Zeremi 21:12 - A SƐB-SÕW

¹² Daviir yir nɩbɛ ɛ. À ŋá n'a a Sore yere: Biɓaarɛ za a, nyɩ mɩ́ dɩ a ƴɛ̀rʋ a tu mɩnʋ. Nyɩ mɩ́ faa a sob nɛ bɛ na farɛ a, a sob nɛ na nɛbr ʋ a nuru pʋɔ. Alɛ bɛ ɩ lɛ, a ɩ̃ suur na 'le na mɛ̃ vũu a, ʋ na dɩrɛ na ɛ́ nɩr za kʋ̃ be be kpiir ʋ ɛ, a nyɩ faa nyɩ na maalɩ a zũú.

Zeremi 21:12 ပူးပေါင်းရင်းမြစ်များ

2 Samɩɛl 8:15

A Daviir tɩ dɩ n a naalʋ a Ɩsɩrayɛl nɩbɛ za zu. Ʋ tɩ kaarɛ nɩ ʋ a nɩ-bʋʋrɛ za zie mɛ̃ a lɛ a na tu sɔ́r nɩ mɩnʋ a.

A Zɔb sɛbɛ 29:17

Ɩ̃ mɩ́ tɩ ŋmɛ n a nɩ-faar kõkamɛ kar, ɛ́ faa a bom bɛ na cab'ɩ a nyɩmɛ a.

Sɛb-sõw yielu 101:8

Biɓaarɛ za a, ɩ̃ na mɩ́ pàw nɩ a tẽw pʋɔ nɩ-faar za nɛ́ɛ, k'ɩ̃ɩ tʋ̃ɔ́ diw a yel-fa-maalbɛ za bɛr, a Sore tẽ-kpɛ̃ɛ pʋɔ.

Eziptɩ tẽw yib 18:13

A bio daarɩ́, a Moyiir tɩ zɩ̃ na k'ʋʋ dɩ n a nɩbɛ a ƴɛ̀rʋ. A nɩbɛ tɩ gù n a biɓaara tɩ ta a zaanʋɔra, kɛ́ bɛ ta a ʋ niŋé a ƴɛ̀rʋ-dɩb ƴãw.

Ɩzayi 1:17

Nyɩ zanɛ a vla maalʋ, nyɩ bɔbr a mɩnʋ. Nyɩ mɩ́ ɩ a sob nɛ na fɛrɛ dier a bome a, ʋ lɛb tuur a sɔr-vla. Nyɩ mɩ́ maalɩ a bi-kpieb a lɛ-na-tu-sɔr-a, nyɩ mɩ́ tu a pɔw-kʋɔr yel pùor.”

Ɩzayi 1:31

A nɩr na tɛr fãw a na lɩɛb'a ɩ mɛ̃ mʋ̃ɔ a, ɛ́ a ʋ ɩ-ɩrɩ ɩ vũu-zele. Bɛ za ayi na lãw na dɩrɛ, ɛ́ nɩr kʋ̃ tʋ̃ɔ́ kpiiri a vũu ŋa ɩ.

Ɩzayi 7:13

Lɛ n'a a Ɩzayi tɩ yel: «Nyɩ bɛrɛ wone, Daviir yir dem i! Pʋrɩ n'a a ɩ nyɩ na bàlɛ a nɩsaalbɛ a a, nyɩ mɩ̀ bàlɛ a ɩ̃ Naaŋmɩn ɩ?

Ɩzayi 7:2

Bɛ tɩ yel'ɩ a Daviir bʋʋrɛ nɩr Akaazɩ nɩ a ʋ tõ-tõ-bi-bɛrɛ à ŋá: «A Siiri tẽw dem maal'ɩ a bɛ zɛbr laɩ a Efarayim tẽw pʋɔ.» A yel ŋa tɩ dam'ɩ a nãà nɩ a ʋ nɩbɛ mɛ̃ sɛsɛb na mɩ́ fu dam tuw tɩɩr a.

Zeremi 17:4

A na fɛr'a kɛ́ nyɩ bɛr a tẽw nyɩ na so a, a ʋl ɩ̃ na tɩ kʋ̀ nyɩ a. Ɩ̃ na ɩ na nyɩ ɩ a nyɩ dɔ̃ dem gbãgbaar tẽ-yũo nyɩ na bɛ bãw a pʋɔ. Bʋ̃ʋ n'ʋ vɛ̃, nyɩ ɩ na a ɩ̃ suur vũu 'le, ɛ́ na dɩrɛ kʋralɛ.»

