Zeremi 23:16 - A SƐB-SÕW

¹⁶ À ŋá n'a a Sore, a kpɛnʋ-za-sob yere: «Nyɩ ta bɛrɛ wone a naaŋmɩn-ƴɛ̀r-manbɛ bɛ ŋa ƴɛ̀rʋ ɛ, bɛ bɛlɛ nyɩ na. A yele bɛ na yere kʋ̀rɛ nyɩ a ɩ n a bɛl mɩŋa pʋ-tɩɛrʋ, a bɛ yi a mãa zie ɩ.

Zeremi 23:16 ပူးပေါင်းရင်းမြစ်များ

1 Na-mɩnɛ 22:11

Kenaana bidɛb, Sidikiyahu, na tɩ maalɩ kure ɩ́lɛ́ a, tɩ yere nɩ a Akab zie: «À ŋá n'a a Sore yere: “A fãw fʋ na na tʋ̃ɔ́ nɩ a Siiri zɛbr-nɩbɛ pẽlẽpẽlẽ a, bãwfʋ n'ɩ a ɩ́lɛ́ á ŋá.”»

2 Na-mɩnɛ 17:15

Bɛ tɩ zawr'ɩ a Naaŋmɩn nɛ́ɛ bɛr, nɩ a wõ-taa ʋ na tɩ maal'ɩ a bɛ sãàkʋm-kore a, nɩ a kpaalʋ ʋ na tɩ kpaalɩ bɛ a. Bɛ tɩ tu n ŋmɩmɛ na bɛ ɩ bom za a, mɩ̀ lɩɛbɩ nɩbɛ na bɛ ɩ bom za a. Bɛ tɩ cɔwr'ɩ a nɩ-bʋʋr-yoru na viiri koli bɛ a ɩ-ɩrɩ, a Sore na saa tɩ yel bɛ, kɛ́ bɛ taa ɩrɛ mɛ̃ a bɛl a.

2 Bibie za yel-manɩ 18:5

Lɛ n'a a Ɩsɩrayɛl nãà tɩ ɓã a ʋ naaŋmɩn-ƴɛ̀r-manbɛ kɔbr anaar (400) taa, ɛ́ sowri bɛ: «Tɩ na tʋ̃ɔ́ na cen tɩ zɛb'ɩ a Aramɔtɩ tẽw na be a Galaadɩ a, bɩɩ ɩ̃ lɩɛbɩ bɛr?» Bɛ sɔw: «Fʋ na tʋ̃ɔ́ na cen, Naaŋmɩn na de nɩ a tẽw ƴãw a fʋ nuru pʋɔ.»

Zʋkpaɩ 19:27

Ɩ̃ bie e, fʋ̃ʋ bɛ wa cãà sàwr a kpãàfʋ a, fʋ kʋ̃ lɛb zanɩ bom kãw za ɩ.

Zeremi 14:14

A Sore tɩ sɔw mɛ̃ na: «Ziri n'ɩ a lɛ za a ƴɛ̀r-manbɛ na yere a ɩ̃ yúor ƴãw a. Ɩ̃ bɛ tõ bɛ ɩ, ɩ̃ bɛ yel yel za kʋ̀ bɛ ɩ, ɩ̃ bɛ ƴɛ̀r bɛ zie ɩ. A bɛ bʋ̃-nyɛrɩ ɩ n ziri, a yele bɛ na yere a bɛ tɛr pɛr ɛ, bɛl mɩŋa pʋ-tɩɛrʋ n'a.

Zeremi 2:5

À ŋá n'a a Sore yere: Bʋ̃ʋ n'ʋ a nyɩ sãàkʋm-kore nyɛ̃ a ɩ̃ zie a bɛ sɛw, bɛ pɩl? Bɛ zɔ na tu bʋ̃-zawlɛ pùor mɩ̀ lɩɛbɩ bʋ̃-zawlɛ.

Zeremi 23:21

«Ɩ̃ bɛ tõ a naaŋmɩn-ƴɛ̀r-manbɛ bɛ ŋa ɩ, ɛ́ bɛ zɔrɛ. Ɩ̃ bɛ ƴɛ̀r ƴɛ̀rʋ za a bɛ zie ɩ, ɛ́ bɛ ƴɛ̀rɛ a ɩ̃ yúor ƴãw.

