Zeremi 22:22 - A SƐB-SÕW

²² Sɛsɛb de nɩ a fʋ nɩ-bɛrɛ za cen nɩ, bɛ diw nɩ a fʋ nɩ-nɔnɩ cen nɩ tẽ-yũo. A fʋ̃ʋ a, a fʋ yúor na sãw na, vĩ na nyɔw fʋ nɩ a faa al za fʋ na maalɩ a zũú.

Zeremi 22:22 ပူးပေါင်းရင်းမြစ်များ

Ɩzayi 64:6

Nɩr bɛ cãà bʋɔlɛ a fʋ yúor ɛ, nɩr bɛ cãà ganɛ ìre sowre a fʋ yele ɩ. Bʋ̃ʋ n'ʋ vɛ̃, fʋ bɛ cãà bɔbr a tɩ nyɛ́b ɛ, ɛ́ bɛr tɩ kʋ̀ a tɩ ɩ-faar a so tɩ.

Ɩzayi 65:13

Alɛ n'a so ɩ̃ yere à ŋá, a mãa, a Sore Naaŋmɩn: a ɩ̃ tõ-tõ-biir na mɩ́ dɩ na, ɛ́ a nyɩɩm a, nyɩ na mɩ́ bãw nɩ a kɔ̃. A ɩ̃ tõ-tõ-biir na mɩ́ nyũ na, ɛ́ a nyɩɩm a, kʋ̃ɔ-nyúur na mɩ́ kpɛ nyɩ na. Nʋ̃ɔ̀ na mɩ́ ɩrɛ nɩ a ɩ̃ tõ-tõ-biir, ɛcɛ a nyɩɩm a, vĩ na mɩ́ nyɔw nyɩ na.

Zeremi 10:21

A nɩ-bɛrɛ nɛbɛ so a ɩ à à ŋá: bɛ ɩ n dãbol-ɩb, bɛ bɛ bɔ a Sore ɩ. Alɛ n'a so bɛ ɩ gù, ɛ́ a nɩbɛ bɛ na kaarɛ a yaarɩ be a ziir za.

Zeremi 12:10

Dʋ̃-cɩ̃ɩnbɛ yaga sãw nɩ a ɩ̃ divɛ̃ tɩɩr púo bɛr, bɛ nɛb nɛb'ɩ a ɩ̃ púo nɩ gbɛ́ɛ, ɩ a po-vla ŋa lɩɛbɩ zi-kpalɛ na ɩrɛ nɩbaalʋ a.

Zeremi 2:36

Nyɛ̃ lɩɛrʋ fʋ na mɩ́ lɩɛrɩ a fʋ kpɛ-ta-tɔ mɔlɛ lɛ a! Ɛcɛ fʋ nyɛ̃ nɩ vĩ a Eziptɩ tẽw mɛ̃ a lɛ fʋ na tɩ nyɛ̃ a vĩ a Asiiri tẽw a.

Zeremi 2:37

Fʋ mɩ̀ na yi n a tẽw ŋa pʋɔ tuo nuru zũú, bʋ̃ʋ n'ʋ vɛ̃, a mãa Sore a, ɩ̃ bɛ nɔnɛ a tɩɛfʋ ŋa bʋʋrɛ fʋ na bɔbr a ɩ. À ŋá bɛ n'a a yele na ɩ vla a fʋ zie ɩ.»

Zeremi 2:8

A bàwr-maalbɛ bɛ sowri kɛ́: “Nyɩnɛ n'a a Sore be ɩ?” A Wulu bãw-bãw-karɩ bɛ bãw mɛ̃ ɩ. A nɩ-bɛrɛ gaar'ɩ a ɩ̃ zu, a ƴɛ̀r-manbɛ ƴɛ̀r'ɩ a ŋmɩn Báàl yúor ƴãw, bɛ zɔ na tu bʋ̃-zawlɛ pùor.

Zeremi 20:11

Ɛcɛ a Sore lãw nɩ mɛ̃ na mɛ̃ zɛbr-nɩr na kpɛmɛ a. A bɛlɩ dem za na dɔwrɛ mɛ̃ a na lo na, bɛ kʋ̃ tʋ̃ɔ́ ɩ a lɛ bɛ na tɩ́ɛrɛ a ɩ. Vĩ na nyɔw bɛ na, bɛ na gúu a. A na ɩ bɛ nɩ vĩ kʋralɛ, ɛ́ nɩr za kʋ̃ yiiri ʋ bɛr ɛ.

