Zeremi 21:7 - A SƐB-SÕW

⁷ À á ŋá za pùorí a, a Sore n'ʋ yere, ɩ̃ na de nɩ a Zuda tẽw nãà, Sedesɩasɩ, a ʋ tõ-tõ-bi-bɛrɛ nɩ a nɩbɛ na na cãà vʋʋrɛ a tẽ-kpɛ̃ɛ ŋa pʋɔ, bɛ tʋ̃ɔ́ kpi a jɛ̀lmɛ̃ bàalʋ kũu, a zɛbr nɩ a kɔ̃ kũu a, ƴãw a Babɩlɔn tẽw nãà nuru pʋɔ. Ɩ̃ na de bɛ na ƴãw a bɛ dɔ̃ dem nɩ a bɛlɩ dem na tɩ bɔbr a bɛ kʋb a nuru pʋɔ. A Nabikodonozɔɔr na ƴãw na bɛ kʋ kʋ bɛ. Ʋ kʋ̃ tɛr nɩbaal-zɔba ɩ, ʋ kʋ̃ jɩɩrɩ nɩr za bɛr ɛ, ʋ kʋ̃ sàw bɛ ɓaalɩ ʋ ɛ.”»

Zeremi 21:7 ပူးပေါင်းရင်းမြစ်များ

Ɩzayi 27:11

A wuli wa kò a, a mɩ́ kar'a lo, pɔwbɛ wa nyɩw a. A nɩ-bʋʋrɛ bɛ ŋa bɛ tɛr yã ɩ. Alɛ so a sob nɛ na ír bɛ a bɛ zɔrɛ bɛ nɩbaalʋ ɛ, a sob nɛ na maalɩ bɛ a bɛ dɩrɛ suur kʋ̀rɛ bɛ ɩ.

Ɩzayi 47:6

Ɩ̃ tɩ nyɛ̃ nɩ nɩ a ɩ̃ nɩ-bʋʋrɛ suur. Lɛ n'a ɩ̃ bɛ tɩ tɛr ƴãwfʋ ɩb kãw za a nɩbɛ ɩ̃ na so a zie ɩ, ɛ́ tɩ bɛr bɛ kʋ̀ b. Ɛcɛ fʋ bɛ tɩ tɛr nɩbaal-zɔba kãw za a bɛ zie ɩ, a fʋ nɩ-kpɛ̃ɛnʋ dɩb tɩ dĩ nɩ a dɛb-nyãw mɛ̃ na-kʋɔra nyũu dàa a.

Zeremi 13:14

Ɩ̃ na mɩ́ nyɔw nɩ ŋa va n ŋa, va bɛ kar kar, a sãà mɩnɛ lãwnɩ a bibiir, a Sore n'ʋ yel. Ɩ̃ bɛ cɩ́ɛr nɩr bɛrɛ ɩ. Nɩbaal-zɔba kãw za kʋ̃ piw mɛ̃ sɔ́r ɩ̃ bɛ sãw bɛ bɛr ɛ.»

Zeremi 14:12

Bɛlɛ saa tɛr mʋta-tuo a, ɩ̃ kʋ̃ bɛr wõ a bɛ yãayãa zɛlʋ ɛ. Bɛlɛ saa maalɩ nyɩw-a-za-bagɛ, tɩr'ɩ de-kʋ̀b bome kʋ̀ m a, à á ŋá za kʋ̃ pɛlɩ a ɩ̃ pʋɔ ɩ. Ɛcɛ zɛbr, kɔ̃ nɩ jɛ̀lmɛ̃ bàalʋ n'a ɩ̃ na kʋ n bɛ pàw pɛr.»

Zeremi 15:5

A Sore yere na: «Ãa n'ʋ pãa na zɔ a fʋ nɩbaalʋ a, Zerizalɛm i? Ãa n'ʋ na kõ ƴãw fʋ? Ãa n'ʋ na fɛr ʋ tʋɔra wa sowri a fʋ ƴã-ɓaarʋ yele?

Zeremi 15:9

A pɔw ʋl na dɔw bibiir ayopõi a, bɛ cãà ɩ bom za ɩ. Ʋ vʋʋrɛ na guur. Ʋl zie a, a mʋ̃tɔ̃w kpɛ n a mʋ̃tɔ̃-tuo daarɩ́. Vĩ nyɔw ʋ na, ʋ bɛ cãà nyɛrɛ ƴãwfʋ ɛ. A bɛlɩ dem na cãà vʋʋrɛ a, ɩ̃ na ɩ na bɛ kpi zɛbr zie, a bɛ dɔ̃ dem niŋé.» À à ŋá n'a a Sore yel.

