Zeremi 22:18 - A SƐB-SÕW

¹⁸ A na ɩ à ŋá a, à ŋá n'a a Sore yere a Zozɩasɩ bidɛb, Yoyakim, na ɩ a Zuda tẽw nãà a ƴãw: «A ʋ kũu daar a, bɛ kʋ̃ kõ lãwnɩ yel: “'Woi, ɩ̃ yɛb i! 'Woi, ɩ̃ yeepuule e!” Bɛ kʋ̃ kõ lãwnɩ yel: “'Woi, ɩ̃ Zu-sob i! 'Woi, ɩ̃ Nãà a!”

Zeremi 22:18 ပူးပေါင်းရင်းမြစ်များ

2 Samɩɛl 1:26

Zonatã a, kpɩɛrʋ bɛ n'a tɛr mɛ̃ a fʋ ƴãw ɛ, fʋ̃ʋ ɩ̃ yɛb, ɩ̃ bá-tuo o. A fʋ báalʋ a ɩ̃ zie tɩ nʋmɛ na bɛ dɩ vuo ɩ, ʋ tɩ nʋmɛ na zuo pɔwbɛ nɔ̃wfʋ.

1 Na-mɩnɛ 13:30

Ʋ tɩ ƴãw ʋ nɩ a ʋl mɩŋa yaa pʋɔ, ɛ́ a nɩbɛ kone ʋ yere nɩ: «'Woi! A ɩ̃ yɛb kpi na wɛ!»

2 Na-mɩnɛ 23:36

A Yoyakim tɩ tɛr'ɩ yome lɩzɛr'ɩ anũu, a lɛn daar ʋ na tɩ lɩɛbɩ a nãà a, ɛ́ dɩ a naalʋ yome pie nɩ been, a Zerizalɛm. A mã tɩ dɩ na kɛ́ Zevida, ɛ́ ɩ Pedaya, na yi Uruma a, pɔwyaa.

2 Na-mɩnɛ 23:6

Ʋ tɩ ƴãw na bɛ ɓáw a Asera dà-bara yi n a Ŋmɩn-yir-kpɛ̃ɛ pʋɔ. Bɛ tɩ yi na zaa nɩ a Zerizalɛm pʋɔ, tɩ nyɩw bɛr a Sedrɔ̃ bà-fʋɔla pʋɔ, ʋ dɩ kʋmɔkʋmɔ, bɛ wob a tãpɛlʋ tɩ cir bɛr a zie ʋl bɛ na ũùne a nɩbɛ za a.

2 Na-mɩnɛ 24:6

A Yoyakim na wa kpi cen tɩ páw a ʋ sãà mɩnɛ a, a ʋ bidɛb, Yoyakin, n'ʋ lɩɛr'ʋ dɩ a naalʋ.

1 Bibie za yel-manɩ 3:15

Zozɩasɩ bidɛbr: a bidɛb-dãw Yohanan, a ayi sob Yoyakim, a ata sob Sedesɩasɩ, a anaar sob Salum.

2 Bibie za yel-manɩ 35:25

A naaŋmɩn-ƴɛ̀r-manɛ Zeremi tɩ kõ n lãw-mʋɔlɛ a Zozɩasɩ ƴãw. A lɛn daar za wa tɩ tɔ a dɩ̃a a, a yiel-yielbɛ dɛbr nɩ pɔwbɛ za, ƴɛ̀rɛ nɩ a Zozɩasɩ ƴɛ̀rʋ a bɛ lãw-mʋɔlɛ pʋɔ. Bʋ̃ʋ n'ʋ vɛ̃, a tɛr'ɩ lɛɛɛ, tɩ ɩ ɩb ɩrɛ a Ɩsɩrayɛl tẽw. A lãw-mʋɔlɛ á ŋá ƴɛ̀r-bie be n a lãw-mʋɔlɛ sɛbɛ pʋɔ.

2 Bibie za yel-manɩ 36:5

A Yoyakim tɩ tɛr'ɩ yome lɩzɛr'ɩ anũu a lɛn daar ʋ na lɩɛbɩ a nãà a. Ʋ tɩ dɩ n a naalʋ yome pie nɩ been a Zerizalɛm, ɩ a lɛ na bɛ pɛlɩ a Sore ʋ Naaŋmɩn pʋɔ a.

Zeremi 16:4

Bɛ na kpi n kũu-tuo. Nɩr kʋ̃ kõ a bɛ kuor ɛ, nɩr kʋ̃ ũù bɛ ɩ. Bɛ na lɩɛb'ɩ pʋɔrʋ a tẽw zu. Bɛ na kpi n zɛbr nɩ kɔ̃ kũu: a bɛ kũuni na lɩɛb'ɩ sidume nɩ gbõgbo-cili dɩb.»

Zeremi 16:6

A tẽw ŋa pʋɔ a, a na-mɩnɛ nɩ a nan dem na kpi na, ɛ́ nɩr kʋ̃ ka be ũù bɛ ɩ, nɩr za kʋ̃ kõ bɛ ɩ. Nɩr kʋ̃ cɩr cɩr a ʋ ƴã-gan bɩɩ fɔr a ʋ zu wul'ɩ a ʋ pʋ-sãwna ɩ.

Zeremi 21:11

Ƴɛ̀rʋ na ƴɛ̀r kʋ̀ a Zuda tẽw nãà yir dem a. Nyɩ bɛrɛ wone a Sore ƴɛ̀rʋ,

Zeremi 22:10

Zuda tẽw dem i, nyɩ ta kone a sob nɛ na kpi a ɩ, a nãà Zozɩasɩ, nyɩ ta kone ʋ ɛ. Nyɩ nɩ̃ɛ kone a sob nɛ na cere a, a nãà Salum. Bʋ̃ʋ n'ʋ vɛ̃, ʋ kʋ̃ lɛb wa ɩ, ʋ kʋ̃ lɛb nyɛ̃ a ʋ tẽ-dɔwra ɩ.

Zeremi 22:12

Ʋ na tɩ kpi n a be bɛ na diw ʋ cen nɩ a, ʋ kʋ̃ lɛb nyɛ̃ a tẽw ŋa ɩ.»

Zeremi 34:5

Fʋ na kpi na nɩ ƴã-ɓaarʋ. Bɛ na nyɩw nɩ a parfɛ̃ a fʋ ƴãw, mɛ̃ a lɛ bɛ na tɩ nyɩw a, a fʋ sãà mɩnɛ ƴãw a, a bɛl na de niwn dɩ a naalʋ a fʋ ƴãw a. Bɛ na kõ n à ŋá a fʋ ƴãw: “'Woi! A nãà kpi na wɛ!” A mãa Sore, mãa n'ʋ yere kʋ̀rɛ fʋ.»

Zeremi 36:30

A na ɩ à ŋá a, à ŋá n'a a Sore yere: “A Yoyakim kʋ̃ tɛr nɩr a ʋ yir pʋɔ, ʋ lɩɛr'ʋ ɩ a nãà a Daviir naalʋ-tẽw pʋɔ ɩ. Ʋlɛ wa kpi a, a ʋ kũu na gã nɩ yẽw, a mʋ̃tɔ̃w tʋlʋ pʋɔ, nɩ a tɩ̃ɩsɔw ƴawr pʋɔ.