Zeremi 23:26

Debor'a a na ɩ à à ŋá tɩ ta? Bʋ̃ʋ n'ʋ be a naaŋmɩn-ƴɛ̀r-manbɛ bɛ ŋa zuru pʋɔ, bɛ na mɩ́ wa yere yele na ɩ ziri a, nɩ bome bɛl mɩŋa na tɩɛrɩ a?

Zeremi 29:23

A na ɩ n à à ŋá a bɛ zie, bɛ na maalɩ yel-faa na bɛ maal'ɩ wob a Ɩsɩrayɛl tẽw pʋɔ a ƴãw: Bɛ maal'ɩ pɩ̃ɔ-yele nɩ a bɛ taabɛ pɔwbɛ, ɛ́ yel k'aa mãa yúor ƴãw n'a bɛ ƴɛ̀rɛ, ɛ́ a ɩ ziri. Ɛcɛ ɩ̃ bɛ tɩ yel kɛ́ bɛ ɩ bom za ɩ. Ɩ̃ bãw nɩ à á ŋá za, ɛ́ dɩ a dãsɩɛ.”» À à ŋá n'a a Sore yere.

Zeremi 29:8

A Sore, a kpɛnʋ-za-sob, a Ɩsɩrayɛl Naaŋmɩn, cãà na yere à ŋá: “Nyɩ ta sàw a naaŋmɩn-ƴɛ̀r-manbɛ bɛl na be a nyɩ sɔgɔ nɩ a bɛl na mɩ́ bãwnɛ a nɩdaar yele a, bɛ̀lɛ nyɩ ɛ. Nyɩ ta cɛlɛ a bɛlɩ dem na íre a nyɩ zánʋ pɛ́ɛ kʋ̀rɛ nyɩ a zie ɩ.

Zeremi 9:12

A Sore cãà na yere: «Bɛ na zawrɩ a wulu ɩ̃ na tɩ kʋ̀ bɛ a bɛr a n'a so. Bɛ zawr'a na bɛr wõ ɛ́ tu a lɛ za ɩ̃ na tɩ yere kʋ̀rɛ bɛ a.

Zeremi 9:20

«A kũu dúor'ɩ a tɩ tokori-vɛɛ ƴãw kpɩɛr, ʋ kpɩɛr'ɩ a tɩ yir-vɩɛlɩ vɩɛlɩ pʋɔ. Ʋ ŋmɩɛr'ɩ a tɩ bibiir kʋrɛ a sɛ́ɛ zu, ɛ́ ŋmɩɛr a pɔlbili kʋrɛ a tuor-taa ziir.»

A Lãw-mʋɔlɛ 2:9

A tẽ-kpɛ̃ɛ pamɛ sãw na, a Sore kar kár'ɩ a pamɛ bʋ̃-kparɩ bɛr. A ʋ nãà nɩ a ʋ tõ-tõ-bi-bɛrɛ lɩɛb'ɩ nɩ-pàwrɩ a nɩ-bʋʋr-yoru sɔgɔ. Nɩr bɛ cãà be tɩrɛ a Sore wulu ɛ. A naaŋmɩn-ƴɛ̀r-manbɛ tɛɛ za bɛ cãà páwr ƴɛ̀rʋ na yire a Sore zie a ɩ.

Ezekɩɛl 13:16

A Ɩsɩrayɛl naaŋmɩn-ƴɛ̀r-manbɛ na tɩ ƴɛ̀rɛ a Zerizalɛm nɩdaar yele ƴɛ̀rʋ a, bɛ bɛ cãà ɩ. A bɛ bʋ̃-nyɛrɩ tɩ yere na kɛ́ bom za cere nɩ vla. Ɛcɛ bom za bɛ tɩ cere vla ɩ!” À ŋá n'a a Sore Naaŋmɩn yel.»

