Zeremi 23:14 - A SƐB-SÕW

¹⁴ Ɛcɛ a Zerizalɛm naaŋmɩn-ƴɛ̀r-manbɛ zie, ɩ̃ nyɛ̃ nɩ yele na kpɛ faa ɩrɛ dɛ̃bɩ̃ɛ a: bɛ maalɛ nɩ pɩ̃ɔ-yele, bɛ vʋʋrɛ nɩ a gɛgɛrʋ pʋɔ, ziri n'ɩ a bɛ bom, bɛ mɩ́ tɩ̀ɛ nɩ a bɛlɩ dem na maalɛ a faa a. A na ɩ à ŋá a, nɩr za kʋ̃ tʋ̃ɔ́ lɛb bɛr a faa maalʋ ɛ. Mãa zie a, bɛ za ŋmɛ̃ na mɛ̃ a Sodɔm tẽw dem a. A Zerizalɛm tẽw dem ŋmɛ̃ na mɛ̃ a Gomɔɔr tẽw dem a.»

Zeremi 23:14 ပူးပေါင်းရင်းမြစ်များ

Yele-za-pɛr-tib 13:13

A Sodɔm tẽw dem bɛ tɩ ɩrɛ vla towtow ɛ, ɛ́ tɩ maalɛ yel-bi-bɛrɛ sãwnɛ nɩ a Sore pʋɔ.

Yele-za-pɛr-tib 18:20

Lɛ n'a a Sore tɩ yel a Abraham: «A Sodɔm nɩ a Gomɔɔr sãwna bɛ na yere a kpɛ n faa yaga, ɛ́ a bɛ yel-bebe bɛrmɛ yaga za.

Yele-za-pɛr-tib 19:24

A lɛ n'a a Sore tɩ ɩ cirbi nɩ vũu yi a salom zu siw a Sodɔm nɩ a Gomɔɔr zu mɛ̃ saa a.

Yele-za-pɛr-tib 19:25

Ʋ tɩ dam'ɩ a ten á ŋá nyaw taa, nɩ a nɩbɛ na kpɩɛr a pʋɔ a, nɩ a vuo ʋl za, nɩ a tẽsɔw bʋ̃-buli za.

Ɩzayi 9:15

A nɩbɛ bɛ ŋa wul-wulbɛ tuli bɛ na, a bɛlɩ dem bɛ na wule a lo sɔr-faa.

Zeremi 14:14

A Sore tɩ sɔw mɛ̃ na: «Ziri n'ɩ a lɛ za a ƴɛ̀r-manbɛ na yere a ɩ̃ yúor ƴãw a. Ɩ̃ bɛ tõ bɛ ɩ, ɩ̃ bɛ yel yel za kʋ̀ bɛ ɩ, ɩ̃ bɛ ƴɛ̀r bɛ zie ɩ. A bɛ bʋ̃-nyɛrɩ ɩ n ziri, a yele bɛ na yere a bɛ tɛr pɛr ɛ, bɛl mɩŋa pʋ-tɩɛrʋ n'a.

Zeremi 18:13

A lɛ pʋɔ a, à ŋá n'a a Sore yere: «Nyɩ sowri a nɩ-bʋʋr-yoru za pʋɔ nyɛ̃: nyɩ dãw na wõ a yele á ŋá taabɛ ɛ? A Ɩsɩrayɛl sɩrɩ na ɩ ɩ-faa na bɛ maal'ɩ wob a.

Zeremi 20:16

A nɩr ŋa, ʋ ŋmɛ̃ taa nɩ a tẽ-bɛrɛ a Sore na sãw bɛr a baarɩ a. A biɓaara a, ʋ mɩ́ wone kon cɛlsɩ, ɛ́ a mʋ̃tɔ̃-tuo ʋ wone zɛbr cɛlsɩ!

Zeremi 23:17

Bɛ mɩ́ nyɔw nɩ nyãa ɛ́ yel kʋ̀ a bɛlɩ dem na ɩrɛ mɛ̃ laar a à ŋá: “A Sore yel'a: A yele za na ɩ n vla a nyɩ zie!” Ɛ́ yel a bɛlɩ dem na tuur a bɛl mɩŋa pʋ-tɩɛrʋ tɛwr a: “Faa kʋ̃ páw nyɩ ɛ.”

