Zeremi 22:10 - A SƐB-SÕW

¹⁰ Zuda tẽw dem i, nyɩ ta kone a sob nɛ na kpi a ɩ, a nãà Zozɩasɩ, nyɩ ta kone ʋ ɛ. Nyɩ nɩ̃ɛ kone a sob nɛ na cere a, a nãà Salum. Bʋ̃ʋ n'ʋ vɛ̃, ʋ kʋ̃ lɛb wa ɩ, ʋ kʋ̃ lɛb nyɛ̃ a ʋ tẽ-dɔwra ɩ.

Zeremi 22:10 ပူးပေါင်းရင်းမြစ်များ

2 Na-mɩnɛ 22:20

Alɛ n'a so ɩ̃ na bɛr fʋ, fʋ lɛb cen tɩ páw a fʋ sãà mɩnɛ, ɛ́ siw a bɔw pʋɔ nɩ ƴã-ɓaarʋ, ɛ́ bɛ nyɛ̃ a faa al za ɩ̃ na na ɩ a páw a Zerizalɛm a ɩ.”» A bàwr-maal-kara Hɩlkɩahu nɩ a ʋ taabɛ tɩ lɛb'a wa n a sɔwfʋ ŋa, wa yel kʋ̀ a nãà Zozɩasɩ.

2 Na-mɩnɛ 23:29

A ʋ naalʋ-dɩb daar'a a Faarawɔ̃ Neko, a Eziptɩ nãà, tɩ cere a Efaratɩ man lowr k'ʋʋ tɩ sõw a Asiiri tẽw nãà. A nãà Zozɩasɩ tɩ cen na k'ʋʋ tɩ ŋmãa ʋ a sɔ́r. Ɛcɛ a Eziptɩ tẽw nãà na dɛ tɩ nyɛrɛ ʋ wa báarɛ a, ʋ kʋ ʋ nɩ a Megido.

2 Bibie za yel-manɩ 36:4

Al pùorí, a Eziptɩ tẽw nãà tɩ kaa na ír a Yoakaazɩ yɛb Elɩakɩm ʋ ɩ a Zuda nɩ a Zerizalɛm nãà, ɛ́ lɩɛrɩ a ʋ yúor, ƴãw ʋ dɩ Yoyakim. Ɛ́ a ʋ yɛb Yoakaazɩ ʋl a, a Neko tɩ tɛr ʋ na cen nɩ a Eziptɩ tẽw.

Ekilezɩasɩ 4:2

Mãa zie a, a nɩ-kũuni tɛr'ɩ zu-nʋ̃ɔ̀ zuo a nɩ-vʋʋrɩ.

Ɩzayi 57:1

Bɛ kʋrɛ nɩ a nɩ-mɩn, ɛ́ nɩr bɛ cɛlɛ be ɩ. A nɩ-vɩɛlɩ báarɛ na, ɛ́ nɩr bɛ bãwnɩ a ɩ. Ʋ̃ʋ, a nɩ-mɩn báarɛ na a nɩ-faar po-tuolu zũú.

Zeremi 16:7

Nɩr za kʋ̃ ka be lãw dɩ nɩ a kuor yir dem, mɔwlɩ bɛ ɩ. Nɩr mɩ̀ kʋ̃ kʋ̀ bʋ̃-nyúuri a bɛlɩ dem sãà mɩnɛ bɩɩ mã mɩnɛ na kpi a, tʋ̃ɔ́ mɔwlɩ bɛ ɩ.»

Zeremi 22:11

À ŋá n'a a Sore yere a Salum ƴãw, a Zuda tẽw nãà, na tɩ lɩɛrɩ a ʋ sãà Zozɩasɩ, ɛ́ bɛ cãà a ka a: «Ʋ kʋ̃ lɛb wa ɩ.

Zeremi 22:18

A na ɩ à ŋá a, à ŋá n'a a Sore yere a Zozɩasɩ bidɛb, Yoyakim, na ɩ a Zuda tẽw nãà a ƴãw: «A ʋ kũu daar a, bɛ kʋ̃ kõ lãwnɩ yel: “'Woi, ɩ̃ yɛb i! 'Woi, ɩ̃ yeepuule e!” Bɛ kʋ̃ kõ lãwnɩ yel: “'Woi, ɩ̃ Zu-sob i! 'Woi, ɩ̃ Nãà a!”

