Zeremi 22:20 - A SƐB-SÕW

²⁰ «Zerizalɛm i, do a Libã tãw zu tɩ lɔbr cɛlsɩ, ɩ bɛ wõ a fʋ kɔkɔr a Basan tã-sɛr zu. Lɔbr cɛlsɩ a Avarim tan zu, a fʋ sɛnbɛ za na bɛ cãà be a ƴãw.

Zeremi 22:20 ပူးပေါင်းရင်းမြစ်များ

2 Na-mɩnɛ 24:7

A Eziptɩ tẽw nãà ʋl a, ʋ bɛ tɩ cãà yire a ʋ tẽw pʋɔ nɩ a ʋ zɛbr-nɩbɛ ɩ. Bʋ̃ʋ n'ʋ vɛ̃, a Babɩlɔn tẽw nãà tɩ faa nɩ a ziir al za ʋ na tɩ dãw so a, a Eziptɩ saa-pɛrɩ́-gʋba-lowr tʋr-bɔw tɩ tɔ a Babɩlɔn man Efaratɩ.

Ɩzayi 57:13

Fʋ̃ʋ wa kone bɔbr'ɩ sõwfʋ a, a fʋ tɩbɛ fʋ na wob ɓã taa a, a faa fʋ! A sɛsɛb na wob a nɩ a za cen nɩ, pɩɛlʋ na pɛbl'a na tɔl'ɩ. Ɛcɛ sob nɛ na na zɔ kpɛ a ɩ̃ naayir a na páw nɩ a tẽw ʋ ɩ a ʋ sób, ʋʋ na so nɩ a ɩ̃ tãw-sõw.

Zeremi 2:25

“Maal ɩrɛ, Ɩsɩrayɛl i! Fʋ na ƴãw nɩ a fʋ gbɛ́ɛ bàalʋ ɛ́ a fʋ kɔkɔr ko.” Ɛcɛ fʋ sɔw na: “Nyɩ ta dɩ tuo bàlɛ nyɩ tʋɔra ɩ! Ɩ̃ nɔnɛ nɩ a ŋmɩn-sãanbɛ ɛ́ bɔbr k'ɩ̃ɩ tu a!”

Zeremi 2:36

Nyɛ̃ lɩɛrʋ fʋ na mɩ́ lɩɛrɩ a fʋ kpɛ-ta-tɔ mɔlɛ lɛ a! Ɛcɛ fʋ nyɛ̃ nɩ vĩ a Eziptɩ tẽw mɛ̃ a lɛ fʋ na tɩ nyɛ̃ a vĩ a Asiiri tẽw a.

Zeremi 2:37

Fʋ mɩ̀ na yi n a tẽw ŋa pʋɔ tuo nuru zũú, bʋ̃ʋ n'ʋ vɛ̃, a mãa Sore a, ɩ̃ bɛ nɔnɛ a tɩɛfʋ ŋa bʋʋrɛ fʋ na bɔbr a ɩ. À ŋá bɛ n'a a yele na ɩ vla a fʋ zie ɩ.»

Zeremi 22:22

Sɛsɛb de nɩ a fʋ nɩ-bɛrɛ za cen nɩ, bɛ diw nɩ a fʋ nɩ-nɔnɩ cen nɩ tẽ-yũo. A fʋ̃ʋ a, a fʋ yúor na sãw na, vĩ na nyɔw fʋ nɩ a faa al za fʋ na maalɩ a zũú.

Zeremi 25:9

ɩ̃ na tõ na bɛ tɩ bʋɔlɩ a Saa-pɛrɩ́-gʋba-lowr nɩbɛ za, lãwnɩ a ɩ̃ tõ-tõ-bie, a Nabikodonozɔɔr, a Babɩlɔn tẽw nãà. Ɩ̃ na ɩ na bɛ wa a tẽw ŋa nɩ a ʋ nɩbɛ nɩ a tẽ-kpɔwlɩ za na viiri koli ʋ a ƴãw. Ɩ̃ na kʋ nyɩ na pàw pɛr, a bɛl nɩ a nyɩɩm, ɩ̃ɩ na ɩ n a tẽw ŋa yie lɩɛbɩ deboru gã kʋralɛ, bɛ mɩ́ nyɛ̃ ŋmɩɛr pʋl-vʋ̃ɔ cɛlsɩ.

