cen tɩ zɛb'ɩ a nɩ-bʋʋrɛ bɛl na dɔwrɛ tɩ a.

Ʋrɔm 7:9

A koro za a, ɩ̃ na bɛ tɩ bãw kɛ́ Naaŋmɩn wulu be n be a, ɩ̃ tɩ vʋʋrɛ nɩ zoomlɛ. Ɛcɛ a nɔ-ƴãwna na wa wa a, a yel-bier vʋla tĩ na kpɩɛr mɛ̃,