Zeremi 22:15 - A SƐB-SÕW

¹⁵ Fʋ nɔ̃w bɔbr'a kɛ́ fʋ wul fʋ na ɩ nãà, a sɛɛdɩr tɩɛ dàa fʋ na kaa ír kɛ́ fʋ wul'ɩ fʋ tʋɔra a bɩɩ? A fʋ sãà bɛ tɩ dɩrɛ ɛ́ nyúur bɩɩ? Ɛcɛ ʋ tɩ ɩrɛ nɩ a lɛ-na-tu-sɔr-a, ɛ́ tuur a mɩnʋ. Ɛ́ a yele za tɩ cere nɩ vla a ʋ zie.

Zeremi 22:15 ပူးပေါင်းရင်းမြစ်များ

2 Samɩɛl 8:15

A Daviir tɩ dɩ n a naalʋ a Ɩsɩrayɛl nɩbɛ za zu. Ʋ tɩ kaarɛ nɩ ʋ a nɩ-bʋʋrɛ za zie mɛ̃ a lɛ a na tu sɔ́r nɩ mɩnʋ a.

1 Na-mɩnɛ 10:9

A Sore, fʋ Naaŋmɩn, tɛr'ɩ puoru, ʋl na sàw kaa ír fʋ kɛ́ fʋ dɩrɛ naalʋ a Ɩsɩrayɛl zu a. A Sore na nɔnɛ a Ɩsɩrayɛl nɩbɛ kʋralɛ a n'a so ʋ ƴãw fʋ ɩ a bɛ nãà, kɛ́ fʋ tʋ̃ɔ́ ɩ a lɛ-na-tu-sɔr-a nɩ a mɩnʋ a be be.»

2 Na-mɩnɛ 22:2

A Zozɩasɩ tɩ ɩ n a lɛ na vɩɛl a, a Sore zie. Ʋ tɩ tu n a ʋ sãàkʋm-kʋra Daviir sɔ́r, ɛ́ bɛ bɩɛ dʋrʋ bɩɩ gʋba ɩ.

2 Na-mɩnɛ 23:25

Nãà bɛ tɩ de niwn a Zozɩasɩ ƴãw tu a Sore nɩ ʋ socir za, nɩ ʋ sɩ́ɛ za, nɩ ʋ fãw za, mɛ̃ a lɛ a Moyiir wulu na yel a ɩ. Ʋʋ mɩ̀ bɛ lɛb tɩ ka be a ʋ pùorí ɛ.

1 Bibie za yel-manɩ 3:15

Zozɩasɩ bidɛbr: a bidɛb-dãw Yohanan, a ayi sob Yoyakim, a ata sob Sedesɩasɩ, a anaar sob Salum.

2 Bibie za yel-manɩ 34:2

Ʋ tɩ ɩ n a lɛ na pɛlɩ a Sore pʋɔ a, ɛ́ cɔwrɩ a ʋ sãàkʋm-kʋra bɛ bɩɛ dʋrʋ bɩɩ gʋba ɩ.

2 Bibie za yel-manɩ 35:22

Ɛcɛ a Zozɩasɩ bɛ tɩ sàw lɩɛbɩ bɛr ɛ, bʋ̃ʋ n'ʋ vɛ̃, ʋ tɩ bɔbr'ɩ vo-vla ʋ na na zɛb'ɩ ʋ a. Lɛ n'a ʋ bɛ tɩ bɛr wõ a ƴɛ̀rʋ a Naaŋmɩn na tɩ ƴãw a Neko ƴɛ̀r a ɩ, ɛ́ tɩ cen tɩ ŋmãa nɩ ʋ a zɛbr a Megido tɩ̃tal pʋɔ.

2 Bibie za yel-manɩ 35:26

A Zozɩasɩ yele al na cɛ a, a tib daar tɩ ta n a baarʋ daar a, a be n a Ɩsɩrayɛl nɩ a Zuda na-mɩnɛ sɛbɛ pʋɔ. Bɛ man nɩ a sɛbɛ ŋa pʋɔ a lɛ a Zozɩasɩ na tu a lɛ na sɛb ƴãw a Sore wulu pʋɔ bɛ lɛb pùor a.

