Zeremi 23:2 - A SƐB-SÕW

² À ŋá n'a a Sore, a Ɩsɩrayɛl Naaŋmɩn, yere a dʋ̃-cɩ̃ɩnbɛ bɛ ŋa ƴãw: «Nyɩ bɛr'ɩ a ɩ̃ dʋn a bɔrɛ ɛ́ yaarɛ a ziir za. Nyɩ bɛ kaa a zie ɩ. A lɛ pʋɔ a, a mãa, ɩ̃ na kaa nɩ a nyɩ zie, a faa nyɩ na maalɩ a zũú, a Sore n'ʋ yel!

Zeremi 23:2 ပူးပေါင်းရင်းမြစ်များ

Eziptɩ tẽw yib 32:34

Ƴɛrɛŋa a, cen tɩ tɛr a nɩbɛ cen nɩ a zie ʋl ɩ̃ na yel kʋ̀ b a. A ɩ̃ malkɩ na de b'ɩ niwn. Mãa ƴãw a, mãa wa wa a bɛ nyɛ́b a ʋlɩ bibir nɛ a, ɩ̃ na dɔwrɩ bɛ nɩ a bɛ yel-bier ƴãw.»

Zeremi 10:21

A nɩ-bɛrɛ nɛbɛ so a ɩ à à ŋá: bɛ ɩ n dãbol-ɩb, bɛ bɛ bɔ a Sore ɩ. Alɛ n'a so bɛ ɩ gù, ɛ́ a nɩbɛ bɛ na kaarɛ a yaarɩ be a ziir za.

Zeremi 11:22

Nyɛ̃ a lɛ a Sore, a kpɛnʋ-za-sob, na yere a: «Ɩ̃ na dɔwr'ɩ a nɩbɛ bɛ ŋa faa faa: a bɛ pɔlbili na kpi n a zɛbr zie, ɛ́ kɔ̃ kʋ a bɛ bidɛbr nɩ a bɛ pɔwyaar.

Zeremi 13:17

Nyɩmɛ bɛ wa bɛr wõ a, ɩ̃ na sɔwl'a kõ a nyɩ pɔ̀l-ɩb ƴãw. Ɩ̃ na kõ na cir mʋta-kʋ̃ɔ yaga, bɛ na diwr a Sore dʋn cere nɩ tẽ-yũo a ƴãw.

Zeremi 13:20

«Zerizalɛm i, dʋɔ a zu jɩ́r nyɛ̃: a fʋ dɔ dem yi n a saa-pɛrɩ́-gʋba-lowr waar. A dʋn ɩ̃ na tɩ kʋ̀ b kɛ́ fʋ kaarɛ a wa? A píir na tɩ so fʋ nyʋʋr a wa?

Zeremi 13:21

Fʋ na yel'a kɛ́ bo a lɛn daar a bɛlɩ dem fʋ na mili nɩ, bɛ ɩ a fʋ bárɩ, nãà wa ìr a fʋ ƴãw bɔbr kɛ́ bɛ tʋ̃ɔ́ fʋ a? Sɩza n'a, fʋ na wone nɩ tuo mɛ̃ pɔw, a ʋ dɔwfʋ daar a.

Zeremi 17:10

A mãa, a Sore, ɩ̃ mɩ́ jiel'ɩ a nɩsaalbɛ za tɩɛrʋ nɩ a bɛ bʋ̃-bɔbrɩ. À ŋá n'a ɩ̃ mɩ́ tʋ̃ɔ́ ya ŋa za man nɩ a ʋ ɩ-ɩrɩ, man nɩ a ʋlɩ bom nɛ a ʋ tome na wa n a.

Zeremi 21:12

Daviir yir nɩbɛ ɛ. À ŋá n'a a Sore yere: Biɓaarɛ za a, nyɩ mɩ́ dɩ a ƴɛ̀rʋ a tu mɩnʋ. Nyɩ mɩ́ faa a sob nɛ bɛ na farɛ a, a sob nɛ na nɛbr ʋ a nuru pʋɔ. Alɛ bɛ ɩ lɛ, a ɩ̃ suur na 'le na mɛ̃ vũu a, ʋ na dɩrɛ na ɛ́ nɩr za kʋ̃ be be kpiir ʋ ɛ, a nyɩ faa nyɩ na maalɩ a zũú.

Zeremi 23:34

Naaŋmɩn-ƴɛ̀r-manɛ, bɩɩ bàwr-maalɛ, bɩɩ nɩ-sãsaralɛ wa ƴɛ̀rɛ “tuor a Sore na tuo ʋ a” ƴɛ̀rʋ a, ɩ̃ na ìr'ɩ a nɩr nɛ nɩ a ʋ yir dem ƴãw.

Zeremi 44:22

A Sore bɛ tɩ tʋ̃ɔ́ nyɔw ʋ tʋɔra a nyɩ ɩ-faa nɩ a yele nyɩ na maalɩ a bɛ maal'ɩ wob a ƴãw ɛ. Alɛ n'a so a nyɩ tẽw lɩɛbɩ debuo, zie na kpɛ faa bɛ cãà tɛr nɩr a, ɛ́ bɛ mɩ́ ŋmɛ ƴãw man nɩ ʋ a. A nɩbɛ za na tʋ̃ɔ́ na cãà nyɛ̃ a, a dɩ̃a.