Zeremi 21:5

A mãa mɩŋa n'ʋ na zɛb'ɩ nyɩ nɩ a ɩ̃ su-tʋlʋ kpãkpã nɩ a ɩ̃ su-faa faa. Ɩ̃ na wul nyɩ nɩ a ɩ̃ fãw nɩ a ɩ̃ kpɛnʋ.

Zeremi 23:19

A Sore saa-sɛsɛb tarɛ na, a ʋ suur ìre na. Sɛsɛb-pɩl kãw lɩɛbɛ na, ʋ lore nɩ a nɩ-faar zurú.

Zeremi 23:2

À ŋá n'a a Sore, a Ɩsɩrayɛl Naaŋmɩn, yere a dʋ̃-cɩ̃ɩnbɛ bɛ ŋa ƴãw: «Nyɩ bɛr'ɩ a ɩ̃ dʋn a bɔrɛ ɛ́ yaarɛ a ziir za. Nyɩ bɛ kaa a zie ɩ. A lɛ pʋɔ a, a mãa, ɩ̃ na kaa nɩ a nyɩ zie, a faa nyɩ na maalɩ a zũú, a Sore n'ʋ yel!

Zeremi 23:5

A Sore yere na: «A bibir vɩɛrɛ na, ɩ̃ na ɩ Daviir bi-mɩŋa dɔw. Ʋ na ɩ n nãà na bãw a naalʋ-dɩb a, ʋ na ɩrɛ nɩ a lɛ-na-tu-sɔr-a, ɛ́ tuur a mɩnʋ a tẽw pʋɔ.

Zeremi 36:7

Lɛ n'a, a mɩnɛ kãw, bɛ na lɔbr nuru zɛlɛ nɩ a Sore, ɛ́ ŋa za na mɩ́ bɛr'ɩ a ʋ ɩb na bɛ vɩɛl a. Bʋ̃ʋ n'ʋ vɛ̃, a Sore yel'a k'ʋʋ nyɛ̃ nɩ nɩ a nɩbɛ bɛ ŋa suur yaga yaga za.»

Zeremi 4:4

Bɛ ŋma nyɩ nɩ a yɛɛ, a lɛ pʋɔ a, nyɩ ɩ nɩbɛ na ŋma yɛɛ a mãa Sore ƴãw a. Zuda tẽw dem i, Zerizalɛm nɩbɛ ɛ, nyɩ de a nyɩ nyɔ-vʋʋrʋ kʋ̀ m. Alɛ bɛ ɩ lɛ, a ɩ̃ suur na ìr'ɩ kel mɛ̃ vũu a, ʋ na dɩrɛ na ɛ́ nɩr bɛ be na tʋ̃ɔ́ ʋ kpiiri ɛ, a faa nyɩ na maalɩ a zũú.

Zeremi 44:22

A Sore bɛ tɩ tʋ̃ɔ́ nyɔw ʋ tʋɔra a nyɩ ɩ-faa nɩ a yele nyɩ na maalɩ a bɛ maal'ɩ wob a ƴãw ɛ. Alɛ n'a so a nyɩ tẽw lɩɛbɩ debuo, zie na kpɛ faa bɛ cãà tɛr nɩr a, ɛ́ bɛ mɩ́ ŋmɛ ƴãw man nɩ ʋ a. A nɩbɛ za na tʋ̃ɔ́ na cãà nyɛ̃ a, a dɩ̃a.

Zeremi 5:14

A na ɩ à ŋá a, à ŋá n'a a Sore, a Naaŋmɩn kpɛnʋ-za-sob, yere: «Bɛ na faa ƴɛ̀rɛ à ŋá a, Zeremi i, a ƴɛ̀rʋ ɩ̃ na ƴãwnɛ a fʋ nʋɔrɩ́ a na ɩ na mɛ̃ vũu a. A nɩbɛ bɛ ŋa na ɩ na mɛ̃ dàar a vũu na na dɩ a.»

Zeremi 5:28

bɛ kpɛ bɛrɛ 'wɔra 'wɔra. Bɛ de nɩ a faa maalʋ jala. Bɛ bɛ dɩrɛ a ƴɛ̀rʋ nɩ mɩnʋ ɛ, bɛ bɛ dɩrɛ a ƴɛ̀rʋ nɩ mɩnʋ kʋ̀rɛ a bi-kpebe ɩ, alɛ bɛ ɩ lɛ, a nãá mɩ́ tɛr bɛ nɩ ɩb. Bɛ bɛ mɩ́ tu a nan dem yele pùor ɛ.