Zeremi 23:22

Bɛlɛ tɩ be a ɩ̃ yã-wulbɛ kpaarʋ pʋɔ a, bɛ nãà ɩ na a ɩ̃ nɩbɛ bãw a ɩ̃ ƴɛ̀rʋ, bɛ nãà ɩ na a nɩbɛ bɛr a bɛ sɔr-faa nɩ a bɛ ɩ-faar bɛ na ɩrɛ a.»

Zeremi 23:32

Ɩ̃ na ìr'ɩ a bɛ ƴãw. A bɛ zánʋ ɩ n ziri tɛwr. Bɛlɛ wa manɛ a a, bɛ mɩ́ bɛlɛ nɩ a nɩbɛ nɩ a bɛ ƴɛ̀r-ziri nɩ a bɛ ƴɛ̀r-zawlɛ. Mãa a, ɩ̃ bɛ yel kɛ́ bɛ ɩ bom ɛ. Bɛ bɛ tɛr yel-ɩra kãw za a ɩ̃ nɩbɛ zie ɩ.» A Sore n'ʋ yel.

Zeremi 29:21

À ŋá n'a a Sore, a kpɛnʋ-za-sob, a Ɩsɩrayɛl Naaŋmɩn, yere a Kolaya bidɛb, Akab, nɩ a Maaseya bidɛb, Sedesɩasɩ, ƴãw. Bɛ za ayi yel'a kɛ́ a Sore yúor ƴãw n'a bɛ ƴɛ̀rɛ, ɛ́ a ɩ ziri: “Ɩ̃ na ƴãw bɛ nɩ a Babɩlɔn tẽw nãà, Nabikodonozɔɔr, nuru pʋɔ, ʋ ƴãw bɛ kʋ bɛ a nyɩ mimirí.

Zeremi 29:23

A na ɩ n à à ŋá a bɛ zie, bɛ na maalɩ yel-faa na bɛ maal'ɩ wob a Ɩsɩrayɛl tẽw pʋɔ a ƴãw: Bɛ maal'ɩ pɩ̃ɔ-yele nɩ a bɛ taabɛ pɔwbɛ, ɛ́ yel k'aa mãa yúor ƴãw n'a bɛ ƴɛ̀rɛ, ɛ́ a ɩ ziri. Ɛcɛ ɩ̃ bɛ tɩ yel kɛ́ bɛ ɩ bom za ɩ. Ɩ̃ bãw nɩ à á ŋá za, ɛ́ dɩ a dãsɩɛ.”» À à ŋá n'a a Sore yere.

Zeremi 36:2

«De gan-sɛbɛ na na tʋ̃ɔ́ pili a, sɛb a ʋ pʋɔ, a ƴɛ̀rʋ al za ɩ̃ na ƴɛ̀r càar'ɩ a Ɩsɩrayɛl naalʋ-tẽw, a Zuda naalʋ-tẽw nɩ a tẽ-yoru a, a na tĩ a lɛn daar ɩ̃ na ƴɛ̀r a fʋ zie, a Zozɩasɩ naalʋ-dɩb daar, wa tɔ a dɩ̃a a.

Zeremi 49:18

A Sore yere na: A na ɩ na mɛ̃ a lɛ a Sodɔm, a Gomɔɔr, nɩ a tẽ-bɛrɛ na pɩɛlɩ a a, na tɩ dam nyaw taa a. Nɩr za kʋ̃ cãà kpɩɛr a be towtow ɛ, nɩsaal za kʋ̃ lɛb vʋʋrɩ a be ɩ.»

A Lãw-mʋɔlɛ 4:6

A ɩ̃ nɩ-bʋʋrɛ sãwna kpɛ n faa zuo a Sodɔm tẽw dem yel-bebe. A tẽw ŋa wa sãw nɩ fɔ̃wlɛ ɛ́ nuru bɛ dam a ʋ pʋɔ ɩ.

Ezekɩɛl 13:16

A Ɩsɩrayɛl naaŋmɩn-ƴɛ̀r-manbɛ na tɩ ƴɛ̀rɛ a Zerizalɛm nɩdaar yele ƴɛ̀rʋ a, bɛ bɛ cãà ɩ. A bɛ bʋ̃-nyɛrɩ tɩ yere na kɛ́ bom za cere nɩ vla. Ɛcɛ bom za bɛ tɩ cere vla ɩ!” À ŋá n'a a Sore Naaŋmɩn yel.»