Zeremi 5:29

A Sore yere na: A bɛ fɛr k'ɩ̃ɩ ìr a bɛ ƴãw ɛ? a bɛ fɛr k'ɩ̃ɩ yáa a san a nɩ-bʋʋr-ŋa-tɔ zie bɩɩ?

Zeremi 5:9

A Sore yere na: A bɛ fɛr k'ɩ̃ɩ dɔwrɩ a nɩbɛ bɛ ŋa faa faa ɛ? A bɛ fɛr k'ɩ̃ɩ yáa a san a nɩ-bʋʋr-ŋa-tɔ zie ɩ?

Zeremi 8:12

Vĩ ɩrɛ bɛ na, bɛ na ɩ ɩ-faar na bɛ maal'ɩ wob a? Towtow! Bɛ bɛ bãw k'aa tɩ sɛw na kɛ́ bɛ sàw a bɛ sãwna ɩ. A Sore yere na: Alɛ n'a so bɛ na lo mɛ̃ a nɩbɛ za a, bɛ na lo n tẽw a lɛn daar ɩ̃ nãà wa ìr a bɛ ƴãw a.»

Ezekɩɛl 34:5

A píir yaar'ɩ a ziir za, a na bɛ tɩ tɛr cɩ̃ɩnɛ a ƴãw, ɛ́ a wɛ-dʋn za za a vɔl.

A naaŋmɩn-ƴèr-manɛ Oze sɛbɛ 2:13

Ɩ̃ na ɩ n a ʋ nʋ̃ɔ̀ za baarɩ, a ʋ cuwr, a ʋ cuw-paalɛ, nɩ a ʋ pɩ̃ɛnʋ-bibie, nɩ a ʋ cuw-bɛrɛ za.

Mise 7:4

A nɩ-vla vla za a bɛ pʋɔ ɩ na mɛ̃ gʋ̀ɔ́ a, ɛ́ a nɩ-mɩŋa za kpɛ faa zuo gɔ-tuw. A nyɩ dɔwrʋ bibir'ɩ ŋan tarɛ, a bibir ʋl a nyɩ zi-piwrbɛ, a naaŋmɩn-ƴɛ̀r-manbɛ, na yel a. Dɛ̃bɩ̃ɛ tĩ na kpɩɛr nyɩ.

Zakari 10:3

«Ɩ̃ nyɛ̃ nɩ nɩ a dʋ̃-cɩ̃ɩ-sãanbɛ suur, bɛl na yel kɛ́ bɛlɛ nɛbɛ kaarɛ a ɩ̃ nɩ-bʋʋrɛ zie a, ɩ̃ na ìr'ɩ a bɛ ƴãw. Sɩza n'a, a mãa, a Sore Kpɛnʋ-za-sob, ɩ̃ na kaa nɩ a ɩ̃ dʋn zie, a Zuda nɩbɛ. Ɩ̃ na tɛr bɛ na cen nɩ a zɛbr zie, mɛ̃ a ɩ̃ wur-yúor a.

Zakari 11:16

Bʋ̃ʋ n'ʋ vɛ̃, ɩ̃ na tõ n dʋ̃-cɩ̃ɩn-sãan a tẽw pʋɔ: ʋ kʋ̃ ŋmɛlɛ kaar a píir al bɛ na na kʋ a ɩ, ʋ kʋ̃ bɔ a al na bɔr a ɩ, ʋ kʋ̃ mɩ́ sanɩ a al na tɛr natɩɛ a ɩ, ʋ kʋ̃ guole a al na cãà kpɛmɛ a ɩ. Ʋ na nɩ̃ɛ na kʋrɛ a al na 'wɔr a 'wɔbr, ɛ́ fowre a a nafɩlɛ.»

Matie 25:36

ɩ̃ tɩ tɛr'ɩ ƴã-gã-zawla, nyɩ kʋ̀ m bʋ̃-suuri, ɩ̃ tɩ ɩ n bàal nyɩ wa nyɛ̃ m, ɩ̃ tɩ be n gaso pʋɔ, nyɩ bɩɛrɩ wa nyɛ̃ m.”

Matie 25:43

ɩ̃ tɩ ɩ n sãan nyɩ bɛ de m a sãanʋ ɛ, ɩ̃ tɩ ɩ n ƴã-gã-zawla, nyɩ bɛ kʋ̀ m bʋ̃-suuri ɛ, ɩ̃ tɩ ɩ n bàal, ɩ̃ tɩ be n gaso pʋɔ, ɛ́ nyɩ bɛ wa wa nyɛ̃ m ɛ.”

Zakɩ 1:27

A Naaŋmɩn Sãà niŋé a, a puoru na vɩɛl ɛ́ ɩ sɩza a n'ɩ ŋa: ɛ́ fʋ kaarɛ a bi-kpebe nɩ a pɔw-kɔbɛ zie a bɛ kpɩɛrʋ pʋɔ, ɛ́ gùre fʋ tʋɔra a tẽ-daa dɛwr za ƴãw.