Zʋkpaɩ 20:28

A nɔ̃wfʋ ɩb nɩ a pùor-bɛ-lɛbrʋ mɩ́ gù n a nãà. A nɔ̃wfʋ ɩb'a na tʋ̃ɔ́ ɩ a ʋ naalʋ tɛr fãw.

Zʋkpaɩ 21:3

Fʋ na tuur a mɩnʋ nɩ a lɛ-na-tu-sɔr-a, alɛ n'a a Sore nɔnɛ zuo a bagɛ.

Zʋkpaɩ 25:5

Ír a nɩ-faar bɛr a nãà niŋé, ʋʋ na tɛr'ɩ fãw a ʋ naalʋ-dɩb pʋɔ, ʋ na tuur a mɩnʋ a ƴãw.

Zʋkpaɩ 29:4

Nãà na ɩrɛ lɛ-na-tu-sɔr-a mɩ́ ɩ na a ʋ tẽw àr vla. Ɛcɛ a ʋl na nɔnɛ a zuru-yar ƴãwfʋ a mɩ́ sãw ʋ na bɛr.

Zʋkpaɩ 31:9

Mɩ́ háa a fʋ nʋɔr dɩ n a ƴɛ̀rʋ nɩ mɩnʋ, ɛ́ mɩ́ ƴɛ̀r faa a bãbàalbɛ nɩ a nan dem.

Ekilezɩasɩ 10:17

Zu-nʋ̃ɔ̀ tẽw n'ɩ a tẽw ʋl a nãà na ɩ nɩ-yúor pɛr, ɛ́ a ʋ tõ-tõ-bi-bɛrɛ mɩ́ dɩ a bɛ bʋ̃-dɩrɩ a daar ʋl na sɛw taa nɩ a. Bɛ mɩ́ dɩ na kɛ́ bɛ tʋ̃ɔ́ lɛb páw fãw, a bɛ mɩ́ ɩ nyũ-kuol ƴãw n'a ɩ.

Ekilezɩasɩ 2:24

A nɩsaal bʋ̃-vla yõ n'ɩ k'ʋʋ dɩrɛ, k'ʋʋ nyuur ɛ́ wone nʋ̃ɔ̀ nɩ a ʋ tome tɔnɛ. A mãa a, ɩ̃ nyɛ̃ na kɛ́ Naaŋmɩn n'ʋ mɩ̀ mɩ́ tɩr a lɛ.

Ɩzayi 3:10

Nyɩ na tʋ̃ɔ́ na yel: a nɩ-mɩŋa tɛr'ɩ zu-nʋ̃ɔ̀, bʋ̃ʋ n'ʋ vɛ̃, ʋ na nyɛ̃ nɩ a ʋ ɩ-ɩrɩ maalʋ.

Ɩzayi 33:16

A nɩr ŋa na kpɩɛr'ɩ ziir na kɛrɩ a. Pìe na ɩ zɛbr-yir-kpɛn a n'a na ɩ a ʋ sɔwlʋ zie. Ʋ na mɩ́ nyɛ̃ nɩ bʋ̃-dɩra, ʋ kʋ̃ mɩ́ bɔ kʋ̃ɔ gù ɛ.

Ɩzayi 9:7

A Sore ƴɛ̀r'ɩ ƴɛ̀rʋ a Zakɔb bʋʋrɛ ƴãw, a ƴɛ̀rʋ lo n a Ɩsɩrayɛl naalʋ-tẽw zu.

Zeremi 21:12

Daviir yir nɩbɛ ɛ. À ŋá n'a a Sore yere: Biɓaarɛ za a, nyɩ mɩ́ dɩ a ƴɛ̀rʋ a tu mɩnʋ. Nyɩ mɩ́ faa a sob nɛ bɛ na farɛ a, a sob nɛ na nɛbr ʋ a nuru pʋɔ. Alɛ bɛ ɩ lɛ, a ɩ̃ suur na 'le na mɛ̃ vũu a, ʋ na dɩrɛ na ɛ́ nɩr za kʋ̃ be be kpiir ʋ ɛ, a nyɩ faa nyɩ na maalɩ a zũú.

