Zeremi 23:21 - A SƐB-SÕW

²¹ «Ɩ̃ bɛ tõ a naaŋmɩn-ƴɛ̀r-manbɛ bɛ ŋa ɩ, ɛ́ bɛ zɔrɛ. Ɩ̃ bɛ ƴɛ̀r ƴɛ̀rʋ za a bɛ zie ɩ, ɛ́ bɛ ƴɛ̀rɛ a ɩ̃ yúor ƴãw.

Zeremi 23:21 ပူးပေါင်းရင်းမြစ်များ

Ɩzayi 6:8

Lɛ n'a ɩ̃ tɩ wõ a Sore ʋ sowre: «Ãa n'ʋ ɩ̃ na tõ? Ãa n'ʋ na cen a tɩ yúor ƴãw?» Ɩ̃ sɔw: «Mãa n'ɩ ŋan, tõ m!»

Zeremi 14:14

A Sore tɩ sɔw mɛ̃ na: «Ziri n'ɩ a lɛ za a ƴɛ̀r-manbɛ na yere a ɩ̃ yúor ƴãw a. Ɩ̃ bɛ tõ bɛ ɩ, ɩ̃ bɛ yel yel za kʋ̀ bɛ ɩ, ɩ̃ bɛ ƴɛ̀r bɛ zie ɩ. A bɛ bʋ̃-nyɛrɩ ɩ n ziri, a yele bɛ na yere a bɛ tɛr pɛr ɛ, bɛl mɩŋa pʋ-tɩɛrʋ n'a.

Zeremi 23:32

Ɩ̃ na ìr'ɩ a bɛ ƴãw. A bɛ zánʋ ɩ n ziri tɛwr. Bɛlɛ wa manɛ a a, bɛ mɩ́ bɛlɛ nɩ a nɩbɛ nɩ a bɛ ƴɛ̀r-ziri nɩ a bɛ ƴɛ̀r-zawlɛ. Mãa a, ɩ̃ bɛ yel kɛ́ bɛ ɩ bom ɛ. Bɛ bɛ tɛr yel-ɩra kãw za a ɩ̃ nɩbɛ zie ɩ.» A Sore n'ʋ yel.

Zeremi 27:14

Nyɩ ta bɛrɛ wone a ƴɛ̀rʋ al a naaŋmɩn-ƴɛ̀r-manbɛ bɛ mɩnɛ na yere kʋ̀rɛ nyɩ, kɛ́ nyɩ kʋ̃ lo a Babɩlɔn tẽw nãà nuru pʋɔ a ɩ. A bɛ naaŋmɩn-ƴɛ̀r-manbɛ ƴɛ̀rʋ ɩ n ziri.

Zeremi 27:15

A Sore yere na: “Ɩ̃ bɛ tõ bɛ ɩ. Bɛ yel kɛ́ mãa yúor ƴãw n'a bɛ ƴɛ̀rɛ, ɛcɛ ziri n'a. Nyɩmɛ wa bɛrɛ wone bɛ a, ɩ̃ na diw nyɩ na yaarɩ, ɛ́ nyɩ na kpi na, a nyɩɩm nɩ a naaŋmɩn-ƴɛ̀r-manbɛ bɛl na ƴɛ̀r a naaŋmɩn-ƴɛ̀r-manbɛ ƴɛ̀rʋ kʋ̀ nyɩ a.”»

Zeremi 28:15

Lɛ n'a a naaŋmɩn-ƴɛ̀r-manɛ Zeremi tɩ cãà lɛb yel a naaŋmɩn-ƴɛ̀r-manɛ Hananɩa: «Wone, Hananɩa a: A Sore bɛ to b ɛ, fʋ̃ʋ n'ʋ ɩrɛ a nɩbɛ bɛ ŋa bɛ̀lɛ bɛ tʋɔra.

Zeremi 29:31

«Tõ bɛ tɩ yel à ŋá kʋ̀ a nɩ-diw-ceni za: “À ŋá n'a a Sore yere a Nehelam tẽw Semaya ƴãw: Semaya ƴɛ̀r'ɩ a ɩ̃ yúor ƴãw a nyɩ zie, ɛcɛ ɩ̃ bɛ tõ ʋ ɛ. Ʋ ŋma n ziri kʋ̀ nyɩ, ƴãw nyɩ bɛr tɩɛrʋ.

Zeremi 29:8

A Sore, a kpɛnʋ-za-sob, a Ɩsɩrayɛl Naaŋmɩn, cãà na yere à ŋá: “Nyɩ ta sàw a naaŋmɩn-ƴɛ̀r-manbɛ bɛl na be a nyɩ sɔgɔ nɩ a bɛl na mɩ́ bãwnɛ a nɩdaar yele a, bɛ̀lɛ nyɩ ɛ. Nyɩ ta cɛlɛ a bɛlɩ dem na íre a nyɩ zánʋ pɛ́ɛ kʋ̀rɛ nyɩ a zie ɩ.

Zeremi 29:9

A alɩ bome nɛ za bɛ na yere a ɩ̃ yúor ƴãw a ɩ n ziri. Ɩ̃ bɛ tõ bɛ ɩ.” A Sore n'ʋ yel.

Zã 20:21

Ʋ tɩ lɛb'a maal yel bɛ: «A ƴã-ɓaarʋ, ʋ be a nyɩ zie! Mɛ̃ a lɛ a ɩ̃ Sãà na tõ m a, lɛ n'a ɩ̃ mɩ̀ tone nyɩ.»

Nɩ-toni 13:4

A Vʋʋrʋ Sõw na tɩ tõ a Banabasɩ nɩ a Sol à à ŋá a, bɛ tɩ cen nɩ Selesi tɩ kpɛ gbor a be cere Sɩɩpʋr na tɩ be a kʋ̃ɔ-kpɛ̃ɛ sɔgɔ a.

Ʋrɔm 10:15

Ɛ́ ŋmɩŋmɩn n'a bɛ na ɩ hiere a ʋ yele, bɛlɛ bɛ wa tõ nɩbɛ a al ƴãw a? Mɛ̃ a lɛ a Sɛb-sõw na yel a: «Nyɛ̃ a yel-vɩɛlɩ yerbɛ waa na vɩɛl a!»