Ezekɩɛl 13:19

Nyɩ jewre mɛ̃ nɩ a ɩ̃ nɩ-bʋʋrɛ niŋé, nũ-kue ɔɔzʋ bɩɩ bʋ̃-dɩrɩ blã tɛwr ƴãw. Nyɩ ŋmarɛ nɩ ziri kʋ̀rɛ a ɩ̃ nɩ-bʋʋrɛ bɛ sàwr a nyɩ ziri. Lɛ n'a nyɩ mɩ́ ɩ a bɛl na bɛ sɛw kɛ́ bɛ kpi a, bɛ kpi, ɛ́ ƴãw a bɛl na bɛ sɛw kɛ́ bɛ vʋʋrɛ a, bɛ vʋʋrɛ!

Ezekɩɛl 22:25

A bɛ nɩ-bɛrɛ ŋmɛ̃ na mɛ̃ wɛ-baar na ùore ɛ́ tawr a dʋ̃w a na nyɔw a ɓɛlɛ a. Bɛ kʋrɛ nɩ nɩbɛ, zure a bɛ taabɛ na-bome nɩ a bɛ tɛra, ɩrɛ a pɔw-kɔbɛ nʋɔr dɔwlɛ.

A naaŋmɩn-ƴèr-manɛ Oze sɛbɛ 6:10

A Ɩsɩrayɛl yir pʋɔ a, ɩ̃ nyɛ̃ nɩ yele na bɛ maal'ɩ wob a: a Efarayim nɩ-fa-ɩb mar'ɩ a Ɩsɩrayɛl.»

Amɔsɩ 4:11

«Ɩ̃ ŋmɛ n bom za nyaw taa a nyɩ zie, mɛ̃ a lɛ ɩ̃ na tɩ dãw ɩ a Sodɔm nɩ a Gomɔɔr ten a. Nyɩ ŋmɛ̃ na mɛ̃ dà-ŋmãa bɛ na ír vũumí bɛr a. Ɛcɛ nyɩ bɛ lɛb wa a ɩ̃ zie ɩ.» A Sore n'ʋ yel.

Mise 1:5

A Zakɔb bʋʋrɛ bɛ-wonu, a Ɩsɩrayɛl yir dem yel-bebe n'a so à á ŋá za. Ãa n'ʋ so a Zakɔb bʋʋrɛ bɛ-wonu? A Samaari tẽw bɛ n'ʋ ɛ? Ãa n'ʋ so a Zuda nɩbɛ na ƴãwnɛ a tɩbɛ a? A Zerizalɛm tẽw bɛ n'ʋ ɛ?

Mise 3:11

Nʋɔr'ʋ bɛ mɩ́ ŋmɛ a ƴɛ̀r-dɩrbɛ bɛ dɩ a ƴɛ̀rʋ, tɔnɛ ƴãw n'a a bàwr-maalbɛ wule, libie ƴãw n'a a naaŋmɩn-ƴɛ̀r-manbɛ bãwnɛ a nɩdaar yele. Ɛcɛ à á ŋá za a, a Sore ƴãw n'a bɛ mɩ́ ɩrɛ ƴãwn yere nɩ: «A Sore be n a tɩ sɔgɔ, yel-faa za bɛ páwr tɩ ɛ.»

Sofoni 3:4

A ʋ naaŋmɩn-ƴɛ̀r-manbɛ ɩ n nɩbɛ na mɩ́ pɔrɛ, ɛ́ bɛ̀lɛ nɩbɛ a. A ʋ bàwr-maalbɛ bɛ ƴãwnɛ a bʋ̃-son ɛ. Bɛ bɛ mɩ́ tuur a Naaŋmɩn wulu ɛ.

Zakari 13:2

A Sore, a Kpɛnʋ-za-sob, yere na: «A lɛn daar a, ɩ̃ na ír'ɩ a tɩbɛ za bɛr ɛ́ nɩr kʋ̃ cãà pore a yúor ɛ. Ɩ̃ mɩ̀ na diw nɩ a naaŋmɩn-ƴɛ̀r-man-ziri dem bɛr a tẽw pʋɔ, ɛ́ ɩ nyɩ bɛ cãà nɔnɛ a tɩbɛ maalʋ ɛ.