Zeremi 22:18

A na ɩ à ŋá a, à ŋá n'a a Sore yere a Zozɩasɩ bidɛb, Yoyakim, na ɩ a Zuda tẽw nãà a ƴãw: «A ʋ kũu daar a, bɛ kʋ̃ kõ lãwnɩ yel: “'Woi, ɩ̃ yɛb i! 'Woi, ɩ̃ yeepuule e!” Bɛ kʋ̃ kõ lãwnɩ yel: “'Woi, ɩ̃ Zu-sob i! 'Woi, ɩ̃ Nãà a!”

Zeremi 22:3

À ŋá n'a a Sore yere: nyɩ ɩrɛ a lɛ-na-tu-sɔr-a, ɛ́ tuur a mɩnʋ. Nyɩ ta dɔwrɛ ɛ́ ta ɩrɛ a kpɩɛr a nʋʋrɩ, a bi-kpebe nɩ a pɔw-kɔbɛ ɩ. Nyɩ ta cãà kʋrɛ nɩbɛ na bɛ tɛr sãwna a, a zie ŋa pʋɔ ɩ.

Zeremi 23:5

A Sore yere na: «A bibir vɩɛrɛ na, ɩ̃ na ɩ Daviir bi-mɩŋa dɔw. Ʋ na ɩ n nãà na bãw a naalʋ-dɩb a, ʋ na ɩrɛ nɩ a lɛ-na-tu-sɔr-a, ɛ́ tuur a mɩnʋ a tẽw pʋɔ.

Zeremi 42:6

Tɩ tone fʋ na kɛ́ fʋ tɩ sowri a Sore tɩ Naaŋmɩn. Tɩ na ɩ n a lɛ ʋ na na yel kʋ̀ tɩ a, a nʋmɛ nɩ a tɩ zie bɩɩ a bɛ nʋmɛ a tɩ zie a. Lɛ n'a bom za na ɩ vla a tɩ zie, tɩ na na bɛr wõ a Sore tɩ Naaŋmɩn a ƴãw.»

Zeremi 7:5

Nyɩ nɩ̃ɛ ɩ a nyɩ cenu nɩ a nyɩ ɩ-ɩrɩ a vɩɛl dɔwlɩ. A nyɩ cara pʋɔ a, nyɩ mɩ́ ɩrɛ a lɛ-na-tu-sɔr-a.

Luka 11:41

Nyɩ nɩ̃ɛ de a nyɩ koli-nyúura pʋɔ bome nɩ a nyɩ laar pʋɔ bome sõw nɩ nɩ-kɔmɛ, ɛ́ bom za na ɩ n bʋ̃-vla a nyɩ zie.

Nɩ-toni 2:46

Bibi-vɩɛrɩ za, bɛ mɩ́ tɩ lãw nɩ soci-been cere nɩ a Ŋmɩn-yir-kpɛ̃ɛ pʋɔ bɛ tɛr nawfʋ ɛ, bɛ mɩ́ tɩ lãw na ŋmarɛ a dipɛ̃ pone a yie pʋɔ, ɛ́ lãw dɩrɛ a bɛ bʋ̃-dɩrɩ nɩ nʋ̃ɔ̀ nɩ pʋ-pɩɛlʋ.

1 Korɛ̃tɩ 10:31

A na ɩ à ŋá a, dɩb'a nyɩ dɩrɛ bɩɩ nyub'a nyɩ nyúur a, bom nɛ za nyɩ na ɩrɛ a, nyɩ ɩrɛ a za a Naaŋmɩn yúor-vɩɛlʋ-danʋ ƴãw.

Wulu-ayi-sob 4:40

Nyɩ sàwr a ʋ wulu nɩ a ʋ nɛ-ƴãwnɩ ɩ̃ na kʋ̀rɛ nyɩ a dɩ̃a a. Lɛ n'a a nyɩɩm nɩ a nyɩ bʋʋrɛ a pùorí, nyɩ na kpɛ a tẽw a Sore nyɩ Naaŋmɩn na kʋ̀rɛ nyɩ a baarɩ a cɛlɩ.