Zeremi 23:39 - A SƐB-SÕW

³⁹ Ɩ̃ na tuo nyɩ na mɛ̃ tuor a, ɩ̃ɩ na lɔb nyɩ na bɛr a ɩ̃ niŋé nyɩ zãá, a nyɩɩm nɩ a tẽw ʋl ɩ na kʋ̀ nyɩ, a nyɩɩm nɩ a nyɩ sãàkʋm-kore a.

Zeremi 23:39 ပူးပေါင်းရင်းမြစ်များ

Yele-za-pɛr-tib 4:16

A Kayɛ̃ tɩ cen na zãá nɩ a Sore, tɩ kpɩɛr Nɔdɩ tẽw na be a Edɛn tẽw saa-pɛrɩ́ a.

Yele-za-pɛr-tib 6:17

Mãa ƴãw a, ɩ̃ na ɩ na a Kʋ̃ɔ-paalʋ-kpɛ̃ɛ kʋ̃ɔnɩ paalɩ pàw a tẽw, kʋ bʋ̃-vʋʋra za na be a salom pile a. Bom za na be a tẽw zu a na kpi na.

2 Na-mɩnɛ 23:27

Alɛ n'a so a Sore yel à ŋá: «A Zuda naalʋ-tẽw nɩbɛ mɩ̀ a, ɩ̃ na diw bɛ na bɛr a ɩ̃ niŋé, mɛ̃ a lɛ ɩ̃ na diw a Ɩsɩrayɛl naalʋ-tẽw nɩbɛ a. Ɩ̃ na jɛ n a Zerizalɛm bɛr, a tẽ-kpɛ̃ɛ ŋa ɩ̃ na tɩ kaa ír a, ɛ́ mɩ̀ jɛ a Ŋmɩn-yir-kpɛ̃ɛ bɛr, ɩ̃ na yel k'ɩ̃ɩ na mɩ́ be n a be a.»

Sɛb-sõw yielu 51:11

Lɩɛbɩ zikur cɔw a ɩ̃ yel-bebe, de a ɩ̃ sãwna za bɛr a baarɩ.

Zʋkpaɩ 13:13

Nɩr na bɛ cɛlɛ yã bɛ na wule ʋ a zie a ɩrɛ nɩ ʋ tʋɔra. Nɩr na tuur a lɛ bɛ na yere kʋ̀rɛ ʋ a na nyɛ̃ nɩ maalʋ.

Ɩzayi 48:15

Mãa n'ʋ, mãa yõ n'ʋ ƴɛ̀r. Mɔ̃ mɩ̀, ɩ̃ bʋɔl'ɩ a nɩr ŋa, ɩ̃ ƴãw na ʋ wa, ɛ́ a ʋ ton na tõ n vla.

Ɩzayi 51:12

A Sore yere na: «Mãa n'ʋ mɔwlɛ nyɩ, ʋ̃ʋ, mãa n'ʋ. Ɩ̃ nɩbɛ ɛ, bʋ̃ʋ n'ʋ so nyɩ zɔrɛ a nɩsaal na ɩ bʋ̃-kpiira a, a nɩsaal na ɩ mɛ̃ mʋ̃ɔ a?

Zeremi 12:7

«Ɩ̃ zawrɛ nɩ a ɩ̃ yir bɛrɛ, ɩ̃ tɩ̀ɛrɛ nɩ a ɩ̃ bom ɩ̃ na tɩ so a bɛrɛ. A ʋlɩ bom ɩ̃ na tɩ nɔnɛ nɩ a ɩ̃ pʋɔ za a, ɩ̃ dier ʋ na ƴãwnɛ a dɔ̃ dem nuru pʋɔ.

Zeremi 23:33

A Sore yel'ɩ a Zeremi: «Naaŋmɩn-ƴɛ̀r-manɛ, bɩɩ bàwr-maalɛ, bɩɩ nɩ-sãsaralɛ wa sowri fʋ: “A Sore ƴɛ̀rʋ n'ɩ buor? Tuor-buor'ʋ ʋ tuo tɩ a?” Fʋ na sɔw na: “Nyɩmɛ nɛbɛ ɩ tuor, ɩ̃ɩ na tow nyɩ na bɛr.”