Zeremi 19:7

A zie ŋa tɛɛ za pʋɔ a, ɩ̃ na sãw nɩ a lɛ za a Zuda tẽw nɩ a Zerizalɛm tẽw nɩbɛ na cɔbrɩ a bɛr. Ɩ̃ na ɩ na a bɛ nɩbɛ kpi a zɛbr pʋɔ a bɛ dɔ̃ dem niŋé. A bɛlɩ dem na bɔbr a bɛ kũu a nɛbɛ ɩ̃ na ɩ n bɛ a lɛ. Ɩ̃ na kʋ̀ n a bɛ kũuni a sidume nɩ a gbõgbo-cili a dɩ a.

Zeremi 20:4

Bʋ̃ʋ n'ʋ vɛ̃, à ŋá n'a a Sore yere: “Dɩ̃a na ta a, ɩ̃ na ɩ na fʋ lɩɛbɩ pʋl-vʋ̃ɔ bom, a fʋ̃ʋ tɛɛ za ƴãw nɩ a fʋ bárɩ ƴãw. A bɛl a, a bɛ dɔ̃ dem zɛbr-sɔ-kpɛ̃ɛ na kʋ bɛ na, ɛ́ a fʋ̃ʋ a, fʋ na nyɛ̃ nɩ a bɛ kũu. Ɩ̃ na ƴãw nɩ a Zuda tẽw nɩbɛ a Babɩlɔn tẽw dem nãà nuru pʋɔ. Ʋ na tɛr bɛ na cen nɩ a Babɩlɔn tẽw bɩɩ ʋ na ƴãw na bɛ kʋ bɛ.

Zeremi 22:25

Ɩ̃ dier fʋ na ƴãwnɛ a bɛlɩ dem na bɔbr a fʋ kʋb a nuru pʋɔ, a nɩbɛ bɛl dɛ̃bɩ̃ɛ fʋ na zɔrɛ yaga za a, a Babɩlɔn tẽw nãà Nabikodonozɔɔr nɩ a ʋ zɛbr-nɩbɛ nuru pʋɔ.

Zeremi 27:6

Ɛ́ ƴɛrɛŋa a, mãa n'ʋ dier a nyɩ ten za ƴãwnɛ a ɩ̃ tõ-tõ-bie, a Babɩlɔn tẽw nãà, Nabikodonozɔɔr, nuru pʋɔ. Ɩ̃ dier'ɩ a wɛ-dʋn tɛɛ za kʋ̀rɛ ʋ k'aa tʋ̃ɔ́ tone a ʋ tome.

Zeremi 32:4

A Zuda tẽw nãà Sedesɩasɩ tɛɛ za bɛ cɩ̃ɛnɛ a Babɩlɔn tẽw dem zie ɩ, bʋ̃ʋ n'ʋ vɛ̃, ɩ̃ na de ʋ na ƴãw a Babɩlɔn tẽw nãà nuru pʋɔ. A na fɛr'a a ʋl mɩŋa cen a Nabikodonozɔɔr niŋé, bɛ tɩ tori taa, ʋʋ sɔw a ʋ ƴɛ̀rʋ.

Zeremi 34:3

Ɛ́ a fʋ̃ʋ a, fʋ bɛ cɩ̃ɛnɛ a ʋ zie ɩ. Bɛ na nyɔw fʋ na tɩ kʋ̀ ʋ. Fʋ̃ʋ nɩ a Babɩlɔn tẽw nãà na tori nɩ taa, ʋ ƴɛ̀r a fʋ zie fʋ sɔw. Al pùorí, fʋ na cen nɩ a Babɩlɔn.

Zeremi 36:29

Ɛ́ a Zuda tẽw nãà Yoyakim ƴãw a, fʋ na yel'ɩ à ŋá: À ŋá n'a a Sore yere: “A Zeremi tɩ sɛb'ɩ à ŋá: A Babɩlɔn tẽw nãà na sɩrɩ na wa, wa sãw a tẽw ŋa bɛr.” Ʋ na kʋ n a nɩbɛ nɩ a dʋn. Fʋ yere nɩ a Zeremi ɛ́ nyɩw a sɛbɛ bɛr.”