Ezekɩɛl 13:23

A na ɩ à ŋá a, nyɩ kʋ̃ lɛb mɩ́ tɩɛrɩ yel a nyɩ bʋ̃-nyɛrɩ ɛ, nyɩ kʋ̃ lɛb mɩ́ yel bome na bɛ ɩ sɩza a ɩ. Ɩ̃ na faa nɩ a ɩ̃ nɩ-bʋʋrɛ a nyɩ nuru pʋɔ, ɛ́ nyɩ na bãw na kɛ́ mãa n'ɩ a Sore.»

Ezekɩɛl 13:3

À ŋá n'a a mãa, a Sore Naaŋmɩn, ƴɛ̀rɛ: Baw-bio dem'ɩ a naaŋmɩn-ƴɛ̀r-man-gẽgemi dem bɛl na bɛ mɩ́ nyɛ̃ bom za ɛ́ tuur a bɛ tɩɛrʋ a.

Ezekɩɛl 13:6

Bɛ mɩ́ tɩɛr'a yel a bɛ bʋ̃-nyɛrɩ ɛ́ mɩ́ yel bome na bɛ ɩ sɩza a. Bɛ mɩ́ yel'a: “A Sore yel'a”. Ɛcɛ a mãa Sore, ɩ̃ bɛ mɩ́ tõ bɛ ɩ. Bɛ mɩ́ tɩɛr k'ɩ̃ɩ na tu n a bɛ ƴɛ̀rʋ pùor!

Ezekɩɛl 22:28

A bɛ naaŋmɩn-ƴɛ̀r-manbɛ bʋl'ɩ à á ŋá za pàw. Bɛ mɩ́ tɩɛr'ɩ bʋ̃-nyɛrɩ yel, ɛ́ manɩ yele na bɛ ɩ sɩza a. Bɛ mɩ́ yel'a: “À ŋá n'a a Sore Naaŋmɩn yere”. Ɛcɛ ɩ̃ bɛ ƴɛ̀r bɛ zie ɩ.

Mise 2:11

Nɩr'ɩ ŋa ta, ƴɛ̀rɛ ƴɛ̀r-zawlɛ, ɛ́ ŋmarɛ ziri yere nɩ: «Ɩ̃ yere na kʋ̀rɛ nyɩ, nyɩ na páw nɩ divɛ̃ nɩ dã-kpɛn!» A lɛn daar a, ʋ na ɩ n a nɩbɛ bɛ ŋa kã-kanɛ.

Matie 7:15

«Nyɩ gùre nyɩ tʋɔra a naaŋmɩn-ƴɛ̀r-man-bɛlɛbɛlɛ mɩnɛ ƴãw. Bɛ mɩ́ sɔwl'ɩ bɛ tʋɔra ɩ mɛ̃ pi-nyan a, waar a nyɩ zie, ɛcɛ a bɛ pʋ̃ɔmɩ bɛ ɩ wɛ-bà-karɩ.

Ʋrɔm 1:21

Bʋ̃ʋ n'ʋ vɛ̃, bɛ bãw nɩ a Naaŋmɩn ɛ́ bɛ zɛw a ʋ yúor-vɩɛlʋ-danʋ ɛ, bɛ puor'ʋ yãanɩ na sɛw taa nɩ ʋ a ɩ. A bɛ tɩɛrʋ nɩ̃ɛ na lɩɛbɩ tɩɛr-zawlɛ, ɛ́ a bɛ gẽgẽ-yã be lige pʋɔ ʋ za.

1 Zã 4:1

Ɩ̃ bá mɩnɛ ɛ, nyɩ ta mɩ́ sàw de a bɛlɩ dem za na mɩ́ yel kɛ́ bɛ tɛr'ɩ Naaŋmɩn Vʋʋrʋ a ɩ. Ɛcɛ, nyɩ mɩ́ ɩ bɛ kaa nyɛ̃ a vʋʋrʋ bɛ na tɛr a wa sɩrɩ yi a Naaŋmɩn zie a. Bʋ̃ʋ n'ʋ vɛ̃, naaŋmɩn-ƴɛ̀r-man-bɛlbɛlbɛ yɛ́r a pàw a tẽ-daa.