Zeremi 23:38

Ɛcɛ, nyɩmɛ wa cãà ƴɛ̀rɛ “tuor a Sore na tuo nyɩ a” ƴɛ̀rʋ, ɩ̃ na saa diw nyɩ kɛ́ nyɩ ta yere a lɛ a, à ŋá n'a a mãa, a Sore, yere:

Zeremi 35:17

A Zeremi tɩ yel'a ƴãw pʋɔ: «A lɛ zũú a, à ŋá n'a a Sore, a kpɛnʋ-za-sob, a Ɩsɩrayɛl Naaŋmɩn, yere: “Zuda tẽw nɩ Zerizalɛm tẽw dem i, ɩ̃ na ɩ na a kpɩɛrʋ al ɩ̃ na ƴɛ̀r càar'ɩ nyɩ a, a páw nyɩ. Bʋ̃ʋ n'ʋ vɛ̃, ɩ̃ ƴɛ̀r'ɩ a nyɩ zie, ɛ́ nyɩ bɛ bɛr wõ ɩ. Ɩ̃ bʋɔlɩ nyɩ na, ɛ́ nyɩ bɛ sàw ɛ.”»

Zeremi 36:31

Ɩ̃ na ìr'ɩ a ʋl, a ʋ bʋʋrɛ, nɩ a ʋ tõ-tõ-biir ƴãw, a bɛ sãwna zũú. Ɩ̃ na ɩ n a faa al za ƴɛ̀rʋ ɩ̃ na tɩ ƴɛ̀r a bɛ zie, ɛ́ bɛ bɛ bɛr wõ a, a wa a bɛl, a Zerizalɛm tẽw dem nɩ a Zuda tẽw dem zu.”»

Zeremi 52:3

A alɩ bome nɛ na tɩ ɩ a Zerizalɛm nɩ a Zuda tẽw a, a tɩ ɩ na a Sore suur ìr, ʋ wa tɩ diw a ʋ nɩ-bʋʋrɛ bɛr a ʋ niŋé. A Sedesɩasɩ tɩ ìr'a gaarɩ a Babɩlɔn tẽw nãà zu.

Zeremi 7:14

Nyɩ ƴãw nɩ a nyɩ tɩɛrʋ a Ŋmɩn-yir-kpɛ̃ɛ ŋa ƴãw. Mãa so ʋ, ɛ́ kʋ̀ nyɩ, nyɩɩm nɩ a nyɩ sãàkʋm-kore. A na ɩ à ŋá a, ɩ̃ na ɩ n a zie ŋa mɛ̃ a lɛ ɩ̃ na tɩ ɩ a Silo zi-sõw a.

Zeremi 7:15

Ɩ̃ na diw nyɩ na bɛr nyɩ zãá nɩ mɛ̃, mɛ̃ a lɛ ɩ̃ na diw a nyɩ yɛbr, a Efarayim tẽw dem a.»

A Lãw-mʋɔlɛ 5:20

Bʋ̃ʋ n'ʋ so fʋ na yiire tɩ bɛrɛ kʋralɛ, fʋ na jɛrɛ tɩ bɛrɛ a tɩ cãafʋ daar za?

Ezekɩɛl 34:11

À ŋá n'a a mãa Sore Naaŋmɩn yere: a na dɛ tĩ a ƴɛrɛŋa a, mãa mɩŋa n'ʋ na cen tɩ bɔ a ɩ̃ píir, ɩ̃ɩ na kaarɛ nɩ a zie.

Ezekɩɛl 34:20

Alɛ n'a so a mãa Sore Naaŋmɩn yere kʋ̀rɛ nyɩ, mãa mɩŋa na ɩ n ƴɛ̀r-dɩrɛ a ɩ̃ dʋn pʋɔ, a pí-kòn nɩ a pí-'wɔɩ cará.

Ezekɩɛl 5:8

Alɛ n'a so a mãa, a Sore Naaŋmɩn, ɩ̃ yere à ŋá: Ɩ̃ na ìr'ɩ a nyɩ ƴãw Zerizalɛm tẽw dem i. Ɩ̃ na tu n a lɛ ɩ̃ na dɩ a ƴɛ̀rʋ bin a tẽ-kpɛ̃ɛ sɔwlɩsɔw, a nɩ-bʋʋr-yoru niŋé a.

Ezekɩɛl 6:3

Fʋ na yel'a: Ɩsɩrayɛl tan i, nyɩ bɛr wõ a ƴɛ̀r-bie a Sore Naaŋmɩn na ƴɛ̀rɛ kʋ̀rɛ a nyɩ kpɩɛrbɛ nɩ a tãli a, a gblãkowe nɩ a bà-fʋɔlɩ kpɩɛrbɛ a: ɩ̃ na ɩ n zɛbr lo a nyɩ zu sãw a nyɩ maalʋ-ziir bɛr.

