Zeremi 23:27 - A SƐB-SÕW

²⁷ Bɛ mɩ́ tɩɛr'a kɛ́ bɛ ɩ a ɩ̃ nɩbɛ yiiri a ɩ̃ yúor, a bɛ zánʋ bɛ na mɩ́ manɛ kʋ̀rɛ taa a zũú, mɛ̃ a lɛ a bɛ sãàkʋm-kore na tɩ tu a bɛ Báàl yiiri a ɩ̃ yúor bɛr a.

Zeremi 23:27 ပူးပေါင်းရင်းမြစ်များ

2 Na-mɩnɛ 21:3

Ʋ tɩ lɛb'a mɛ a maalʋ-ziir a ʋ sãà Ezekɩasɩ na tɩ ŋmɛr bɛr a. Ʋ tɩ mɛ n bàwr-maal-kube a ŋmɩn Báàl ƴãw, ɛ́ bà dà-barɩ mɛ̃ a lɛ a Ɩsɩrayɛl tẽw nãà Akab na tɩ dãw ɩ a. Ʋ tɩ puor'ɩ a salom zu bʋ̃-nyɩwrɩ za, ɛ́ maalɩ a.

Zeremi 2:32

Pɔwsɩrale na tʋ̃ɔ́ na yiiri a ʋ dɛpaal-bome bɛr ɩ? Pɔw na maalɩ kul-taa a na tʋ̃ɔ́ na yiiri a ʋ kul-taa kparʋ kpàwr bɛr ɩ? Ɛcɛ a ɩ̃ nɩbɛ yiiri mɛ̃ na bɛr koro kãw za.

Zeremi 29:8

A Sore, a kpɛnʋ-za-sob, a Ɩsɩrayɛl Naaŋmɩn, cãà na yere à ŋá: “Nyɩ ta sàw a naaŋmɩn-ƴɛ̀r-manbɛ bɛl na be a nyɩ sɔgɔ nɩ a bɛl na mɩ́ bãwnɛ a nɩdaar yele a, bɛ̀lɛ nyɩ ɛ. Nyɩ ta cɛlɛ a bɛlɩ dem na íre a nyɩ zánʋ pɛ́ɛ kʋ̀rɛ nyɩ a zie ɩ.

Zeremi 9:14

A na ɩ à ŋá a, à ŋá n'a a mãa, a Sore, a kpɛnʋ-za-sob, a Ɩsɩrayɛl Naaŋmɩn, yere: Ɩ̃ na ɩ na a nɩbɛ bɛ ŋa 'wɔb tɩ-va-tuo, ɛ́ nyũ kʋ̃ɔ na tɛr lɔw a.

Nɩ-toni 13:8

Ɛcɛ a tɩtɩblɛ Elimasɩ, — a yúor pɛr'ɩ a lɛ a gɩrɛkɩ kɔkɔr pʋɔ — tɩ piw bɛ nɩ sɔ́r, ɛ́ bɛ bɔbr k'aa na-kpɛ̃ɛ-lɩɛrɛ sàw de a Yeezu Kɩrɩta ɩ.

Wulu-ayi-sob 8:11

Ɛcɛ nyɩ gùre nyɩ tʋɔra vla taa yiire a Sore nyɩ Naaŋmɩn bɛrɛ, bɛ wa tuur a ʋ nɛ-ƴãwnɩ, a ʋ tub nɩ a ʋ wulu ɩ̃ na kʋ̀rɛ nyɩ a dɩ̃a a ɩ.

Wulu-ayi-sob 8:14

A lɛn daar a, nyɩ gù vla taa ɩrɛ pɔ̀lʋ tɩ yiir'ɩ a Sore nyɩ Naaŋmɩn na n'ʋ ɩ nyɩ yi a Eziptɩ a ɩ, a be nyɩ na tɩ ɩ gbãgbaar a.

Wulu-ayi-sob 8:18

Nyɩ cãà bãwnɩ a Sore nyɩ Naaŋmɩn na n'ʋ kʋ̀rɛ nyɩ a fãw nyɩ tʋ̃ɔ́ mɩ́ tɛr a a. À ŋá n'a ʋ mɩ́ cãà ɩ tɛr a wõ-taa ʋ na maal'ɩ a nyɩ sãàkʋm-kore, mɛ̃ à ŋá ʋ na ɩrɛ a dɩ̃a a.

Ƴɛ̀r-dɩrbɛ 10:6

A Ɩsɩrayɛl nɩbɛ tɩ lɛb'a maal tĩ ɩrɛ a bɛ pɛlɛ a Sore pʋɔ ɩ: bɛ tɩ puor'ɩ a Báàl mɩnɛ nɩ a Asɩtarte mɩnɛ, lãwnɩ a Siiri tẽw dem, nɩ a Sɩdɔ̃ tẽw dem, nɩ Mowab tẽw dem, nɩ a Amɔ̃ tẽw dem, nɩ a Filisɩtɛ̃ mɩnɛ ŋmɩmɛ. Bɛ tɩ zawr'ɩ a Sore bɛr, bɛ cãà puore ʋ ɛ.

Ƴɛ̀r-dɩrbɛ 3:7

A Ɩsɩrayɛl nɩbɛ tɩ ɩ na a bɛ pɛlɩ a Sore pʋɔ ɩ: bɛ tɩ yiir'ɩ a Sore bɛ Naaŋmɩn bɛr, ɛ́ puore a Báàl mɩnɛ nɩ a Asera mɩnɛ.