Zeremi 21:2 - A SƐB-SÕW

² «Yãayãa, sowri a Sore kʋ̀ tɩ, bʋ̃ʋ n'ʋ vɛ̃, a Babɩlɔn tẽw nãà, a Nabikodonozɔɔr, zɛbr'ɩ tɩ na. Kapaw a Sore na lɛb'a maalɩ a ʋ nɔ-ɓãa-yel kãw a tɩ vla ƴãw, ɩ k'ʋ cen zãá nɩ tɩ.»

Zeremi 21:2 ပူးပေါင်းရင်းမြစ်များ

Yele-za-pɛr-tib 10:10

A ʋ naalʋ-tẽw tẽ-bɛrɛ n'ɩ á ŋá: Babɛl, Ɛrɛkɩ, Akadɩ nɩ Kaline na be a Mezopotami tẽw a.

2 Na-mɩnɛ 1:3

Ɛcɛ a Sore malkɩ kãw tɩ wa na, wa páw Eli na yi Tisibe a, yel ʋ: «Ìr, tuori a nɩbɛ a Samaari nãà na to a, yel bɛ à ŋá: “Naaŋmɩn bɛ be a Ɩsɩrayɛl tẽw, nyɩ cere kɛ́ nyɩ tɩ sowri Ekiron tẽw ŋmɩn Baal-Zebub bɩɩ?”

2 Na-mɩnɛ 17:24

A Asiiri tẽw nãà tɩ ƴãw na nɩbɛ yi Babɩlɔn, Kutɩ, Awa, Hamatɩ nɩ Sefarwayim, ɛ́ wa zɩ̃ a Samaari tẽw tẽ-bɛrɛ pʋɔ, lɩɛrɩ a Ɩsɩrayɛl nɩbɛ bɛ na tɩ diw cen nɩ zi-yoru a. A nɩbɛ bɛ ŋa tɩ de nɩ a zie só ʋ, ɛ́ kpɩɛr a tẽ-bɛrɛ pʋɔ.

2 Bibie za yel-manɩ 32:21

A Sore tɩ tõ n malkɩ kãw a Asiiri tẽw nɩbɛ laɩ pʋɔ ʋ tɩ kʋ a soja-gãdaar za nɩ a sojarɩ nɩ-bɛrɛ za. Vĩ tɩ nyɔw nɩ a Asiiri tẽw nãà ʋ lɛb kul'ɩ a ʋ tẽw. Bibir kãw ʋ na tɩ kpɛ a ʋ ŋmɩn yir a, a ʋ bidɛbr tɛɛ za tɩ cɔ̀r ʋ na kʋ.

Eziptɩ tẽw yib 9:28

Nyɩ zɛlɩ a Sore, a saa-tanʋ nɩ a sa-bi-kube ŋmãa. Ɩ̃ na bɛr nyɩ na nyɩ cen, ɩ̃ kʋ̃ cãà tɛr nyɩ ɛ.»

Ɩzayi 48:2

Nyɩɩm bɛ na bʋɔlɛ “Tẽ-kpɛ̃ɛ-sõw nɩbɛ” a, nyɩɩm na de a Ɩsɩrayɛl Naaŋmɩn ʋ ɩ a nyɩ tɩ̀ɛrɛ a, ʋl a yúor na dɩ kɛ́ “A Sore, a kpɛnʋ-za-sob” a, nyɩ bɛrɛ wone:

Zeremi 15:11

Ɛcɛ a Sore tɩ yel'a: «Ɩ̃ pɔ na, ɩ̃ na faa fʋ nɩ a fʋ nʋ̃ɔ̀ ƴãw. Ɩ̃ pɔ na, ɩ̃ na ɩ na a dɔ̃ sob lɔb nuru zɛlɩ nɩ fʋ a kpɩɛrʋ nɩ a pʋl-vʋ̃ɔ daar.

Zeremi 21:3

Lɛ n'a a Zeremi tɩ yel bɛ: «Nyɩ nyɛ̃ a lɛ nyɩ na na tɩ yel kʋ̀ a Sedesɩasɩ a:

Zeremi 32:17

«'Woi, Sore Naaŋmɩn i, fʋ̃ʋ n'ʋ ír a salom nɩ a tẽw nɩ a fʋ fãw-kpɛ̃ɛ, nɩ a fʋ kpɛnʋ. Bom za bɛ kpɛmɛ zuo a fʋ zie ɩ.

Zeremi 32:24

A Babɩlɔn tẽw dem'ɩ bɛ ŋa tone a tẽ-kpɛ̃ɛ zɛb-deb tome, tawr pɩɛlɛ nɩ ʋ. Bɛ na zɛb'a de ʋ. Ɩ̃ na tʋ̃ɔ́ na yel k'ʋʋ lo n a bɛ nuru pʋɔ baarɩ. Bɛ bɔbr'a kɛ́ bɛ tʋ̃ɔ́ ʋ nɩ a zɛbr bome, a kɔ̃ nɩ a jɛ̀lmɛ̃ bàalʋ. Fʋ mɩŋa za nyɛ̃ a na, a lɛ fʋ na yel a ta na.