Malasɩ 1:1

Ƴɛ̀rʋ ŋa n'ʋ a Sore ƴãw Malasɩ ƴɛ̀r kʋ̀ a Ɩsɩrayɛl nɩbɛ.

Matie 11:24

Lɛ so, ɩ̃ yere kʋ̀rɛ nyɩ, a ƴɛ̀rʋ-dɩb bibir a, a Sodɔm dɔwrʋ kʋ̃ ta a fʋ dem ɛ.»

Wulu-ayi-sob 32:32

Bɛl ƴãw a, bɛ bɛ sa a Sodɔm nɩ a Gomɔɔr ten dem ɛ. Bɛ ŋmɛ̃ na taa nɩ divɛ̃ tɩɛ, na na wɔnɛ wɔ̃-tuor na tɛr lɔw a,

1 Timote 4:2

A zir-ŋmarbɛ na mɩ́ sɔwlɛ a bɛ pʋ-tɩɛrʋ a na taw bɛ na bɔr'ɩ, a zir-ŋmarbɛ bɛ ŋa tɩɛrʋ bɛ na cɩr bãwfʋ ƴãw nɩ kure na mʋ̃ɔ vũumí a.

2 Pɩɛr 2:6

A pùorí, ʋ ƴãw nɩ dɔwrʋ a Sodɔm nɩ a Gomɔɔr ten. Ʋ ƴãw na vũu dɩ a kʋmkʋm, k'aa wul k'aa ŋa n'a a nãà ŋmɛ̃ a nɩ-faar za zie.

A sɛb-tʋɔla a Zid na sɛb kʋ̀ a Naaŋmɩn nɩ-bʋʋrɛ a 1:7

A Sodɔm nɩ a Gomɔɔr nɩ a tẽ-kpɔwlɩ nɩbɛ tɩ tɛr'ɩ ɩ-faar mɛ̃ a malkɩ mɩnɛ bɛ ŋa a, ɛ́ tɩ bɔbr a lãw-taa na bɛ tu sɔ́r a. Naaŋmɩn ƴãw bɛ nɩ dɔwrʋ nɩ vũu na bɛ tɛr kpiiru a, k'aa ɩ wulu a nɩbɛ za zie.

Yel-wula 11:8

A bɛ kũuni na gã nɩ a tẽ-kpɛ̃ɛ laɩ pʋɔ, a be bɛ na kpa a bɛ Sore a da-gara zu a. Bɛ bʋɔlɛ nɩ a tẽw ʋl kɛ́ Sodɔm nɩ Eziptɩ, ʋ ɩ zʋkpar'ʋ bɛ mɩ́ lɔb.

Yel-wula 19:20

Bɛ tɩ nyɔw nɩ a wɛ-dʋ̃w, lãwnɩ a ƴɛ̀r-man-bɛlɛbɛlɛ na tɩ maalɩ nɔ-ɓãa-yele a ʋ niŋé, bɛ̀lɩ nyɔw nɩ a bɛlɩ dem na tɩ tɛr a wɛ-dʋ̃w bãwfʋ a bɛ zu, ɛ́ gbĩ dume puori a ʋ dasule a. Bɛ tɩ lɔb'ɩ bɛ za ayi a mimir ƴãw a cirbi vũu gbãtar-kpɛ̃ɛ pʋɔ.

Yel-wula 21:8

Ɛcɛ, a dɛ̃bɩ̃ɛ dem a, a bɛlɩ dem na lɛb pùor a, a nɩ-faar, a nɩ-kʋrbɛ, a pɩ̃ɔ-yel-maalbɛ, a tɩtɩlbɛ a, a bɛlɩ dem na maalɛ a tɩbɛ a, nɩ a zir-ŋmarbɛ za a, a bɛ zie n'ɩ a cirbi vũu gbãtar-kpɛ̃ɛ: a kũu-gb'a ayi sob'ʋ.»

Yel-wula 22:15

Ɛcɛ, a nɩ-faar na bɛ tɛr ŋmɛ̃a a, a tɩtɩlbɛ, a pɩ̃ɔ-yel-maalbɛ, a nɩ-kʋrbɛ, a bɛl na maalɛ a tɩbɛ a, a bɛlɩ dem na nɔnɛ a ziri ŋmab ŋmarɛ a ziri a, bɛ be yẽw!