Zeremi 30:14

A fʋ sɛnbɛ za yiire fʋ na bɛrɛ, bɛ bɛ cãà ŋmɛlɛ kaar fʋ ɛ. Zerizalɛm i, ɩ̃ ŋmɛ b'a, mɛ̃ ɩ̃ ɩ n a fʋ dɔ̃ sob a, ɩ̃ kpãa fʋ nɩ faa faa.

Zeremi 4:30

Ɛcɛ a fʋ̃ʋ, Zerizalɛm i, bʋ̃ʋ n'ʋ fʋ na ɩ? Fʋ su n pɛn-vɩɛlɩ vɩɛlɩ, ƴãw salm-zɩɛ pɩ̃ɛmɛ, ɛ́ ƴãw mimi-laara yɛ̀lɩ nɩ a fʋ mimie. Ɛcɛ zawla n'a fʋ maalɛ fʋ tʋɔra kɛ́ fʋ vɩɛl, a bɛlɩ dem na zɔrɛ tuur fʋ a jewre fʋ na, a fʋ kũu n'a bɛ bɔbr.

Zeremi 5:13

A naaŋmɩn-ƴɛ̀r-manbɛ ɩ n sɛsɛb! Naaŋmɩn bɛ ƴɛ̀r a bɛ zie ɩ. A faa ƴɛ̀rʋ bɛ na ƴɛ̀rɛ a, a lɛb lo a bɛ zu!»

Zeremi 7:19

A Sore yere na: «Mãa n'ʋ bɛ ɩrɛ a kpɩɛr ɩ? Aɩ, a bɛl tɛɛ za nɛbɛ, ɛ́ a tɩ sɛw na k'aa ɩrɛ bɛ vĩ.»

A naaŋmɩn-ƴèr-manɛ Oze sɛbɛ 12:1

A Sore yere na: A Efarayim nɩbɛ ŋmãa na jil mɛ̃ nɩ ziri, ɛ́ a Ɩsɩrayɛl nɩbɛ tɛr bɛ̀lʋ-ɩb viiri koli nɩ mɛ̃. Ɛcɛ Zuda ʋl cãà na lãwnɩ a Naaŋmɩn, ɛ́ tu a Sonu-za-sob bɛ lɛb pùor ɛ.

A naaŋmɩn-ƴèr-manɛ Oze sɛbɛ 13:15

A Efarayim yele za saa maalɛ vla a ʋ yɛbr sɔgɔ a, ɛcɛ saa-pɛrí sɛsɛb na wa na, Sore sɛsɛb na yi wɛja-kpalɛ pʋɔ a na wa na wa ɩ a bul-nɛ́ɛ nɩ a kʋ̃ɔ-'wɔ̃wfʋ zie a ko gã. Bɛ na faa nɩ a na-bome za, a bʋ̃-vɩɛlɩ vɩɛlɩ za cen nɩ.

A naaŋmɩn-ƴèr-manɛ Oze sɛbɛ 4:19

Sɛsɛb-pɩl na ɓáw bɛ na cere nɩ, ɛ́ a bɛ bàwr na ɩrɛ bɛ nɩ vĩ.

Zakari 11:17

Baw-bio sob'ɩ a pi-cɩ̃ɩn-dãbol sob na zawrɛ a ʋ píir bɛrɛ a! A ʋ kpãkpãw nɩ a ʋ dʋrʋ mimir, a sãw a zɛbr zie! A ʋ kpãkpãw ʋ kpi ʋ za, a ʋ dʋrʋ mimir, ʋ ta cãà nyɛrɛ towtow ɛ!

Zakari 11:8

Cuw-been pʋɔ a, ɩ̃ diw nɩ cɩ̃ɩnbɛ ata bɛr. Al pùorí, ɩ̃ tɩ bàl'ɩ a ɩ̃ píir ƴãw, ɛ́ a ɩ̃ píir mɩ̀ bàl a ɩ̃ ƴãw.