Zeremi 7:20

Al zũú, nyɛ̃ a lɛ a Sore Naaŋmɩn na yere a: «A ɩ̃ su-tʋlʋ kpãkpã na ìr'ɩ a tẽ-kpɛ̃ɛ ŋa ƴãw, a nɩsaalbɛ, a dʋn, a póru pʋɔ tɩɩr nɩ a bome a tẽsɔw na mɩ́ tɩr a ƴãw. Ʋ na ɩ na mɛ̃ vũu na dɩrɛ bɛ tɛr kpiiru daar a.»

Zeremi 7:5

Nyɩ nɩ̃ɛ ɩ a nyɩ cenu nɩ a nyɩ ɩ-ɩrɩ a vɩɛl dɔwlɩ. A nyɩ cara pʋɔ a, nyɩ mɩ́ ɩrɛ a lɛ-na-tu-sɔr-a.

A Lãw-mʋɔlɛ 4:11

A Sore ɩ na a ʋ suur ìr tɩ tɔ, a ʋ su-tʋlʋ yɛ́r'a pàw a ziir za. Ʋ ƴãw nɩ vũu a Sɩyɔ̃, ʋ dɩ a tẽ-kpɛ̃ɛ tɩ tɔ a ʋ dacĩ-pɛr.

Ezekɩɛl 22:31

Lɛ n'a ɩ̃ tɩ ɩ a ɩ̃ su-tʋlʋ kpãkpã ìr a bɛ ƴãw. Ɩ̃ ɩ na bɛ bɔr a suur ŋa vũu pʋɔ, ɩ̃ ɩ na bɛ ya a bɛ ɩ-faar san. A mãa Sore Naaŋmɩn n'ʋ yel.»

Levitɩ mɩnɛ 26:28

a mãa mɩ̀ a, ɩ̃ na nyɛ̃ nɩ suur yaga zawrɩ a nyɩ tub, mãa mɩŋa na dɔwrɩ nyɩ nɩ gb'a ayopõi dɔwlɩ, a nyɩ yel-bebe zũú.

Nahum 1:6

Ãa n'ʋ na cãà àr a ʋ su-yãyaar daar? Ãa n'ʋ na cɩ̃ɛ a ʋ su-tʋlʋ-kpãkpã daar? A ʋ suur ɩ na mɛ̃ vũu na nyɔw dɩrɛ a, a pìe tɛɛ za pure na yaarɛ a ʋ niŋé.

Sofoni 1:18

A bɛ salm-pla nɩ a bɛ salm-zɩɛ kʋ̃ tʋ̃ɔ́ faa bɛ a Sore suur bibir ɛ. A ʋ suur vũu na dɩ n a tẽw za. A na sɩrɩ na ɩrɛ dɛ̃bɩ̃ɛ yaga: ʋ na kʋ n a tẽw zu nɩbɛ za pàw pɛr.

Sofoni 3:5

Ɛcɛ a Sore be n a tẽw pʋɔ, k'ʋʋ ɩ a mɩnʋ be be, ɛ́ a faa ta ka be ɩ. Biɓaarɛ za, ʋ mɩ́ yel'ɩ a lɛ-na-tu-sɔr-a, ʋ bɛ vɛnɛ ɩ. Ɛcɛ a nɩ-faar mɩ́ cãà na ɩrɛ a bɛ nɩ-fa-ɩb bɛ zɔrɛ nɩ vĩ ɛ!

Luka 1:69

ɛ́ ɩ faafʋ fãw yi a tɩ ƴãw a ʋ tõ-tõ-bie Daviir yir pʋɔ.

Ʋrɔm 13:4

bʋ̃ʋ n'ʋ vɛ̃, Naaŋmɩn tõ-tone n'ʋ, k'ʋʋ tʋ̃ɔ́ mɩ́ ƴãw fʋ ɩrɛ vla. Ɛcɛ fʋ̃ʋ wa ɩrɛ faa a, fʋ̃ʋ zɔrɛ ʋ, bʋ̃ʋ n'ʋ vɛ̃, zawlalɛ ƴãw bɛ n'a ʋ tɛr a dɔwrʋ fãw ɛ. Ʋlɛ wa dɔwrɛ nɩr a, a Naaŋmɩn tome n'a ʋ tone, k'ʋʋ wul a Naaŋmɩn suur na ìr a yel-fa-maalɛ ƴãw a.

Wulu-ayi-sob 32:22

Sɩza n'a, a ɩ̃ suur ìr'ɩ kel mɛ̃ vũu a, ʋ dɩ na tɩ sãá a kpɩmɛ tẽw. Ʋ dɩrɛ nɩ a tẽsɔw bʋ̃-bule za, ʋ dɩrɛ nɩ a tan sɩɩr.