Zeremi 34:1

A Babɩlɔn tẽw nãà, Nabikodonozɔɔr, tɩ zɛbr'ɩ nɩ a Zerizalɛm nɩ a Zuda tẽw tẽ-bɛrɛ. A ʋ zɛbr-nɩbɛ za, nɩ a tẽw zu naalʋ-ten za sojarɩ, nɩ a nɩ-bʋʋrɛ bɛl za ʋ na so a sojarɩ, tɩ lãw nɩ ʋ na. Lɛ n'a a Sore tɩ ƴɛ̀r a Zeremi zie à ŋá:

Zeremi 37:17

Al pùorí, a nãà Sedesɩasɩ tɩ tõ na bɛ tɩ tɛr a Zeremi wa n. A ʋ yir pʋɔ a, a nãà tɩ sɔwl'a sowri ʋ à ŋá: «Fʋ tɛr'ɩ Sore ƴɛ̀rʋ na ƴɛ̀r kʋ̀ m bɩɩ?» A Zeremi sɔw: «Ʋ̃ʋ!», ɛ́ tɩ yel ƴãw pʋɔ: «Fʋ na lo n a Babɩlɔn tẽw nãà nuru pʋɔ.»

Zeremi 37:3

A na saa tɩ ɩ a lɛ a, a nãà Sedesɩasɩ tɩ tõ n Selemɩa bidɛb, Yehukal, nɩ Maaseya bidɛb, Sefanɩahu, na ɩ a bàwr-maalɛ a, a Zeremi zie, kɛ́ bɛ tɩ yel ʋ: «Tɩ zɛlɛ fʋ na, puori a Sore tɩ Naaŋmɩn kʋ̀ tɩ!»

Zeremi 37:7

«À ŋá n'a a Sore, a Ɩsɩrayɛl Naaŋmɩn, yere: “Nyɩ cen tɩ yel kʋ̀ a Zuda tẽw nãà na tõ nyɩ kɛ́ nyɩ wa sowri mɛ̃ a: A Eziptɩ tẽw zɛbr-nɩbɛ na tɩ yi a nyɩ sõwfʋ ƴãw a, bɛ lɩɛb'ɩ pùor kul a bɛ tẽw, a Eziptɩ.

Ezekɩɛl 7:26

A kpɩɛrʋ na wa na suwli suwli taa, ɛ́ a yel-faar gbone taa. A nɩbɛ na zɛlɛ nɩ a naaŋmɩn-ƴɛ̀r-manɛ k'ʋʋ páw yel-nyɛra, a bàwr-maalɛ kʋ̃ cãà zanɛ nɩ a nɩbɛ bom za ɩ, ɛ́ a nɩ-kore kʋ̃ cãà wule a nɩbɛ yã ɩ.

Ƴɛ̀r-dɩrbɛ 20:27

A lɛn daar, a Naaŋmɩn wõ-taa daga tɩ be n a Betɛl. Eleazaar bidɛb, Pɩnasɩ, na ɩ Aarɔ̃ yãw a, ʋlɛ n'ʋ tɩ kaarɛ a ʋ zie. A Ɩsɩrayɛl nɩbɛ tɩ sowri a Sore kɛ́ bɛ bãw, bɛ na tʋ̃ɔ́ na cen tɩ zɛb'ɩ a bɛ yɛbr, a Bɛ̃zamɛ dɔwlʋ nɩbɛ, bɩɩ bɛ ta cen. A Sore tɩ sɔw bɛ na: «Nyɩ cen, bio, ɩ̃ na ƴãw bɛ nɩ a nyɩ nũú.»

1 Samɩɛl 10:22

Bɛ tɩ lɛb'a sowri a Sore: «Ʋ nɩ̃ɛ na wa a ka a?» A Sore sɔw: «Ʋlɛ n'ɩ ŋan sɔwlɩ a tuor pɛr.»

1 Samɩɛl 28:15

A Samɩɛl tɩ sowr'ɩ a Sawul: «Bʋ̃ʋ n'ʋ so fʋ sãw a ɩ̃ pɩ̃ɛnʋ bɛr? Bʋnʋ ƴãw n'a fʋ ƴãw bɛ bʋɔlɩ mɛ̃?» A Sawul sɔw: «Kpɩɛrʋ nyɔw mɛ̃ nɩ yaga za. A Filisɩtɛ̃ mɩnɛ zɛbr'ɩ mɛ̃ na, ɛ́ a Naaŋmɩn zawrɩ mɛ̃ bɛr. A naaŋmɩn-ƴɛ̀r-manbɛ zie n'a ɩ̃ sowre ʋ bɩɩ, ʋ bɛ sɔwr ɛ, zánʋ pʋɔ n'a bɩɩ, ʋ bɛ sɔwr ɛ. Alɛ n'a so ɩ̃ bʋɔlɩ fʋ kɛ́ fʋ wul mɛ̃ bom nɛ a na fɛr k'ɩ̃ɩ ɩ a.»

1 Samɩɛl 28:6

Lɛ n'a ʋ tɩ sowri a Sore, ɛcɛ a Sore bɛ tɩ sɔw ʋ ɛ: a ɩ n a zánʋ pʋɔ bɩɩ, ʋ bɛ tɩ sɔw ʋ ɛ, a bàwr-maalbɛ kpan-bie n'a ʋ tɩ gba bɩɩ, a Sore cãà bɛ tɩ sɔw ʋ ɛ, a naaŋmɩn-ƴɛ̀r-manbɛ zie n'a bɩɩ, a Sore bɛ tɩ sɔw ʋ bom za ɩ.