Zeremi 22:2 - A SƐB-SÕW

² Fʋ na tɩ yel'a: “A fʋ̃ʋ, Zuda tẽw nãà, na zɩ̃ a Daviir naalʋ-dà-kɔw zu a, a fʋ̃ʋ, a fʋ tõ-tõ-bi-bɛrɛ nɩ a fʋ nɩbɛ za na tuur a dɩ̃dɛɛ á ŋá ƴãw kpɩɛr a, nyɩ wone a Sore ƴɛ̀rʋ.”

Zeremi 22:2 ပူးပေါင်းရင်းမြစ်များ

1 Na-mɩnɛ 22:19

Ɛcɛ a Mise tɩ lɛb'a yel: «Bɛrɛ wone a lɛ a Sore na yere a. Bʋ̃ʋ n'ʋ vɛ̃, ɩ̃ nyɛ̃ nɩ a Sore ʋ zɩ̃ a ʋ naalʋ-dà-kɔw zu, ɛ́ a ʋ tõ-tõ-biir za, a salom zu, àr a ʋ dʋrʋ lowr nɩ a ʋ gʋba lowr.

Ɩzayi 1:10

Nyɩ bɛrɛ wone a Sore ƴɛ̀rʋ, Sodɔm tẽw nɩ-bɛrɛ ɛ, nyɩ ƴãw tobr a tɩ Naaŋmɩn wulu ƴãw, Gomɔɔr tẽw nɩ-faar i!

Ɩzayi 28:14

Nyɩ bɛrɛ wone a Sore ƴɛ̀rʋ, nyɩɩm nɩ-ɩ-laarbɛ na kaarɛ a Zerizalɛm nɩbɛ bɛ ŋa zie a:

Ɩzayi 9:7

A Sore ƴɛ̀r'ɩ ƴɛ̀rʋ a Zakɔb bʋʋrɛ ƴãw, a ƴɛ̀rʋ lo n a Ɩsɩrayɛl naalʋ-tẽw zu.

Zeremi 13:18

Yel kʋ̀ a nãà nɩ a nãà mã: «Nyɩ zɩ̃ tẽw, bʋ̃ʋ n'ʋ vɛ̃, a nyɩ nãà-kpawɔ-vla yi n a nyɩ zũú lo.

Zeremi 19:3

Fʋ na tɩ yel'a: A nyɩɩm Zuda tẽw na-mɩnɛ nɩ a nyɩɩm na kpɩɛr a Zerizalɛm a, nyɩ bɛrɛ wone a Sore ƴɛ̀rʋ. À ŋá n'a a Sore, a kpɛnʋ-za-sob, a Ɩsɩrayɛl Naaŋmɩn, yere: Ɩ̃ na ɩ na kɛ̀ dɔwrʋ na ɩ dɔwrʋ a páw a tẽw ŋa, kɛ̀ pʋl-vʋ̃ɔ mɩ́ nyɔw nɩr na na wone bɛ ƴɛ̀rɛ a ʋ ƴɛ̀rʋ a.

Zeremi 22:1

À ŋá n'a a Sore tɩ yel a Zeremi: «Siw a Zuda tẽw nãà yir. A be a, tɩ ƴɛ̀r a ƴɛ̀rʋ ŋa.

Zeremi 22:4

Nyɩmɛ wa sɩrɩ ɩrɛ à à ŋá a, na-mɩnɛ na be n be kʋralɛ zɩnɛ a Daviir naalʋ-dà-kɔw zu, ɛ́ mɩ́ zɔm wur bɩɩ kpɛ zɛbr-torko pʋɔ cɔlɛ nɩ. Bɛ na cãà na tuur a dɩ̃dɛɛ á ŋá ƴãw kpɩɛr, a bɛl, a bɛ tõ-tõ-bi-bɛrɛ nɩ a nɩbɛ.

Zeremi 29:20

Nyɩɩm bɛ na diw cen nɩ a, nyɩɩm a Sore na ír a Zerizalɛm cen nɩ a Babɩlɔn a, nyɩ bɛrɛ wone a Sore ƴɛ̀rʋ!

Zeremi 34:2

«À ŋá n'a a Sore, a Ɩsɩrayɛl Naaŋmɩn, yere: Cen tɩ páw a Zuda tẽw nãà, Sedesɩasɩ, yel ʋ: à ŋá n'a a Sore yere: Ɩ̃ na ƴãw nɩ a tẽ-kpɛ̃ɛ ŋa a Babɩlɔn tẽw nãà nuru pʋɔ, ʋ nyɩw ʋ bɛr.

Zeremi 36:30

A na ɩ à ŋá a, à ŋá n'a a Sore yere: “A Yoyakim kʋ̃ tɛr nɩr a ʋ yir pʋɔ, ʋ lɩɛr'ʋ ɩ a nãà a Daviir naalʋ-tẽw pʋɔ ɩ. Ʋlɛ wa kpi a, a ʋ kũu na gã nɩ yẽw, a mʋ̃tɔ̃w tʋlʋ pʋɔ, nɩ a tɩ̃ɩsɔw ƴawr pʋɔ.

Zeremi 7:2

Àr a Ŋmɩn-yir-kpɛ̃ɛ dɩ̃dɔr ƴãw, ɛ́ hieri a ƴɛ̀rʋ á ŋá a be: «Nyɩ bɛrɛ wone a Sore ƴɛ̀rʋ, a nyɩɩm Zuda tẽw nɩbɛ za na tuur a dɩ̃dɔr ŋa ƴãw kpɩɛr a ɩ̃ puoru a.

Ezekɩɛl 34:7

Alɛ n'a so, Ɩsɩrayɛl tẽw pi-cɩ̃ɩnbɛ ɛ, nyɩ bɛrɛ wone a lɛ ɩ̃ na yere a.

Amɔsɩ 7:16

Ɛ́ fʋ̃ʋ Amasɩa, fʋ bɛ sàwr k'ɩ̃ɩ manɩ a lɛ a Naaŋmɩn na tɩɛrɛ a Ɩsɩrayɛl ƴãw a ɩ, fʋ bɛ sàwr k'ɩ̃ɩ yel a Ɩzaakɩ yir sãwna ɩ. A na ɩ à ŋá a, bɛr wõ a Sore ƴɛ̀rʋ ŋa:

Luka 1:32

Ʋ na ɩ n kpɛ̃ɛ, bɛ na bʋɔlɛ ʋ nɩ Naaŋmɩn-na-do-saa-bɛ-pɩɛl-a Bie. A Sore Naaŋmɩn na de nɩ a ʋ sãà Daviir naalʋ-dà-kɔw kʋ̀ ʋ.