Zeremi 23:4 - A SƐB-SÕW

⁴ Ɩ̃ na ƴãw nɩ dʋ̃-cɩ̃ɩn-sɩza mɩnɛ bɛ cɩ̃ɩnɛ a. Ɛ́ a bɛl zũú a, a kʋ̃ cãà bãw dɛ̃bɩ̃ɛ nɩ pʋl-vʋ̃ɔ ɩ. Been za bɛ lɛb cɩ́ɛr ɛ, a Sore n'ʋ yere.»

Zeremi 23:4 ပူးပေါင်းရင်းမြစ်များ

Ɩzayi 11:11

A ʋlɩ bibir nɛ a, a Sore na lɛb'a maal dɔl a ʋ kpãkpã-kpɛ̃w, k'ʋʋ faa nɩ a ʋ nɩbɛ ŋmãa na cɛ a, a bɛl na na cãà vʋʋrɛ be a Asiiri tẽw, a Eziptɩ tẽw pɛrɩ́, a Eziptɩ tẽw saa-zũú, a Sudã tẽw, a Elam tẽw, a Babɩlɔn tẽw, a Hamatɩ tẽw na be Siiri, nɩ a kʋ̃ɔ-kpɛ̃ɛ nʋɔr nɩ a kʋ̃ɔ-kpɛ̃ɛ-sɔgɔ-ten pʋɔ a.

Zeremi 30:10

«A fʋ̃ʋ, Ɩsɩrayɛl, ɩ̃ tõ-tõ-bie e, ta zɔrɛ dɛ̃bɩ̃ɛ ɩ, a Sore n'ʋ yere. Pʋl-vʋ̃ɔ ta tɛr fʋ ɛ, fʋ̃ʋ, a sãàkʋm-kʋra na n'ɩ Zakɔb a. Ɩ̃ na faa fʋ nɩ a tẽ-zãánɩ pʋɔ, ɛ́ faa a fʋ bibiir a tẽw ʋl pʋɔ bɛ na diw bɛ cen nɩ a. Ɩsɩrayɛl i, fʋ na lɛb'a wa, wa vʋʋrɛ zoom ɛ́ bɛ bãw damnʋ ɛ. Ɛ́ nɩr za kʋ̃ lɛb ƴãw fʋ dɛ̃bɩ̃ɛ ɩ.

Zeremi 31:10

Nɩ-bʋʋr-yoru u, nyɩ bɛrɛ wone a Sore ƴɛ̀rʋ! Nyɩ hieri ʋ a kʋ̃ɔ-kpɛ̃ɛ-sɔgɔ-ten na zãá a pʋɔ. Nyɩ yel: «A Sore tɩ diw nɩ a Ɩsɩrayɛl yaarɩ, ɛcɛ ƴɛrɛŋa a, ʋ lɛb'a ɓanɛ bɛ taa ɛ́ gùre bɛ mɛ̃ dʋ̃-cɩ̃ɩnɛ na gùre ʋ dʋn a.»

Zeremi 33:26

A na ɩ à ŋá a, ɩ̃ na tʋ̃ɔ́ na zawrɩ a Zakɔb bʋʋrɛ, nɩ a ɩ̃ tõ-tõ-bie Daviir bʋʋrɛ bɛr bɩɩ? Ɩ̃ na tʋ̃ɔ́ na zawrɩ, bɛ kaa ír nɩ-bɛrɛ a bɛ pʋɔ, bɛ kaarɛ a Abraham, a Ɩzaakɩ nɩ a Zakɔb bʋʋrɛ zie i? Towtow! Ɩ̃ zɔrɛ nɩ a bɛ nɩbaalʋ, ɛ́ na lɛb maalɩ bɛ ƴãw.”»

Ezekɩɛl 36:11

A ziir za a, a nɩbɛ nɩ a dʋn na lɛb'a yãwmɛ. Nyɩ na tɛr'ɩ bibiir, nyɩ na yãwmɛ na. A tẽw na lɛb'a tɛr nɩbɛ mɛ̃ a koro za a, ɛ́ a nyɩ tɛra na zuo nɩ a dãwdãw dem. Lɛ n'a nyɩ na bãw kɛ́ mãa n'ɩ a Sore.