Zeremi 3:1

A Sore yel'a: A ɩ mɛ̃ dɛb zawr'ɩ a ʋ pɔw bɛr, ʋ yi a ʋ zie tɩ kul dɛb-yũo a, ʋ tɛr'ɩ sɔ́r na lɛb kul a pɔw ŋa a? Ʋ̃ʋ'hʋ̃! A tẽw na dɛw nɩ ʋ za. Ɛcɛ a fʋ̃ʋ a, Ɩsɩrayɛl i, fʋ tõ n pɔw-yɛm tome nɩ nɩ-yaga ɛ́ bɔbr kɛ́ fʋ lɛb wa a ɩ̃ zie! A Sore n'ʋ yel.

Zeremi 4:30

Ɛcɛ a fʋ̃ʋ, Zerizalɛm i, bʋ̃ʋ n'ʋ fʋ na ɩ? Fʋ su n pɛn-vɩɛlɩ vɩɛlɩ, ƴãw salm-zɩɛ pɩ̃ɛmɛ, ɛ́ ƴãw mimi-laara yɛ̀lɩ nɩ a fʋ mimie. Ɛcɛ zawla n'a fʋ maalɛ fʋ tʋɔra kɛ́ fʋ vɩɛl, a bɛlɩ dem na zɔrɛ tuur fʋ a jewre fʋ na, a fʋ kũu n'a bɛ bɔbr.

A Lãw-mʋɔlɛ 1:19

Ɩ̃ tɩ bʋɔl'ɩ a bɛlɩ dem na nɔnɛ mɛ̃ a, ɛcɛ, bɛ tɩ bɛ̀lɩ mɛ̃ na. A ɩ̃ bàwr-maalbɛ nɩ a ɩ̃ yã-wulbɛ tɩ kpi n a tẽ-kpɛ̃ɛ pʋɔ, a lɛn daar bɛ na tɩ bɔbr a bʋ̃-dɩrɩ, kɛ́ bɛ dɩ lɛb páw fãw a.

A Lãw-mʋɔlɛ 1:2

Ʋ mɩ́ kõ n a tɩ̃ɩsɔw a ʋ kɔ́rɛ za tɩ vʋɔrɛ mʋta-kʋ̃ɔ. A bɛlɩ dem za na tɩ nɔnɛ ʋ a pʋɔ a, nɩr bɛ ka be mɔwlɛ ʋ ɛ. A ʋ bárɩ za mɩl ʋ na, ƴɛrɛŋa a, bɛ lɩɛb'ɩ a ʋ dɔ̃ dem.

Ezekɩɛl 23:22

Alɛ n'a so a mãa Sore Naaŋmɩn, ɩ̃ yere à ŋá kʋ̀rɛ fʋ: Ɩ̃ na dɔ n a fʋ sɛnbɛ ƴãw fʋ, a bɛl fʋ na tɛr lɛɛ tɩ jewre a. Ɩ̃ na ɩ na bɛ yi a ziir za wa ɓã taa a fʋ ƴãw.

Ezekɩɛl 23:9

Lɛ n'a ɩ̃ tɩ jɛ ʋ bɛr a ʋ sɛnbɛ nuru pʋɔ, a Asiiri tẽw dem ʋ na tɩ nɔnɛ a.

Ezekɩɛl 27:6

Bɛ cɛ n Basan tẽw sɛn tɩɩr kɛ́ bɛ maal'ɩ a fʋ vue. Bɛ maal'ɩ a fʋ gàr nɩ sɛɛdɩr tɩɩr na yi Gɩrɛkɩ mɩnɛ kʋ̃ɔ-kpɛ̃ɛ-sɔgɔ-ten, ɛ́ bɛ ƴãw wɔb nyɩmɛ pɩ̃ɛmɛ a.

Sɔr-nɛ́ɛ 27:12

A Sore tɩ yel'ɩ a Moyiir à ŋá: «Do a Avarim tã-kɔlkɔl zu ɛ́ jɩ́r a tẽw ɩ̃ na kʋ̀rɛ a Ɩsɩrayɛl nɩbɛ a.

Wulu-ayi-sob 32:49

«Cen a Avarim tã-kɔlkɔl zu, a Mowab tẽw, na tori a Zeriko a. Do a Nebo tãw nyʋɔrɩ́, ɛ́ jɩ́r a Kanãa tẽw ɩ̃ na kʋ̀rɛ a Ɩsɩrayɛl nɩbɛ kɛ́ bɛ so a.