Zeremi 22:27

Nyɩ na bɔbr'a nɩ a nyɩ fãw za kɛ́ nyɩ lɛb wa a nyɩ tẽw, ɛcɛ nyɩ kʋ̃ lɛb wa ɩ.”»

Zeremi 25:27

A Sore tɩ ƴãw na ɩ̃ yel bɛ: «À ŋá n'a a Sore, a kpɛnʋ-za-sob, a Ɩsɩrayɛl Naaŋmɩn, yere: Nyɩ nyúur, nyɩ kuole, nyɩ tire, nyɩ lore taa lɛbr ìre ɩ, nyɩ na na nyɛ̃ a alɩ bome nɛ za ɩ̃ na na sãw a nyɩ sɔgɔ a.»

Zeremi 28:4

Ɩ̃ mɩ̀ na tɛr'ɩ a Yoyakim bidɛb, Yekonɩa, na ɩ a Zuda tẽw nãà a, lãwnɩ a bɛlɩ dem za bɛ na diw a Zuda tẽw cen nɩ a Babɩlɔn a, lɛb wa n —a Sore n'ʋ yel—, sɩza, ɩ̃ na sãw nɩ a Babɩlɔn tẽw nãà fãw ʋ na dĩ nɩ nyɩ mɛ̃ na-kʋ́ɔra-dàa a bɛr.”»

Zeremi 42:18

A Zeremi tɩ cãà na yel: «À ŋá n'a a Sore, a kpɛnʋ-za-sob, a Ɩsɩrayɛl Naaŋmɩn, yere: “Mɛ̃ a lɛ a ɩ̃ su-tʋlʋ na tɩ ìr a Zerizalɛm nɩbɛ ƴãw a, lɛ mɩ̀ n'a ɩ̃ na bɛr a ɩ̃ su-tʋlʋ ʋ ìr a nyɩ ƴãw, nyɩmɛ wa cen a Eziptɩ tẽw a. Lɛ n'a bɛlɛ wa ŋmɩɛr ƴãwn, bɛlɛ wa ƴɛ̀rɛ bom na kpɛ faa bɛ maal'ɩ wob, bɩɩ bom na ɩ bʋ̃-ŋmɛ-ƴãwna ƴɛ̀rʋ, bɩɩ bɛlɛ wa bɔbr kɛ́ bɛ ƴãw nɩr vĩ a, nyɩmɛ nɛbɛ bɛ na mɩ́ de man nɩ. Ɛ́ nyɩ kʋ̃ lɛb nyɛ̃ a tẽw ŋa towtow ɛ.”»

Zeremi 44:14

A Zuda tẽw nɩbɛ bɛl na cɛ, ɛ́ zɔ wa kpɩɛr a naayir a Eziptɩ tẽw ka a, nɩr kʋ̃ tʋ̃ɔ́ zɔ a bɛ pʋɔ ɩ, nɩr bɛ cɩ̃ɛnɛ ɩ, nɩr bɛ lɛb waar a Zuda tẽw bɛ na bɔbr kɛ́ bɛ lɛb wa kpɩɛr a ɩ. Bɛ bɛ lɛbr waar ɛ, alɛ bɛ ɩ nɩbɛ blãlɛ tɛwr nãà wa cɩ̃ɛ a ɩ.”»

A Lãw-mʋɔlɛ 4:9

A zɛbr zie kũu sa n a kɔ̃ kũu na mɩ́ ɩ fʋ sɩrɛ tɩ baarɩ, a bʋ̃-dɩrɩ na bɛ ka be a ƴãw a.

Ezekɩɛl 24:16

«A fʋ̃ʋ nɩsaal bie, ɩ̃ na ùr'a ír a sob nɛ fʋ na mɩ́ nyɛ̃ nʋ̃ɔ̀ ɩrɛ fʋ a. Ɛcɛ fʋ kʋ̃ maalɩ a ʋ kuor ɛ, fʋ kʋ̃ tɛr a 'woi 'woi ɛ, ɛ́ kʋ̃ kõ ɩ.

Luka 23:28

A Yeezu tɩ lɩɛb'a yel bɛ: «Zerizalɛm pɔwbɛ ɛ, nyɩ ta kone mãa ƴãw ɛ! Nyɩ kone a nyɩɩm mɩŋa ƴãw, nɩ a nyɩ bibiir ƴãw.