Levitɩ mɩnɛ 26:9

Ɩ̃ na jɩ́r nyɩ na kaa, ɩ̃ na kʋ̀ nyɩ nɩ bibiir bɛ yãwmɛ, ɛ́ maal tɛr a ɩ̃ wõ-taa nɩ a nyɩɩm.

Mise 4:4

Ŋa za na mɩ́ ɓãá nɩ ƴãw kʋɔr a ʋ divɛ̃ tɩɩr púo nɩ a ʋ kãkã-tɩɩr, ɛ́ nɩr za bɛ damnɛ ʋ ɛ.» À à ŋá n'a a Sore Kpɛnʋ-za-sob yere.

Mise 5:2

A Sore na jɛ n a ʋ nɩ-bʋʋrɛ bɛr, ɛ́ gùre a daar nɛ a pɔw, a na fɛr k'ʋʋ dɔw a, nãà wa dɔw a. Lɛ n'a a bɛlɩ dem na na cãà vʋʋrɛ a gbãgbaalʋ pʋɔ, a diw-cenu pùorí a, na lɛb wa wa páw a Ɩsɩrayɛl nɩbɛ ŋmaarɛ.

Mise 7:14

Sore e, cɩ̃ɩnɛ a nɩbɛ fʋ na so a, nɩ a fʋ na-cɩ̃ɩn-da-kʋra. Bɛ àr'ɩ bɛ yõ zie wɛ-kar pʋɔ tɩ-wɔnɩ zaadɛ̃ na jil koli a. Cɩ̃ɩnɩ bɛ mɛ̃ a dãwdãw a, cen nɩ a Basan tẽw nɩ a Galaadɩ tẽw dʋn mʋ̃ɔ 'wɔbrʋ zie.

Sofoni 3:13

A Ɩsɩrayɛl nɩbɛ na cɛ a kʋ̃ cãà ɩrɛ ɩ-faar ɛ, bɛ kʋ̃ cãà ŋmarɛ ziri ɛ. Bɛlʋ ƴɛ̀rʋ kʋ̃ lɛb yi a bɛ nɛ̃ɛ́ ɩ. Bɛ na mɩ́ ɓãá nɩ ƴãw dɩrɛ ɛ́ gúre, ɛ́ nɩr bɛ damnɛ bɛ ɩ.»

Sɔr-nɛ́ɛ 31:49

ɛ́ yel ʋ à ŋá: «Tɩ sɔr'ɩ a zɛbr-nɩbɛ bɛl tɩ na tɩ so a. Nɩr bɛ cɛ ɩ.

Zã 17:12

Ɩ̃ na tɩ be a bɛ zie a, ɩ̃ tɩ gùre bɛ nɩ a fʋ yúor ƴãw, a fʋ yúor fʋ na kʋ̀ m a. Ɩ̃ gù bɛ nɩ vla, ɛ́ a bɛ been kãw za bɛ bɔr ɛ, a bɛ ɩ a ʋlɩ sob nɛ a na tɩ fɛr k'ʋʋ bɔr, a Sɛb-sõw ƴɛ̀r-bie tʋ̃ɔ́ tu a ɩ.

Zã 18:9

À ŋá n'a a ƴɛ̀r-bir ŋa ʋ na tɩ dãw yel a tu a ʋ tub: «A bɛlɩ dem fʋ na kʋ̀ m a, ɩ̃ Sãà a, ɩ̃ bɛ bɔr bɛ been kãw za ɩ.»

1 Pɩɛr 1:5

nyɩɩm a Naaŋmɩn na piw tɛr nɩ a ʋ fãw gùre nɩ a baarʋ daar a faafʋ na cɔbrɩ gã nãà wa sãá a, nyɩ na sàw de ʋ a ƴãw.