Zeremi 37:17

Al pùorí, a nãà Sedesɩasɩ tɩ tõ na bɛ tɩ tɛr a Zeremi wa n. A ʋ yir pʋɔ a, a nãà tɩ sɔwl'a sowri ʋ à ŋá: «Fʋ tɛr'ɩ Sore ƴɛ̀rʋ na ƴɛ̀r kʋ̀ m bɩɩ?» A Zeremi sɔw: «Ʋ̃ʋ!», ɛ́ tɩ yel ƴãw pʋɔ: «Fʋ na lo n a Babɩlɔn tẽw nãà nuru pʋɔ.»

Zeremi 50:17

A Ɩsɩrayɛl tɩ ɩ na mɛ̃ pɛrʋ na bɔr kɛ̀ gben diwr a. A dãw-niwn sob na tĩ 'wɔb ʋ a n'ɩ a Asiiri tẽw nãà. Al pùorí, a Babɩlɔn tẽw nãà, Nabikodonozɔɔr, wa kar ʋ a kɔbɛ.

A Lãw-mʋɔlɛ 2:20

Sore e, jɩ́r nyɛ̃: ãa n'ʋ fʋ dɔwrɩ à à ŋá? Pɔwbɛ na tʋ̃ɔ́ na tɛr tɩ 'wɔb a bɛ bibiir, a bɛ bibi-pʋrmɛ bɛ na nɔnɛ nɔnɛ a bɩɩ? Nɩr na tʋ̃ɔ́ na kʋ bàwr-maalbɛ nɩ naaŋmɩn-ƴɛ̀r-manbɛ a fʋ zi-sõw pʋɔ bɩɩ?

A Lãw-mʋɔlɛ 2:22

Fʋ bʋɔl'ɩ a ɩ̃ kpɛ-pɩɛl dem na ɩrɛ mɛ̃ dɛ̃bɩ̃ɛ a, mɛ̃ cuw bibir ƴãw a. Sore e, a fʋ suur bibir a, nɩr bɛ tɩ cɩ̃ɛ ɩ, nɩr bɛ tɩ cãà vʋʋrɛ ɩ. A bɛlɩ dem ɩ̃ na tɩ guoli ɛ́ nɔ̃w yaga za a, a ɩ̃ dɔ̃ sob kʋ n bɛ za pàw pɛr.

Ezekɩɛl 23:28

A mãa Sore Naaŋmɩn yere na: Ɩ̃ na zawrɩ fʋ na bɛr ƴãw a bɛl fʋ na hɩ̃ɛn a, nuru pʋɔ, a bɛl fʋ na jewre a nuru pʋɔ.

Ezekɩɛl 7:9

Ɩ̃ kʋ̃ tɛr mimi-baalʋ ɛ́ kʋ̃ bɛr nyɩ nyɩ cɩ̃ɛ ɩ. Ɩ̃ na ɩ na nyɩ ya a nyɩ ɩb san. A nyɩ ɩb na bɛ maal'ɩ wob a na sãá nɩ nyɩraa lɛ. Lɛ n'a nyɩ na sàw k'ɩ̃ɩ ɩ n a Sore na dɔwrɛ nyɩ a.

Ezekɩɛl 8:18

A mãa mɩ̀ a, ɩ̃ mɩ̀ na ɩrɛ na nɩ su-tʋlʋ kpãkpã. Ɩ̃ kʋ̃ tɛr'ɩ bɛ mimi-baalʋ ɛ, ɩ̃ kʋ̃ zɔ nɩbaalʋ ɛ. Bɛlɛ saa cɩɩrɛ bʋɔlɛ mɛ̃ a, ɩ̃ kʋ̃ bɛr wõ bɛ ɩ.»

Ezekɩɛl 9:10

A na ɩ à ŋá a, mãa a, ɩ̃ kʋ̃ tɛr mimi-baalʋ a bɛ ƴãw ɛ, ɩ̃ kʋ̃ zɔ nɩbaalʋ ɛ. Ɩ̃ na ɩ n a faa bɛ na maalɩ a, a lɛb lo a bɛ zu.»

Wulu-ayi-sob 28:50

Bɛ na ɩ n nɩbɛ na ko niŋé a, bɛ kʋ̃ tɛr ƴãwfʋ dɛb-nyãw zie ɩ, bɛ kʋ̃ zɔ pɔlbile nɩbaalʋ ɛ.