Ezekɩɛl 8:18

A mãa mɩ̀ a, ɩ̃ mɩ̀ na ɩrɛ na nɩ su-tʋlʋ kpãkpã. Ɩ̃ kʋ̃ tɛr'ɩ bɛ mimi-baalʋ ɛ, ɩ̃ kʋ̃ zɔ nɩbaalʋ ɛ. Bɛlɛ saa cɩɩrɛ bʋɔlɛ mɛ̃ a, ɩ̃ kʋ̃ bɛr wõ bɛ ɩ.»

Ezekɩɛl 9:6

Nyɩ kʋ a dɛb-nyamɛ, a pɔlbili nɩ a pɔwsɩrali, a bibiir nɩ a pɔwbɛ! Nyɩ ɩ bɛ za bɔr! Ɛcɛ a bɛl za na tɛr bãwfʋ a gbẽé a, nyɩ taa tʋɔr bɛ ɩ! Nyɩ tĩ a ka, a ɩ̃ zi-sõw ƴãw.» Lɛ n'a bɛ tɩ tĩ kʋrɛ a nɩ-kore na be a Ŋmɩn-yir-kpɛ̃ɛ niŋé a.

A naaŋmɩn-ƴèr-manɛ Oze sɛbɛ 4:6

A ɩ̃ nɩ-bʋʋrɛ báarɛ na, bɛ na bɛ bãw mɛ̃ a ƴãw. Fʋ na bɛ bɔbr a ɩ̃ bãwfʋ a, ɩ̃ mɩ̀ na zawrɩ fʋ na bɛr, ɛ́ fʋ kʋ̃ cãà ɩ a ɩ̃ bàwr-maalɛ ɩ. Fʋ na yiiri a fʋ Naaŋmɩn wulu bɛr a, a mãa mɩ̀, ɩ̃ mɩ̀ na yiir'ɩ a fʋ bibiir bɛr.

A naaŋmɩn-ƴèr-manɛ Oze sɛbɛ 5:14

Bʋ̃ʋ n'ʋ vɛ̃, a mãa Sore, ɩ̃ na ɩ na mɛ̃ gbẽw a, a Efarayim ƴãw, ɩ̃ na ɩ na mɛ̃ gbẽw-pɔl a, a Zuda yir nɩbɛ ƴãw, mãa n'ʋ, mãa n'ʋ na taw a ɩ̃ bʋ̃-nyɔwra cɩɛrɩ, ɛ́ cab ʋ nʋɔrɩ́ cere nɩ ɛ́ nɩr kʋ̃ tʋ̃ɔ́ faa ʋ ɛ.»

Levitɩ mɩnɛ 26:28

a mãa mɩ̀ a, ɩ̃ na nyɛ̃ nɩ suur yaga zawrɩ a nyɩ tub, mãa mɩŋa na dɔwrɩ nyɩ nɩ gb'a ayopõi dɔwlɩ, a nyɩ yel-bebe zũú.

Matie 25:41

Lɛn daar'a ʋ na yel a ʋ gʋba lowr dem: “Nyɩ cen taw zãá nɩ mɛ̃, nyɩɩm bɛ na ŋmɛ ƴãw a, nyɩ cen a vũu na bɛ tɛr kpiiru daar a pʋɔ, bɛ na cɔbrɩ a Sɩtaana nɩ a ʋ malkɩ mɩnɛ ƴãw a.

Wulu-ayi-sob 32:39

Ƴɛrɛŋa a, nyɩ nyɛ̃, mãa yõ n'ʋ ɩ a Naaŋmɩn, ŋmɩn bɛ lɛb ka be, a bɛ ɩ a mãa ɩ. Mãa n'ʋ mɩ́ ɩ a nɩr kpi, ɛ́ ɩ ʋ vʋʋrɛ, mãa n'ʋ mɩ́ ƴãw a bàalʋ, ɛ́ lɛb sanɩ. Nɩr bɛ faarɛ nɩr a ɩ̃ nũú ɛ.

2 Tesalonikɩ 1:9

A bɛ dɔwrʋ na ɩ n wɛb bɛ wɛ kʋralɛ, zãá nɩ a Sore niwn nɩ a ʋ kpɛnʋ yúor-vɩɛlʋ-danʋ,